بتقــــول ثوانــــي و تغيـب ساعــــات
طب اعمــل ايه في عمري اللي فــــات
اللـــــي اتحـــــــرم من نـور جمــــالك
و الا اللـــي فــــات مـن عمــري فـات
اظــــهر و بـــان منــي الامــــــــــــان
ده انـــا فــــي انتظـــارك من زمــان
بشـوق ورودي اهـديــك و عــــــودي
و اسيقــــك من الفــــؤاد حنــــــــــان
ارجــــع يا غـالـــي مشتــاق ليالـــــي
ده العشق حـــالف يملا المكــــــــــان
ارجـــــع ياغـايب انـا قلبـــــــي دايـب
ملهــــــوف بنشـوة كل الحبــــــــايب
البسمـــــه منـــك و الفــرح عنــــــدك
لـــو بـاشكــــي منــك من غير كــــلام
هليــــت بنــــــورك تفتــــح زهـــورك
تيجــــي بــدلالك و بتــــاج جمــــالك
وانــا لمـــا اشـــوفـــك بانسـي المـلام
هناك 40 تعليقًا:
بتقول ثواني ...
والعمر فاني.
في انتظارك من زمان ..
اشوف نور حروفك يحلي الكلام .
والله ...زمان .
ما عاد حد يقدر حروفك ...
ولا عاد حد يعرف ظروفك ...
ولا عاد طعم للكلام ...
...تحياتي لك ...صاحب الحروف المضيئه .
كالعادة سلمت الأنامل ..
واسمح لي أن العب شوية في القافية وارجو ان تقبل مني ذلك
و اسيقــــك من الفــــؤاد حنــــــــــان
مش عارف حاسس انها تقيلة ليه .. القافية سريعة .. وكل لما أقراها الاقيها بطيئة .
ارجـــــع ياغـايب انـا قلبـــــــي دايـب
ممكن تفضل زي ما هيا
أو تغير كلمة أنا ..إلي .. دا
ارجـــــع ياغـايب دا قلبـــــــي دايـب
تظل مبدع بخيالك وكلماتك .. وشعرك الغنائي الرائع
طب ثانية واحدة
احط التعليق
واضمن مكان
فى الخمسة
الأوئل
تسلم ايديك
يادكتوررر
جميلة زى
عوايدك
الله يادكنور
بجد حلوة اوى اوى
سلمت يداك
رااااااائعه جدا جدا جدا ما شاء الله بجد عجباااااااني موت موت موت
الله الله يادكتور كلام جامد .. ومعبر..وطبعآ المعني في "قلب الشاعر" سلام
كعادة المحبين
لو شافوا بعض ينسوا الملام
جميلة جدا
تسلم ايدك
انا معجب جدا باخر 3 ابيات
فعلا لحظة لقاء المحبين بتنسي كل الملام
تلاقي كل الكلام اللي فضلت ترتبه قبل ما تشوفه راح من دماغك خالص واتولد مكانه كلام جديد مليان محبه وشوق ولهفة للحبيب
تحياتى لك ولقلمك الرقيق وموهبتك البراقة
ابدعت يا دكتور
أنا أول حاجه قرأتها الصبح كلماتك
أخذت شحنة تفاؤل على الصبح
الواحد لما بيقرأ كلماتك بيحس أن الدنيا لها شكل تاني
بجد معنديش كلمات توصف روعة حروفك
دمت لنا ودام عطرك الفواح بيننا
الله الله الله
السلام عليكم ورحمة الله
صديقي العزيز
مابين سطور تحاكي بهجةالعاشق وتطال نجوم السماء وبين اللذة الشعرية ليسكر من يسكر وكلنا حياري
أكلات تلك أم أنشودة غرام أتخيلها مع رقصة هادئة لراقصة باليه محترفة ومرقصها معها يتنغم بها كيف يشاء بين من يشاهده
والأكيد ستنتهي الرقصة مع التصفيق الحاد الملتهب ويبقي ذكر القصيدة
دوما كما قلت سابقا
دوما أسترق إحساسي هنا
من جما قصيدتك ابتديت انسج قصيدة
فشكرك لإلهامك
السلام عليكم ورحمة الله
فركشاوي ..ناوي
اسعدني تعليقك الجميل
و تشرفتك بزيارتك و تفضلك بوقتك بقراءة كلماتي
مع امنياتي بدوام التواصل
تحياتي
norahaty
يا دكتورة حضرتك اول واحده مش محتاجه حجز
كلماتك دائما انتظرها
تحياتي
norahaty
يا دكتورة حضرتك اول واحده مش محتاجه حجز
كلماتك دائما انتظرها
تحياتي
norahaty
ربنا يكرمك يا دكتور دائما اتشرف بتشجيعك
تحياتي
reem
سيدتي
شكرا لتواجدك بالرغم من قلة الكلمات علي غير العاده اما حضرتك في عجالة او ان هذه المرة لم تلقي منك الاعجاب
فكلمات نقدك و تشجيعك من المكملات الاساسيه لتصحيح القصور فيما اكتب
تحياتي
هوبتي
اهلا بحضرتك
و كم سررت انها قد راقت لك و عجبتك
مع تمنياتي بدوام التواصل
تحياتي
افروديت
المعني في قلوبنا جميعا
شكرا لتفضلك بالزيارة و التعليق
مع تمني تكرار الزيارة
تحياتي
ستيتة حسب الله الحمش
ازيك يا دكتورة
بنتعلم منك
تحياتي
mostafa rayan
ايها الرقيق العاشق
و الكاتب البارع
صورت ما حاولت الوصول اليه بسيناريو رائع كعادتك و صدي لموهبتك الجميلة
انا حقيقي سعيد بتعليقاتك المثمرة و الهادفه
تحياتي
من كل بستان زهرة
يارب تبقي في تفائل و تحسي بالسعادة علي طووووووووووول
و فخر لي ان اكون جزء من جمال يومك
و كلماتي طريق لاحاسيسك الجميلة
يارب ما يحرمني من سطورك الجميلة
تحياتي
GHARAM
اخيرا استاذتنا تكرمت و تفضلت بزيارة مدونة اخيها
بجد احلي يوم عندي النهاردة
لانه نور بقدومك
و يكفيني ده النهارده و هاقفل المحل و اروح
تحياتي
أحمد الصعيدي
شاعر المدونات
صاحب القلم الفياض البراق
انتظرك دائما لتبهجني كلماتك و تعطري المكان بسطورك البراقة الشافية الناجعه
و يكفيني ان ملك القوافي و جامع تلابيب الكلمات تشرفني بتواجده
كم اسعد بصداقتك و ادعو الله ان يديمها بيننا
تحياتي
الله عليك
انت قلت الكلام اللى نفسى اقوله
تسلم ايدك
بتقــــول ثوانــــي و تغيـب ساعــــات
طب اعمــل ايه في عمري اللي فــــات
اللـــــي اتحـــــــرم من نـور جمــــالك
و الا اللـــي فــــات مـن عمــري فـات
بداية قوية ورائعة
كلمات عتاب رقيقة ورومانسية
تسلم الايادى يا دكترة
تحياتى
صباح الجمال
احم احم
متأخرة كالعاده
نلتمس العذر لظروف مواعيدى الملخبطه
ونقول
اجمل ورده لعيونك
شايفه إشتياق رهيب من بعد الحبيب
اللى قال ثوانى وغاب ساعات وتعب معاه القلب بدون مقدمات
********************
// ************\\
في بعدك بحس ان روحي تايهة مني بتصارع امواج الحياة وانت طوق نجاتي ارجعلي ياملاكي
حبيبي عن حبك ابدا ما راح اتوب هافضل بحبك وعارفة ان نار شوقي ليك ما بتنطفي
فى غياب المحبوب او بعده يتوه العقل والروح ويصبح الجسد متاح للناس
لكن الروح تحلق فى الفضاء وتغدوا حيث الحبيب
حماك ربى ورعاك ونور دنياك
دمت ودام أسمك وقلمك
كون كما تحب
السلام عليكم
كلماتك جميلة جداااااااا
تحياتى ودان تالقك وابداعك
كلمات مضيئه كالعاده
بوست جميل
دمت بخير
بنت وولد
جميل جدا توارد الخواطر
بس متاكد اللي هتقولوه اكيد احلي
تحيات
همس الاحباب
خالد باشا الشاب الجميل
اشكر لك زوقك و جميل كلماتك
تحياتي
شذا الروح
لو كل مرة تتاخري و ترجعي بورده انا موافق
تسلم عيونك
شذا الروح
ايه التجليات البديعه دي
كلماتك جميلة و لوعة المشتاق تترجميها بمهارة و حنكه
عزيزتي دائما ما نعاتب الحبيب و لا نلومه
نشتاق لقربه و نحن لوجوده
فنشتكي البعاد و حين اللقاء نسامح و ننتناسي كل الوجد فقط نعيش لحظات السعادة و القرب
تحياتي
modcena .
السلام عليكم
اشكر زيارتك و اتمني التواصل
تحياتي
الحب الجميل
و تواجدك ايها الحب الجميل اضاف الي البوست كل الجمال
تحياتي
البوست حلو اوى اوى ومتفاءل
تحياتى
هو أنا كنت فين
مشفتهاش إلا دلوقت
رائعة كلماتك
تسلم ايدك
السلام عليكم ورحمه الله وبركاته
معندهاش حق لو سمعت الكلام الجميل ده مش هتغيب حتي ثواني
الله ع كلامك
تسلم ايدك
إرسال تعليق