الأربعاء، 13 أكتوبر، 2010

ســــــــــــؤال





بتحبني ؟ قاللــي...... لا


بس قلبـــي اختــار ورق


حن ليك و احتــار و دق


شفت منك كـــل فرحــــه


بـس كلمـــــــــة حــب لا



كل طيبـــه في كـل نظــره


روح عجيبه و الف حق


كل همسة عشق نصــره


بحــــس بيها والحــب لا



انا ليـك ويــاك بقــــربك


انا فيــك و السعــد جنبك


و الدفــا فـــي الدنيا منك


بس مش عـارف بحـــق


ان دي غنـــوة غـرامـي


بس عـــارف ....حب لا



في ارتياحــي و اشتياقــي


في امان عمري اللي باقي


شايف النشــوة في ولائي


بس معنـــي الحـب......لا



انت اغلـــي منهـا معنـــي


انت اكبر نــــور ونعمـــه


يا ملاكـــي العمــر روعـه


لــو هيصبـــح مـلك لـــــك



مش كفايه حروف بتعشق


او كفايه تدوب و تغــــرق


انت زاد الفــــــرح ليـــــه


انت من ربـــــي هديــــــة


و انت عشقي و كلي لك



هناك 43 تعليقًا:

مصطفى ريان يقول...

اشهد يا تاريخ سجل يا زمان .. انا اول تعليق هنا يا جدعان
القصيدة رقيقة قوي يا استاذ عصام
جميل كعادتك دوما
إذا لم يكن هذا هو الحب فما الحب إذاً؟

مصطفى ريان يقول...

اشهد يا تاريخ سجل يا زمان .. انا اول تعليق هنا يا جدعان
القصيدة رقيقة قوي يا استاذ عصام
جميل كعادتك دوما
إذا لم يكن هذا هو الحب فما الحب إذاً؟

صفــــاء يقول...

أمممم ... حيرتنا يا دكتور الفترة دى
غزارة شعريه رائعه لكنها متضاربه متناقضه

بالأمس كان صباح الخير على الحب ومن قبله سؤال عن حلم بالحب وأمل فيه
وما قبلهم كان دلال الحبيب

والأن ... حقيقه لا اعرف ان كانت تحب حقا
ام تتنازعها المشاعر ام تتدلل
ام ماذا

وإن كانت تكن لك كل تلك المشاعر فما بالها تبخل عليك بالكلمه

أرجو الأفادة

محمد سعد القويري يقول...

الأخ الفاضل :: أحوال الهوى ::
تحية عطرة
ــــــــــــــــــــــ
عاجل وخارج النص
ــــــــــــــــــــــــ
تم انتقال مدونتي إلى الرابط
http://www.iqwiri.com/
حاليا يمكنك المتابعة على الرابط المؤقت
http://qweary555.blogspot.com
ـــــــــــــــــــــــــ
لي عودة بإذن الله

شدوة علام يقول...

باين أن العسر في الأفكار راح و رجع ليك التدفق في الشعر ما شاء الله الأحساس رائع و كلام معبر بس يوجد في كلام شاعرنا حيره من ماذا يا تري

ماما أمولة يقول...

بتحبني ؟ قاللــي...... لا
بس قلبـــي اختــار ورق
حن ليك و احتــار و دق
شفت منك كـــل فرحــــه
بـس كلمـــــــــة حــب لا

الله الله الله

رائعة بكل ماتحمل الكلمة من معنى
سلمت يداك يا دكتور

من كل بستان زهرة يقول...

مش كفايه حروف بتعشق
او كفايه تدوب و تغرق
انت زاد الفرح ليه
انت من ربي هدية
و انت عشقي و كلي لك

هو ممكن في حاجه تتقال بعد كده؟؟؟؟؟
تسلم ايدك يا أرق شاعر

همس الاحباب يقول...

اممممم
لما كل المعانى والكلمات والحب لا
يبقى ده ايه بالظبط
هههههههه
عشق وخلاص
تسلم الايادى يا دكترة
رقيقة جدا
تحياتى

maxbeta3zaman يقول...

جميلة تلك الكلمات القصيرة المعبره والمقطعه وذات الجرس الموسيقى الحميم ...ومع انها تنفى الحب ...إلا انها تقطرحبا
انه الحب من طرف واحد على ماأعتقد ...أو هو الخوف من الانجراف

قلم رصاص يقول...

الله على الكلمات الرائعه

دمت مبدعا

أبو العريف يقول...

استاذي

قبل اي حاجه

واحشني جداااااا

وعارف اني مقصر مع حضرتك




بالنسبه للبوست

اعتقد ان هي دي منهي الرقه
وهو ده منهي الحب

وهي ده منهي الجمال


بجد قمة الرووعه

الجواز و سنينه يقول...

شفت منك كـــل فرحــــه

بـس كلمـــــــــة حــب لا
ــــــــــــــــــــــــــــــ
فى ناس فعلا بتقدر تعمل كده
تحس منها بكلمه الحب فى كل تصرف
لكن تييجى على الاعتراف تقولك لاء
الله اعلم ده خبث خوف و لا ايه
جميله كعادتك يا دكتور
تسلم اديك

أحــوال الهـوي يقول...

مصطفى ريان

اشهد يا تاريخ
اسم مصطفي ريان منور اول واحد
الاسم اللي ان شاء الله هينكتب بالنيون و علي الافيشات و ينور و يعلي في كل الكون

انه منتهي الحب يا صديقي الجميل
ان تبحث عن محيط اكبر يحتوي حبك الذي ليس له حدود

تحياتي

أحــوال الهـوي يقول...

صفــــاء
انها اهازيج و ترانيم الثامل بطغيان الهوي
من يترنح في اشتياق لارتياد ركب المحبين

انها انشودة شاعر يتقلب بين الشطآن لعله يجد مرسي ......

انها رسالة لمن يحمل في قلبه شئ من احاسيس الهيام ان الحب الناضج مازال موجودا

يتغرب و يتوه و لكنه موجود

تحياتي

أحــوال الهـوي يقول...

محمد سعد القويري

متعك الله بالصحة و العافيه
و جعل الله المقر الجديد عتبة خير و بركه

تحياتي

أحــوال الهـوي يقول...

شدوة علام

ابنة عمي الرقيقة الجميله

جميل ان تتكرمي بالتعليق و الاجمل كلماتك الرقيقه التي تشبهك

الحيرة هي دساتير العشاق تتقلبهم و تاخذ بناصيتهم للسعادة المنشوده
وهنا اتمثل سعادتي بالكتابة و التامل

تحياتي

أحــوال الهـوي يقول...

ماما أمولة


شاعرة الامل و استاذتي في الشعر الرومانسي العفيف

اشكر لك كلماتك

تحياتي

أحــوال الهـوي يقول...

من كل بستان زهرة

ابنتي الجميله الرقيقه

تعرفين ان ما كتبت كان من وحي كلماتك الجميله في البوست ابقي بقربي

و كنت قد استأنتك قبلها و حصلت علي الاذن
و عفوا كان يجب التنبيه في بداية الحديث و لكنني تكاسلت عنه

ما ترين من بنات افكارك و ابداعك و ما انا الا قلم خط الاحرف دون ادراك

شكرا لكرمك

تحياتي

أحــوال الهـوي يقول...

همس الاحباب


يا حبيب كل الاحباب
يا عملاق الحب و رمز الاخوة و الرجولة و الوفاء


تعرف انني احبك لانك خالد

تحياتي

أحــوال الهـوي يقول...

maxbeta3zaman

استاذي الجميل و الشاعر القدير

تبهجني دائما كلماتك و يسعدني للابد قربي منك

انها كلمات للحب و كفي
لا تعني شئ غير اخساس جميل و شعور عفيف يسر النفس و ينتشي به القلب

تحياتي

أحــوال الهـوي يقول...

قلم رصاص


و دمت صديق يتفضل علي بالمودة و القربي

تحياتي

أحــوال الهـوي يقول...

أبو العريف

تعرف لما تكون كريم و صاحب فضل علي شخص ما
يصبح كرمك حق مكتسب لهذا الشخص
فان تاخر فضلك صرت مقصرا

شكرا علي سؤالك يا جميل
انت عارف اني باحبك لانك انسان توسمت فيه كل الطهر و الاخلاص

تحياتي

أحــوال الهـوي يقول...

الجواز و سنينه

ربنا يكرمك

هو لا خبث و لا خوف

هو قصور و عدم قدرة علي التصريح و لكن اذا كنا نفهم كل علامات الحب فلنكتفي بها ولا نصر علي مخاض الكلمة العسر

سياتي يوما سوف يقول

تحياتي

صيدلانيه طالعه نازله يقول...

مش كفايه حروف بتعشق


او كفايه تدوب و تغــــرق


انت زاد الفــــــرح ليـــــه


انت من ربـــــي هديــــــة


و انت عشقي و كلي لك


كلمات اكثر من رائعه
بس تفتكر فيه حد لسه بيقول الكلام ده او بيعرف يقوله
كتير بيعرفوا يقولوا بس مش بيهون عليهم يعترفوا
يسيبوا اللى قدامهم حيران و مش عارف ده حب و لاايه بالضبط

و برضه فيه ناس بتقول كتيييييييييير بس كله كلام فى الهوا معليهوش اى اثبات و لا معاه اى مشاعر

و فى الاخر الحب كله من اوله لاخره تعب

تسلم ايدك يا دكتور

غير معرف يقول...

مش كفايه حروف بتعشق


او كفايه تدوب و تغــــرق


انت زاد الفــــــرح ليـــــه


انت من ربـــــي هديــــــة


و انت عشقي و كلي لك


صديقي وأخي

فيض مشاعرك غطي علي كيان مشاعرك الشاب فصرت أري عاشق في أواخر العشرين من عمره يبحث عن من تلهمه الوحي


قلبك شباب علي طل


أدام الله حرفك

أحمد الصعيدي

كيــــــــــــارا يقول...

جميلة اوي يابابا

بس كل دا مشاعر حب ومش شرط الحب يبوح بيه دا بيتحس وبس

يوميات شحات يقول...

كلام جميل و كلام معقول مقدرش أقول حاجة عنه

فشكووول يقول...

السلام عليكم
تحياتى
ازيك يا شاعر .. دكتور ايه بقى
دا انت نسيت الصيدله وكل العلوم الطبيه
بس بقيت تتحفنا بمشاعر الحب الصادق
الحب اللى من غير مقابل
بس على فكره ما دام الحبيب جنب الواحد حتى لو مش بيحبه .. المهم انه يكون مش بيكرهه
برضه احساس جميل
تصور الموضوع دا كان غايب عن بالى
المهم انه يكون فاهم
وحاسس
ومش رافض ... الله .. تبقى حاجه جميله قوى
تحياتى

يوميات شحات يقول...

شكرا على البوست

ساسو يقول...

اخيرا عرفت اسمك يا استاذي
غشيته من تعليق مصطفي

كلماتك دايما في المقدمه
بجد تملك اجمل احساس
ربي يديم احساسك
وتألقك
وجمال قلمك

غير معرف يقول...

السلام عليكم
مرارا امر كعادتى وليس عدم وجدود تعليق لي اننى لست هنا دوما..
ولكن سؤال جعلنى اتغنى بالكلمات اكثر منها شعرا
مما دفعنى للاجابة لقلبى الذى يشعرنى بوجودى....

نعم انه كذلك
بقلب هوى العين قبل دونه
حنان ودفء يفيض ..،بروح تملئ امكنتى بهجة وليست فرحة فقط
نعم اعيش تلك الفرحة بنظرة من عينيه تحوينى...
بلمسة يد ...بشعور بملكنى وجودى
لا والف كلمة حب لا
لن تعبر ... ولن اكتفى ان اعبر
بوجود ونور وروح وعمر لسة بيبتدى..
ايوه دايما... معاه وليه فى كل فرح وكل جرح وكل ذكرى بتنمحى....
كل التقدير لكلمات تفوق التعبير
فقد حاولنا ملئ اقلامنا تعبيرا يليق بتلك الكلمات ولكن لن ولم نجد
خالص تقديرى ....

mrmr يقول...

مش كفايه حروف بتعشق
او كفايه تدوب و تغرق
انت زاد الفرح ليـــه
انت من ربـي هديـة
و انت عشقي و كلي لك

قمه فى الرومانسيه
وقمه العطاء
فيه ايه اكثر من كده هديه من ربى غير حبى وعشقى ليك

كلمات رقيقه

سلمت يداك

أحــوال الهـوي يقول...

صيدلانيه طالعه نازله

جايز يا دكتورة يكون كل الكلام اللي قولتيه صحيح
لكن برضوا اعتقد ان الحب موجود و العيب مش من الحب لكن بعدم قدرة الناس علي فهم الحب

تحياتي

أحــوال الهـوي يقول...

أحمد الصعيدي


يا شاعر الوجهين
القبلي و البحري

انتظرا نتاجك الجميل

و انتظر ظهورك لانك واحشني و نفسي اتحاور معك

تحياتي

أحــوال الهـوي يقول...

كيــــــــــــارا

تفتكري ان الاحساس بالحب يغني عن القول

و المصارحه بالمشاعر

تحياتي

أحــوال الهـوي يقول...

يوميات شحات


شرفتني و اتمني دوام التواصل



تحياتي

أحــوال الهـوي يقول...

فشكووول

واحشني جدا يا صلاح بك

و باسعد دايما بوجودك

و باطرب لكلماتك و تعليقاتك

اوعي تطول الغيبه


تحياتي

أحــوال الهـوي يقول...

ساسو

اعتقد ان اسمي معروف

و ازاي بنت ماتعرفش بابتها

انا اسمي عصام علام يا ساسو

يا شاعرتي الرقيقه الصاعدة بسرعة الصاروخ

تحياتي

أحــوال الهـوي يقول...

غير معرف


بعد كل هذه الكلمات الجميلة و التعليق الثري بالتعبيرات الرائعه تمنيت ان تكون معروف
لكي اشكر تعطفك و ثنائك علي ما اكتب

و اعتقد ان السجال بيننا سوف ياخذ منحي اخر لو توثقت معرفتنا

تحياتي لشخصك الكريم

أحــوال الهـوي يقول...

mrmr

انتي عليكي غرامة تاخيييييير

و مضاعفه

ربنا يكرمك و اشكر لك كلماتك العذبه

تحياتي

غير معرف يقول...

السلام عليكم
ليس بالجدير ان يكون الانسان معروفا حتى يستحق الشكر وليس معنى انه يوجد تعليق لي اننى انتظر تلك الشكر فالثناء هنا هو تعبيرا عن كلمات اعجبتنى
ولذلك فكان حتما ولابد ان اكون عفراء
خالص تقديرى ........

أحــوال الهـوي يقول...

عفراء


استميحك عذرا
كان حدسي لابد ان يعرف عبير كلماتك
فلطالما آنست نفسي بالسجال الرائع معك

و لعل الانحسار و الزمن انسياني خطوط شاعرة مميزة مثلك

عذرا و شكرا

تحياتي

غير معرف يقول...

اخي المحترم احوال الهوي اهنيك علي موهبتك الشعرية ولكن عزرا فاتمني ان لا تنطق بكلمة عفراء مرة اخري علي ملئك المحترم فهي محبوبتي وهي تعي هذا الكلام جيدا وحتي وان علقت بدون معروف تحياتي