الأربعاء، 3 نوفمبر 2010

قالت باحبـــك






قالت باحبـــك

و الكلمـه كانت زي بلسم حلـــــــم

تحضن هوايــا

تخللـــي الطيف اللي تايه علــــم

تنادي الفـرح


ينــدي عيوني بابتســـامة دمــع


تهـــز القلب


بنبض العمـــر ينسي اهات الالــــم



قالت احبك

و شوق في عنيها زي سحـر هاروت


ادوب فيها

و اتوه و اشوف قلــوب بتحيـا تموت



بتشرق شمسها

لحظه بتحيي الورد ف الملكـوت



بتسمع نبضها

يعلي يغطي بحب السعاده بيــوت



قالت باحبـــك

و احساسهــا الجميل شعور هايــم



بيضـــم شتـــات

روحــي و عنقـــودي ربيع دايم


و بيسلم علي

جروحـــي و بيصحينــي و انا نايم


و انا في مملكتي

مملوكـك وعايش في نعيـم دايم

هناك 32 تعليقًا:

Remas يقول...
أزال المؤلف هذا التعليق.
Remas يقول...

صباح الكلمات الجميـــــلة يادكتور

ايوا كدا
كنت انتظر صلحاً رائعاً بعد المعركة السابقة

عندى دائماً قناعة ان بعد الخصام هناك فترة ولا أروع تكون وكأنها ميلاد جديد للحب

تحفة بجد يا دكتور

و بيسلم علي

جروحـــي و بيصحينــي و انا نايم


و انا في مملكتي


مملوكـك وعايش في نعيـمٍ دائمٍ

أعجبني جدا الملك وهو يتحول لمملوكٍ في مملكته برغبته ورضاه
مملوكٌ لقلب حبيبته شاعرا بالسعادة وهو يتوج الحبيبة ملكةً وحدها على عرشه ومملكته

صباحك ياسمين وأوركيد يا دكتور

من كل بستان زهرة يقول...

والدي المبدع
اعتقد ان الحروف الي بتستخدمها ليست هي نفس الحروف التي نكتب بها كلماتنا

بتشرق شمسها
لحظه بتحيي الورد ف الملكـوت

حروفك كلها اشراق ونور
مبدع في اختيار الكلامات والمعاني
وتنسيقها
الحب مش شئ جديد ولكن مع كلماتك
بحس اني اول مره اسمع عن الحب

رائعه تسلم ايدك

أمل حمدي يقول...

كل دا من كلمة باحبك

يارب تبقى حياتك ربيع دايم
وعنقودك مزهر يعطر النسايم
وقلبك سعيد مايشوف حسود ولالايم



رائع يا دكتور

أنا - الريس يقول...

حلوا الكلمات وإن كنت ولازلت وسأكرر
مش بحب كلمات الحب
لأن من كترها بتفقد معناها .
والناس يا عمنا بقت أسهل كلمة عندهم
كلمة بحبك ..
وميعرفوش إنها ليها قدسيه حتي عند ربنا .. وما أدراك ما المتحابون في الله .

أحــوال الهـوي يقول...

reem
حقيقي يا ريم هانم احلي الوصال بعد الخصام

و كيف يكون هناك ملك يحب ولا يخضع لمقادير محبوبه فيصبح ملك يديه
و ما اروع ان تصل العلاقه الي تبادل الخضوع و الايثار طمعا في السعادة و توقا الي النشوة و الكمال

صباح التعليقات الجميلة

تحياتي

أحــوال الهـوي يقول...

من كل بستان زهرة

دائما ما عرفت الفضل من كلماتك

و ايقنت انك تمتلكين قلبا محبا صادقا و لهذا تحسنين تذوق الجمال و محاسنه فمهما كتبت من درر و من يتعاطاها لا يشعر بها صارت جمادا بلا حياة

و لكن اذا صادفت من مثلك باحاسيسك الرائعه دبت فيها الحياة
و اصبحت ذات قيمه

تحياتي

أحــوال الهـوي يقول...

ماما أمولة
...

شاعرتي المفضلة

يامن تملكين مجامع الكلم و مكامن الاحاسيس
اذا اعجبك ما كتبت فانا في يوم جميل راض بكل مافيه

اتمتع بما تكتبين و انعم عندما تعلقين

تحياتي

أحــوال الهـوي يقول...

MR.PRESIDENT

انا اكتب عن الحب الراقي بلا شهوة او تلميحات و او توصيف

فقط المشاعر

و لست مسئولا عن خداع الاخرين

واعرف انك متذوق جيد للكلمات

مهماانكرت اعجابك بها

تحياتي

shimaa elkholy يقول...

و انا في مملكتي


مملوكـك وعايش في نعيـم دايم


عجبتنى دي اوي اوي

تسلم اديك يا فندم

إيمان قنديل يقول...

الله الله الله عليك يادكتور فعلا جسدت جمال كلمة احبك بعدة صور رومانسية رائعة كعادتك دائما

Dr Ibrahim يقول...

ربنا يسهله يا سيدى :)

ستيتة يقول...

كل سنة وانت طيب يا ملك مملكة أحوال الهوى
جميل يوم الحب اقرأ الجمال ده
الله
الله
تسلم ايدك

أحــوال الهـوي يقول...

ندى الياسمين


ربنا يكرمك يا فندم

تحياتي

أحــوال الهـوي يقول...

MAKSOFA

الله الله عليكي

و علي وجودك الجميل في مدونتي اللي دايما باتشرف بتزينها بتوقيعك الغالي

تحياتي

أحــوال الهـوي يقول...

Dr Ibrahim

دعواتك الصالحات يا دكتور

تحياتي

أحــوال الهـوي يقول...

ستيتة حسب الله الحمش

كل سنه و انتي طيبه يا دكتور

وربنا يكرمك

و تبقي دايما مصدر سعادتي بكلماتك

تحياتي

شمس النهار يقول...

جمييييلة

وعجبتني جدااااا

(و انا في مملكتي

مملوكـك وعايش في نعيـم دايم)

مملكته بس هو اللي مملوك فيها تعبير جميل اوي

maxbeta3zaman يقول...

يا أخى انت عباراتك تثير فى الجو هاله من الحب والمشاعر الجميله ...بتفكرنا بأيام الشباب وقت أن كان للحب المكان الأعظم فى القلب كان يملأ الأذين الأيسر والبطين الأيمن والأيسر ويترك الأذين الأيمن فقط ليمشى باقى المواضيع الحياتيه العاديه ...أعتقد انك ماليه كله حب تنطق به هذه الكلمات ...صبحتنى بكلمات جميله سوف تجعل نهارى كله سعيدا ان شاء الله... مع انى رايح كندا هربا من النكد فى العمل

أحمد الصعيدي يقول...

هي جميلة

ولكن

يا صديقي ليست تلك أحاسيسك

وهذا إدعاء كاذب أنه حرفك

ا صديقي

لاتستعجل الكلمات

كي لا ينفذ الاحساس

أكرمك الله

وحشتني

السلام عليكم

ميرام يقول...

قالت احبك

و شوق في عنيها زي سحـر هاروت

ادوب فيها


و اتوه و اشوف قلــوب بتحيـا تموت



حلو الجزء ده جمييل قوي (:
حاسه ان الوزن اختل شوية في القصيدة دي أو يمكن انا مااجدتش القراءة
هقرأها تاني

بانتظار جديدك
تحيتي

mostafa rayan يقول...

اولا : كل سنة وانت طيب يا صديقي الجميل وينعاد عليك الايام بالخير

ثانيا : القصيدة حلوة قوي والصورة اللي فيها في غاية الرقة
تحياتي ليك ولتعابيرك الرقيقة اللي بتدهشني دايما

rovy يقول...

كلماتك رائعه كالعاده دكتور عصام ..
سلمت يداك ..
كل عام و انت بكل الخير و أسرتك الكريمه و كل أحبابك يا رب .. أسعدك الله و جعل كل ايامك اعياد ..

من كل بستان زهرة يقول...

كل سنة وانت بصحه وهنا
وكل عيد يمر عليك يارب تبقى اسعد
يارب يكون عيد مبارك وكله فرح

كل سنه وانت طيب

Unknown يقول...

أخى الكريم
عيد أضحى مبارك كل عام و أنت بخير و إلى الله أقرب ولطاعته أدوم

Unknown يقول...

أووو
قالت بحبك!
كدا من غير كسوف
ولا خجل ولاخــــوف!:)

Unknown يقول...

كلامك جميل ياصيدلى
بس حبيت أشاكسك:)

Unknown يقول...

كل سنة وأنت طيب
وعيد سعيد عليك
وعلى آمة الأسلام.

♥ سحر ♥ يقول...

جعل الله لكم ..
فجر يوم عرفه نوراً
و ظهره سروراً
وعصره استبشاراً
ومغربه غفراناً
وجعل لك دعوة لاترد ..
ووهبك رزقاً لايعد ..
وفتح لك باباً غلى الجنة لايسد
و ..
وكل عام وأنتم بخير وبصحة وبسلامة

ن يقول...

كل سنة وحضرتك طيب يا دكتور .
عيد مبارك ان شاء الله .
مع خالص تحياتى

عاشقة القمر يقول...

سلام عليكم ورحمةالله وتعاليى وبركاته
من العابدين الفايزين

وعساكم من عواده

والله يتقبل منكم صومكم وحجكم
......
وأن يرجع الحجاج سالمين غانمين

وأن يعيده علينا وعلى جميع الأمة الإسلامية باليمن والبركات

وكل عام وأنتم بخير

عاشقة القمر يقول...

سلام عليكم ورحمةالله وتعاليى وبركاته
من العابدين الفايزين

وعساكم من عواده

والله يتقبل منكم صومكم وحجكم
......
وأن يرجع الحجاج سالمين غانمين

وأن يعيده علينا وعلى جميع الأمة الإسلامية باليمن والبركات

وكل عام وأنتم بخير