الأحد، 28 فبراير 2010

قلبي اتحداني




قلبي اتحداني و نوي يهواك


و قال ده مناي لقيته


قمت اتحديته... و الحلم نسيته


و قلت ما عمري هويته

لااشتاق لعيونك .... و لا سحر جفونك


و لا نظرة عشق تخدني


و لا ادوب من بسمه


و لا ادوخ من نسمة


و باخاف لوحد حسدني


ليه تتحداني لو كنت مكاني


ازاي هتعيش من غيري


تعالي نتصالح


الحب مصالح

تسعد و انا ..ارضي غروري

فعلا حبتها جواك خبتها

خليني اشاركك نوري


و تكوني قمرنا


و تصاحبي قدرنا


وبعطر الفرح تدوري


و نرجع انا و انت


ونضم الفرح لبيتنا

ونعيش امانينا


و الحب حامينا


و نوفي الوعد ما بينا

هناك 58 تعليقًا:

♥نبع الغرام♥♪≈ يقول...

صباح الورد والياسمين على ارق شاعر
وحشتنى ياغالى

اخبارك ايه

♥نبع الغرام♥♪≈ يقول...

انا حجزت مكانى فى المقدمة لحين عودتى من شغلى
عشان اقرء ارق الكلمات واحسها
مش ينفع اقول كلمتين كده من غير ما حسها
دمت بكل خير

سلامى مع عوتى لاحقآ

أحمد الصعيدي يقول...

السلام عليكم ورحمة الله

حرف غائر علي الرغم من عاميته
واحساس طائر علي الرغم من بريته


ودكتور نستزيد منه دوما احساس العشق


دمت بكل الود استاذنا

السلام عليكم

غير معرف يقول...

ياسلام ..
والله مشاعر أكثر من عذبة
ورقة لامتناهية

اسعدني القراءة لك ..

نحو مزيد من الأبداع والتألق

صفــــاء يقول...

دة مش بوست ... أو أغنيه

دى مقطوعه موسيقيه شديدة الرقه
مــعــزوفه
نعم معزوفه ... تم عزفها على قيثارة من الرقه المغزوله بالأحرف

حوار فيه دلال يرضى أى قلب
ويسعد أى امرأة
وحب يشبع الغرور حقاً

أسعد الله يومك كما أسعدت صباحنا بتغريدة الحب البديعه هذى

Kiara يقول...

و نرجع انا و انت


ونضم الفرح لبيتنا

ونعيش امانينا


و الحب حامينا


و نوفي الوعد ما بينا

^^^^^^^^^^^

عجبني اوي الجزء دا ي حسيت بامان وراحه غريبة

ميل يابابتي بس رده الجزء اللي فوق مخاصم بعضه

ستيتة يقول...

تعالي نتصالح

الحب مصالح

تسعد و انا ..ارضي غروري


ده حديث الرجل لقلبه بلا أدنى ريب
القلب يسعد وهو يرضي غروره

بس لما قلت

و نرجع انا و انت

ونضم الفرح لبيتنا

ونعيش امانينا

و الحب حامينا

و نوفي الوعد ما بينا

انا طرت فوووووووووووق
انت عارف انا اعشق مثل هذه الرومانسية المفرحة

ربنا يكرمك ودايما تشاركنا افكارك الحلوة

سلوى يقول...

التعليقات وفت وكفت

اهم شئ انه

تم التصالح :)

كلمات مميزه جدا

هبة النيـــــل يقول...

و لا نظرة عشق تخدني



و لا ادوب من بسمه



و لا ادوخ من نسمة



و باخاف لوحد حسدني



الله الله الله

أعد

بجد قول يا دكتور ومتعنا

تسلم ايدك تسلم ايدك

سلااااسة مصاحبها الروعة

أسعدتني جدا والله العظيم فعلا :)

هبة النيـــــل يقول...

بالمناسبة

الصورة روووعة

فكرتني بقطتي مشمشة

بس لونها مش ابيض

مشمشي

رووعة الصورة كمان :)

♥نبع الغرام♥♪≈ يقول...

أنا جيت

وبقولك بجد ربنا يسعدك يا غالى كلمات رقيقه تحمل حب كبير من انسان مرهف الحس والمشاعر

قد ايه بجد انت جميل اووووى

تعرف كمان ان الحب دا بيجى من غير ميعاد وفجأة كده بيخدك لدنيا وعالم تانى عالم مليئ بالمشاعر الصافيه والحب اللى بيحوطنا
فعلا الحب مصالح واجمل مصالح
سعدت بتعرفى على مدونتك وتواجدى بين سطورك وكلماتك الدافئئة
دمت بكل خير
ايناس

Tamer Nabil Moussa يقول...

كلام رائع تسلم علية

مع خالص تحياتى

ادم المصرى يقول...

اهلن احوال الهوى

بجد انا سعيد جدا بمروك عندى ومتأسف جدا على انقطاعى من عندك بس والله انا مش بخش اصلا التدوين ازرنى اخى بس ان شاء الله هانت انا ابتديت احس ان التدوين بقه يوحشنى تانى

المشكله انى شايف ان التدوين اختلف كتير عن زمان وده خانقنى جدا

أمل حمدي يقول...

كلمات رائعة

أحس فيها تصالح مع النفس والروح

وأمنية جميلة

تقديري لحرفك النابض بأحوال الهوي

أحــوال الهـوي يقول...

إبتسامة ملاك

صباحك جميل بابتسامتك الملاك

وانتي كمان

أحــوال الهـوي يقول...

إبتسامة ملاك

انتي دايما في المقدمة
و ترجعي بالسلامة تزيني المدونه بتعليقك الجميل


بانتظارك

تحياتي

أحــوال الهـوي يقول...

أحمد الصعيدي

يا استاذ احمد
انت بكل شاعريتك و عذوبة و فيض كلماتك تخجلني بكرم مدحك و تعليقك بما فيه من عمق و معاني جليه
تحياتي

أحــوال الهـوي يقول...

عنّاي العيون

وانت اسعدتني بتقبل تلك الكلمات الذي يستشعرها انسان رقيق مثلك

تحياتي

أحــوال الهـوي يقول...

صفــــــاء

ربنا يسعد قلبك و يكرمك

اطربني مديحك و تراقصت علي كلماتك و اين انا مما تدونين
القوة و الصدق و العذوبه

اكرمك الله و انتي تعرفين انني طالما اقتبست من احاسيس كتبتيها بمدونتك و اعلنت هذا مرارا


و كان السجال بيننا في صالحك

دمت بكل خير

تحياتي

أحــوال الهـوي يقول...

كيــــــــــــارا

بنوتي الجميله باحساسها

كنت قد اعتدت ان تعجبك قصائدي و يبدو هذه المرة قد جانبني التوفيق
برجاء اعادة القراءه بمنظور ثلاثي الابعاد انا و القلب و الحبيب

و اعتذر ان لم تجدي فيه ما يرضيكي

تحياتي

أحــوال الهـوي يقول...

ستيته حسب الله الحمش

و الله يا دكتورة انتي اللي باستني تعليقها دايما لانك من النوع الرومانسي الاصيل

اللي بيشجع البهجه و يؤيد الحب و الرقه

اكرمك الله و اكثر من امثالك


تحياتي

أحــوال الهـوي يقول...

ستيته حسب الله الحمش

و الله يا دكتورة انتي اللي باستني تعليقها دايما لانك من النوع الرومانسي الاصيل

اللي بيشجع البهجه و يؤيد الحب و الرقه

اكرمك الله و اكثر من امثالك


تحياتي

أحــوال الهـوي يقول...

سلوى

شكرا علي بخلك و شح تعليقك و يبدو ان وراء هذا الاقتضاب في الكلمات الكثير من الكلمات المتواريه

و ياريت اسعد مره من نفسي بنقد شاعرة زميله

تحياتي

أحــوال الهـوي يقول...

هبة النيـــــل

و الله يا دكتورة و احشني كلماتك و تذكري ان كتابتي للعاميه كانت لتاثري بمدونتك الرائعه

تحياتي

أحــوال الهـوي يقول...

هبة النيـــــل

انا كمان من عشاق القطط

و كان عندي زمان قطه مشمشي لسه فاكرها لغاية الان


اي قطه تتوفر عندي ارسلها لك

تحياتي

أحــوال الهـوي يقول...

إبتسامة ملاك

و الله يا ايناس انتي انسانه جميلة و تلقائيه

و اعلم الان انك في رومانسيه رائعه ولحظات جميلة تعيشيها الان

و اضح من احساسك المرهف و رقة قلبك انك في هذه المرحلة

يارب تكون خطوات في طريق سعادتك و راحة نفسك

انا ايضا اسعد في تواجدك هنا
و اسعد اكثر في متابعة اعمالك

تحياتي

أحــوال الهـوي يقول...

Tamer Nabil

و انا اكيل لك الشكر و الامتنان لمتابعتك و ايجابياتك

تحياتي

أحــوال الهـوي يقول...

ادم المصرى

يا بلال يا عزيزي دون لنفسك و سجل احاسيسك و انسي الذكريات الاليمة و ترجم انفعالاتك في رسم او مقال او قصه


ننتظرك

تحياتي

أحــوال الهـوي يقول...

أمل حمدي

ربنا يخليكي يا استاذه امل


و ما يحرمنا من تدوينك واثرائك للغه
و الهمزه كده صح

انا باقلق من المراجعات النحويه و اللغويه

تقديري الدائم

تحياتي

غير معرف يقول...

عزيزى حاكم أحوال الهوى
---------------------

لو قلت أبدعت فأنا لم أضف جديدا والآراء كلها سبقتنى

لكن الأهم انها امتعتنى وأنا أحس كل حرف وكل همسة حوار بينك وبين قلبك ..

وبينك وبينها ..

هبة النيـــــل يقول...

خلاص هستنى القطة يا دكتور

تخيل حضرتك

كتير بزور مدونتك رغم اني متابعاها يعني متأكدة انك منزلتش جديد

بس بجد بحب أقرأ تاني وتالت

تسلم ايدك فعلا

ومنتظرة القطط

شكرا على طيب كلامك :)

micheal يقول...

جميل أوي يكون لك طابع مميز في الكتابة
تحياتي

Unknown يقول...

الله جميلة ياصيدلى
دا تحدى وأنت مش ادى :)
زى ما الاعلان زمان كان بيقول
كلامك جميل يادكتور وزى ما أتعودنا عليه.

Remas يقول...

ايه دا معقول في بوست ينزل لحضرتك ومش اعرف غير متأخر

انا كدا زعلانة اوى من نفسي

عارف يا دكتور انا فعلا بنتظر اى جديد لحضرتك بفارغ الصبر

وبجد كل مره الاقي فكرة جديدة واحساس اجمل

اصلا بحس وانا داخلة المدونة هنا انى داخلة عالم الرومانسية والاحساسيس المرهفة


طبعا مش محتاجة اقولك ان القطة عسولة اوى
وانا بحبهم جدا بس طبعا من بعيد بس لانى جبانة جدا

أحــوال الهـوي يقول...

Sherif


لن نرتضي الا بحاكم واحد و هو انت تتحكم في السياسه و الاجتماعيات و بث العزيمة و الجهد في صدور الشباب

و لن بامر الحب و لكنه بامرك انت فاني اجد بك قدوة لا بد للاجيال القادمة ان تحتذي به

بوركت في السماء و الارض

تحياتي

أحــوال الهـوي يقول...

هبة النيـــــل

اقول لك علي سر انا كمان
كنت دايما و انتي في غيابك ازور مدونتك و استعرض زجلياتك و قصائدك و في النهايه لما طال الامر نسخت بعض المواضيع لتكون في متناولي في اي وقت

ما تخافيش حقوق النشر محفوظه

لانك الشاعره التي لم اراها و لكنني احترم تمسكها بالاصاله المصريه و الحارة الشعبية بنفحاتها الجميلة

بارك الله فيك و رزقك الستر في الدنيا و الاخرة

تحياتي

أحــوال الهـوي يقول...

micheal

ده راي اعتز به من كاتب جميل مثلك

تحياتي

أحــوال الهـوي يقول...

norahaty

عندك غرامة تاخير يا دكتورة
مش متعود منك كده

و كمان تعليق واحد ما ينفعش
دايما بتكتبي اثنين

لاني بيسعدني تواجدك و يسرني كلمات تشجيعك

تحياتي

Unknown يقول...

عيونى يادكتور
بس لما ارجع من
الشغل بأذن الله
ولو مضيت تأخير
النهاردة يبقى
ذنبى عندك ماشى:)

أحــوال الهـوي يقول...

reem

عملت اكتر من اعلان عن البوست الجديد و يظهر حضرتك ما بتتفرجيش علي ميلودي

انا باحاول اني انزل بوست يوم الاحد من كل اسبوع كنوع من الالتزام مع نفسي و تحفيز علي الانتاج الا ما رحم ربي
او اضطرتني الظروف للتاخير

باسعد بمتابعتك و افرح جدا من كلماتك الرقيقة

تحياتي

أحــوال الهـوي يقول...

norahaty

يارب يكرمك يا دكتوره

و تسلم عيونك و ده كرم ما اقدرش عليه لكنه مش غريب عليك عطفك و حنيتك و اصالتك
اللي بتغمر اصدقائك

كفايه علي ردك انا كده جبرت و هاقفل المحل و اروح

تحياتي

rovy يقول...

كلمات رقيقه و أحساس أرق ..
دامت حروفك الرائعه و سلمت يمينك

تحياتى الدائمه لك

Remas يقول...

ههههههههههه

انا فعلا غلطانة ومش بئيت اتفرج على ميلودى

اصلى بصراحة بتنرفز جدا من وديع

بس كدا طالما اعلانات حضرتك بتنزل عليها مضطرة اتفرج عليها تانى

إيمان قنديل يقول...

قصيدة عاشق ملهوف ولكن كبريائه يريد ان يعرقله عن البوح،ولكنه أصر ان يبوح ويختبيء وراء كلماته العاشقه


هكذا انت دائما ياصديقي


على فكره انا موش عجباني صورة البوست اللي فات

Haytham Alsayes يقول...

شعرك جميل جدا
ومعبر عجبتني مدونتك وان شاء الله عتابعك دايما
تقبل مرورى ونورني في مدونتي

أحــوال الهـوي يقول...

rovy

كتر خيرك علي كلماتك الرقيقه

و هذه شهادة جميلة من كاتبه رائعه

تحياتي

أحــوال الهـوي يقول...

reem

و انا كمان مختلف مع وديع

و قررت اشوف قناة تانيه غالبا قناة السويس

المرة الجايه هابعت تنبيه علي مدونتك لان الاكونت في الفيس بوك انتي قفلتيه

تحياتي

أحــوال الهـوي يقول...

GHARAM

استاذة التدوين و المبدعة القديرة
اسعدني تواجدك في المدونه بعد اعتكاف عنها طويل افتقدت فيها نور كلماتك و رقيق احاسيسك

الحمد لله افتكرتيني

بالنسبه للصورة السابقه كنت اظن انها تعبر عن حالة الموضوع

و ارجوكي سامحيني اذا كنت اسات الاختيار

يارب ما يحرمني من زيارتك و تعليقاتك ابدا

تحياتي

أحــوال الهـوي يقول...

Haytham Alsayes
يارب يا هيثم اسعد دائما بتواجدك هنا

و و عد برد الزيارة

شرفتني
تحياتي

جنات يقول...

كلمات جميله كتييييير

يعطيك العافيه

عمرو جويلى يقول...

د/ عصام علام
السلام عليكم
أتمنى أن تكون بخير وأن
يكون غيابك عن المدونة
خير وفى انتظار جديدك
خالص تقديرى

شمس النهار يقول...

القصيده جميلة جدا
بس بلاش الحب مصالح دي

الحب من غير مصالح احسن

:)

سلامي

من غير عنـــوان يقول...

مبدع كالعاده


أمنياتي

فشكووول يقول...

السلام عليكم عصام بك
تحياتى

لا يا عصام بك
لا حد بيقدر يتحدى القلب ولا حد بيقدر يقف فى وجه ابن الفرطوسى الحب ده .. دا غالب على كل الناس وربنا بس يبعده ولا يجيبه لنا كلنا .. اصل هو من جبروته بنحبه وبنكره .. زى القط بيحب خناقه

تحياتى

محمد سعد القويري يقول...

الأخ الفاضل :: أحوال الهوى ::
تحية صباحية عطرة معطرة

قلبي اتحداني ..

في هذا النص ..

أرى الكلمات ترقص وتقفز برشاقة ..

وزاد الكلمات جمالاً .. تلك الصور الفنية التي أضفتها على النص وأمتعت بها أخيلتنا ..)

رائعة

دمت مبدعًا

أبو العريف يقول...

ازيك يا دكتور

اخبار معالي سيادتك حضرتك

ايه الجمال ده

كلام جميل جداااا

بس انا تقريبا مش شايف

من ساعة ما جبت النظاره مش شايف

انا حاسس اني مش هشوف الارض تاني يا معتز

أمل فتحى عزت يقول...

السلام عليكم
دكتور .. أحوال الهوى
كيف حالك وأشكرك على سؤالك وزيارتك والمعذرة فأنا أنقطع كثيرا عن التدوين بسبب كثير من الظروف المحيطة بى .

وجميل انك دائما تغذى أشعارك بالحب وتعرض وجوهه المختلفة فالحب عند البشر ليس إحساسا واحدا بل هو ايضا دروب واتجاهات ووجهات نظر ولا يرى فى الحب انه إحساس واحد الا قاصرى النظر ولكن الجميل ان الحب دائما موجود فى كل نواحى الحياة التى ترتقى بالبشر .
دمت بخير يا أخى الكريم
مع خالص تحياتى

ولد مصري يقول...

قلبي اتحداني ونوى يهواك

بصراحة يا دكتور كلام جامد

ودايما القلب هو اللي بيكسب التحدي

عملت طيب إنك صالحته

وحشني كتير
تحياتي