حبيبي من صدي اسمه
يدوب الرعد من خوفه
و يضوي البرق بحروفه
ولو شاف النسيم ضله
يطاطي الورد بكسوفه
حبيبي من هاروت سحره
و لو شاور تقول لُبيك
و تغرق في عيون بحره
بنظرة عطفها منّ عليك
حبيبي لما اشوف طيفه
بيبهج نفسي و شجوني
بتزرع بسمتي رموشه
هتلمح ضي في عيوني
حبيبي في هواه جبار
ولو زعلته يوم تحتار
هـتلقي الهجر منه وصال
وان صالح نعيم و عمار
حبيبي خطوته غنوة
وصوته لحن اسطوره
ورقته لمحِتٝه حلوه
و اصله للملاك صورة
هناك 69 تعليقًا:
ما أجمل حبيبك
وما أرق معانيك
السلام عليكم ورحمة الله
شاعرنا العامي الرومانسي المبدع
أسعدك الله
الله الله
لا بجد تنفع اغنيه
جميييييييييله يااستاذنا
تسلم ايدك
حتى وانت بتكتب عامى رااااائع
دمت مبدع
سيدي يا سيدي ع الرومانسية
:)
ايه دة
يا بختك بحبيبك
وبجد كلماتك حلوة أوي
أوي اوي
اتمنى اشوف تعليقك عندي في المدونة
الله الله
بداية الكلام قوية جداااااااااااااااااااا
حبيبي من صدي اسمه
يدوب الرعد من خوفه
و يضوي البرق بحروفه
بصراحة الأول قلت مين الحبيب ده اللي بيدوب الرعد ويضوي البرق
بس عرفته في الأخر
حبيبي خطوته غنوة
وصوته لحن اسطوره
ورقته لمحِتٝه حلوه
و اصله للملاك صورة
يعني حبيب من حقه يملك القلب
تسلم ايدك
يا مساء الدماغ العاليه جدا والمنمقه جدا
الطالعه بتاعتها ما لهاش حل
كلمات روعة
جميلة
احييك عليها
اول تواجد لي هنا
(:
يظهر فاتني كتير
اسمحلي أعوض مافاتني واتصفح البقية\
تحيــتي
(:
الله يا بخت حبيبك اليى بتوصقه بالوصف الجيل ده
بس معرفش ليه فى ابيات حسيت ان الحبيب هو المولى عز وجل
يمكن نفحات الشهر الكريم علينا
المهم تسلم روحك وايدك الكلمات رائعه بجد
وصف للحبيب فى منتهى الرقى
لا لا لا
كدا الواحد اتأخر خاالص
بس معذرة لان مشغولة الايام دى فى الجرنال
وهى اللى منعتنى انى اتابع
دعواتك
الله
حلوة اوى بجد
يسلم قلمك باباتى
مصدر وحى والهامى
ونور حياتى وايامى
ياعشق قلبى وغرامى
يااحلى حلم ف احلامى
يااجمل لحن ف انغامى
يااحسن كلمه ف كلامى
يازهره ناديه ف بستانى
ياغنوه حلوه على لسانى
يافكره غاليه ف وجدانى
ياكل اهلى وخلانى
يااحمل نبع لحنانى
وليل سهادى واشجانى
يااجمل همسه فى ليل الصمت
يااجمل حلم بيه انا حلمت
يااروع بيت ف قصيده حب
يااغلى حبيب واطيب قلب
أحمد الصعيدي
انت تكتب فيما هو ابدع
و تتغزل بحب من خلق و صور
و نحن اين منك
تحياتي
عاشقه الرومانسيه
و نيجي ايه في الرومانسيه الجميلة
الحقيقية
ربنا يسعدك
تحياتي
micheal
مساءك جميل يا ميشو
تحياتي
آه من قلبي
ربنا يكرمك
و لي الشرف في زيارة مدونتك
تحياتي
ستيته حسب الله الحمش
يا دكتور بتنوريني بتواجدك و اهتمامك
و يارب اكون باقدر ابهج قلوب و اسعد ارواح بكلماتي البسيطه
تحياتي
صبرني يارب
مساء القطايف البيتي اللي مش قادر انسي شكلها في مدونتك
انت ملكة الدماغ العاليه
تحياتي
مسدس صغير
و احشني يا اخي
و لسوء حظي لم اسعد بموقابلتك في حديقة الازهر
تتعوض باذن الله
تحياتي
ميرام
يا ابنتي زيارتك شرف لي
مدونتك و تجولي بها كما يحلو لك
و اسالك الاذن بزيارتك
تحياتي
mahasen saber
يا بختي ان النجمة بتنزل م السما و بتيجي مدونتي
و الله انا باحاول اكتب حاجه دينيه و لكن قلمي مش مطاوعني
مش عارف ليه
بس انت اعطتيني الامل بالمحاوله
تحياتي
دموع القمر
لالالالا احكيلي عن الجرنال لازم اعرف اخبارك الصحفيه
يظهر انك صخفيه بجد
تحياتي
دموع القمر
انت اللي تسلمي من كل شر
تحياتي
دموع القمر
ايه الجمال و الشاعريه دي
لا..... معدش لنا عيش في المدونات
منافس خطير جاي في الطريق
ايه التجلي ده يظهر ان فيه محرك خفي ورا اللي بيحصل ده
فيه ؟؟؟
في صح
تحياتي
حبيبى لو يوم القاه
وابارك لقلبى ..يا هناه
حبيبى لو يوم اشوفه
اخبى عينى من وشه
وقلبى يضحك من ورا عينى
ونبضى يدب يدب يدب
حبيبى لو يوم اضمه
يبقى المنى كل المنى كله
لخبطه وفشكله والشعراء ح يرفعوا على قضيه
تحياتى عصام بك
شكووول
افهم من كده انك ما حايتش الفزورة
و الله انا قلت ان عمنا فشكووول ب حاسته البوليسيه
هيعرف مين حبيبي و كانت الجايزة عبية قصب بزعازيعه
بس سيبك ايه الكلام الجميل ده يظهر ان قريحتك تحركت لما قريت البتاعة
حبيبي يا عم صلاح
تحياتي
السلام عليكم ورحمه الله وبركاتة
حبيبي خطوته غنوه وصوته لحن اسطورة
واصلة للملاك صورة اى الكلام الجميل دة يسلم ايدك
تحياتى
حبيبي لدمعي ضحكايه
حبيبي لصوتي غنوايه
وان فكرت يوم ابعد
الاقي كيانه جوايا
كتير بحس كلامك مرايه بتنعكس عليها صوره عايشانا وساكته
بترسم لينا سطور نمشي عليها وبعد مانقول على كلامك الله
نلاقينا بننطق اللي فينا
باباتى
انت شاكك فى قدرات بنتك ولا ايييه
انا بقالى فى الصحافة سنتين
من اول ما دخلت الكلية
وانا حابة المهنة دى درستها سنتين واشتغلت فى الجرنال
فى الاول حسسونى انى ولا حاجة دا حتى ماكنوش يقروا كتاباتى
مرة تلاقى موضوعى نازل بإسم واحدة تانية ومرة مينزلش خلص ومرة لقيته مرمى فى الزبالة
عانيت سنة كاملة لغاية فى يوم عملت تحقيق عن الدروس الخصوصية
وتحقيق عن مهزلة كانت فى المستشفى عندنا
وودتهم قرأ الموضوع عجبوا
استغرب انى بقالى سنة وعمروا ماشاف منى موضوع واحد
قلت يبقى الموضوع فيه ان واخواتها هههه
بس احتسبت دا عند ربنا والحمد لله
الاعتماد على الله ثم عليا انا وواحدة صحبتى
ودعواتك بقى لحسن بنتك مطحونة فى الشغل ورايا اجيب حوادث ورياضة وادب وتحقيقين وخبر
هى مهنة متعبه جدا
ويمكن دا اللى خلانى اكمل دراستى فى العلاقات العامة والاعلان
واللى فيه خير ربنا يقدمه
حضرتك اللى تسلم من كل شر وتعود لاولادك بألف سلامة
معرفش هتصدقنى لو قلتلك مفيش حاجة
بس كل الحكاية انى لما احب اكتب حاجة
بعيش نفسى الحالة علشان اكتب
يقولولى انت هتتجننى علشان حبيبك خيال بس اهه
يعنى حب اتخيل انى بحب واحد وعايشين ولا روميو وجولييت
ولما تقلب فراق وعكننة اتخيل انه غدر بيا وهجرنى وكدا حتى فى القصص كدا
تعرف انى مش قادرة افهم نفسى
هل بحب ولا لا
ساعات مبحبش الحب لانى بخاف منه بخاف اتجرح
وساعات بحب الحب لانه من غيره مافيش حياه
لكن ساعاتها بعمل كنترول لنفسى
لا تعرف انا محبتش لانى لما بحب بحب بجد
قابلت ناس كتير وقالوا بحبك
مصدقتش لانى معرفتش مين بيكذب ومين صادق
عرفت انى ظلمت ناس معايا بس اقول دا الصح
ولانى شايفة ان الحب بيبقى فيه تنازلات كتير وانا مش راضية عانها
وان كان فيه حب بيكون من طرف واحد لان حيائى كبنت يمنعنى انى اتكلم
وغير كدا مجتمعنا بيرفض دا
ههه الكلام كتير
معلش صدعت دماغك
تحياتى لك
بادية الوادى
ارحب بزيارتك العزيزة و يسعدني التواصل بيننا
تحياتي
مدينـة من النسـاء
هكذا حال الرومانسيه تصل ايهم الكلمات و يستشعرون معانيها فتلفظ من داخلهم درر مكنونه بداخلهم
و صدقيني في بعض الاحيان استقي معني معين من قصيدة و اترجمها بطريقتي
نحن نستشعر الاحاسيس و اعطانا الله القدرة علي ترجمتها الي كلمات
و الدليل مطلع الاغنيه الرائع الذي افخر بانه من ايحاء كلماتي
كملي النص
حبيبي لدمعي ضحكايه
حبيبي لصوتي غنوايه
وان فكرت يوم ابعد
الاقي كيانه جوايا
تحياتي
دموع القمر
مين قال اني باشكك في قدراتك
انت كتبت خبر كنت باستفسر عنه
لكنك صحفيه و اعده و يكفي انك تحبين هذه المهنة الشاقه و جميل ان تمتهني ما تحبين و ابشرك بمستقبل واعد باذن الله و عليك قبول التحدي و تحمل الصعاب حتي تصلين لكبريات الصحف
ابنتي فخور بك دائما
تحياتي
دموع القمر
و لا اخفي عنك ايضا هذه هي مصادري الغراميه استقي الفكرة و اتعايش معها و اشعر بها ثم اكتبها
و قد يتكلم البعض عن التجربه الشعوريه حتي يستطيع الكاتب ان ينفذ الي سرد القصه او القصيد و لكننا نفعل احاسيسنا و ننفعل بحادثة او تجارب الاخرين
انت تفعلين المثل و بما انني لست بمجنون الي الان فانت ايضا كذلك
صغيرتي الجميلة
انا سعيد بك و بقلمك و مثابرتك
تحياتي
أخى الفاضل
السلام عليكم
قصيدة رائعة
وجهد مشكور
جعله الله فى ميزان حسناتك
خالص تقديرى
حبيبي لما اشوف طيفه
بيبهج نفسي و شجوني
بتزرع بسمتي رموشه
هتلمح ضي في عيوني
أنا بقى حأبروز الأبيات دى بعد اٍذنك :)
تقبل تحياتى يا شاعرنا الرقيق الحالم ..
حبيبي في هواه جبار
ولو زعلته يوم تحتار
هـتلقي الهجر منه وصال
وان صالح نعيم و عمار
**************
اكتر جزء عجبني هو دا
والفكره حلوه جدا بس مش عارفه في حاجات حاسه انها مش ماشيه مع النغمه فكانت بتخرجني من المود شويه
اية الجمال دة
عجز الكلام عن وصف الاحساس
مش هقول غير دي بس
السلام عليكم
دكتور / أحوال الهوى
اعتذر على غياب رغما عنى ولكنى احببت ان أسلم عليك وأطمئن فى شهر تطمئن فيه القلوب بذكر الله .. تقبل الله منا ومنكم وغفر لنا ولكم .
مع خالص تحياتى
اللؤلؤة
كل عام و انت بخير
تقبل الله منا و منكم صيامنا و قيامنا
و تحياتي للعصفورة
تحياتي
عمرو
اكرمك الله يا فاعل الخير
و ثبت خطاك في طريقك و اثابك علي ما تفعله
وددت ان اكون جزءا من فيض خيرك و حالت المسافة بيننا
وباذن الله سوف نتقابل و نثمر للخير رافدا جديدا
تحياتي
كيــــــــــــارا
المشاغبه الجميلة
وعدتك بمحاولة التقويم
و ان فعلت سوف تعلمين اولا
تحياتي
3mr wa2el
مرحبا بك في عالمك الجديد حيث للهوي احوال
تحياتي
ن
دائما ما يخجلني كرمك و عطفك بان تجدي من الوقت ما تجودين به علي لتلقي التحيه او تكتبي تعليق
انحني شكرا علي فضلك الذي يطوقني و يعجز اللسان ان يعبر عن امتناني تجاهك
تحياتي
يا دكتور عصام
دايما بيقولوا المعنى فى بطن الشاعر
وبصراحه انت بطنك كلها غموض
بس انا عدت القراءه مرة واثنين وتلاته
وفهمت انك ممكن تكون بتكره حبيبك ده
وبرضه ممكن تكون بتحبه
او فيه واحد بالذات انت بتقول فيه القصيده ومش بتحبه وبتتريق عليه
يعنى بتحتمل اكتر من احتمال
السلام عليكم
كل عام وانت بألف خير
استاذنا الكريم
ندعوك لحضور لقاء المدونين الموجودين بالسعوديه
وذلك في اجازة عيد الفطر المبارك بمدينة الرياض
ان تيسر لك ذلك
ولمعرفة التفاصيل
www.maknaiel.blogspot.com
جميلة كلماتك ومعانيها
كما هى عادتك دائمـــاً
ربنا يحفـظ لك
كريم وإخوانــه
ويبعــــد عنهم
شياطين الانس والجن
آمين يارب العالمين
طب كويس انى شجعتك يا عصام
انتا اخ غالى عندى جدا جدا
وزيارتك بتشرفنى وتسعدنى وتفيدنى ووتبسطنى جدا جدا
يعنى انا الكسبانه من زيارة مدونة اخويا عصام
عذب فرات
قلم مستفرد الجمال
::
طهر بين السطور
والدفىء يعمة كنور
:
صدقأً استمتعت
سيدي
ادعوك لمشاركة العضوة إحساس طفلة فرحتها
فـ الأسلام جمعنا والود دائم بيننا
http://ahsas-king.blogspot.com/
لك الشكر
القصيده جميله طبعا كالعاده
بس اول ماشفت
حبيبي من صدي اسمه
يدوب الرعد من خوفه
انا اتخضيت قلت خير اللهم اجعله خير
دي اخت خط الصعيد:)
بس لما كملت لاقيتك واصفها بصفات ارق من النسيم نفسه
السلام عليكم
عارف يا دكتور عصام
انا مخى ضلم واصعب حاجه فى الدنيا على انى احل الفوازير ... ما بفهمش فيها خالص ... مخ ضلم بقى
تحياتى
ودى صفات واحدة ست والا صفات عبد الجبار ؟
وبعدين حبيبتك مرعبه اوى
ورعد وبرق وزعابيب أمشير
ربنا يعينك على حبها يا دكتور
ونصيحه لوجه الله
وانت خارج معاها ابقى خد شمسيه
محدش ضامن الظروف
كل سنه وانت طيب
ينعاد عليك
باباتى
ازيك
كل سنة وانت طيب
ايه الغبية دى كلها
بجد افتقدنا تدويناتك
يارب تكون بصحة جيدة
وترجعلنا بألف سلامة
فاااااتك كتير من القصة كان نفسى تتابعها معايا
خيير تحياتى لك
كلامك دائما جميل
كتاباتك الرومانسية تنم عن إحساس رائع
أمنياتي وكل عيد وأنتم بخير
الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل ** بيرم المصري
كلسنة وانت طيب ياابو باسم
عيد مبارك عليك وعلى اسرتك الكريمة
وتقبل الله منك رمضان وتقبل فيه
صالح الاعمال
تحياتى
السلام عليكم
الدكتور .. احوال الهوى
بمناسبة عيد الفطر المبارك
كل عام وحضرتك بخير
مع خالص تحياتى
كل سنه وحضرتك طيب
عيد سعيد ان شاء الله
ومنتظرين قصيده جديده علي العيد
عيديه يعني:)
مع ختام رمضان وقدوم العيد .. أدعوا الله أن يتقبل منا ومنكم الشهر ويهل علينا وعليكم والمسملين هلال العيد بسعادة واطمئنان وثبات على الطاعات بعد رمضان
أذكركم بصيام 6 من شوال لحديث النبي صلى الله عليه وسلم : من صام رمضان وأتبعه بست من شوال خرج كيوم ولدته أمه .. صحيح مسلم
كل عام وأنتم الى الله أقرب وعلى طاعته أدوم
كل سنة وأنت طيب
كل سنة وانت والاسرة الكريمة بخير وسعادة
كل سنة وانت طيب
ياصيدلى ياطـــيب
طمنا عليك غبت كتير
لعل السبب خيراً بأذن
الله سبحانه وتعـــــــالى
كل عام وأنتم بخير
عيد سعيد
كل سنة و حضرتك طيب
و عيد سعيد عليك يارب و على كل الاسرة
و بجد قصيدة رااااااائعة
ربنا يديم ابداع قلمك يارب
دمت بكل الخير
كلماتك جميلة كالعادة
كل سنة وانت طيب
و عيد سعيد عليك
طمنتنا ياصيدلى
ربنا يطمنك يارب
يرجعك بالسلامة لبيتك
ولبلدك وكمان لاهلك يارب
حمد لله على سلامتك
ولا يهمك تتعوض ابقى اقراها واحدة واحدة
بس حضرتك تعرف
انت فكرتنى فى التعليق دا ببابا
انى بستناه كل اجازة علشان يقعد معايا ويقرأ حاجاتى اللى بكتبها
ربنا يكرمك وترجع لاولادك سالما بإذن الله
إرسال تعليق