الأحد، 21 فبراير 2010

خايف







و خوفي و يا عمري زاد

و مش م الموت

لان فيه مابينا ميعاد

و همس الصوت

بيضعفني

بخاف م الوحدة و الحرمان

بخاف أعيش بلا سيره

و أغيب عن أقرب الخلان

لاحاسس للغياب حيرة

و اكون بينهم بلا عنوان

خايف

و خوفي اني اكون مقهور

و نايمي فوق سرير اسري

و دمعي في العيون محسور

ندمي في محال صبــــري

ضعيف مغلوب علي امري

و مر الشكوي طيف بيدور

خايف

اضحي بعمري لاولادي

و الاقي منهم النكران

و ينسوا شوقي و ودادي

و اصبح شئ بلا الوان

قاسيت ف خضوعي و عنادي

انا الغربه انا الحرمان

خايف

خايف من جحيم ذنبي

و انا ذنبي في غفلة روح

و رايح اسالك ربي

تزيح عن قلبي اي جروح

و تهدي كل احوالي

و انا حالي اليك بينوح

اقول استرني ف الدنيا

يارب ارزقني توبه نصوح

هناك 43 تعليقًا:

sony2000 يقول...

بجد بوست جامد جدا
وفعلا الحجات اللي كتبت عنها اكتر الحجات اللي بنخاف منها
تقبل مروري وتحياتي

عايش... ولكن !!!! يقول...

بوست جامد جدا
وانا بقول زيك
يارب ارزقنى توبه نصوح

أمل حمدي يقول...

ش عارفة أعلق بس حسيت كلماتك جدا

ساعات لما نحس قوي نفقد التعبير

تقديري لك أخي الفاضل

Remas يقول...

بجد يادكتور البوست دا مش طبيعى

رائع بشكل مش ممكن
كل خوف منهم يخوف بجد ويخلى الواحد يفكر فيه كتيييير اوى

الجميل اوى ان حضرتك خليت في الاخر الدعاء بالستر ونيل رضا ربنا لان هو دا اللى ممكن يشيل بجد اى خوف من قلوبنا

الصورة وجعت قلبي يا دكتور

Tamer Nabil Moussa يقول...

الخوف شعور انسانى بس دون زيادة والا اصبح مرضى

كلماتك جميلة ومعبرة هن حالات الانسان فى لحظات الخوف

مع خالص تحياتى

ستيتة يقول...

تصدق
انا كتبت تعليق طويل
وفي عقلي كلمات كثيرة جدا
لكن البوست يثير الشجون
وله وقع إحساس الإنسان
ويبقى عيب اي كلام يتقال جنبه
جه يقرأ بس
مش اسمه خايف
ولكن اسمه
إنسان بيحس
في زمن المسخ

تحياتي على شوية الشجن دول

هبة النيـــــل يقول...

الله

الله الله

ولا كلمة

بجد مش ممكن

احساسه عاالي جدااااااا

تسلم ايد حضرتك يا دكتور :)

صبرني يارب يقول...

جميله اوي يا استاذنا

احيانا بيكون الخوف ظاهره صحيه لما يكون فى حدود المعقول بيبقى من مقومات النجاح والاستمرار

ولكن لما بيكون فى غير محله بيبقى هدام طبعا

ربنا يسترنا جميعا يارب ويتوب علينا

سلوى يقول...

كن مع الله ولا تبالي

محمد سعد القويري يقول...

الأخ الفاضل :: أحوال الهوى ::
تحية طيبة مباركة ..
في ضيافة الرحمن ..
سيغدو القلب مطمئنا ..
وستزول وتتقشع سحب الخوف ..

نص هايل :)

أحلى الأماني

أحــوال الهـوي يقول...

sony2000

شرفت بمرورك ابنتي العزيزة

و شكرا علي تعليقك

تحياتي

أحــوال الهـوي يقول...

عايش... ولكن !!!!

ربنا يكرمك يا شاعرنا العظيم

اللهم تقبل منا توبتنا
و ارزقنا حسن الخاتمة

تحياتي

أحــوال الهـوي يقول...

أمل حمدي

اسعدني مرورك و عودة نشاطك
ولو كره المغرضون

و انا ايضا اعجز عن التعليق

تحياتي

أحــوال الهـوي يقول...

reem
الخوف قد يكون صحي و ايضا قد يكون مرضي

و لكنه من طبيعة البشر
و لكننا دائما نتذكر الله و نلجأ له في الشدائد فهو نعم المولي الرحمن الرحيم

الا بذكر الله تطوئن القلوب

اشكرك ياريم

تحياتي

أحــوال الهـوي يقول...

Tamer Nabil

فعلا يا صديقي

لا يجب ان يكون خوفا مرضيا
و لكنني اذكر ايضا بالرجوع الي الله

تحياتي

أحــوال الهـوي يقول...

ستيته حسب الله الحمش

انا باعتذر يا دكتورة
عارف انك بتحبي الرومانسيه و مش قصدي اسبب لاحدالشجن او الخوف

بس هي تقلبات من احوال الهوي ساعة تروح و ساعه تيجي

تحياتي

أحــوال الهـوي يقول...

هبة النيـــــل

الله عليكي انتي يا دكتورة

كلمات قليله تبعث الراحه و الطمئنينه

سعيد ان الاحساس قد وصل الي كل المتابعين

تحياتي

أحــوال الهـوي يقول...

صبرني يارب

من عوامل السعاده ان نفكر في اللحظه التي نعيشها فقط و نستثمر منها ما يبهجنا
ولكن التفكر في المستقبل او المجهول قد يتعبنا و لكنه نوع من الوقوف مع النفس للرجوع الي الله

اللهم احسن دنيانا و اخرتنا

تحياتي

أحــوال الهـوي يقول...

سلوى

و هل لنا غير الله

فنحن نطمع في مغفرته و رحمته

و نبتهل اليه ليسترنا فوق الارض و تحت الارض

تحياتي

أحــوال الهـوي يقول...

محمد سعد القويري

نحن من الله و اليه
نجد الراحة وقت اللجوء اليه نبتهل و نلوذ به وقت الشدائد فلا يخيب رجانا ابدا

فهو نعم المولي و النصير

شكرا ياصديقي الحبيب

تحياتي

still-searching يقول...

خايف من جحيم ذنبي
و انا ذنبي في غفلة روح
و رايح اسالك ربي
تزيح عن قلبي اي جروح
و تهدي كل احوالي
و انا حالي اليك بينوح
اقول استرني ف الدنيا
يارب ارزقني توبه نصوح

جميلة أوي أوي
بتعبر عن حالنا كلنا فعلا
:)
تحياتي

عـــفـــراء يقول...

السلام عليكم ورحمة الله وبركاتة
الدكتور الفاضل
بداية كل الشكر والامتنان لحضورك الدائم...
كل العذر دكتورنا الفاضل لعدم الحضور وابداء الرأى بما تكتب مع العلم ان حضرتك فى غنى عن اى رد لوصف كلماتك
ودة طبعا عمرة مايمنع ان بتابع كل بوستاتك ومش شرط ان اعلق
احيانا بنكون مقيدين بقلوبنا وبنسعى دايما لارضاءها واحترامها وخصوصا لو كان قلبك دة يملكك بكل احاسيسة اللى من خلالها عندك استعداد انك تعمل اى شئ علشانة وهو ده بالظبط اللى بيمنعنى من الرداو كتابة تعليق استثناء اليوم
اما تعليقى الاستثنائى اليوم
فالصورة اقوى بكثير من اى معنى كتبت
فهى صعبة التعبير لمن يرى ويقرأ...
خالص تقديرى الدائم.........

عـــفـــراء يقول...
أزال المؤلف هذا التعليق.
Unknown يقول...

ابدا ما تخاف ابداً
الا بذكر الله تطمئن
القلوب.أذكر الله
واجعله أنيسك
وونيسك وما تخاف.

صفــــاء يقول...

البوست متشائم
ليه متوقع الغدر ؟ والهجر ؟ والفراق ؟
ليه ماتتوقعش تلاقى نتيجه جهدك وزرعك
يطرح لك وفاء ومحبه

الأسلوب قاسى قوى ويعتبر جلد للذات ورؤيه لمخاوف وهميه

تفائل ... واطمع فى كرم الله

Unknown يقول...

غفر الله ذنبكم و ادخلك فسيح جناته

أحــوال الهـوي يقول...

لسه بدوّر

ياتري لسه بتدوري عن ايه

قولي يمكن نقدر نساعدك

بس بصراحه اسم جميل جدا بيعكس براءة و طيبة كاتبه

تحياتي

أحــوال الهـوي يقول...

عـــفـــراء

التعليق قد يثير بعض القضايا و ينشط العقل و يقدح القرائح و حينما ياتي من اشخاص لهم الرؤية و اصحاب فكر و راي يكون اقوي و افضل كي نتبادل الخبرات و نستفيد من الثقتفات المتنوعه

تشرفي في اي و يسعدني نقدك و توجيهاتك

تحياتي

أحــوال الهـوي يقول...

norahaty

و نعم بالله

و لذلك كان السؤال لله و الدعاء له بالغفران

تحياتي

أحــوال الهـوي يقول...

صفــــــاء

البوست مثل اي بوست اخر ليس من الضروري ان يكون انعكاس لامر شخصي

علي العموم اشكر لك النصيحة و ارجوان تكون دعاءا مستجابا

تحياتي

أحــوال الهـوي يقول...

العيسوى الصغير

غفر الله لنا و لك

تحياتي

الجواز و سنينه يقول...

اقولك ايه يا دكتور
انت جبت على الجرح و دوست
انا كنت
بفكر فى سنه 2222و ده علشان شكل الارقام فيها ظريف
و سألت نفسى هاكون انا فين
لقت انى هاكون مت
تخيل انى وقت فوى ادام الفكره دى
و استغربت نفسى اكتر علشان زى ما اكون اول مره اخد بالى
ياترى هو الخوف من الموت و لا الخوف من المجهول و لا الخوف من الاعمال
الله اعلم و رسوله و يارب يغفرلنا كلنا اخطائنا
مش عايزه ارغى اكتر من كده
بس برضوا فيه فكره تانيه لفتت نظرى
بس كفايه رغى
علشان البوست هايل و مش محتاج رغى عليه كفايه الاستمتاع بيه لوحده كده

هبة النيـــــل يقول...

معلش يا دكتور بعيد عن البوست

أنا شوهت مدونتي عبقري أنت

دون قصد ومش عارفة أضبطها تاني

ما تعرفش أحل المشكلة دي ازاي؟؟

أحــوال الهـوي يقول...

الجواز و سنينه

من 30 سنه كنا نتكلم عن سنة 2000 فنظرت للتاريخ و حسبت باقي كام سنه لقيت المسافه بعيده قلت ممكن الواحد يعيش و يشوف سنة 2000
و ان عايش لغاية 2010 مين عارف يمكن تكوني موجوده

ربنا يديكي طولة العمر في طاعة الله و ايضا الصحة و العافيه

تحياتي

أحــوال الهـوي يقول...

هبة النيـــــل

انا باشكرك لانك عرفتيني علي مدونتك عبقري و لكن

زرت المدونه رائعة لاني ايضا من هواة التنمية البشرية و التبحر في عالم البرمجة البشريه

اسف نسيت
المدونه جميلة و مش قادر اعرف بالضبط مصدر الشكوي ففضلا لا امرا ممكن تحددي ايه المطلوب و ممكن اقدر اساعد في حدود امكانياتي المتواضعه

تحياتي

ولد تحت الصفر يقول...

يارب ارزقنا توبه نصوح

.................

مش م الموت
اكون بينهم بلا عنوان
ضعيف مغلوب علي امري
و اصبح شئ بلا الوان
و رايح اسالك ربي
يارب ارزقني توبه نصوح


صعبان عليا ما اكتبش غير جميل و رائع ...لكن النص بجد جميل جدا لدرجة ألجمت لساني و احجم عن المشاركة الفعالة اللي قالوا عنها في المدارس

♥نبع الغرام♥♪≈ يقول...

ياااااااااااااااااااااااه
أنا متأخره أوووى اسفه بجد
وحشنى وجودى هنا يا فندم والله
كل سنه وحضرتك طيب بمناسبة المولد النبوى الشريف واسرتك الكريمه
ويارب يديم الود والاخوة بينا ويجعل ايامك كلها فى فرح وسرور

♥نبع الغرام♥♪≈ يقول...

بسم الله ماشاء كلمات جميله تحمل مشاعر من قلب ينبض بذكر الله
ربنا يبارك فيك ويكرمك خير ويكرمنا توبة نصوحه ويغفر لنا ويسمحنا
اللهم امين يارب العالمين

تحاتى ليك يا ارق ما خلق ربى واسفه كنت بأجازه ورجعت تانى وبجد فرحت بتعليقك عندى ومعاكم ان شاء الله على طول
تحياتى

mahasen saber يقول...

بخاف اعيش بلا سيره
امممممممممم ده خوف كل البشر اصحاب النفوس الحالمه والضمائراليقظه بس

جميله قوى القصيده ياعصام حسيت بكل ما فيها من معانى وكلمات

رائعه تسلم روحك وتعبيراتك

أحــوال الهـوي يقول...

رجل تحت الصفر

شكرا يا استاذنا كلماتك الجميلة و ارجو التواصل


تحياتي

أحــوال الهـوي يقول...

إبتسامة ملاك

كل سنه و انتي بحير و اسرتك و احبائك بصحه و سعادة

لاني يسرني تواجدك و ابتسامتك الملاك
انتظر دائما زيارتك و اامن علي دعوتك بدوام الصداقة و الاخوة بيننا

تحياتي

أحــوال الهـوي يقول...

إبتسامة ملاك

اعجز عن الرد علي مجاملتك الرقيقة و حنانك المتدفق

و كل ما اتمناه ان يسعدك المولي عز و جل علي تلك الكلمات التي قصدتي بها التثبيت و التدعيم

تحياتي

أحــوال الهـوي يقول...

mahasen saber

حينما تتذكرين زيارتي بين كل مشاغلك فهذا فخر لي اتباهي به بين المدونين

محاسن النجمة الساطعه في كل الفضائيات اكرر دعمي لخطاكي

تحياتي