الاثنين، 23 فبراير، 2009

نصــــيب



نصيـب نصيـب هــو صحيــح
ان وصــالنـــا كــــان نــصـيب
مهمــا تبعــــد مــالي قـلبــــي
ليــل نهـــاري شئ عجــــيب
لو نصيبي اعيــش معــــــاك
ده عشـــان انــت الحــبـــيب
صــرت جنـبـــي جــوه دمــي
روحي فيــك و انـت القريـــب

يوم لقانا صالح البدر النهـــار
و الشمس زارت ليــل حياتــي
و نــورت امــلـــي اللي صـــار

يوم قابلتك القدر جمع خطــانا
و فــوق نفــــس الـدرب سرنا
و الا نـفـــس الـــــدرب جــانا
بس اللي فاكره من ساعتهــا
ان الزمــان نشــوان معـــانا
و النسيـــم بعبــــيره غنــــي
و الطيــور حضــنت سمــانــا




عمــر ما كان حبنا الصـــادق............ و ليد
ده اتوجد مارد في وسط الناس......... سعيد
مهما مر العمر بينا كل يوم جديد....... يزيد
يا هوانا.. دوب اسانا... و هون ع المشتاق.. ب عيد
يا زمن جمع و فرق ..........لو ف اخر الدنيا فرق
نبضي عارف فين حبيبي ....مهما هـ تغرب تشرق
و القدر خلاك نصيبي..... و انت حبيبي بس صدق

السبت، 14 فبراير، 2009

بعدين يا غرام


بعدين معاك يا غرام

توعدني شهد الهنا

بأحلم في كل منام

مستني من كام سنه

انك تدل الهوي

علي بابي و افتح له

و اضم فيك المني

و اشكي له و ارتاح له

قلبي والشوق جواه

و الصبرفيه نشوان

فيه الف لوعة و اه

و انا و السنين حيران

تعالي اوام يا غرام

اشجيني و اطربني

وهات معاك الهيام

داويني و طيبني



الأربعاء، 4 فبراير، 2009

حالة حب




لو بصيت في عيونها و شفت نظره اسيرة
و كمان فيها بسمه و دمعه و فرحه و حيرة

تعرف ان الحب ف بالها و مخليها ف حاله شريده
تسمع همس نفسها بيعلي و يعلي و كام و تنهيده

و ان قلت لها باحبك مش ممكن تسمعها اكيده
هتقولك انا مش سامعه و هي بفرحه سعيده

و ان قلت لها باحبك تاني
هتشوف لمعة عينها شديده

تبقي ساعتها تكرر قولك
قولها باحبك
انا عارف و دي اصعب كلمة ينطق بيها قلبك
تلقي الدنيا في صمت و سحر
قولها باحبك

تحضن نشوة نبضك كله في لحظة عمرك
تلقي الكون بيحقق كل امالك و كمان حلمك