السبت، 14 أغسطس 2010

تملـــي احبــك






هفضــل تملي احبــك حتي ان جرحنــي هواكـــي


قلبــي اللي انجــــرح قبلــي شاف الهنا معاكـــي



فكــــرت عمــــري ابتـدا و الدنيــا صلحتنــــــــي


جمـــعت كــــل الرضـــا جـواكــــــــي خبتـنـــــي


لقـــيتنــي وســط الضني تــايــــــــه بلا عنـــوان


اتــــاري عمــري انقضي و الــدنيـــا جـــرحتنــي



هفضــل تملي احبــك حتي ان جرحنــي هواكـــي


قلبــي اللي انجــــرح قبلــي شاف الهنا معاكـــي



انا كنت عاشـق خطاكــي و النــور ملكنــي نـــور


لانــك انتــي القمـــر فــي الليــل يـا بـنــت الحـور


لان حسنـــك امـــر و ملكنــي حضــــن و امـــان


بصــيت لقيتــــك قـــدر صـــابني وانــا مسحـــور



هفضــل تملي احبــك حتي ان جرحنــي هواكـــي


قلبــي اللي انجــــرح قبلــي شاف الهنا معاكـــي



ســـامحــــت كـــل الجــــراح و بقــي لي كلمــة اه


ســــالت كــل اللــي راح فيــن اللـي راح نلقـــــاه


يا ســــاكنيــــن التمنــــي منــــي التمنـــــي تــــــاه


و ضــــاع الهــــوي منـــي و عشق الفؤاد ويــــاه



هفضــل تملي احبــك حتي ان جرحنــي هواكـــي


قلبــي اللي انجــــرح قبلــي شاف الهنا معاكـــي



يمكـــــن انسي الاســـي و المـــــــر وجـــراحــه


بــس ذكــــــري الهنـــا باقيـــه لـــي افـــراحـــــه


ده القلب ان يــــوم عشق الكـــره هجــــره و راح


و يبقــــي فيـه الصفـــــا و الحـب و سمــاحـــــه

هناك 69 تعليقًا:

صفــــاء يقول...

ويالــ رقه الخصام أن كان هكذا
وما أجمله من أبتعاد لو كان بهذة الطريقه

وإن كان لابد من هجر وابتعاد فـ الجميل أنه بكل روعه وكلمات بديعه

ويكفى أنك لم ترى منه الا كل محبه وهذا هو ما تذكرة له في رحيله

كنا نظن اننا نمتلك القدرة على هكذا رقى فى العلاقات ... لكننا نسينا أننا مجرد بشر وكل تلك المشاعر الراقيه لا نمتكلها وليست طبع أصيل فينا... فيبدو ان كلماتك لن تحيا على أرض الواقع وستظل دوما كلمات بديعه يتغنى بها الشعراء ... وحتى يخلق الله شخص بكل نقاء ورقى الملائكه

رائع شعرك ورائع بدايه صباحنا به

أحمد الصعيدي يقول...

أخي وصديقي العزيز


ايه الكلام الجميل ده حتي الهجر من لسانك جميل


رغم كل الظروف اللي حواليا لكن استمتعت جدا بالكلام ده وده عادتك


ســـامحــــت كـــل الجــــراح و بقــي لي كلمــة اه

ســــالت كــل اللــي راح فيــن اللـي راح نلقـــــاه


مش ممكن

انت رائع

ربنا يسلمك
وياريت يا دكتولر متنساش اللي وعدتني بيه

السلام عليكم ورحمة الله

ساسو يقول...

كلماتك دايما هادئه
واحساسك جميل
وقلمك مبدع
وقلبك صادق

دام قلمك يرش جمالا

Unknown يقول...

يمكـــــن انسي الاســـي و المـــــــر وجـــراحــه


بــس ذكــــــري الهنـــا باقيـــه لـــي افـــراحـــــه


ده القلب ان يــــوم عشق الكـــره هجــــره و راح


و يبقــــي فيـه الصفـــــا و الحـب و سمــاحـــــه
=============
أيووووووووه
ذكــــرى الهنـــا
وايــام الهنا بتفضل
حلاوتها معانا على مدى الأيام

Unknown يقول...

مبدع كعادتك
يادكتور عصــام

ستيتة يقول...

انــك انتــي القمـــر فــي الليــل يـا بـنــت الحـور

لان حسنـــك امـــر و ملكنــي حضــــن و امـــان

بصــيت لقيتــــك قـــدر صـــابني وانــا مسحـــور


اغنية دي ولا شعر؟
اخدتني لقلعة بعيدة مليانة بالحور وعتاب رقيق كقماش الدانتيلا

كده صباحنا فل ان شاء الله

تحياتي يا دكتور

Remas يقول...

انا كنت عاشـق خطاكــي و النــور ملكنــي نـــور

لانــك انتــي القمـــر فــي الليــل يـا بـنــت الحـور

لان حسنـــك امـــر و ملكنــي حضــــن و امـــان

بصــيت لقيتــــك قـــدر صـــابني وانــا مسحـــور

الله على الكلمات دى
رائعة بجد

وانت دايما رائع سواء تكلمت عن الوصل او الهجر

واحلى حاجة ان قل في الاخر ان الحب بيخلى الواحد يسامح ولا يتذكر من حبيبه الا كل جميل

رائع يا دكتور ورائعة كلماتك

ليس فقيرا من يحب يقول...

ياسلام يا سلام يا سلام

ايه يابابا هى الرومانسيه والحنيه بتزيد على الصيام

وبعدين هو اللى بيتخاصم وبيتهجر وبيتجرح قلبه

بيبقى حنين كده

هفضــل تملي احبــك حتي ان جرحنــي هواكـــي
قلبــي اللي انجــــرح قبلــي شاف الهنا معاكـــي

رائع جدا يا دكتورنا المشاعر

الانسانيه الراقيه دى

مش اللى خلاص ينجرح او يفارق هاتك يا

شتومه وتعديد ودعى اباااااى

كل سنه وحضرتك بالف صحه وسعاده

أتنين حبيبين يقول...

السلام عليكم

صديقى الفاضل العزيز
وحشتنى اووى
ووحشنى همس كلماتك الرقيقه

أتنين حبيبين يقول...

من الصعب نلاقى انسان يحب بالدرجه دى بعد ما جرحتك

رسالتى لمن جرحتك

لو حسيت انك ندام وان فى قلبك ليا مكان وانك عايز ترجع ليا وابقى حبيبك زى زمان المرة ديه بقول صعب انك ترجع تانى لقلب قلب ظلمته قلب كسرته ياللى ملكش فى قلبك قلب اخرة مرة بقول واسمع اوعى تكون بتفكر ترجع ابعد عنى وسبنى انساك انت بتكدب انت بتخدع كنت بحبك حب وهمى لما تقول ليا بحبك موت كنت بغنى علشان تسمعنى وانت بتكره فيا الصوت

أتنين حبيبين يقول...

عامة كلمات روعه
من انسان رائع

دمت ودام احساسك الرائع

أحــوال الهـوي يقول...

صفــــاء
دائما ما يتحول الحبيبين الي النقيض بمجرد خصام او بعد او حتي هجر

و كانها شئ من التملك دون النظر لارادة الا نسان المتقلب الاهواء و القلب

فلماذا لا يكون عدم الاتفاق بحدث بنفس الود و الاحترام

واذا خسرنا حبيبا لن نخسر صديقا مقربا يفهمنا و يعرفنا و ترك لدينا ذكريات جميلة

شكرا لرؤيتك العميقه للنص

تحياتي

أحــوال الهـوي يقول...

أحمد الصعيدي
اخي وصديقي الحبيب
نتعلم من كلماتك بعض الجمال و كثير من رقة الاحساس
متعك الله بالصحة و العافية

و ما تواعدنا عليه امانة في عنقي وشرف ان احملة وااديه

تحياتي

أحــوال الهـوي يقول...

ساسو

ربنا يكرمك يا ابنتي العزيزة


و الشاعرة الرقيقة

تحياتي

أحــوال الهـوي يقول...

norahaty

ياريت يا دكتورة ما يكنش كلمات لحالم واهم
و تصبح ذكريات الصفا هي المسيطرة و ليست فقط احاسيس الكره و العذاب

تحياتي

أحــوال الهـوي يقول...

norahaty

و رقيقة كريمة دايما يا دكتورة نورا

تحياتي

أحــوال الهـوي يقول...

norahaty

و رقيقة كريمة دايما يا دكتورة نورا

تحياتي

أحــوال الهـوي يقول...

ستيتة حسب الله الحمش

دي احاسيس نتمناها جميعا و نتعلمها من سطور مدونتك
و نصائحك الاجتماعيه الرشيدة

و تعبير الرقة بقماش الدانتيلا اسمعه لاول مره و عجبني لعمقه

صباحك جميله يا دكتورة

تحياتي

أحــوال الهـوي يقول...

reem

الله علي اختيارك دائما ما تضعين يدك فوق الجمل التي توافق رقة مشاعرك و طيبة شخصك الكريم

اعتقد ان التسامح قيمة اصبحت نادرة لكنها قادرة تغير شكل الدنيا و تدفيها بالسعاده و راحة البال

تحياتي

أحــوال الهـوي يقول...

ليس فقيرا من يحب

ازيك يا بنتوتي الحلوة

هي دي المعادلة المطلوبه
ليه في الحب رقه و مشاعر و سعادة واذا اختلفنا نتحول لالد الاعداء

ليه ما نبقاش اصدقاء و نحترم رغبتنا في عدم الاستمرار

تحياتي

أحــوال الهـوي يقول...

أتنين حبيبين

اعتز بصداقتك
و كمان انتي وحشتيني جدا

تحياتي

أحــوال الهـوي يقول...

أتنين حبيبين
الله علي جمال كلماتك

ورقة مشاعرك

تعبيرات رشيقه ووجهة نظر تحترم

التكملة لا علاقه و ايضا لا غضاضة

تحياتي

أحــوال الهـوي يقول...

أتنين حبيبين


الروعه فيمن قرا

و ابدع في الرد

تحياتي

شمس النهار يقول...

كل سنه وانت طيب
وبخير وسعاده


ماشاء الله كلمات جميلة

ودايما استغرب لحال المحبين هجر وجرح
ويبقا الحب زي ماهو يزي
د مايقلش

سلامي

غير معرف يقول...

كل سنه وحضرتك بخير
رمضان كريم

فاتيما يقول...

لما الحب يكون
هوه اصل الأشياء


يبقى من المنطقى
ان كل شىء
حتى المر فيه
يبقى حلو



و لما الحب يتجسد
ف محبوب بعينه
يبقى من المنطقى
ان مهما حصل منه
هيكون غال
و حتى جرحه هيكون شفاء



انا عاجبنى الكلام
و عاجبنى كمان الصورة
الحمام الأبيض
اصله حكاية لوحده


تسلم ايدك
و احساسك
و نقاء قلبك اللى بمرور الأيام
و رغم كل ما يمكن ان ينغصه
لم يعكر صفائه شىء

تحياتى و خالص ودى ليك

أحــوال الهـوي يقول...

شمس النهار

كل سنه و انتي طيبة
مفتقدينك جدا بدفئك و احترامك و كبريائك

من افضل الناس اللي ربنا كرمني بالقراءة لهم في المدونات و لم اتشرف بمعرفتهم الشخصيه

تحياتي

أحــوال الهـوي يقول...

الحب الجميل

كل سنه و حضرتك بكل خير و اسرتك الكريمة في سعادة

تحياتي

أحــوال الهـوي يقول...

فاتيما

كل يوم في تواصلنا اكتشف اننا نتفق بشدة في وجهات نظر مختلفة

و اشعر ان اضافاتك بالتعليق تفتح طرق اخري لم اتطرق اليها او غفل القلم عنها

احي فيك رقة احساسك و رمانسيتك و خبراتك الحياتيه التي تثري بها صفحات المدونه

كل سنة و انتي دايما بخير

طوبه فضه وطوبه دهب يقول...

كالعاده رائعه الكلمات كل سنه وانت بالف خير وصحه وسعاده

تيمور يقول...

كلمات اكثر من رائعة

كل عام وانت بخير

تحياتى

من كل بستان زهرة يقول...

كل سنه وانت طيب يا دكتور
ويارب رمضان يكون شهر الخير عليك
أفتقدت كلماتك كتير

سامحت كل الجراح و بقي لي كلمة اه
سالت كل اللي راح فين اللي راح نلقاه

الحب بيعمل أكتر من كده بيخليك تسامح وتشوف حبيبك على أنه أغلى ظالم وتسامحه
أكيد أنت قلبك كبير أوي

سلمت يداك

mrmr يقول...

كلمات شاعر حساس

رائعه و جميله

كل سنه وانت طيب

أحــوال الهـوي يقول...

طوبه فضه وطوبه دهب

كل سنة و انتي طيبة يا دكتور

طالت الغيبة
و حمد الله ع السلامة

تحياتي

أحــوال الهـوي يقول...

يوميات رجل مش عايز يجوز


مرحبا بالرجل الرومانسي الحساس الجميل

لنا وقفات ووقفات سويا

انتظرني

تحياتي

أحــوال الهـوي يقول...

من كل بستان زهرة

اجازة سعيدة و رجوع جميل

كم تمنيت ان تكون هذه صفة الخصام او البعاد
فمهما كان الجرح هناك الكثير من الافراح تمتعنا بها

و القلب الكبير و الرقيق هو قلبك المفعم بمحبة من حولك من افراد اسرتك


تحياتي

أحــوال الهـوي يقول...

mrmr

كل سنه و انتي طيبة يا مرمر

و يارب سنة عليكي بخير و سعاده

تحياتي

عمرو يسرى يقول...

الله الله كلمات جميله جدا
كل سنه وانت طيب

maxbeta3zaman يقول...

فكرتنى بأغنيه لعبد الحليم أعتبرها أفضل ماغنى وهى الأفضل عندى على الإطلاق هذه الأغنيه القصيره جدا اتغنى بها فى سرى أثناء القيادة والسفر الطويل وعند حلاقة ذقنى فى الصباح ..تملأنى شجنا وحبا فى آن واحد واسم الأغنيه " أحن اليك " تقول كلماتها:
أحن إليك تقوللى عليك دموع عينى
واقول انساك الاقى هواك ينادينى
أحن اليك
أصبر جرحى وآلامى وادارى لوعتى عنك ياشاغل
كل أيامى أسايا وفرحتى منك
أحن اليك فى يوم تعطف على قلبى
واحن اليك فى يوم تشعل لهيب حبى
واقول انساك الاقى هواك ينادينى
أحن اليك
مع جراحى أحن اليك واقول يمكن تواسينى
فى أفراحى أحن اليك واتمنى توافينى
أحن اليك وانادى الماضى من دنياه
واحن اليك واعيش ويا الهوى وذكراه
واقول انساك الاقى هواك ينادينى
أحن اليك
انتهى ..أغنيه قصيره لكنها شحنة محبه شجيه مركزه موش عارف مين كاتبها حسين السيد والافتحى قوره لأنها فى بدايات عبد الحليم الأولى لكنها المفضله عندى على ما عداها ..وكلامك بيفكرنى بيها

جلال كمال الجربانى يقول...

السلام عليكم

كل عام وأنت فى صفاء و حب و سماحه
ودمت بخير حال وبموسيقى شعريه رنانه

ودمت بخير

همسات وبحــ الحياه ــر يقول...

صباحك سكر زيادة
حلو ان الواحد يكون الاول
بعد الاربعين :)

همسات وبحــ الحياه ــر يقول...

الله الله
ايه الحلاوة دى يابابا
شكل الكنافه والقطايف عملوا شغل :):)
فيه حد بيحب للدرجة دى
ننجرح ونسامح ونحن ونشتاق
بس هل ممكن الحب يتقلب لصداقه :)
تحياتى

أتنين حبيبين يقول...

زعلالالالالالالالالانه

انت فين كل ده ينفع كده
يعنى اتعمل بوستين ومش لاقياك

ممممممممممممممم


ماليش دعوه
تعليقك بيفرق معايا يا كبير
وحشتنى اووووووووووى

همسات وبحــ الحياه ــر يقول...

باباتى صباح العثل والثكر
اكيد هستنى زيارتك فى مدونتى الجديدة قلوب بلامرسى
لانى بحب اشوف تعليقك على كتاباتى
http://demo3-alkamaar2.blogspot.com/

أحــوال الهـوي يقول...

عمرو يسرى
كل سنه و انت طيب يا جميل

شرفتني بزيارتك

تحياتي

أحــوال الهـوي يقول...

maxbeta3zaman

يا سلام يا باشمهندس
انا بافكرك باحلي اغنيه باحبها لمطرب اعشق اختيارة لكلمات اغانيه و قمت بذكر اسماء كتاب اغنيه من العيار الفوق ثقيل
بما اثلج صدري و اسعدني
بالرغم من اختلاف المعني بعض الشئ فيما قصدت من الاغنيه و لكنها قد تتشابه في الشجن و رقة الاحساس

بتسعدني دائما و اعتز بتعليقاتك الثرية العظيمة

كل سنه و انت طيب

تحياتي

أحــوال الهـوي يقول...

واحد من العمال

عليكم السلام
فات و قت طويل علي تبادل الزيارات بيننا
و لكنك اكرم وافضل و تذكرت صديق قديم
فلك عند الله الاجر و الثواب
تحياتي

أحــوال الهـوي يقول...

دموع القمر

صباحك فل يا بنوتي الجميلة
في اي وقت انت الاولي

بيت ابوكي

تحياتي

أحــوال الهـوي يقول...

دموع القمر

و الله يا حبيبتي
ده من قلة الكنافه و القطايف

ممكن تبعتي لي قطايف
ولك الاجر و الثواب


تحياتي

أحــوال الهـوي يقول...

أتنين حبيبين

انا اقدر ازعلك
انتي عارفه غلاوتك عندي اكيد

بس و الله انشغال حتي المدونه لا باكتب و باحاول بس اعلق علي اصدقائي

سامحيني

تحياتي

أحــوال الهـوي يقول...

دموع القمر

طبعا رايح حالا


مبروووووووووووووووك

تحياتي

محمد سعد القويري يقول...

الأخ الفاضل :: أحوال الهوى ::
تحية رمضانية عطرة
تقبل منا ومنكم دكتور عصام ..

أبيات جميلة ورائعة

أطيب الأمنيات

أتنين حبيبين يقول...

زعلانة اوى يا باشا يعنى تدخل تعلق كلمة وتخرج كش متعوده منك على كده دى قصيده من تأليفى وتعليقك عليها انت بالذات يفرق كتير لاذم هتدخل وتقرئها وتنقضنى اوووى فى اى شىء يهمنى كتير احساسك


وحشتنى كتير يا ارق صديق

شمس النهار يقول...

شكرا ليك

طبعا يشرفني التعرف علي حضرتك

وكان الاستاذ عمرو بدر قال ان حضرتك هتيجي مصر وهنتقابل كلنا
قلت له ماعنديش مانع

بس حضرتك اظاهر ماجتش

ان شاء الله لما ترجع مصر
يكون في نصيب

تحياتي

همسات وبحــ الحياه ــر يقول...

الو الو الو

هل تسمعنى حول
نزلت الحلقه الجديدة من قلوب بلامرسى
هستنى تعليقك :)

همس يقول...

اه والله يا احوال تملى احبه

كل سنه وانت طيب يا كبير

رمضان كريم

ونبى ما تنسانى بدعوتين كدا وانت عنك

انت عارف اللى فيها

وجهز العديه

فاتيما يقول...

يا احوال الهوى كيف احوالك ؟
ازى حضرتك يا دكتور
انا جاية اسلم بس
و اقولك لعل الغيبة
سببها انشغال ف الخير و كله تمام
و انتا كويس

تحياتى و خالص ودى

همسات وبحــ الحياه ــر يقول...

ازيك ياباباتى
انا جيت اطمن عليك
يارب تكون بخير
لعل المانع خير
واقولك دعواتك

همسات وبحــ الحياه ــر يقول...

الله على احلى خبر
احنا ناويين نعمل لقاء للشراقوة يبقى كدا حضرتك هتحضره ههههههههه
ولا ايه

اقصوصه يقول...

رمضان كريم :)

Beram ElMasry يقول...

اخي احوال الهوي
تقبل الله منكم صيامكم وقيامكم وجزاكم عنه خيرا وضاعف العطية وعيد سعيد لكم وجميع الاهل

همسات وبحــ الحياه ــر يقول...

كل سنة وانت طيب ياباتى

ايه رايك فى النيو لوك

انا نزلت حلقه جديدة

بنت الغربة يقول...

كل سنه وانت طيب
وعيد سعييد عليك يارب
دايما اسلوبك متألق كالعادة..
تحياتى

ساسو يقول...

كل سنه وانت بخير يا استاذي
وعيد سعيد عليك يارب

Unknown يقول...

كل سنة وأنت طيب
يادكتور أحوال الهوى
والهوى أحوال وأهـوال

كلمات من نور يقول...

عيد سعيد يا دكتور أحوال الهوى ...أسال الله أن يتقبل أعمالنا ويدخلنا فسيح جناته

القمرالباكي يقول...

السلام عليكم ورحمه الله وبركاته

كل سنه وحضرتك طيب
اخبارك ايه

فكــــرت عمــــري ابتـدا و الدنيــا صلحتنــــــــي
جمـــعت كــــل الرضـــا جـواكــــــــي خبتـنـــــي
لقـــيتنــي وســط الضني تــايــــــــه بلا عنـــوان
اتــــاري عمــري انقضي و الــدنيـــا جـــرحتنــي

اسلوب مميز كالعاده
دومت بخير

أتنين حبيبين يقول...

وحشتنى

ايه الغيبه دى كلها مش متعوده على غيابك
يارب تكون بخير

يعنى ارجع انا من غيابى مش الاقيك ياريت طمنى عليك لوووووووووسمحت اول ما ترجع
يارب يكون المانع خير

من كل بستان زهرة يقول...

يا دكتور عصام انت فين
ايه الغيبه دي كلها

ايه الي شغلك عننا
ياريت تطمني عليك