الجمعة، 4 سبتمبر 2009

مين حبيبي




حبيبي من صدي اسمه
يدوب الرعد من خوفه
و يضوي البرق بحروفه
ولو شاف النسيم ضله
يطاطي الورد بكسوفه

حبيبي من هاروت سحره
و لو شاور تقول لُبيك
و تغرق في عيون بحره
بنظرة عطفها منّ عليك

حبيبي لما اشوف طيفه
بيبهج نفسي و شجوني
بتزرع بسمتي رموشه
هتلمح ضي في عيوني

حبيبي في هواه جبار
ولو زعلته يوم تحتار
هـتلقي الهجر منه وصال
وان صالح نعيم و عمار

حبيبي خطوته غنوة
وصوته لحن اسطوره
ورقته لمحِتٝه حلوه
و اصله للملاك صورة











هناك 69 تعليقًا:

أحمد الصعيدي يقول...

ما أجمل حبيبك
وما أرق معانيك


السلام عليكم ورحمة الله
شاعرنا العامي الرومانسي المبدع
أسعدك الله

عاشقه الرومانسيه يقول...

الله الله
لا بجد تنفع اغنيه
جميييييييييله يااستاذنا
تسلم ايدك
حتى وانت بتكتب عامى رااااائع


دمت مبدع

micheal يقول...

سيدي يا سيدي ع الرومانسية
:)

آه من قلبي يقول...

ايه دة
يا بختك بحبيبك
وبجد كلماتك حلوة أوي
أوي اوي
اتمنى اشوف تعليقك عندي في المدونة

ستيتة يقول...

الله الله
بداية الكلام قوية جداااااااااااااااااااا
حبيبي من صدي اسمه
يدوب الرعد من خوفه
و يضوي البرق بحروفه
بصراحة الأول قلت مين الحبيب ده اللي بيدوب الرعد ويضوي البرق

بس عرفته في الأخر
حبيبي خطوته غنوة
وصوته لحن اسطوره
ورقته لمحِتٝه حلوه
و اصله للملاك صورة
يعني حبيب من حقه يملك القلب

تسلم ايدك

صبرني يارب يقول...

يا مساء الدماغ العاليه جدا والمنمقه جدا

الطالعه بتاعتها ما لهاش حل

مسدس صغير يقول...

كلمات روعة
جميلة
احييك عليها

ميرام يقول...

اول تواجد لي هنا
(:
يظهر فاتني كتير
اسمحلي أعوض مافاتني واتصفح البقية\
تحيــتي
(:

mahasen saber يقول...

الله يا بخت حبيبك اليى بتوصقه بالوصف الجيل ده

بس معرفش ليه فى ابيات حسيت ان الحبيب هو المولى عز وجل

يمكن نفحات الشهر الكريم علينا

المهم تسلم روحك وايدك الكلمات رائعه بجد

وصف للحبيب فى منتهى الرقى

------ يقول...

لا لا لا

كدا الواحد اتأخر خاالص

بس معذرة لان مشغولة الايام دى فى الجرنال

وهى اللى منعتنى انى اتابع

دعواتك

------ يقول...

الله

حلوة اوى بجد

يسلم قلمك باباتى

------ يقول...

مصدر وحى والهامى

ونور حياتى وايامى

ياعشق قلبى وغرامى

يااحلى حلم ف احلامى

يااجمل لحن ف انغامى

يااحسن كلمه ف كلامى

يازهره ناديه ف بستانى

ياغنوه حلوه على لسانى

يافكره غاليه ف وجدانى

ياكل اهلى وخلانى

يااحمل نبع لحنانى

وليل سهادى واشجانى

يااجمل همسه فى ليل الصمت

يااجمل حلم بيه انا حلمت

يااروع بيت ف قصيده حب

يااغلى حبيب واطيب قلب

أحــوال الهـوي يقول...

أحمد الصعيدي

انت تكتب فيما هو ابدع

و تتغزل بحب من خلق و صور

و نحن اين منك

تحياتي

أحــوال الهـوي يقول...

عاشقه الرومانسيه

و نيجي ايه في الرومانسيه الجميلة
الحقيقية

ربنا يسعدك
تحياتي

أحــوال الهـوي يقول...

micheal

مساءك جميل يا ميشو

تحياتي

أحــوال الهـوي يقول...

آه من قلبي


ربنا يكرمك

و لي الشرف في زيارة مدونتك

تحياتي

أحــوال الهـوي يقول...

ستيته حسب الله الحمش

يا دكتور بتنوريني بتواجدك و اهتمامك

و يارب اكون باقدر ابهج قلوب و اسعد ارواح بكلماتي البسيطه


تحياتي

أحــوال الهـوي يقول...

صبرني يارب

مساء القطايف البيتي اللي مش قادر انسي شكلها في مدونتك

انت ملكة الدماغ العاليه

تحياتي

أحــوال الهـوي يقول...

مسدس صغير

و احشني يا اخي
و لسوء حظي لم اسعد بموقابلتك في حديقة الازهر

تتعوض باذن الله

تحياتي

أحــوال الهـوي يقول...

ميرام

يا ابنتي زيارتك شرف لي

مدونتك و تجولي بها كما يحلو لك

و اسالك الاذن بزيارتك

تحياتي

أحــوال الهـوي يقول...

mahasen saber

يا بختي ان النجمة بتنزل م السما و بتيجي مدونتي

و الله انا باحاول اكتب حاجه دينيه و لكن قلمي مش مطاوعني

مش عارف ليه

بس انت اعطتيني الامل بالمحاوله

تحياتي

أحــوال الهـوي يقول...

دموع القمر

لالالالا احكيلي عن الجرنال لازم اعرف اخبارك الصحفيه

يظهر انك صخفيه بجد

تحياتي

أحــوال الهـوي يقول...

دموع القمر

انت اللي تسلمي من كل شر

تحياتي

أحــوال الهـوي يقول...

دموع القمر

ايه الجمال و الشاعريه دي

لا..... معدش لنا عيش في المدونات
منافس خطير جاي في الطريق

ايه التجلي ده يظهر ان فيه محرك خفي ورا اللي بيحصل ده

فيه ؟؟؟

في صح

تحياتي

فشكووول يقول...

حبيبى لو يوم القاه

وابارك لقلبى ..يا هناه

حبيبى لو يوم اشوفه

اخبى عينى من وشه

وقلبى يضحك من ورا عينى

ونبضى يدب يدب يدب

حبيبى لو يوم اضمه

يبقى المنى كل المنى كله

لخبطه وفشكله والشعراء ح يرفعوا على قضيه

تحياتى عصام بك

أحــوال الهـوي يقول...

شكووول

افهم من كده انك ما حايتش الفزورة

و الله انا قلت ان عمنا فشكووول ب حاسته البوليسيه
هيعرف مين حبيبي و كانت الجايزة عبية قصب بزعازيعه

بس سيبك ايه الكلام الجميل ده يظهر ان قريحتك تحركت لما قريت البتاعة

حبيبي يا عم صلاح

تحياتي

بادية الوادى يقول...

السلام عليكم ورحمه الله وبركاتة

حبيبي خطوته غنوه وصوته لحن اسطورة
واصلة للملاك صورة اى الكلام الجميل دة يسلم ايدك
تحياتى

مدينـة من النسـاء يقول...

حبيبي لدمعي ضحكايه
حبيبي لصوتي غنوايه
وان فكرت يوم ابعد
الاقي كيانه جوايا

كتير بحس كلامك مرايه بتنعكس عليها صوره عايشانا وساكته
بترسم لينا سطور نمشي عليها وبعد مانقول على كلامك الله
نلاقينا بننطق اللي فينا

------ يقول...

باباتى

انت شاكك فى قدرات بنتك ولا ايييه

انا بقالى فى الصحافة سنتين

من اول ما دخلت الكلية

وانا حابة المهنة دى درستها سنتين واشتغلت فى الجرنال

فى الاول حسسونى انى ولا حاجة دا حتى ماكنوش يقروا كتاباتى
مرة تلاقى موضوعى نازل بإسم واحدة تانية ومرة مينزلش خلص ومرة لقيته مرمى فى الزبالة

عانيت سنة كاملة لغاية فى يوم عملت تحقيق عن الدروس الخصوصية
وتحقيق عن مهزلة كانت فى المستشفى عندنا

وودتهم قرأ الموضوع عجبوا
استغرب انى بقالى سنة وعمروا ماشاف منى موضوع واحد

قلت يبقى الموضوع فيه ان واخواتها هههه

بس احتسبت دا عند ربنا والحمد لله

الاعتماد على الله ثم عليا انا وواحدة صحبتى

ودعواتك بقى لحسن بنتك مطحونة فى الشغل ورايا اجيب حوادث ورياضة وادب وتحقيقين وخبر

هى مهنة متعبه جدا

ويمكن دا اللى خلانى اكمل دراستى فى العلاقات العامة والاعلان

واللى فيه خير ربنا يقدمه

------ يقول...

حضرتك اللى تسلم من كل شر وتعود لاولادك بألف سلامة

معرفش هتصدقنى لو قلتلك مفيش حاجة
بس كل الحكاية انى لما احب اكتب حاجة

بعيش نفسى الحالة علشان اكتب

يقولولى انت هتتجننى علشان حبيبك خيال بس اهه

يعنى حب اتخيل انى بحب واحد وعايشين ولا روميو وجولييت

ولما تقلب فراق وعكننة اتخيل انه غدر بيا وهجرنى وكدا حتى فى القصص كدا

تعرف انى مش قادرة افهم نفسى

هل بحب ولا لا

ساعات مبحبش الحب لانى بخاف منه بخاف اتجرح

وساعات بحب الحب لانه من غيره مافيش حياه
لكن ساعاتها بعمل كنترول لنفسى

لا تعرف انا محبتش لانى لما بحب بحب بجد

قابلت ناس كتير وقالوا بحبك

مصدقتش لانى معرفتش مين بيكذب ومين صادق

عرفت انى ظلمت ناس معايا بس اقول دا الصح

ولانى شايفة ان الحب بيبقى فيه تنازلات كتير وانا مش راضية عانها

وان كان فيه حب بيكون من طرف واحد لان حيائى كبنت يمنعنى انى اتكلم
وغير كدا مجتمعنا بيرفض دا


ههه الكلام كتير

معلش صدعت دماغك

تحياتى لك

أحــوال الهـوي يقول...

بادية الوادى

ارحب بزيارتك العزيزة و يسعدني التواصل بيننا

تحياتي

أحــوال الهـوي يقول...

مدينـة من النسـاء

هكذا حال الرومانسيه تصل ايهم الكلمات و يستشعرون معانيها فتلفظ من داخلهم درر مكنونه بداخلهم

و صدقيني في بعض الاحيان استقي معني معين من قصيدة و اترجمها بطريقتي

نحن نستشعر الاحاسيس و اعطانا الله القدرة علي ترجمتها الي كلمات
و الدليل مطلع الاغنيه الرائع الذي افخر بانه من ايحاء كلماتي

كملي النص

حبيبي لدمعي ضحكايه
حبيبي لصوتي غنوايه
وان فكرت يوم ابعد
الاقي كيانه جوايا


تحياتي

أحــوال الهـوي يقول...

دموع القمر
مين قال اني باشكك في قدراتك
انت كتبت خبر كنت باستفسر عنه

لكنك صحفيه و اعده و يكفي انك تحبين هذه المهنة الشاقه و جميل ان تمتهني ما تحبين و ابشرك بمستقبل واعد باذن الله و عليك قبول التحدي و تحمل الصعاب حتي تصلين لكبريات الصحف

ابنتي فخور بك دائما

تحياتي

أحــوال الهـوي يقول...

دموع القمر

و لا اخفي عنك ايضا هذه هي مصادري الغراميه استقي الفكرة و اتعايش معها و اشعر بها ثم اكتبها

و قد يتكلم البعض عن التجربه الشعوريه حتي يستطيع الكاتب ان ينفذ الي سرد القصه او القصيد و لكننا نفعل احاسيسنا و ننفعل بحادثة او تجارب الاخرين

انت تفعلين المثل و بما انني لست بمجنون الي الان فانت ايضا كذلك

صغيرتي الجميلة

انا سعيد بك و بقلمك و مثابرتك

تحياتي

عمرو جويلى يقول...

أخى الفاضل
السلام عليكم
قصيدة رائعة
وجهد مشكور
جعله الله فى ميزان حسناتك
خالص تقديرى

عمرو يقول...

حبيبي لما اشوف طيفه
بيبهج نفسي و شجوني
بتزرع بسمتي رموشه
هتلمح ضي في عيوني

أنا بقى حأبروز الأبيات دى بعد اٍذنك :)
تقبل تحياتى يا شاعرنا الرقيق الحالم ..

Kiara يقول...

حبيبي في هواه جبار
ولو زعلته يوم تحتار
هـتلقي الهجر منه وصال
وان صالح نعيم و عمار
**************

اكتر جزء عجبني هو دا
والفكره حلوه جدا بس مش عارفه في حاجات حاسه انها مش ماشيه مع النغمه فكانت بتخرجني من المود شويه

حـــــروف متــبعترة " عــمرو الشــايب يقول...

اية الجمال دة

عجز الكلام عن وصف الاحساس

مش هقول غير دي بس

ن يقول...

السلام عليكم
دكتور / أحوال الهوى
اعتذر على غياب رغما عنى ولكنى احببت ان أسلم عليك وأطمئن فى شهر تطمئن فيه القلوب بذكر الله .. تقبل الله منا ومنكم وغفر لنا ولكم .
مع خالص تحياتى

أحــوال الهـوي يقول...

اللؤلؤة

كل عام و انت بخير

تقبل الله منا و منكم صيامنا و قيامنا

و تحياتي للعصفورة

تحياتي

أحــوال الهـوي يقول...

عمرو

اكرمك الله يا فاعل الخير

و ثبت خطاك في طريقك و اثابك علي ما تفعله

وددت ان اكون جزءا من فيض خيرك و حالت المسافة بيننا

وباذن الله سوف نتقابل و نثمر للخير رافدا جديدا

تحياتي

أحــوال الهـوي يقول...

كيــــــــــــارا

المشاغبه الجميلة

وعدتك بمحاولة التقويم

و ان فعلت سوف تعلمين اولا

تحياتي

أحــوال الهـوي يقول...

3mr wa2el

مرحبا بك في عالمك الجديد حيث للهوي احوال

تحياتي

أحــوال الهـوي يقول...

ن

دائما ما يخجلني كرمك و عطفك بان تجدي من الوقت ما تجودين به علي لتلقي التحيه او تكتبي تعليق

انحني شكرا علي فضلك الذي يطوقني و يعجز اللسان ان يعبر عن امتناني تجاهك

تحياتي

فشكووول يقول...

يا دكتور عصام

دايما بيقولوا المعنى فى بطن الشاعر

وبصراحه انت بطنك كلها غموض

بس انا عدت القراءه مرة واثنين وتلاته

وفهمت انك ممكن تكون بتكره حبيبك ده

وبرضه ممكن تكون بتحبه

او فيه واحد بالذات انت بتقول فيه القصيده ومش بتحبه وبتتريق عليه

يعنى بتحتمل اكتر من احتمال

أبو العريف يقول...

السلام عليكم

كل عام وانت بألف خير

استاذنا الكريم

ندعوك لحضور لقاء المدونين الموجودين بالسعوديه

وذلك في اجازة عيد الفطر المبارك بمدينة الرياض

ان تيسر لك ذلك

ولمعرفة التفاصيل

www.maknaiel.blogspot.com

Unknown يقول...

جميلة كلماتك ومعانيها
كما هى عادتك دائمـــاً

Unknown يقول...

ربنا يحفـظ لك
كريم وإخوانــه
ويبعــــد عنهم
شياطين الانس والجن
آمين يارب العالمين

mahasen saber يقول...

طب كويس انى شجعتك يا عصام

انتا اخ غالى عندى جدا جدا
وزيارتك بتشرفنى وتسعدنى وتفيدنى ووتبسطنى جدا جدا
يعنى انا الكسبانه من زيارة مدونة اخويا عصام

♥ سحر ♥ يقول...

عذب فرات
قلم مستفرد الجمال
::
طهر بين السطور
والدفىء يعمة كنور
:
صدقأً استمتعت
سيدي
ادعوك لمشاركة العضوة إحساس طفلة فرحتها
فـ الأسلام جمعنا والود دائم بيننا
http://ahsas-king.blogspot.com/
لك الشكر

شمس النهار يقول...

القصيده جميله طبعا كالعاده
بس اول ماشفت

حبيبي من صدي اسمه
يدوب الرعد من خوفه


انا اتخضيت قلت خير اللهم اجعله خير
دي اخت خط الصعيد:)

بس لما كملت لاقيتك واصفها بصفات ارق من النسيم نفسه

فشكووول يقول...

السلام عليكم

عارف يا دكتور عصام

انا مخى ضلم واصعب حاجه فى الدنيا على انى احل الفوازير ... ما بفهمش فيها خالص ... مخ ضلم بقى

تحياتى

صفــــاء يقول...

ودى صفات واحدة ست والا صفات عبد الجبار ؟
وبعدين حبيبتك مرعبه اوى
ورعد وبرق وزعابيب أمشير
ربنا يعينك على حبها يا دكتور
ونصيحه لوجه الله
وانت خارج معاها ابقى خد شمسيه
محدش ضامن الظروف
كل سنه وانت طيب
ينعاد عليك

------ يقول...

باباتى

ازيك

كل سنة وانت طيب

ايه الغبية دى كلها

بجد افتقدنا تدويناتك

يارب تكون بصحة جيدة

وترجعلنا بألف سلامة

فاااااتك كتير من القصة كان نفسى تتابعها معايا

خيير تحياتى لك

من غير عنـــوان يقول...

كلامك دائما جميل
كتاباتك الرومانسية تنم عن إحساس رائع

أمنياتي وكل عيد وأنتم بخير

Beram ElMasry يقول...

الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل ** بيرم المصري

غير معرف يقول...

كلسنة وانت طيب ياابو باسم
عيد مبارك عليك وعلى اسرتك الكريمة
وتقبل الله منك رمضان وتقبل فيه
صالح الاعمال
تحياتى

ن يقول...

السلام عليكم
الدكتور .. احوال الهوى
بمناسبة عيد الفطر المبارك
كل عام وحضرتك بخير
مع خالص تحياتى

شمس النهار يقول...

كل سنه وحضرتك طيب

عيد سعيد ان شاء الله

ومنتظرين قصيده جديده علي العيد

عيديه يعني:)

عالم حبيب يقول...

مع ختام رمضان وقدوم العيد .. أدعوا الله أن يتقبل منا ومنكم الشهر ويهل علينا وعليكم والمسملين هلال العيد بسعادة واطمئنان وثبات على الطاعات بعد رمضان

أذكركم بصيام 6 من شوال لحديث النبي صلى الله عليه وسلم : من صام رمضان وأتبعه بست من شوال خرج كيوم ولدته أمه .. صحيح مسلم

كل عام وأنتم الى الله أقرب وعلى طاعته أدوم

micheal يقول...

كل سنة وأنت طيب

غير معرف يقول...

كل سنة وانت والاسرة الكريمة بخير وسعادة

Unknown يقول...

كل سنة وانت طيب
ياصيدلى ياطـــيب
طمنا عليك غبت كتير
لعل السبب خيراً بأذن
الله سبحانه وتعـــــــالى

أحمد الصعيدي يقول...

كل عام وأنتم بخير
عيد سعيد

Soul.o0o.Whisper يقول...

كل سنة و حضرتك طيب

و عيد سعيد عليك يارب و على كل الاسرة


و بجد قصيدة رااااااائعة
ربنا يديم ابداع قلمك يارب




دمت بكل الخير

قوس قزح يقول...

كلماتك جميلة كالعادة

كل سنة وانت طيب
و عيد سعيد عليك

Unknown يقول...

طمنتنا ياصيدلى
ربنا يطمنك يارب
يرجعك بالسلامة لبيتك
ولبلدك وكمان لاهلك يارب

------ يقول...

حمد لله على سلامتك

ولا يهمك تتعوض ابقى اقراها واحدة واحدة

بس حضرتك تعرف

انت فكرتنى فى التعليق دا ببابا

انى بستناه كل اجازة علشان يقعد معايا ويقرأ حاجاتى اللى بكتبها

ربنا يكرمك وترجع لاولادك سالما بإذن الله

------ يقول...
أزال المؤلف هذا التعليق.