الاثنين، 3 يناير، 2011

نـظــــــــــرة




لمـا العيــــون نـادت ع الهـــــوي


و القلــــب مـــــال


نظـــــــرة بتخطفنـــــي هـــــــوي


لأحلـــــــي حــــال


ســــرحـت فيــــها


نظــــرة عنيــــــها


و السحــــر زايـــد


و العقــــــــــل زال


يا نـــاس هنايــا صالــــح اسـايـــا


حــــالف ليســـعد الكــــون معــايا


اسيــــر لنظــــرة و العمـر نصـرة


نعيـــــم خلــــــودي كلـــه امـــــان


مشتــــاق لبكـــرة عـــايش لفكـرة


اني اكــــون لك عشــــق الزمـــان


هناك 26 تعليقًا:

Empress appy يقول...

من نظره عين تتبدل الاحوال

ليس فقيرا من يحب يقول...

يا بااااااباااااااااا يا جامد

ايه ده ياراجل يا عجوز يارومااااااااااانسى

تسلم ايديك

ماما أمولة يقول...

الله الله
روعة
ربنا يعد أيامك في كل الأحوال
تقديري ومودتي

من كل بستان زهرة يقول...

وحشتني جدا ياوالدي العزيز
ووحشتني كلماتك البديعه
ووحشني احساس الحب والتفاؤل في حروفك

يا ناس هنيا صالح اسـايا
حالف ليسعد الكون معايا

راااااااااااائع
تسلم ايدك يااروع الشعراء

norahaty يقول...

اسيــــر لنظــــرة و العمـر نصـرة


نعيـــــم خلــــــودي كلـــه امـــــان


مشتــــاق لبكـــرة عـــايش لفكـرة


اني اكــــون لك عشــــق الزمـــان

norahaty يقول...

نظرة عين
جعلت الأمير
لهـــــا أسير

norahaty يقول...

حمدلله على السلامة
يادكتور أحوال الهوى

هبة النيـــــل يقول...

إني أكون لك
والكون يكونلك
كله في ايدك

اني أعيشلك
وهبقى عايش
لو كنت عايش
نبض فـ وريدك

أولا حمدا لله على السلامة

ثانيا بجد بجد مشتاقون لحروفك أستاذنا


رووووعة وبعد الرووووعة كمان بجد

تسلم ايدك :)

أحــوال الهـوي يقول...

Empress appy

و ايضا تتبدل التمنيات

و يؤخذ القلب و تتداعي الثوابت

تحياتي

أحــوال الهـوي يقول...

ليس فقيرا من يحب

بنوتي الشقيه المفتريه

خليكي تقوللي عجوز لغاية اخر الفيلم

تحياتي

أحــوال الهـوي يقول...

ماما أمولة

الله علي تواجدك و كلماتك الجميله

ربنا يسعد ايامنا جميعا
حبيت اغير مود الناس شويه

تحياتي

أحــوال الهـوي يقول...

من كل بستان زهرة

و الله و انتي يا ابنتي الجميلة واحشاني جدا

و ما باحرمش نفسي اني اطمن عليكي و استمتع بمتابعة مدونتك الملهمة

ربنا يكرمك و يسعدك بعمرك و شبابك

تحياتي

أحــوال الهـوي يقول...

norahaty

تعرفي يا دكتورة انا باحس ان لو حاجه عجبتك بتردي 3 مرات

تحياتي

أحــوال الهـوي يقول...

norahaty

مش الامير بس و الكون كله

أحــوال الهـوي يقول...

norahaty


ربنا يسلمك يا دكتورة
يا اعز صديقة علي الشبكة العنكبوتيه

تحياتي

أحــوال الهـوي يقول...

هبة النيـــــل

الله الله يا دكتور

مبدعه مرهفة الحس و تكتبين بتلقائية و عفويه رائعه
إني أكون لك
والكون يكونلك
كله في ايدك

اني أعيشلك
وهبقى عايش
لو كنت عايش
نبض فـ وريدك

انتي لا تعرفين مدي سعادتي ان وجدت حروفي صدي لمبدع فيكتب

ربنا يكرمك و يديم التواصل الروحي بين اصحاب الهدف الواحد

الكلمة الشفافة النقيه

تحياتي

maxbeta3zaman يقول...

والقلب يعشق قبل العين أحيانا
إذا رأى من بعيد...أى فستانا
هكذا عبر شكوكو قديما فى مواويله الكوميديه عن النظره التى تخطف القلوب وتسرق النوم
انت أول واحد اكتب له من الجهاز المحدث ذو الذاكره التخزينيه 2 تيرا بعد ان طق القديم وولع من السخونه ويبدو انه قد أصابه "نظرة محب" من ذوى العيون الدوبلى فتوقفت مروحته عن التبريد وصاح البروسيسور : حريقه حريقه ..فهكذا تفعل العيون الساحره فى قلب المحب

شمس النهار يقول...

الله الله الله

جايه متأخره بس معلش البرد وسنينه
:)

كل سنه وحضرتك طيب

عجبتني اوي

اسير لنظرة والعمر نصرة

Beram ElMasry يقول...

اخي العزيز الغالي احوال الهوي
اشتقنا اليك كثيرا وبخلت بالزيارة وليست عادتك
اسعد بتواجدكفانت شاعر شرقاوي جميل
وانا احن للشراقواسعدني مرورك جدا جدا
تحية وسلام ولاسلام مع بني اسرائيل

فشكووول يقول...

يا دكتور عصام
السلام عليكم
وحشتنى
خليك اتغزل فى الدنيا كلها وسيب فشكول ولا تسأل عنه ..
تحياتى

mrmr يقول...

وجون وجون وجون
كلام كله موزووون
عجبتنى قوى الكلمات
تسلم ايديك
وكل سنه وانت طيب
معلش جايه متاخره
بس عارفه قلب طيب وبتسامح
تحياتى

من كل بستان زهرة يقول...

نفسي اعرف بتختفي وتغيب فين يابابا؟؟؟؟
عارفه اكيد انك مشغول
بس ياريت تطمني عليك

أحمد الصعيدي يقول...

كثيرا كثيرا أفتقدك

وأفتقد نفسي أيضا


عذرا علي الغياب وعدم المتابعة

حينما أخرج من بين رحايا الزمن حتما ستجدني هنا كثيرا

الله يعلم أنني منذ فترة أو الدخول إليك فعذرا أخي وصديقي العزيز


لنا لقاء إن شاء الله

السلام عليكم ورحمة الله

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

rose يقول...

السلام عليكم ...
بصراحه اول مره ادخل المدونه وشفتها بالصدفه
لكن فعلا كانت اجمل صدفه
لانها مدونه اكثر من رائعه ...لانى بحب الشعر باللغه العاميه اوى
القيت نظره سريعه جدا على المدونه
كل اللى حضرتك كتبته جميل وممتع جدا
كمان الخاطره دى فعلا جميله وقافيتها روعه

اول كومنت ليه فى المدونه وباذن الله مش الاخير
دمت بكل خير ...
خالص تقديرى واحترامى ...

ساسو يقول...

يا سيدي سا سيدي
علي الرقه والجمال

رومانسيتك تسحر العيون

مبدع يا استاذي

يسلم احساسك يا جميل