الاثنين، 15 فبراير 2010

قالتلي


قالتلي
حبنـــي حتي يــدوب قلبـــــــك في احساسي


و ناولني حنان حبك و زين بالوداد راســي


و خليني علي شوقك حنين فاكر ومش ناسي


قالتلي
ولاني شاغلني غيرك إستني كــام سنــــه


يمكن اروق و اجيلك و يحبك قلبي انـــــا

كفايه يعيش هـــــواك يحلم و يدوب غرام


و يغــــزل بالسعادة طيف الوصال هنّــا



و حبتها و كلي غرام برئ حليم نشــــوان

بدل ما انول هواها اعيش حزين حيــران


لا عارف حبتني و الا انا ليها خيال انســان


او كنت حب ضايع مكانه في بير نسيــان



قلتلهــــا بس قلبـــي وحيد طواه الشوق


هايم و حيرته قبلي مستني هواك يروق


و انت بعيد وقربك بعيــد عن كل شئ


انسي اني هويتــك اغربـي قبل الشـروق


هناك 50 تعليقًا:

صفــــــاء يقول...

لالالا دى شريرة جدا
كام سنه ازاى
هو انت حاجز تلاجه ؟ والا شقه فى العجمى ؟

تصدق أغنيه دمها خفيف جدا

وانت بعيد وقربك بعيــد عن كل شئ
هى أذا كـ الماء
يتدفق بين يديك ... غير قادر ان تضم قبضتك عليه

راائعه

العيسوى الصغير يقول...

بدل ما انول هواها اعيش حزين حيــران

و انت بعيد وقربك بعيــد عن كل شئ

رائع

صبرني يارب يقول...

احب انا القرارات الحاسمه دي

اغربي قبل الشروق
هو ده

تحياتي يا فندم

elsha3er يقول...

السلام عليكم

كلماتك بسيطة واسلوبك حلو فى الكتابة


تحياتى

احمد الشاعر

Tamer Nabil يقول...

كلمات جميلة

مع خالص تحياتى

أمل حمدي يقول...

حالة أخرى من حالات الهوى

أجد فيها الإجابية رغم كل شيء

تسلم ايدك

أحــوال الهـوي يقول...

مين اللي شريرة
وتلاجه علشان متخزن كام سنه

الموضوع عبارة عن حالة حصلت لصديق وترجمتها له بصراحه ما قدرتش ما اكتبش عنها

لقيتها حاجه جديده زي الافلام المصريه

لو حكيتها مش هتصدقي

تحياتي

أحــوال الهـوي يقول...

العيسوى الصغير

شرفتني يا كبير

انت اللي رائع

تحياتي

أحــوال الهـوي يقول...

صبرني يارب

طيب قولي انتي الرد يبقي ازاي

ما فيش غير كده

و كويس اني لقيت حد في صفي

تحياتي

كيــــــــــــارا يقول...
أزال المؤلف هذا التعليق.
أحــوال الهـوي يقول...

elsha3er
دي شهاده من شاعر

لابد ان افتخر بيها

تحياتي

كيــــــــــــارا يقول...

انسي اني هويتــك اغربـي قبل الشـروق

الله الله يابابتي وعجبني اوي انك ذكرت الشروق

بجد ملهاش حل يابابتي

أحــوال الهـوي يقول...

Tamer Nabil

شكرا يا تامر بيك

ممتن لزيارتك و الواجب رد الزيارة

تحياتي

أحــوال الهـوي يقول...

أمل حمدي

اعمل ايه يا استاذه فللهوي احوال
يوم فوق و يوم فوق

تحياتي

أحــوال الهـوي يقول...

كيــــــــــــارا

طيب تفتكري كنت اقول ايه

اغربي قبل الغروب و الا اشرقي قبل الشروق

المهم رد يكون قاطع للحاله العجيبة دي

تحياتي

صفــــــاء يقول...

لا هصدق
أحكى احكى
ما كل حاجه بقت جايز دلوقت

وصديقك دة صابر عليها ليه
يروح يحجز تلاجه غيرها من كريازى
اللى عندهم مابتعملش تلج
نوفروست

reem يقول...

ازيك يادكتور

وكل عيد حب وحضرتك طيب

وبتكتب عن الحب وبتوصفه بجميع حالاته بكلماتك الحلوة

انسي اني هويتــك اغربـي قبل الشـروق

لازم يقولها كدا فعلا

مش ينفع ينتظرها سنين ولا الحب يقبل الانتظار

هو دا الرد اللى لازم تسمعه

عجبتنى اوى اوى ومختلفة بجد

سلوى يقول...

صورت القصه بشكل جميل وكلمات معبره

عجبتنى النهايه اوى

انسي اني هويتــك اغربـي قبل الشـروق

بصراحه جامده

ستيته حسب الله الحمش يقول...

سيناريو رائع لقصة حزينة
يصلح لها عنوان تهوى أن تكون صاحبة الجلالة والكل في بلاطها عاشق ولهان

حلوة قوي
وخاصة الخاتمة

انسي اني هويتــك اغربـي قبل الشـروق

جميلة جميلة جميلة
ياريت متتأخرش علينا مع اني عارفة إن الإلهام مش بالطلب

mohamed ghalia يقول...

كالعادة يا استاذى أتى إلى هنا لأتعلم

أحمد الصعيدي يقول...

سلسلة من الاسئلة في عقد حروفك متشابك ويبقي يا ساعرنا أنك الاقوي في كتابة الحرف العامي والتعبير عن الحب كما يجب أن يكون

دكتور حتي في صياغة الحرف


السلام عليكم ورحمة الله

أحــوال الهـوي يقول...

صفــــــاء

هناك حكايات
و هناك اساطير
و ايضا الخيال العلمي
و القصه دي من الخيال العلمي علمك



تحياتي

أحــوال الهـوي يقول...

reem

الاختلاف هو عنوان اريد ان اكتبه

كل سنه و انتي طيبه و اسرتك كله في حب و سعاده و هناء

بتسعديني بتعليقاتك و متابعتك

تحياتي

أحــوال الهـوي يقول...

سلوى

تعليق جميل من شاعرة و زميله

و يبدو ان النهايات الحاسمة تعجب الجميع او هو الرد المقنع الوحيد لينهي الحدوته

تحياتي

أحــوال الهـوي يقول...

ستيته حسب الله الحمش

يا دكتورة لسنا نملك قريحة نشطه مثلك و لا استطيع ان اباري موضوعاتك الآخاذه الهادفه و لكني اجتهد في كتابة مواضيع مختلفة لهدف و احد

و احاول ان اكون منتظم مرة في الاسبوع

ادعيللي

تحياتي

أحــوال الهـوي يقول...

mohamed ghalia

انا ايضا اتعلم منك كلماتك الجميلة و انت تبهرني دائما بموضوعاتك الغاليه

تحياتي

أحــوال الهـوي يقول...

أحمد الصعيدي

لو كنت في مثل سنك و كان العشق منهج و الحب دستوري
كنت اخترت ان امتلك فيض من الكتابات المتميزة بمثل انتاجك الغزير


دمت صديقا و شاعرا قريبا الي قلبي حتي لو كنت صعيدي

تحياتي

هبة النيـــــل يقول...

خليني علي شوقك حنين فاكر ومش ناسي

دي رااائعة

لكن دي...

قلتلهــــا بس قلبـــي وحيد طواه الشوق



هايم و حيرته قبلي مستني هواك يروق



و انت بعيد وقربك بعيــد عن كل شئ



انسي اني هويتــك اغربـي قبل الشـروق



حضرتك ما فهمتناش

أو عقلي القاصر لم يستوعب كيف يربط هذا بذاك

هبة النيـــــل يقول...

خليني علي شوقك حنين فاكر ومش ناسي

دي رااائعة

لكن دي...

قلتلهــــا بس قلبـــي وحيد طواه الشوق



هايم و حيرته قبلي مستني هواك يروق



و انت بعيد وقربك بعيــد عن كل شئ



انسي اني هويتــك اغربـي قبل الشـروق



حضرتك ما فهمتناش

أو عقلي القاصر لم يستوعب كيف يربط هذا بذاك

أحــوال الهـوي يقول...

هبة النيـــــل
اهلا و اشرقت الانوار برجوهك البهي
دكتورة
الموضوع فيه لغة حوار بين شخص و حبيبته
فبدأ بقالتللي
اذا كل ما قيل تحتها قول المحبوبه
و خليني علي شوقك(انت) حنين فاكر ومش ناسي


و لما بدا بقلتلها
قلتلهــــا بس قلبـــي وحيد طواه الشوق
و هذا شعور المحب

اسف اذا كانت اللغه الحواريه غير و اضحه

شرفتيني بزيارتك بعد طول غيبة فانت من الشعراء الذين اعتز بهم

تحياتي

هبة النيـــــل يقول...

ربنا يبارك في حضرتك يا دكتور

حضرتك فعلا من الشعراء اللي نعتز بهم

أعتذر إن كنت لم أوضح

ولكن ما لم أفهمه

ليس الحوار بل لم قرر البعد عنها ؟؟

ولم قرر يعيش حزين حيران؟؟

هذا ما استوقفني

دمت بود :)

هبة النيـــــل يقول...

سوري يا فندم

استوعبت ليه

فاتتني كلمة واحدة في تاني مقطع

كانت المفتاح

"ولإني شاغلني غيرك استنى كام سنة"

روووعة يا فندم

تسلم ايدك

وفكرتها حلوة جدا فعلا :)

سلوى يقول...

و يبدو ان النهايات الحاسمة تعجب الجميع او هو الرد المقنع الوحيد لينهي الحدوته

ليست النهايات الحاسمه التي تعجب الجميع
وليس الرد المقنع لتنتهي القصه

لكن أعتقد انها القوة في اتخاذ قرار وتنفيذه وهذا مالا يملكه المحب ولكن يملكه القلم

فمن يحب لا يبحث عن اعجاب الجميع
ولا يبحث عن طريقه لإنهاء الحدوته
فالأمر ليس بيده

ولكن بيد القلم الذي يكتب
ويبقى القلب له كامل الحريه في تنفيذ ما خطه القلم أو تجاهله

فالقلوب بين اصبعين من اصابع الرحمن يحركها كيف يشاء
ولا نملك نحن لها شئ

والقلم هنا باااااااااارع جدا
في صياغه ما مر به صديقك وما انتهي اليه الأمر
تحياتي

أحــوال الهـوي يقول...

هبة النيـــــل
حينما تجود بقطرات من مطر فوق الارض الجدباء تهتز الارض لها طربا و حبا و شوقا
و لكنها الان امطرت بعد انقطاع و جفاف و شرفت بتعليقاتك النادرة ليس مرة بل اربعة مرات

فانت من اول الشعراء الذي اكن لهم كل الود و الاحترام

و ايضا اول من تعاملت معهم بالمدونات و كانت بيننا سجالات حواريه مفيده

تحياتي

أحــوال الهـوي يقول...

هبة النيـــــل

قطعا هي الفكرة التي دفعتني للكتابه لانها اظنها جديدة و لكنها تحدث في واقعنا

هي توافر المميزات في شخص ما حبا و رغبة و الطرف الاخر يعلم مدي هذا الحب ولكنه يتحين فرصة اخري من وجهة نظرة افضل
بمنعني اخري لا يحب الطرف الاخر و يعلم انه شخص ممتاز و لانه يحبه يطمع في انتظاره له حتي تنفذ باقي الفرص المأموله

فهي صفقة و ليست حبا

تحياتي

أحــوال الهـوي يقول...

سلوى

لا عجب ان يصدر هذا الحديث من شاعرة تعلم خبايا النفس و تنقب فيها
صدقتي
غالبا ما يصدر القرار رغم عن رغبة القلب و لا يكون في حقيقة الحياة و لكنه قرار حاسم خيالي
و باسم الحب يكون امنية تتهاوي وقت اللقاء فتذوب كل القيود و تتحرر الاحاسيس الحقيقية

تحياتي

هبة النيـــــل يقول...

كذلك هي الحياة أستاذي

كلها صفقات ..

يا فندم الكلام الكبير دا كتير والله خالص

ربنا يبارك في حضرتك بنتعلم منك يا فندم

بالمناسبة

مدونة غدير الكلمات

حقا راااائعة

ربنا يجعلها بميزان حسناتك

بنوتة مصرية جداجدا يقول...

حلو اوى

الشوق والفراق والحب

كتبتهم باسلوب سلس

قيس بن الملووووح يقول...

نحن في حاجه الي رايك في مشاكل القراء علي مدونة"دقات قلب فوق الخمسين"

همس يقول...

زى العادة راااااااااااااائع

قلـــ "بــلال" ــب فارس يقول...

اود واتمنى ان تشاركنا فى الصالون الفكرى على مدونتى الالكترونية التفاصيل تفضل فى زيارة مدونتى والدعوه لجميع زوارك
----------
http://qalbfars.blogspot.com
-------
رابط الصالون
http://qalbfars.blogspot.com/2010/02/blog-post_19.html

أحــوال الهـوي يقول...

هبة النيـــــل

غريد الكلمات
محاولة لتفهم اللغه العربية و القرانيه

و ما قلته عنك حقيقه صادقه و يمكن تكوني من العوامل المؤثرة لكتابتي بالعاميه

ادامك الله و اسعد ايامك

تحياتي

أحــوال الهـوي يقول...

بنوتة مصرية جداجدا

اشكر لك مرورك

و اتمني تبادل الخبرات بالراي و المشورة

تحياتي

أحــوال الهـوي يقول...

قيس بن الملووووح

حاضر

تحت الامر و السمع و الطاعه

تحياتي

أحــوال الهـوي يقول...

همس

يا سلام

تغيبي شهور و تتركي تعليق مقتضب
شكرا عليه

بس طمنيني عليكي

تحياتي

أحــوال الهـوي يقول...

قلـــ "بــلال" ــب فارس

شرفت بزيارتك

ووعد بتحقيق رغبتك

تحياتي

فشكووول يقول...

السلام عليكم دكتور عصام

لأ .. دا الموضوع اشتغل معاك خالص وبعد يومين ولا شهرين ولا سنتين حنلاقيك احمد رامى ولا مرسى جميل عزيز

محمد سعد القويري يقول...

الأخ الفاضل :: أحوال الهوى ::
تحية صباحية عطرة
ثم

وجبة رومانسية متميزة قدمتها لنا يا دكتور عصام ..

أما الصورة .. حكاية ثانية :)

دمت متألقًا ^_^

أحــوال الهـوي يقول...

فشكووول
ربنا يكرمك يا استاذنا العزيز و مرسي جميل علي كلامك

واحشني جدا جدا

فين بوستاتك الجديده

تحياتي

أحــوال الهـوي يقول...

محمد سعد القويري

احلي صباح معطر لاجمل صديق

تبهجني بزيارتك

شفت الصورة .... انت اول واحد ياخد باله منها

تحياتي