الأحد، 3 يونيو، 2012

في رقتك

 



في رقتك قسوة داست علي قلبي


و الدنيا ايه تسوي لما يضيع حبي


 سايق عليك الغرام وكل نور سعدي


و كل فرح ابتسام ع الدنيا بيعدي


انك تصون اللي كان و تفتكر قربي


 لما لقيتك هويتك و رضيت تكون دنيا


تشبه نعيم الجنان روعتها حاجه تانيه


لقتني جَنيت الهوان و الدنيا دي فانيه


 تبعد و تنساني من غير وداع و لا لوم


لخبطت لي كياني لا عرفت معني النوم


بتقوللي بتعاني  و انك كمان محروم


 هو اللي قتل مظلوم تعبان و بيعاني


و الا اللي بات  مغبون و الدمعه  منعاني


لولا غرامي ااقول ده حبك الجاني


 في رقتك قسوة داست علي قلبي


و الدنيا ايه تسوي لما يضيع حبي

Essam Allam    

هناك 8 تعليقات:

khédidja Bénadel يقول...

مساء الفل والريحان
صدقت والله يبدو أننا نتقدم الهرولة ببطء شديد
المجرم يصبح حمل وديع
والمغلوب على أمره ينداس ويضيع
ايه العمل ؟
لمين نشكي أحوالنا
الا لحبايبنا اللي تفهم وتشاركنا الدمعة قبل الضحك
تحيتي واحترامي .

ادم المصرى يقول...

جميل اوى كلامك الليك اشكى ربى حالى والليك اشكى اللمى والليك اشكى وحدتى

سلوى يقول...

روعه كالعاده
كل لما آجى هنا افتكر احمد رامى
ربنا يسعدك دايما يارب

أحــوال الهـوي يقول...

khédidja Bénadel

مساء الرضا و النور
اعجبتني كلماتك و اظن ان ك الحق معك و لكني ايضا عتقد اني اعشق ان اكون ضحية لي اناكون جاني فانا لا اتقن الكره و الانتقام

ضحيه بعزةنفس بلا خضوع او ذل

و اكتشفت ان الصداقه تعطي فرص اكثر لاستمرار العلاقه ولكن اذا تبني صفة الحبيب كانت فرص الكره و الغدر اقرب

كامل تقديري و اجلالي و احترامي

أحــوال الهـوي يقول...

ادم المصرى

صباحك بلون وجودك
ابيض و نقي

تحياتي

أحــوال الهـوي يقول...

سلوى

ربنايكرمك يا سلوي

ويسعدك في دنيتك و رزقك الجنة بغير حساب

تحياتي

ريـــمـــاس يقول...

مساء الغاردينيا
رغم البعد لازال ذلك الدفئ من رقتها
رغم أنها إستحالت إلى قسوة
دائماً حروفك حانية لاتعرف القسوة"
؛؛
؛
لروحك عبق الغاردينيا
كانت هنا
Reemaas

أحــوال الهـوي يقول...

ريـــمـــاس

صباحك غاردينيا
من يحب يجب ان يتذكر فقط لحظات صدقة وسعادته
فلا يمكن ان ينقلب الغرام الي كره وعداء
فمهما كانت القسوة فهي موقف جارح و هناك كانت لحظات هنا وسعادة يجب ان ننساها

تحياتي