الأحد، 28 فبراير، 2010

قلبي اتحداني




قلبي اتحداني و نوي يهواك


و قال ده مناي لقيته


قمت اتحديته... و الحلم نسيته


و قلت ما عمري هويته

لااشتاق لعيونك .... و لا سحر جفونك


و لا نظرة عشق تخدني


و لا ادوب من بسمه


و لا ادوخ من نسمة


و باخاف لوحد حسدني


ليه تتحداني لو كنت مكاني


ازاي هتعيش من غيري


تعالي نتصالح


الحب مصالح

تسعد و انا ..ارضي غروري

فعلا حبتها جواك خبتها

خليني اشاركك نوري


و تكوني قمرنا


و تصاحبي قدرنا


وبعطر الفرح تدوري


و نرجع انا و انت


ونضم الفرح لبيتنا

ونعيش امانينا


و الحب حامينا


و نوفي الوعد ما بينا

الأحد، 21 فبراير، 2010

خايف







و خوفي و يا عمري زاد

و مش م الموت

لان فيه مابينا ميعاد

و همس الصوت

بيضعفني

بخاف م الوحدة و الحرمان

بخاف أعيش بلا سيره

و أغيب عن أقرب الخلان

لاحاسس للغياب حيرة

و اكون بينهم بلا عنوان

خايف

و خوفي اني اكون مقهور

و نايمي فوق سرير اسري

و دمعي في العيون محسور

ندمي في محال صبــــري

ضعيف مغلوب علي امري

و مر الشكوي طيف بيدور

خايف

اضحي بعمري لاولادي

و الاقي منهم النكران

و ينسوا شوقي و ودادي

و اصبح شئ بلا الوان

قاسيت ف خضوعي و عنادي

انا الغربه انا الحرمان

خايف

خايف من جحيم ذنبي

و انا ذنبي في غفلة روح

و رايح اسالك ربي

تزيح عن قلبي اي جروح

و تهدي كل احوالي

و انا حالي اليك بينوح

اقول استرني ف الدنيا

يارب ارزقني توبه نصوح

الاثنين، 15 فبراير، 2010

قالتلي


قالتلي
حبنـــي حتي يــدوب قلبـــــــك في احساسي


و ناولني حنان حبك و زين بالوداد راســي


و خليني علي شوقك حنين فاكر ومش ناسي


قالتلي
ولاني شاغلني غيرك إستني كــام سنــــه


يمكن اروق و اجيلك و يحبك قلبي انـــــا

كفايه يعيش هـــــواك يحلم و يدوب غرام


و يغــــزل بالسعادة طيف الوصال هنّــا



و حبتها و كلي غرام برئ حليم نشــــوان

بدل ما انول هواها اعيش حزين حيــران


لا عارف حبتني و الا انا ليها خيال انســان


او كنت حب ضايع مكانه في بير نسيــان



قلتلهــــا بس قلبـــي وحيد طواه الشوق


هايم و حيرته قبلي مستني هواك يروق


و انت بعيد وقربك بعيــد عن كل شئ


انسي اني هويتــك اغربـي قبل الشـروق


الاثنين، 8 فبراير، 2010

لانـــــك حنــــــين



لانـــــك حنــــــين وقلبك حنـــين

وصوتك ساحرني وصمتك يجنن

********************************
قابلتك لقيـــــــتك تواســي اهاتي

وترسم لي بسمه تعطـــر حياتـي

لانــــك شــاريني في قلبك داريني

وســـامح شجوني وطبـــب انينـــي

*******************************

لانـــــك حنــــــين وقلبك حنـــين

وصوتك ساحرني وصمتك يجنن


*******************************
بيشــرق صبــاحي بتمنـــاك بـدربي

وطول ما انا صاحي طيفـــــك بقربـي

بتعيش في كيــاني ان نامت جفوني

بيحلم بيك عمري تشوفــك عيوني

********************************

لانـــــك حنــــــين وقلبك حنـــين

وصوتك ساحرني وصمتك يجنن

*********************************