الأربعاء، 11 يناير 2012

انسي



انسي اي امل بنيته

انسي لهفة شوق لقيته
ده انتي كنتي كل حبي
زي حلم صحيت نسيته


كنت عارف ان بكرة
و يا هجرك شئ رضيته
كنت شايف اي ذكري
تسوي كل الم بكيته


عشت في الاوهام معاكي
و يا اسطورة هواكي
في قصورك فوق بحورك
تحت كل زهور رضاكي
و كنت عارف ان هجرك قبل حبك
كان طريق مرسوم معاكي
رغم اني غصب عني
مشيت بحبي الطريق وراكي
انسي اي امل بنيته
انسي لهفة شوق لقيته

ده انتي كنتي كل حبي

زي حلم صحيت نسيته





هناك 13 تعليقًا:

norahaty يقول...

حتى وإن كان
حلماً فستبقى
حلاوته بعد
الصحيان

norahaty يقول...

ووووأول تعليق
ومن مدة طويلة

maxmannour2 يقول...

ليه الشجن بادى فى الكلام ...خلاص زى ماقالوا فى الغناوى اللى ينساك انساه واللى يهواك اهواه
اللى ...وده كان محمد فوزى على ماأظن .....بس يبقى للحب والشجن حلاوة ايضا... لذلك ردت عليه شقيقته هدى سلطان :
ونعيم الهوا فى عذابه
كداب اللى قاللك توووووب
مكتوب الهوا ...الهوى مكتوب

♥نبع الغرام♥♪≈ يقول...

بجد كلامك بيدفى فى عز البرد يا حبى

ابدعت والله

ماما أمولة يقول...

زي حلم صحيت نسيته

يا بختك

النسيان نعمة :)

الحزن ينساب مع الرقة

سلمت احساسك الرائع

أحــوال الهـوي يقول...

norahaty

الحلم و الوهم

مختلفان فهذا امل جميل و ذاك الم اليم


تحياتي

أحــوال الهـوي يقول...

norahaty
دائما انتي اول تعليق اقراه يا دكتورة

هكذا تكوني دائما


تحياتي

أحــوال الهـوي يقول...

maxmannour2
المووود كده يا شاعرنا الجميل

طلبت شجن
و اللي بيحب لا يمكن ينسي بل يتناسي


تحياتي

أحــوال الهـوي يقول...

♥نبع الغرام♥♪≈

و انتي وجودك بيحسسني قد ايه المرأة مخلوق جميل و حساس

رغم نظرة الحزن في صورتك فانا اعرف انك متفائله

تحياتي

أحمد الصعيدي يقول...

انسي اي امل بنيته
انسي لهفة شوق لقيته
ده انتي كنتي كل حبي

زي حلم صحيت نسيته



ايه الروعة دي يا استاذنا مش ممكن يكون في جمال بعد الكلام ده ابدا قريتها كتير وعاجباني جدا

تحطم سقيع الشتاء في دفئ حروفك يا استاذنا

بارك الله في قلمك يا صديقي الصدوق

أحــوال الهـوي يقول...

ماما أمولة

النسيان كلمة و ليست فعل
و هل ينسي المحب غرامه

دائما تسعديني بتعليق قصير مركز مفيد

تحياتي

أحــوال الهـوي يقول...

أحمد الصعيدي

اخيرا نزل الملك عن عرشه ليسعد الرعيةبزيارة خاطفه و كلمات بديعه

اتشرف دائما بوجودك فما اكتبه ما هو الا نتاج حروفك و مديحك
صديقي الحبيب


تحياتي

khédidja Bénadel يقول...

جميلة هذه الأبيات المليئة بالأشجان
كن بخير .. تحيتي واحترامي .