الجمعة، 30 ديسمبر، 2011

بــــــلاش الآه





















بــــــلاش تقـــــول الآه
و ارحــــم نـديــم حـالك
ده العمـــر مــا تلقـــــاه
بعـد ما ضــاع جــــالك
انسي اللي هجره خــان
و ابعـــــــد عـن بـا لك
كــل شجــــون لقيـــــاه
يا وعـــد مين صـانـك

اسمـــع يـا شــوق مني
مسيـر الصبـر يــروق
و يـروح الآلــم عنـــي
و السـعد قلبــي يــدوق
افتـــح لحضنـــك امـــل
و جمــال ســــنينـك زاد
يا فـــرح هات السـعاده
يــاحب قـلبـــــي عــــاد

هناك 8 تعليقات:

فاتيما يقول...

تحــــفة يا دكتــور


و كالعادة بتاخدنى لروايح الزمن الجميل
والمشاعر الصافية
والمروية بصــدق
ربنا يسمع منك
ومسير الصبر يروق
ويروح الالم عنى
وعننا كلنا



كل سنة وانتا طيب
وانتا وكل أسرتك
وأحبابك بخير
ان شاء الله

ماما أمولة يقول...

رائعة يا دكتور
أشعر بالأصالة دائما بكلماتك
دمت مبدعا

أحمد الصعيدي يقول...

افتـــح لحضنـــك امـــل
و جمــال ســــنينـك زاد
يا فـــرح هات السـعاده
يــاحب قـلبـــــي عــــاد



انا بصراحة مش عاربف انت يا صديقي الكريم بتجيب الكلام الحلو ده منين

كانت ومازالت كلماتك تثير شجوني حد الكتابة فقلمك ملهم بلاشك كيف لا يكون وأنت استاذي

غدا أعتقد ان شاء الله ستشرق شمس قصيدة جديدة لي وهي وليدة تلك الحروف

أشكرك مرتين
مرة لأنك لبيت ندائي بدخول المدونة من جديد
والأخري لأنك تمتعني كثيرا وترجعني الي زمن الفن الجميل

أشكرك يا صديقي العزيز وقبل أن اخرج من محرابك سألتك بالله كن هنا دائما

ستيتة يقول...

كنت جاية اقول كل سنة وانت طيب
وارد زيارة كريمة وحشتني
واقول لك ان الثورة خدت من الروح حاجات مش عارفة ترجع زي الأول تاني
واقول اني فرحانة جدا انك بخير
لقيت شعر جميل - وايه الجديد - خدني شوية من الحزن
كلك تفاؤل يادكتور عصام
ربنا يكرمك بكل ما تحب

تحياتي

أحــوال الهـوي يقول...

فاتيما

انا لما قلت ان حنية الدنيا فيكي و طيبة القلب و الاصاله المصريه الجميلة كنت عندي حق
تكرمتي علي بالزيارة رغم الغيبه الطويلة عن المدونات و التدوين لقيت حضرتك اول من جاء و اطلق الزينات و الانوار
كل سنه و انتي طيبة و عمرك كله سعادة و فرحه
تحياتي

أحــوال الهـوي يقول...

ماما أمولة

حينما يأتي الاطراء من شاعرة متمكنه بقدرك اشعر بالفخر و الثقة

شكرا لكلماتك الجميله
تحياتي

أحــوال الهـوي يقول...

أحمد الصعيدي

قصيدة جميلة من نثرك المتميز اختص الكلام بها عني فكنت كفاتنة تتدلل لوقع المدح و الغزل العفيف اطرب لحروفك و اتيه في فردوس انت صنعته بكلماتك

صديقي الجميل و الشاعر الفرزدق اشكرك انا ايضا مرتين اولهما انك تنير دنيتي و الثانيه انك صديق رائع


تحياتي

أحــوال الهـوي يقول...

ستيتة

كل سنه و انتي طيبه يا دكتورة
صدقتي فالثورة و الاحداث المتلاحقه جعل احوال الهوي مضطربه لا تعلم كيف تواكبها و زخم الاخبار المتناقضه و غربتي عما يجري جعلني في شقاق نفسي لا مكان فيه لما احب
و اصدقك القول اني اتابعك دائما بلا تعليق لان في واحتك الصدق و الرؤيه و عمق التحليل للاحداث

اكرمك الله و ادام صداقتنا التدوينيه

تحياتي