الثلاثاء، 26 يناير 2010

بقايلي بعدك ايه



ودعنـــــي قلبــــك ليــــــه وفايتلــــي بعـــــدك ايـــــه


و انـــــا و الفــــــؤاد ويـــاك و ذكــــري حبـي معـــاك


و بقـــــــــايلــــــــــــــــــــي بعـــدك ايـــــــــــــــــــــــه

يا دنيــــــا ليـــه الاســــي و انــــا لسه دايق هــــواك


روحــــي شجـــاها اتنســـي طـــابت بوصل صفـــــاك


ورجــــــعت اسهـــــــر ليــــــالي لجـــل افتكر دنيـــاك

ودعــت نفســــي وكيــــاني ووهبت ليــــك الـــروح


صونـــــي هـواي و حنــــاني و سيبـــي ليـــه النوح


و استني راجـــــع تــــــاني داوي ياعمري الجروح

احلــــي ما فينــا الغـــــرام بيجــــي بعد الفــــــراق


بعــــد البعــــــاد و الظــــــلام بينــــول لقانـــا الهيام


و ننســي معنـــي الفــــراق مــــدام جمعنــــا الوئام

هناك 27 تعليقًا:

صفــــاء يقول...

حمدالله على السلامه

قطعه جميله ... بعد شجن البدايه
هلّ نور الأمل

سطورها تنضح بالحب وألم الهجر وكأنه ما أجتمع حبيبين إلا وكان الفراق قدرهما

لكنك فى النهايه جعلت الأمل شمس مشرقه فى ان تعود وتسطع ثانيه مبددة ظلام البعاد تتوزع فى سماها بعض سحابات جميله من الوئام وروعه الألتقاء

تحياتى لك

أمل حمدي يقول...

حمد الله على السلامة

نورت مدونتك من جديد

يارب تكون بخير

الفراق بيكسر جوانا حاجات كتير

حتى لو رجعنا عمر الكسر مابيجبر

الخوف بيبقى المسيطر من تكرار الألم

نفقد معه لذة اللقاء

تقديري لك

تسلم ايدك

Remas يقول...

ايوا كدا يادكتور

نور مدونتك تانى


احلــــي ما فينــا الغـــــرام بيجــــي بعد الفــــــراق



بعــــد البعــــــاد و الظــــــلام بينــــول لقانـــا الهيام



و ننســي معنـــي الفــــراق مــــدام جمعنــــا الوئام


حلو اوى بعد البعد والفراق نرتاح ونرجع للوئام تانى

بتدى تفاؤل دايما يا دكتور

rovy يقول...

حمدا لله على سلامتك يا دكتور ..
حقيقى لكلماتك أحساس متميز جداا لا أجده الا بين سطورك الرائعه ..

ما أجمل أحساسك بالغرام و ما أرقى تعبيرك عن لوعة الفراق و ما أجمل الأمل برغم البعاد فى اللقاء ..

سلمت يداك حقاا و سلمت دزما

تحياتى لك

شمس النهار يقول...

حمد الله علي السلامة

لأ والرجوع قوي
بكلمات قوية

سلامي

إيمان قنديل يقول...

حمدلله على السلامه وتقبل الله منك ومتعك بالصحه والعافيه وطول العمر،انت واولادك وزوجتك وجميع افراد عائلتك وحبايبك يا أعز وأغلى الأصدقاء

==================
القصيده رائعه واجمل مافيها سهولة وأنسيابية الأفكار واللغة

صبرني يارب يقول...

يا سيييييييييدى

ده الاجازات بتعمل شغل حلو جدا

حمد الله على السلامه يا فندم

غير معرف يقول...

عودا حميدا يادكتور
كمان العودة داية بشىء فريد ومميز
فى التعبير
تحياتى

أحــوال الهـوي يقول...

صفــــــاء

الله يسلمك
تعرفي ساعات كتير بلاقي ان احلي لحظات الحب هي اللي بتكون بعد الصلح من الخصام

كثير من الشوق و تبدل القسوة بالحنان و التمنع بالدلال

تحياتي

أحــوال الهـوي يقول...

أمل حمدي

الله يسلمك يا استاذة امل

اختلف معكي
الهجر و الغدر هو ما يسبب الالم و لكن الخصام يعقبه حلاوة الصلح بشوقه و دلاله
هذا ما قصدته
احلــــي ما فينــا الغـــــرام بيجــــي بعد الفــــــراق



تحياتي

أحــوال الهـوي يقول...

reem

نزلت البوست بناءا علي رغبتك

يارب يكون عجبك

رغم انه من كتاباتي القديمه لكنه بيعبر عن لحظات متكررة في حياتنا حتي ما بين الازواج حصام و صلح

ربنا يجعل السعادة في بيتك و يرزقك محبة زوجك و اهلك

تحياتي

أحــوال الهـوي يقول...

rovy

لمست من الجميع نفس الشعور وهذا دليل اننا اسرة و احده نتفقد غياب بعضنا البعض و نحرص علي التواصل لاننا نتعامل من خلال احاسيسنا و نري في الفكر و الابداع طريق متصل الي سمو الروح و غاية صفاء النوايا

اسعدتني كلماتك

تحياتي

أحــوال الهـوي يقول...

شمس النهار

ربنا يكرمك

انت شمسنا و نوارة المدونات برقي احاسيسك و طيبة تعاملك

تحياتي

أحــوال الهـوي يقول...

GHARAM

ربنا يكرمك يا استاذه

و يتقبل الله منك صبرك و احتسابك و التسليم بقدر الله


انا سعيد بصداقتك و فخور بمعرفتك

تحياتي

أحــوال الهـوي يقول...

أم مالك

ربنا يكرمك

و يعزك و يسعدك

كنت غايب عنكم و لكني سعيد بتواجدي بينكم دائما

انتم اهلي و انا منكم

تحياتي

أحــوال الهـوي يقول...

صبرني يارب

تعرفي

دايما باحس بخفة دمك و تفائلك

يا سيدتي ما كنتش في اجازة كنت في عزلة و انقطاع لكني رجعت الي بيتي بين اهلي و احبائي

تحياتي

أبو العريف يقول...

ازيك يا احلي دكتوووووووووور

كلام جميل كلام معقول

ابو العريف هيقول حاجه عنه

مش عارف ليه حاسس انك قديم قوي

ايه الكلام اللي انقرض ده يا دكتور

الفؤاد
شجاها
وصل
لجل
النوح


بس بجد استمتعت بيه جدا

مش عارف ليه افتكرت ايام ثانوي وانا قاعد بزاكر
علي صوت السيده ام كلثوم وازاعة صوت العرب

رجعتني عشرين سنه ورا


اخبارك ايه

فشكووول يقول...

السلام عليكم دكتور عصام
تحياتى
دا سؤال ما لوش اجابه
وطعم الهوى مش ممكن تروح نكهته
بس ما دام الوءام جاى
يبقى ايه المشكله

انت كنت فين من زمان
بتوحشنى كتير
تحياتى

Kiara يقول...

و ننســي معنـــي الفــــراق مــــدام جمعنــــا الوئام

**************

الله الله يابابتي جامده بجد

الجواز و سنينه يقول...

الله على الاحساس العالى
هو بجد فيه ناس عندها احساس عالى كده
و الله يا دكتور بتبهرنى بكلامك
انا عجبنى اكتر من بيت
بس يمكن احساسها العام عجبنى اكتر
القرب بعد البعد بيكون جميل
لان الاتنين بيعانوا من البعد
فا بيكون الرجوع جميل و كله مشاعر ما بين العتاب على لوعه الفراق و ما بين الشوق للحبيب
فى النهايه الاحساسين اقوى من بعض
لو سمحت بلاش الغيبه
فيه ناس كده صعب تغيب
انا رديت على الجدال اللى كان بنا من زمان
و كمان عملتلك اهداء فى موضوع عندى
و قلت يمكن مش عايز يرد عليه فا سكت
بس مش كنت اعرف انه بعد عن عالمنا
لو الناس الكويسه مشيت هاتسيب مين هنا

mohamed ghalia يقول...

رررررررررررائع يا أستاذى كعادتك ونورت بلوجر من جديد

أحــوال الهـوي يقول...

أبو العريف
طيب ما انا قديم

و بقالي كتير في الدنيا
ثم ان الموضوع برضه كاتبه من زمان لاني مفلس و بدور في دفاتري القديمة

حبيبي يا محمد

تحياتي

أحــوال الهـوي يقول...

فشكووول
بما انك روميو قديم فدايما بتفهمني لاني برضه قديم

و لاني باحبك و بتوحشني
دايما باشتاق لك

و اسف انا مقصر معاك و مع الجميع بس ظرووووووف مخلياني بعيد عن اقرب الناس ليه و هي انتم

تحياتي

أحــوال الهـوي يقول...

كيــــــــــــارا

بنوتي الشخصية الجميله

دايما بتسعديني بكلماتك الرقيقه

تحياتي

أحــوال الهـوي يقول...

الجواز و سنينه

لانك حلالة المشاكل حسيتي المعني اللي اقصده

لان فعلا احلي الاوقات بين الاحباب هي الصلح بعد الخصام

مهما كان الزعل المشاعر بتصبح مختزنه و متراكمه و اول ما تنفرج الازمه بالصلح تفيض المشاعر بكل الحب المتدفق المختزن

و نمتلك وقتها ارقي و اسعد اللحظات

تحياتي

أحــوال الهـوي يقول...

mohamed ghalia

نحن نستقي الروعه من تعليقاتك

فانت من الشباب المبهر بابداعه

تحياتي

Remas يقول...

ازيك يادكتور

اخبار حضرتك ايه

حبيت بس اسلم على حضرتك

وبجد حضرتك من الناس اللى بفتقدهم وبفتقد كتاباتهم جدا جدا

مقدرة انشغالك اكيد بس لازم اجى اسلم

تحياتى لحضرتك وفي انتظار جديدك قريبا ان شاء الله