الجمعة، 6 أغسطس 2010

مش محتـــــاج





مش محتـــــاج تقـــــول باحبـــــك


و لا محتـــاج تســـــأل هوايــــــا


انــــــا عـــــارف حبــــــــك وودك


و انت عــــــارف ازاي رضايـــــا


الكـــــــــــــــلام.. ممكـن يجــاوب


بس احســــــــــاسك معـايـــــــــــا


الكــــــــــــلام .. يمكــن يطمــــــن


او يأكـــــــــــد يــــوم منـــــايــــــا



انا عـــارف ان حبـك صـار غـرام


و ان كـل نبضـه فيــؔه نور هيــام


احنا روح والاحساس هو المـرام


يعني حبـــك او هوايــا مش كـلام


و انت فـــــاهم معنـــــي عـاشــق


و انــــا عـاشـــــق مـن زمــــــان



نـظرة مـن عنيــــك تـدفينــي هنـّا


وان رضيت العمـــر هيــزيد سنـه


انت السعـــــــــــاده و الامــــــــان


وانت فــــــاهم معنــــي عـاشــــق


و انـــا عاشــــق مـن زمـــــــــان


انــــا باسمـــــــــــع دق قلبــــــــك


وانـــــــا فــي اخـــــر مكــــــــــان


وانت عـــــــــــارف حيـرتـــــــــي


إن هـــاخبــــــــي مهمــــا كـــــان


انـــا عـــــارف معنـــــي عاشـــق


و انت عـــــاشق مـــن زمـــــــان

هناك 62 تعليقًا:

غير معرف يقول...

جميل ما تغلفه الكلمات من حب
تسلم ايدك والكلمات الجميله
الجزء دا عجبنى اوى

انا عارف ان حبك صـار غرام
و ان كـل نبضـه فيــؔه نور هيــام
احنا روح والاحساس هو المـرام
يعني حبـــك او هوايــا مش كـلام
و انت فـاهم معنـي عـاشق
و انا عـاشـق مـن زمـان

كل سنه وحضرتك طيب
دمت بخير

Kiara يقول...

جميله يابابا

كل سنة وانت طيب

أتنين حبيبين يقول...

اللى بيحب بجد مش محتاج لكلام اهم من ده كله انك حاسس بيها وده الاهم
كلمات رائعه من انسان رائع

كل عام وانت الى الله اقرب
ربنا يعزك يارب ويكرمك كل الخير
دمت بكل الخير
توتا

Unknown يقول...

الله الله ياصيــدلى
وحشنا كلامك الجميل

Unknown يقول...

و انت فـــــاهم معنـــــي عـاشــق


و انــــا عـاشـــــق مـن زمــــــان

كلمات جميلة من أنسان جميل

فاتيما يقول...

مساك نور و رضا يا دكتور
مش هينفع اقولك قد ايه المكتوب
مسنى و حسيته و فهمته و حبيته جدا

هيا فعلا صعبة و سهلة
و الأنتظار الساكت دا أصله
اوقات بيخلى الخوف يتحكم
و يغلوش على أى طمأنينه و ثقة

ساعات فعلا العاشق بيحتاج
يسمع كلمة واحدة
تخليه حاسس بالامان
و مش مهم أى شىء تانى غيرها
...



المقطع دا بهرنى
لأنه كأنه بيقولنى تمام


الكلام .. يمكن يطمن
او يأكد يوم منايا


تحياتى الخالصة ليك
و يسلم احساسك
و كلماتك

تحياتى للأسرة الكرية
و رمضان كريم عليكم
يا رب

ستيتة يقول...

إتأخرت علينا بس جيت بكل جميل
تسلم الأيادي
احساس عالي وروعة

و انت فـــــاهم معنـــــي عـاشــق
و انــــا عـاشـــــق مـن زمــــــان

انـــا عـــــارف معنـــــي عاشـــق
و انت عـــــاشق مـــن زمـــــــان

يبقى كله كده اخر تمام

كل عام وانت بخير

ليس فقيرا من يحب يقول...

الله عليك يابابا

ايه الرومانسيه والجمال ده كله

كلمات بسيطه وحلوووووووة اووووووووى

وانت عارف معنى عاشق وانا عاشق من زمان

ياااااربى

تسلم ايدك يا طبيب قلوبنا

قوس قزح يقول...

الثقة فى الحبيب احلى حاجة فى الدنيا

كل سنة و انت طيب
رمضان كريم

mrmr يقول...

جميل تعبيرك عن الحب والغرام
واحساسك بيه
كل سنه وانت طيب
وعشت دائما بالحب وللحب

أحــوال الهـوي يقول...

الحب الجميل
جميل ان يبدا التعليق بالحب الجميل فهذا فال حسن

كل سنه و حضرتك و اسرتك بخير و سعاده
اللهم ارزقنا صياما و عملا مقبولا

تحياتي

أحــوال الهـوي يقول...

كيــــــــــــارا

طيب ليه زعلانه قوي كده

كل سنه و انتي طيبه

تحياتي

أحــوال الهـوي يقول...

أتنين حبيبين

كل سنه و انتي طيبة

الكل لو اتاكدنا من الحب بيبقي تاكيد و اطمئنان
بس فعلا بنبقي محتاجينه
لكن اللي بيحبوا بعض فاهمين بعض كويس فنظرة عين ابلغ من ساعه كلام

كل سنه و انتي طيبه

تحياتي

أحــوال الهـوي يقول...

norahaty

و الله يا دكتور و جود حضرتك بينور المكان و يحسسني بالفخر و التعالي

ربنا يكرمك

تحياتي

أحــوال الهـوي يقول...

norahaty

الله يكرم اصلك
و انا باحمد ربنا بوجود شخص عزيز بقدرك بيزور المدونه و اعتز بصداقته التدوينيه

تحياتي

أحــوال الهـوي يقول...

فاتيما

صباح الفل و الياسمين

انا فعلا لما قريت تعليقك حسيت قد ايه انا خسرت غيابك طول فترة تدويني
و زيارتك الاولي و كلماتك ملهمه لاي كاتب او شاعر

و انا معاكي في وجهة نظرك
ان الكلام ضروري و كلمة الحب ضروريه بيحتاجها المحب انه يسمعها و عمرها ما كانت بتاكد الحب و لكنها نغمة رائعه بيطرب لها قلب المحب لو قالها حبيبه

انا سعيد بوجودك و حوارك المفيد الممتع

كل سنه و انتي طيبه

تحياتي

أحــوال الهـوي يقول...

ستيتة حسب الله الحمش

انا ما اقدرش اتاخر علي حبايبي
بس مريت بظروف خليتني اغيب شويه

لكني ما قدرتش ما اتابعش مدونتك الجميله اللي فعلا اصبحت ادمان يومي حتي لو كان الموضوع قريته قبل كده

كل سنه و حضرتك طيبه يا دكتورة
و يارب رمضان مبارك علينا كلنا و ان يرزقنا قياما و صياما متقبلا

تحياتي

أحــوال الهـوي يقول...

ليس فقيرا من يحب

عجبتك يا بنتوتي الشقيه

عجوز بقلب شاب

الرومانسيه حلم و امنيه و طريقه و اتجاه

تحياتي

أحــوال الهـوي يقول...

قوس قزح

بتغيبي و لما تنوري المكان بتكتبي كلمتين ابلغ من الشعر و اقوي من كل المعاني المكتوبه

كل سنه و انتي طيبه
و ربنا يبارك في خطواتك للخير
اللي دايما مثل ظلك

تحياتي

أحــوال الهـوي يقول...

mrmr

ربنا يخليكي

اذا استطعت ان انقل احساسي للقارئ
و اصيبه بالمتعه فهذا
حلم تحقق

كل سنه و انتي طيبه
تحياتي

أتنين حبيبين يقول...

احلى حاجه انك فهمتنى يا استاذ وحسيت بكلامى
ربنا يزيدك ابداع وتقدم
اتمنا منك انك مش تقطع الزياره
وعلى فكره انا حد انت بتعزه وقريب منه
خلى قلبك يدلك ولو عرفتنى خليها فى سرك
وهستنا رسالتك مش هنا ولا عندى
على الفيس بوك

كل سنه وانت اجمل خلق ربنا
يا وحشنى بالقوووووووووووووووووى

أتنين حبيبين يقول...

اه انا عملت بوست جديد الوقتى
ومنتظراك
لان اجابتك تفرق كتير معايا
مش تتاخر

باحث عن حب يقول...

السلام عليكم
اول زياره لحضرتك
والظاهر
مش هتكون الاخيره ان شاء الله
كلامك جميل
وقلبك اجمل
ربنا يبارك
فيك

أتأذن بالاضافه
بارك الله لك

أحــوال الهـوي يقول...

أتنين حبيبين

طبعا عارفك و مين يقدر ما يعرفكيش
اسلوبك و طريقة تنظيم المدونه عرفتها من تاني يوم

و فعلا انتي شخص قريب و عزيز باكن لها كل الاحترام

ربنا يديم الصداقه بينا و يكرمك في حياتك

تحياتي

أحــوال الهـوي يقول...

أتنين حبيبين

انت رديت علي البوست الجديد اول ما ظهر عندي

تحياتي

أحــوال الهـوي يقول...

محمود(باحث عن حب

اهلا بيك يا محمود
و يارب تكون لقيت اللي بتدور عليه

وان ما لقيتوش ان شاء الله تلاقيه هنا بين السطور

نورتني و اسعدتني


تحياتي

أتنين حبيبين يقول...

احم احم

سلامو عليكو

مساؤك احلى من السكر
تسلم يارب
رمضان كريم

Remas يقول...

اعتذر عن تأخيري يادكتور

جميلة اوى الكلمات
وجميل اوى ان الحبيب يحس حبيبه من غير ما يتكلم

انــــا باسمـــــــــــع دق قلبــــــــك

وانـــــــا فــي اخـــــر مكــــــــــان

وانت عـــــــــــارف حيـرتـــــــــي

إن هـــاخبــــــــي مهمــــا كـــــان

انـــا عـــــارف معنـــــي عاشـــق

وأنا عاشق من زمان

تسلم ايديك يادكتور

maxbeta3zaman يقول...

انت فاهم معنى عاشق
وانا ماكس بتاع زمان
لما جيت اكتب واسطر
رحت كاتب عالأوزون
رحت كندا قمت نايم
جت دماغى ع الجدون
قلت جاى اسكندريه
بت نمت ع الرصيف
عدى قطر الساعة سته
والزحام كان فيه مخيف
بح صوتى طول ندايا
فين عصام بين الجموع
قاللى جايلك بس ناسى
حتى تذكرة الرجوع
قلت يمكن الكفيل
دبسه ف شغلانه تانيه
راح لاغيله الأجازه
صادر الباسبور ف ثانيه
أصلى عارف شغل دولا
كنت جنبك فى تهامه
كنت أنزل الأجازه
فين طلوع الروح ويامه
تتلغى دوغرى الأجازه
لو فيه نمله أو يمامه
عندهم بكره جنازه
ربنا يقصر ياسيدى
قعدتك وسط الحجاز
مصر حلوه لو حناكل
فيها عدس أو بيصاره
موش ضرورى الفيرارى
يكفى فيلا أو عماره
بس نيجى نشوف ولادنا
وننسى فاتورة الجزاره
شهر صومنا له روايح
ماتلاقيها ف حته تانيه
تو مايبان نور هلاله
ينقلب حالها فى ثانيه
واللمض تملا الشوارع
علق الشراشيب ياعبده
والفانوس أبو حبل جامد
حط كعبه جنب منه
والشيطان بيلم توبه
والبنات تلبس حجاب
تطلع السبحه الطويله
اللى كاسيها التراب
والكنافه تطش سمنه
والقطايف ...والكباب
سلطه خضرا ع الفطور
فول مدمس ع السحور
والزبادى ..والعصير
مرقة الطرشى الخطير
والشوادر والموائد
الغنى جنب الفقير
هو ده الشهر المبارك
كل عام وانتم بخير

أحــوال الهـوي يقول...

أتنين حبيبين

يا مساء الانوار


تحياتي

أحــوال الهـوي يقول...

reem

التاخير بنسامح فيه بس لو تم الحضور و كتابة تعليق ممتع زي ما حضرتك تفضلتي علي به


و كويس ان لقيت حد يوافقني علي وجهة نظري

دمتي بكل خير و عام سعيد لك ولاسرتك

تحياتي

أحــوال الهـوي يقول...

maxbeta3zaman

الله الله ع الجمال
و الكلام الجميل
سعادتكم يا باشمهندس
اسعدتني جدا بكلامك و شعرك و فصاحتك الممزجين بالرسايل الخفيه و خفة الدم اللي مالهاش حل

و الله صادف ان رحلة كندا سعادتك ترجع منها يوم عودتي لنجد
لاني في الرياض
و عندك حق فعلا في كل اللي قلته

و شكرا علي وقتك الغالي اللي متعتني فيه بقصيدتك الجميلة

تحياتي

Unknown يقول...

أغبطك فى الله
يادكتور أحوال
الهوى والهوى أحوال
نُولت من ماكس بتاع
زمان ودلوقتى وبكرة كمان
قصيدة إنما أيه توووووووومام
وبعد أذنك راح اخدها سلف وأحطها
عندى تنور فى المدونة التانية
وأذكر فيها المصدر والمنبع
والمنبع:ماكس بتاع زمان
المصب :مدونة أحوال الهوى
المقصد:الحب فى الله بين اثنين
لم يتقابلا جسمانيا ولكن
تلاقت الأرواح والقلوب

الجواز و سنينه يقول...

لما الناس تعرف تعبر صح عن حبها
ساعتها فعلا مش هايكونوا محتايين يقولوا بحبك
بس فين الاتنين اللى واثقين من مشاعر بعض و عندهم من لذكاء اللى يخيللم يوصلوا الحب ده للطرف التانى صح
و ماحدش فيهم يفهمه بغرور او بتكبر و تعالى
نادر الوجود الصنف ده
بس حضرتك بتعيشنا حلم جميل

ستيتة يقول...

كل عام وانت بألف خير وسعادة
ربنا يتقبل منا ومنك رمضان
ويعيده عليك وعلى اسرتك الجميلة بكل خير وسعادة يارب
تحياتي

mostafa rayan يقول...

(انا بسمع دق قلبك وانا في اخر مكان)
والله دة كلام جامد قوي منتهي الدلع يعنى
دايما باغبط الشخص دة وبقول يا بخته بكل الحب المكثف ده ..يا بخته بجد
*****************
كل سنة وانت طيب يا جميل وينعاد عليك بالخير دايما

ن يقول...

السلام عليكم
الدكتور / احوال الهوى
كل عام وحضرتك بخير .. رمضان كريم
وكالعادة دائما كلماتك متألقة .
مع خالص تحياتى

أحــوال الهـوي يقول...

norahaty

صباح الفل يا دكتورة
الحمد لله اكرمني الله بمعرفة ناس كتير عن طريق التدوين لا يجمعنا الاحترام و التقدير
و الكثيرون منهم لم يتيسر رؤيتهم او الاتصال الشخصي بهم
مثل حضرتك و اخي الاكبر ماكس

واي شئ في المدونه ملك لسعادتك و لي الفخر

اكرمك الله و كل عام و انتم بخير

تحياتي

أحــوال الهـوي يقول...

الجواز و سنينه

فعلا كلامك صح
و كل ما نحاول التحدث عنه ان بسط العلاقه بين الطرفين فالكثير من الازواج تجمعهم الالفه و الود و الرحمه و من الممكن ان تسوء العلاقه بمجرد كلمة حب لم يقلها الزوج مثلا و زوجته اعلم بما تكن به نفسه

تحياتي

أحــوال الهـوي يقول...

ستيتة حسب الله الحمش

كل سنه و حضرتك بخير و اسرتك الجميل بصحه و سعادة التي نكاد نعرفهم جميعا بالرموز و الالقاب المتاحه في كتاباتك

زيارة الخاصه بالتهنئه اسعدتني جدا
فاحسست اني واحد من اسرتك ولي الشرف

تحياتي

أحــوال الهـوي يقول...

mostafa rayan

كل سنه و انت طيب يا راجل يا طيب

التعبير عن الحب احساس
و لكن السؤال هل هو امنيه ام وجود

تحياتي

أحــوال الهـوي يقول...

ن

عليكم السلام
كل سنه و انتي بخير و اسرتك و حبيبك بخير

منذ زمن لم انعم بطلتكم الجميلة لغيابك فترة و ايضا غيابي

و تهنئتك برمضان شئ اسعدني و اشعر بالغبط من عطفكم و منكم

تحياتي

فشكووول يقول...

السلام عليكم
تحياتى
حطيت لك الاميل فى غريد الكلمات عشان ارسل لك التليفون وبعدين ما اخدش بالك
قمت عملت حذف تانى للتعليق
عموما

كل عام وانت بخير بمناسبة رمضان اعاده الله عليكم بالخير واليمن والبركات

رمضان كريم

همسات وبحــ الحياه ــر يقول...

ياعينى ياعينى
انـــا عاشــــق مـن زمـــــــــان
انــــا باسمـــــــــــع دق قلبــــــــك
وانـــــــا فــي اخـــــر مكــــــــــان
جميل يابابا
كل سنة وحضرتك طيب
انا عازمة نفسى عند حضرتك اول يوم فى رمضان :)

ساسو يقول...

كل سنه وانت بخير
ورمضان كريم
ويارب تلقا السعاده والحب دايما

إيمان قنديل يقول...

كل سنه وانت طيب ورمضان كريم ربنا يعوده عليك وعلى عائلتك وأحبائك بالخير والصحه والسعاده

محمد سعد القويري يقول...

الأخ الفاضل :: أحوال الهوى ::
رمضان مبارك ..

علينا وعليكم ..

سائلاً المولى لك ..

الخير والقبول ..

أطيب الأمنيات

همسات وبحــ الحياه ــر يقول...

كل سنة وانت طيبة
يارب تكون بالف صحة وخيير
كدا متجيش تزور بنتك

أتنين حبيبين يقول...

كل عام وانت بخير واسرتك الكريمه
وحشتنى
ورمضان كريم

شمس النهار يقول...

كل سنه وحضرتك طيب

قصيده جميلة كالعاده

جدا

رمضان كريم

P A S H A يقول...

كل سنة وحضرتك طيب وبألف خير وصحة وسلامة إن شاء الله
:)
رمضان كريم

أحــوال الهـوي يقول...

فشكووول

استاذ صلاح
كل سنه و انت و اسرتك وحبايبك طيبين

انا اسف اني في الاجازة ما دخلتش المدونه رغم انها وسيلة الاتصال الوحيده
و عليه كنت الخاسر الاكبر بفقداني شرف مقابلتك

تحياتي

أحــوال الهـوي يقول...

دموع القمر

كل سنه و انتي طيبه يا قمر

و الفطار اخدت ثوابه خلاص

تحياتي

أحــوال الهـوي يقول...

ساسو


كل سنه و انتي طيبة و اسرتك جميعا بخير و سعاده

تحياتي

أحــوال الهـوي يقول...

GHARAM

انا شاكر لزيلرتك و تهنئتك الرقيقه

و كل عام و انتي بصحه و عافية
و تقبل الله منا و منكم

تحياتي

أحــوال الهـوي يقول...

محمد سعد القويري

كل سنه و انت و اسرتك بخير

و تقبل الله منا و منكم الصيام و القيام وسائر الاعمال

تخياتي

أحــوال الهـوي يقول...

دموع القمر

انا ما زرتش بنتي

انا زرت اكتر من مرة و حطيت التعليق

كل سنه و انتي طيبه

تحياتي

قوس قزح يقول...

أقر الله عينك فى رمضان
بلذة الأسحار وصحبة الاخيار
ورحمة الغفار وجنة الأبرار


رمضان كريم

أحــوال الهـوي يقول...

أتنين حبيبين

و انتي بصحه و خير و سعاده

تحياتي

أحــوال الهـوي يقول...

شمس النهار

يااااااااه يا مدام شمس
و الله انا سعيد جدا لزيارتك بجد واحشاني تعليقاتك و تواجدك

يارب تكوني بخير

كل سنه و انتي طيبه

تحياتي

أحــوال الهـوي يقول...

P A S H A

كل سنه و انت طيب و رمضان كريم و انت شخص كريم بزيارتك وتهنئتك بالشهر الفضيل


تحياتي

أحــوال الهـوي يقول...

قوس قزح

كل سنه و انتي طيبه يا مدام داليا

و دايما سباقه بالخير و الفضل

كل سنه و اسرتك و احبابك بخير
تحياتي