الأحد، 21 سبتمبر، 2008

صك الملكية 2

دبح القطة و لانك غشيم و فاكر ان دبح القطة زي زمان الارهاب و الكباب لا خد بالك الاسلوب تطور يعني مثلا اسلوب الهاي هيل تدخل كافتيريا او فندق او مطعم و تستلملك بمصطلحات قوية طبيعي لما تكون عايز حاجة حلوة تقول اديني دستة جاتوة من ده و الشكولاتة و الابيض لا يا حبيبي تروح ماسكة منك الحوار اشي بلاك فورست علي سويس رول واسمه ايه فور سيزون علي ميلفيه الخ وانت فاتح بقكك وتتكرر في اسامي الاكلات شامبنيون علي كاميلوني حتي الشاي باه اسمه هاي تي وخلاص تم دبح القطة

الفرح .... و لانة علي العريس فلابد و لزمن يكون يليق و اهم حاجة البوفية علشان جيوش المعازيم لازم يتعشوا و الله يا حبيبي عايزين كام ديك رومي و المحاشي و اللحوم الباردة و البوفتيك و اللازانيات و المكرونات علي الرز ابو خلطه و طاسة الخضة ما تنساش الزفة بتاع 20-30 واد من اللي بتقردنوا اهـ نسيت الجاتوهات التورت عايزة تورتة العروسة سبع تدوار و ايه تاني المكسرات مكسرات اية اطباق ياحبيبي تسلي المعازين قبل العشا بس اكتب عندك 10 ك لوز و زيهم فزدق علي شوىه كاجو بتاع 5 خليهم 10 ك الشوكلاته اما في فرح بنت خالتي كانوا جايبين نوع شوكلاتة ب 120 جنية الكيلو .......... لييييييييه ..... يعني هيه احسن مني و تلاقي تكشيرة اترسمت علي وشها و هي بتقولك بلاش مش عايزة اتقل عليك و لو اني نفسي فيها تروح و تروح مبتسمه بدلال و قايله انا ما يخلصنيش زعلك تروح جنابك ناخخ زي الجدع و حالف وجايب وكاعع وانت زي ال.............؟؟؟؟ الباشا طبعا


وللحديث بقية

هناك 6 تعليقات:

Walad_Masry يقول...

انت نسيت يا ريس السيمون فيميه والبيكاتا بالشامبنيون انت عاوز تودينا في داهيه ولا ايه

بس العيب مش عليهم العيب فينا احنا لاننا احنا اللي بنجيب مارشدير وبعدين نقعد نعيط بعد كده

على فكرة هو انت مابتردش ليه على تعليقاتنا .. لأ ماتخافش المفروض انك ترد على تعليقاتنا مش تقرأها بس

تحياتي

a7wal el Hawa يقول...

يا عم الولاد يا مصري العيب علي المستجدين في البلوج بابوس الاصيل علمني السواقة ونسي يعلمني المارشدير
المسألة انا مش عارف ارد ازاي

انا شاكر زيارتك و اضافاتك و خصوصا مسألة العياط

Bobbos يقول...

الغريبة إن الباشا بيكع و هو مبسوط..

و دى بتكون بداية الخيبة القوية..

و بداية حمل .. الأثقال طبعا..

حمل عفش .. على حمل مراتب ...

على حمل عيال (يشيلوهم يعنى مش حاجة تانية) .. على حمل شنط أولاد رجب و كارفور)

و بعدين يجيلك الضغط و السكر..

لغاية ما ربنا يرحمك برحمته...

صوت قرآن فى الشقة...

الله يرحمه كان راجل طيب...

كيارا يقول...

اشششششششششششششششششطه

كوووووول دي حاجات

يبني في مثل بيقول علي اد لحافك مد رجليك


اللي بيقدر علي حاجه بيعملها واللي مش قادر مش بيتدبح دي امكانياته واللي عاجبه علي كده اهلا وسهلا مش عاجبه يبقي مش في نصييييب

a7wal el Hawa يقول...

اهلا يا كيارا في بداية افتتاح البلوج
صحيح كل شئ نصيب لكن الرحمة حلوة كل الهدف من سخرية الكتابة اللي ممكن تكون مبالغ فيهابعض الشئ ان تكون العلاقة الزوجية فيها نوع من الاتزان و الثقة لان كل ما في الحياة الزوجية له و جهين وطرفين وجهتي نظر و طرفين في تجاذب عكسي كيف نجعل هذا الجذب فيه نوع من التوازن و المرونه
بتعرية الحقائق

اششششششششششششششششطة

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................