الثلاثاء، 1 يونيو 2010

قـوللــــــي نعــــــم



احبـــــك تقولـــي نعــم لمـا انـــــادي عـــليك


وفضـــلت انــــادي و انـــادي لحــد ما رديت


ده اسمك احلـــي نغــم دنــدنتـــه و لا ملــيت


لــــو كــل حــروف اللغه اسمك كفايـه ياريت

و ان قــلت الــــف نعــم قلبــــي عايش فيـها


و الكلمـــه منك امـــــر و الطــاعه موفيــها


ياللـــــــي بدعت الحنــان روحـــي مدفيـاها


ياللي زرعت الامــــــانــي و الحب ماليــــها

انــام علي حســـك اصحـي بنــور اسمـــك


و اتهجي افراحي اعشق خطـــوط رسمـك


تعالي قوللــي نعـم من غيـر مانــادي عليك


تلقاني جيت م العدم مسحور و ملك ايديك


زي النجــوم ياقمــر حياتـــي تدور حوليك

هناك 55 تعليقًا:

أحمد الصعيدي يقول...

التعليق الأول عند استاذي


كالعادة

أحمد الصعيدي يقول...

انــام علي حســـك اصحـي بنــور اسمـــك



و اتهجي افراحي اعشق خطـــوط رسمـك



تعالي قوللــي نعـم من غيـر مانــادي عليك



تلقاني جيت م العدم مسحور و ملك ايديك



زي النجــوم ياقمــر حياتـــي تدور حوليك


ليس بعد الحرف قول


أتمتع كعادتي هنا


أسعدك الله يا صديقي

shimaa elkholy يقول...

بس النجوم ما بتلفش حوالين القمر
ههههههههههههههه

جميله يا استاذنا

سلم اديك


عندي بوست فى المطبخ تعالى شوفه

من كل بستان زهرة يقول...

لو كل حروف اللغه
اسمك كفايه ياريت

مش غريب عليك الأبداع والأبتكار في فنون العشق فأنت ملك الأبداع

خايفه أكتب أعجابي بكلماتك فأظلمك بحروفي المتواضعه

أسعدك الله

Remas يقول...

تعالي قوللــي نعـم من غيـر مانــادي عليك



تلقاني جيت م العدم مسحور و ملك ايديك



زي النجــوم ياقمــر حياتـــي تدور حوليك


الله على الكلمات الحلوة

دايما بنقول نعم في ردنا ومش بنحس ان الكلمة دى ممكن تلفت نظر حد

لكن هذا الحبيب لفتت نظره ( نعم )حبيبته

بصراحة صورة الورد تجنن

سلمت يداك يا دكتور
بوست جميل بجد

غير معرف يقول...

احبـــــك تقولـــي نعــم لمـا انـــــادي عـــليكى
وفضـــلت انــــادي و انـــادي لحــد ما رديت
ده اسمك احلـــي نغــم دنــدنتـــه و لا ملــيت
لــــو كــل حــروف اللغه اسمك كفايـه ياريت


كلام ليس بعده كلام

دام قلمك الذى يسمعنا أحلى الكلام التى يتغنى لها العشاق

تحياتى

أنا - الريس يقول...

رغم اني الكلمات طيبة وحلوة
بس تدويناتك السابقة كانت في اعتقادي افضل

تحياتي

أنا - الريس يقول...

رغم اني الكلمات طيبة وحلوة
بس تدويناتك السابقة كانت في اعتقادي افضل

تحياتي

إيمان قنديل يقول...

نعم

أمل حمدي يقول...

الله بجد ألله

فكرتني بعبد الحليم

نعم يا حبيبي نعم

تسلم ايدك بجد يا استاذ عصام

رائعة

أحــوال الهـوي يقول...

أحمد الصعيدي


كاالعادة و ربنا لا يقطع لك عادة في الطاعة و صالح الاعمال


تحياتي

أحــوال الهـوي يقول...

أحمد الصعيدي

صديقي الجميل

دائما اسعد بتواصلنا

تحياتي

أحــوال الهـوي يقول...

ندى الياسمين

بس انا شايف النجوم بتلف و الضهر كمان

و خصوصا لما عرفت ان حضرتك صبرني و كمان لما رحت مطبخك الرائع و شبعت و قاعد باكل هناك و كل اليوم الاكل جديد مافيش حاجه بايته

يارب تسلمي و تسعدي

تحياتي

أحــوال الهـوي يقول...

من كل بستان زهرة

كلماتك ابداعا في حد ذاته

احيي فيكي متابعتك و تذوقك الراقي للكلمات
فهذا ليس بغريب علي مبدعة مثلك


تحياتي

أحــوال الهـوي يقول...

reem

لعلها ملحوظة ذكيه حتي انني لم افطن لها

و لكنني حينما كتبت كنت انظر الي رقة التلبيه من الحبيب لحبيبه

و مدي النعومه في هذه الكلمه

و الورد لا يغلي علي عاشقة الزهور

التي تعج مدونتها بجمال الورد و الوانه البديعه

تحياتي

أحــوال الهـوي يقول...

الحب الجميل

ايها الحب الجميل

اسعد الله صباحك
و متعك بالسعادة و الصحة و الحب الجميل

تحياتي

أحــوال الهـوي يقول...

MR.PRESIDENT

راي يحترم يا سيادة الرئيس


تحياتي

أحــوال الهـوي يقول...

GHARAM

ما رايت ابلغ من هذا الرد
مفحم مسكت

و لكن من في مثل قدرك و منزلتك و احترامك و علو شانك

لا نملك الا ان نقولها لك دائما

دون تفكير او تردد

نعم يا مولاتي

تحياتي

أحــوال الهـوي يقول...

ماما أمولة

طبعا لازم صاحبة الزمن الجميل

تتذكر الزمن الجميل

معذرة سيدتي كلما حاولت التعليق عندك اجد صعوبة في عدم ظهور التعليق
فاستميحك عذرا ان احسستي انني مقصر


تحياتي

أم الخلود يقول...

ما أحلى نعم بعد لا .. فلها دوي أكبر .. سلمت الأنامل

حنين القلب يقول...

كلماتك روعه ومعانيها اروع
تسلم ايدك
انا شوفت تعليقك عند مصطفى
بقى ده اسمه كلام
ده حضرتك تنزل بس وتنور بلدك واحسن لقاء يتعمل على شرفك باذن الله بس يكون فى اسكندريه
اه انا بتكلم عن حدودى اللى اقدر اعمل فيها حاجه ماااااااااااشى
ولما تنزل بلغنا بس وهتشوف احنا هنعملوا ايه
ده انت تنور اسكندرية

ام عمر

mostafa rayan يقول...

"زي النجوم يا قمرحياتى تدور حواليك"
ده ايه الرقة والدلع ده يا بخته اللي حبيبه يحبه كده لا وكمان لما يناديه يبقي ملك ايديه انت مدلعه جامد صراحه..دلع اخر حاجة واسمحلي اوجه له كلمة من هنا : الله يسهلو يا عم
ههههههه
لا بجد زجل جميل قوي واستمتعت بيه
تحياتى لك يا استاذي العزيز

فشكووول يقول...

شوف بقى انت ليه محيرنى معاك
الكلام دا ما ينفعش يتقال للحبيب
الكلام دا له سكه واحده بس
الكلام دا للام
وانت كنت مصمم ان الكلام دا للحبيب
انا بقى مصمم ان الكلام دا للام
الله يرحمك يا امى
تحياتى

القمرالباكي يقول...

السلام عليكم ورحمه الله وبركاته

ازيك يادكتور

ياللـــــــي بدعت الحنــان روحـــي مدفيـاها

ياللي زرعت الامــــــانــي و الحب ماليــــها

انــام علي حســـك اصحـي بنــور اسمـــك

و اتهجي افراحي اعشق خطـــوط رسمـك

انا مش هاقول حاجه لان كلماتك كلها حب وبهجه وبتقول بنفسها مش مستنيه كلامي

دومت بخير

أحــوال الهـوي يقول...

أم الخلود

ذهبتي بنا الي مكان اخر بعيد مااحلي كلمة نعم بعد لا


و ما احلي الوصال بعد الفراق

فلسفة لا يستشعرها الا من مر بها فهي دافقة للمشاعر و محفزة للاحاسيس

تحياتي

أحــوال الهـوي يقول...

حنين القلب
انه فضل يليق باهله

و كرم ليس من بعده جود

ان شاء الله لو قدر لنا تنظيم لقاء سيكون لي كل الشرف بالتعرف علي مدوني الاسكندريه

و يكفي الاهتمام

تحياتي

أحــوال الهـوي يقول...

mostafa rayan

طيب قوله الله يخليك يا مصطفي يا اخويا
دلع و تدليل اظن عداني العيب

انا سعيد جدا بتواصلنا

سوف اسعد اكثر بتقاربنا المادي و المعنوي علي المستوي الشخصي

تحياتي

أحــوال الهـوي يقول...

فشكووول

لما نتقابل مش هتحتار يا استاذنا

المهم انا سعيد بوجودك
و المهم تكون عجبتك تهديها للام للحبيبه لاي حد مطيع بيقوللك نعم

بيت اخوك حلالك

تحياتي

أحــوال الهـوي يقول...

القمرالباكي

يكفي تواجدك الدائم

فقط التوقيع

يسعدني

تحياتي

م/ الحسيني لزومي يقول...

ليت الزمان يعود يوما!!!!!!!!!

افروديت يقول...

مبدع كعادتك يااستاذ"تلقاني جيت م العدم مسحوروملك أيديك" كلامك أكثرمن رائع..احسنت

mostafa rayan يقول...
أزال المؤلف هذا التعليق.
mostafa rayan يقول...

والله انت كده عداك العيب وازح وركب تاكسي كمان هو لو ماحسش يبقي اسمحلى بقي غلطان غلطان غلطان والغلط محاوطه من كل مكان
ههههههههههههه

بجد انا اللي اكون في غاية سعادتى لما اتواصل شخصيا مع انسان جميل جدا زيك
والله لا تعرف مدى وقع كلماتك الجميلة هذه علي لانها اكبر مني بكتير قوي
اسعد الله ايامك بالخير يا صديقى الجميل

♥♥ شذا ♥ الروح ♥♥ يقول...

صباحك سكر يا احلى من السكر

♥♥ شذا ♥ الروح ♥♥ يقول...

جميل ان يبدء الشخص صباحه بمشاهدة هذه الباقه

من النبضات القلبيه الصادقه التي

يشعر بها قلبك الغالي

وترجمها قلمك الرائع ....

ليكتب الي قلوبنا

احاسيس يثور أريجها في بساتين الروعـــة

لوحة نقشت أبعادها بمساحات واقعية
شجرة وارفة الظلال

أسطورة قلم

كلمات تبث رائحة المسك بين جنباتها

وتصوير رائــع من قلم لا يشق له غبار

دمت ودام قلمك

تحيــــــــــاتي

Unknown يقول...

نعم و الف نعم...
يا اللي الرقه في حروفك.
زرتك كتير و نفس اشوفك ..
و اعرف احوالك وظروفك .
ليه حارمني من طيفك ..علي كيفك
تيجي مرحب...تبعداركب مركب
و آجي اشوفك ...

أبو العريف يقول...

ايه الرقه دي اللي ماليها حدود

واللحن زي نغم علي عووووووووود

معقوله في زيك مو جوووووو




تسلم ايدك يا دكتور

لما باجي هنا بحلف منا كاتب حاجه رومانسي تاني واقول خليني ف التخاريف بتاعتي احسن



و اقول

عاشقه الرومانسيه يقول...

ياسلااااااااااام
هو ده الكلام اللى يوزن النافوخ
((:
بجد انت فنان

تسلم ايدك


نفسى الاقى اللى يقولى نعم من غير ما انادى عليه
اوعدنا يااااااااارب

أحــوال الهـوي يقول...

م/ الحسيني لزومي
بس
اقول للزمان يرجع يا زمااااان


بتوحشني

تحياتي

أحــوال الهـوي يقول...

افروديت

تسلم كلاماتك الناعمه و ذوقك اللي فاق الحدود


تحياتي

أحــوال الهـوي يقول...

mostafa rayan

يااخي الصغير و ابني الكبير

لي عظيم الشرف دائما بالتواصل مع شخصية اري ان المستقبل يزين له طريقه بالزهور و يحتاج فقط الي الايمان بقيمته الابداعيه و صدقني سوف تنطلق الي مصاف النجوم

و بكرة تقول واحد تنبا لي بكده وبرضه هتقول مش متذكر اسمه


انت جميل

تحياتي

أحــوال الهـوي يقول...

♥♥ شذا ♥ الروح ♥♥

صباحك جميل يا شذا

انا بافرح لما اجدك في مزاج عالي و كاني اسمع ضحكتك

ربنا يسعدك و يبعد عنك السوء و اهله

تحياتي

أحــوال الهـوي يقول...

♥♥ شذا ♥ الروح ♥♥

و الله ان كانت كلماتي البسيطه تطلق العنان لكل هذه النفحات البليغه من وجدانك النقي و قلبك الطاهر و احاسيسك المرهفة الحانيه فيكفيني شرفا ان اكون صانعا للفرحه

مبدعتي الجميلة
و صديقتي الراقيه المشاعر

تحياتي

أحــوال الهـوي يقول...

فركشاوي ..ناوي

وانا كمان نفسي اشوفك و اشوف الكثير من اصحاب الفكر و الاقلام بمختلف ميولها

وان شاء الرحمن نازل مصر اجازة و ربنا ييسر و نقدر نعمل لقاء تدويني

تحياتي

أحــوال الهـوي يقول...

أبو العريف

انت تعرف بان قلمك يبدع افضل مما اكتب
و تعرف انني قلت لك من قبل
نهايات كلماتك دائما ما تنهيها بمزحه و كانك تخجل من مشاعرك و احاسيسك الرومانسية

مع انها نبض الحياة و شريعة الوجود
وانا في ارزل العمر و اكتب بهدف اعتقد انه جميل ان الرقي في المشاعر ابقي

تحياتي

أحــوال الهـوي يقول...

عاشقه الرومانسيه

من في مثل رومانسيتك سوف يجد ان شاء الله من يقدرها و يبهجها و يسعدها

شكرا لكلماتك الجميلة و هذا كثير من صاحبة قلم نابض بالمشاعر و الحب

تحياتي

mostafa rayan يقول...

صديقى واخي الجميل استاذ عصام بجد مش عارف اقولك ايه على كلامك ده ..بجد اكبر منى بكتير قوي وبجد انت انسان جميل قوي وانا اللي ليا الشرف وفرحان قوي انى اتعرفت عليك وان شاء الله لما تيجي مصر نتقابل ونقعد مع بعض لحد ماتزهق منى وتقولى يلا يا بنى قوم روح بيتكو زهقتنى
ربنا يسعد ايامك ويفرح قلبك ويتقبل دعواك الجميلة دي ليا وساعتها بردو هقول في واحد اسمه محفور في قلبي اسمه استاذ عصام تنبألي بمستقبل كويس
مش عارف اقولك ايه غير انى بحيك في الله واتمنى اكون عند حسن ظنك بيا
تحياتى وقبلاتى وكل امنياتى الطيبة ليك

maxbeta3zaman يقول...

أخونا أحوال الهوى وصاحب ومدير صيدلية القلوب ...دوا تركيب على جاهز ...ومحله المختار شبه الجزيرة العربية مررت اليوم على المدونات فلقيتك ملعلع حبا وانشادا ولقيت ألوان لبنى فاتح وورود ...فكرنى الجزء الأخير من ابياتك بكام بيت كده ...
الحلوة قالت آلو من غير مارنلها
أتاريها عاملاه على الصامت وآه منها
بصت على الشاشة لما نورها بقى ساطع
قالت ألو.. كنت عارفة انك حاتطلبنى
كهن الحبيب مايخيلشى عالحبٌيب (مع تشديد الباء)
اذا تنه باصص صاحى واعيلها

ساسو يقول...

يالها من كلمات
تسعد القلوب
تنادي للأمل
بكل حروفها

بجد انت شاعر بمعني الكلمه
وأنا محتاره أوصف ابداعك بايه

دمت بكل حب

أحــوال الهـوي يقول...

mostafa rayan
ياجميل ربنا يبارك فيك

انت العمر و المستقبل كلة ليك و مادمت مصمم ع الهدف باذن الله هتوصل و تمتعنا معاك بقلمك و ابداعاتك

الموضوع مش محتاج تنبأ لانه واضح وضوح الشمس

تحياتي

أحــوال الهـوي يقول...

maxbeta3zaman

و الله يا باشمهندس انا في منتهي السعاده بود حضرتك و كرمك و فضلك

باحاول اخلي الكلمات مبهجه لان كم الحزن و الضيق مالي المدونات و حاسس ان الناس بقت بتشتكي من الغدر و الهجر و الخيانه
قلت افتح الصورة شوية و اقول لهم ان بابا جده لسه شايف الدنيا بورودها و جمالها

تحياتي

أحــوال الهـوي يقول...

ساسو

شكرا علي كلماتك الرقيقة يا شاعرة حتي و انتي تتكلمين

و من يملك احساسا عاليا مثل الشعراء

مع كل الود و الاماني بدوام التواصل

تحياتي

د. إيمان مكاوي يقول...

كلمات رقيقة
تحياتي لقلمك

همس يقول...

ياسلام عشان اسمها تقول دا كلو

امال سنها وعنونها ورقم تلفونها


ياسيدى ياسيدى

ابدعت

تسلم ايدك

ويسلم اسمها ههههههههههه

Beram ElMasry يقول...

الشاعر الجميل الرقيق احوال الهوي
شكرا لاطراؤك ويسعدني دائما تواجدك

قرات في مدونتك:

تعالي قوللــي نعـم من غيـر مانــادي عليك
تلقاني جيت م العدم مسحور و ملك ايديك
زي النجــوم ياقمــر حياتـــي تدور حوليك

احســـــــــــنت
:)
وهذه هي المعاني الرقيقة والحس المرهف للمحبين
تحياتي ولاسلام مع بني اسرائيل