الخميس، 16 يوليو، 2009

انا و قلبك



انا و قلبك بقينا اصحاب و بنداري
بيفتـن لي علي حبك و بيــــداري
جواك ساكن بس نبضه في داري



حكي مره علي لهفة حنين روحك
لما هلّ غـرام طيفـي علي روحـك
وقال مشتاق و انت مخبيه روحك


بتنكري ليه و حبك عندي عنوانه
عيونك فوق جبينك نقشه عنوانه
وقلبك فتن مكان حبــك و عنوانه


حبيبي سر الهوي عرفناه هل و بان
و لو استخبي و اختفي في بحر الجان
بيظهر يقول شبيك نقله يا حب امان


احساس الهوي دليله في الخاطر
وبيحس نبضك زين عشان خاطر
يخاف لتحلم بالهنا تدوب وتخاطر



ان كنت خايف تعالي لقلبي امان
و دوق الدفا حنيه و حضن امان
هتعلن حبك في الكون بكل امان


لاني حاسس اني بيكي باكون انسان
فيه الحنان و الامان و صفا الانسان
بقولك باحبك صدقيني ده انا انسان












الأربعاء، 8 يوليو، 2009

فكـرني


فكـرنـي لـــو نـاســي حبيـتـــــك انـــت ازاي


من قبـــــل احســاسي حبـك خطــر ع البــال


لقيتــه جوايــا من غيــر جــــواب و ســؤال

***********************************
حبيتك يجـوز فكــرة بين كلمـــة او عنـــوان


او بيــن بحــور ذكـــري حسيت بطـــعم امان


يمكــن رنيــن صوتــك .. تغــــريدة الكــروان


و اصيــر اسيــر قلبــك.. و باعشق السجــان


يمكــن دفــا قلبـك ....و حضنــه لمس حنــان


او بسمتــــك حسنـــك .... ام ٙسِلـــْم الغلبـــان

************************************
فكـرنـي لـــو نـاســي حبيـتـــــك انـــت ازاي


من قبـــــل احســاسي حبـك خطــر ع البــال


لقيتــه جوايــا من غيــر جــــواب و ســؤال
***********************************
فكـرني امتي هـواك ... صالحني علي طيفك


و صار نديم نجواك ...بيطمــن انيــن خوفك


تعيش نشوتي وياك... تحضن نهيـد شوقــك


و تجيب صفاي رضاك.. تتهجي في حروفـك


فكــرني و انا باهواك.... من قبل ما اشوفــك

الأربعاء، 1 يوليو، 2009

انت الغرام


معقـولــة كـان حبــك صحيـــح
وازاي بـتــــلومنــــي عنيـــــك
خــــايف هـــواك يكون جريح
و خـــوفـك بيـــداري عليــــك
**************************
عنــــدي كــــلام قلبــك داريه
حـب و حنـــان و شوق كتير
مش لاقـــي ليـه قلب يراعيه
لان قلبــــك مــازال اسيـــــر
*************************
تايه في ماضي مالوش جدور
ما.. قــدر زمان حبي يداويه
اكيـــد فــي يـوم قيـدك يثـور
و تـلاقي فيــه عمـرك ناسيه
**************************
يـبقي انتظار صبري عشانك
مستنـي لحظـــة لقـاه بقلبـك
هيــداوي بالاحســاس زمانك
ويـــقول باحبك بـرضه قبلك
**************************
لو بــس تلــمس شوق غرامي
و تـرمي دمعـك فوق خدودي
هتحقــق من المحــال امانــي
يومهــا بس هاعشق و جودي
**************************
ان كـان صحيــح قلبـك كبيـــــر
بيـقابــل القســـوة بسمـــــــــــاح
انسـي اللـي راح و ازاي يصير
و داوي عمـــــرك م الجــــراح
**************************
عشقـــك في بالـي و بكـل حالي
و اسهــر ليـالي لاجـلك و اغيـر
و اتمنـي تقـــدر تسكن ف بالـي
تـعيـــش معــايـا نفـس المصيـــر
**************************
معقــــول اعيـش بعـدك و اكون
و يحب قلبـــي غيـــرك مـــرام
ده انت الاماني و انت الشجون
و انت هـــواي و انـت الغـــرام