الاثنين، 22 سبتمبر 2008

صك ملكية 3

في بداية الزواج يصبح الزوج المواطن رقم 2 في البيت و بتسأل مين رقم 1 طبعا المدام ........ لكن يحظي هذا الكائن المسمي الزوج بالاهتمام اكل الباشا لبس الاستاذ مكوة الافندي شاى و قهوة للمحترم و هكذا الي ان تحمل المدام علشان تجيب ولي العهد و حامل أختام الرجولة والفحولة ........ و لك ان تتصور ان اول شخص تكرهه المدام مين ؟؟؟ طبعا انت مش انت السبب في الفشولة و التخن وبوظت العود الكمنجاتي بتاعها و بعدين تبتدي تكره ريحتك اللي بتخليها نفسها بتغم عليها و عايزة ترجع .... لا مش ترجع اللي خدتة منك لا لا ترجع يعني ؟؟ ترجع ما تفهموها بقي و تيجي ميعاد الولادة و اول واحد يتشتم طبعا انت مش انت سبب الالم اللي هيه فيه

و لما يصل المحروس المنتظر تصبح انت المواطن رقم 4 بالبيت ايوة المواطن رقم 1 المحروس رقم 2 ام المحروس ثم البيت ثم انت لو فيه وقت و تفضل تتقهقر في الترتيب لو جاء الطفل الثاني تصبح المواطن رقم 9 اظن انت دلوقت بقيت خبير في الاولاويات رتب انت بمعرفتك الي ان تصبح الغريب في البيت لو تسأل العيال انا مين يا ولاد هيقولوا ايوه الراجل ده بنشوفوا فيالصالة عندنا ودايما بيشيل الزبالة معاه و هو نازل من البيت

هناك 7 تعليقات:

ولد مصري يقول...

إتكلم عن نفسك لو سمحت

هخخخخخخخخخخخ

إنت فاكر كل الرجاله كده ولا ايه

لا يا ريس ما كان ولا يكون

قال رقم 9 قال

يانهار ابيض طب ده انا في الحالة دي اروح ادور على بيت تاني فورا اكون فيه انا رقم واحد واخليها هيه تبقى رقم 2 (مثنى وثلاث ورباع)

تحياتي

أحــوال الهـوي يقول...

يا صديقي الحقيقة واضحة ان المصريين لا يستطعون التعدد و فنجرية بق و شكلك كده معدي رقم 9 بمراحل

اجمل تحية

tarek momen يقول...

ان يكون لك رقم في ترتيب الأولويات معناه ان لك حقوق تحصل عليها بعد الاخرين
ولكن الماساة ان تكون مثل سبارتكوس... تعامل معاملة العبيد
فحذاري من ثورة العبيد

أحــوال الهـوي يقول...

مرحبا بالاستاذ طارق
كما تقول حذارى من ثورة العبيد
ان ثورة العبيد تعني لي البحث عن مكان اكون في مقعد متقدم من الاهتمام و اذا لم يتوفر فسوف اهرب الي نفس المكان مرة اخري فمن الف القيد صار عقلة عاشق له ولو فك هذا القيد

تحياتي

هبة النيــل يقول...

ههههههههه

لذيذة كمان ثورة العبيد دي من أستاذ طارق

لكن عموما هناك سبارتكوس "رجل" وسبارتكوس "امرأة" يعني

احساس العبيد ممكن يكون دا ودا :)

حذاري فعلا من ثورة العبيد أيا كان نوعه :)



الأستاذ الكريم أحوال الهوا

أراك على مشارف "ثورة" :)

لكن احذر "قانون الطواريء" و.."الإرهاب" هههههه

أحــوال الهـوي يقول...

هبة النيل
نعم انا علي ابواب ثورة الحملان اذا ثاروا( مأمأوا) يعني ثورة كلام و كما قلت للاستاذ طارق ان هروبي سوف يكون الي نفس المكان مثل نكتة الببغاء الاحول اللي كان بره القفص جه يهرب ام دخل القفص تاني
تحياتي

عمرو يقول...

هههههههههههه
أحييك و الله على كل كل كلمه و كل حرف و كل نقطه و كل فاصله فى البوست العطيم ده
تسمح لى أبقى أنقل اللينك عندى فى المدونه ؟