الخميس، 12 نوفمبر 2009

شاور علي قلبي


شـــــاور علــي قلبـــي هـ ألبـــــي


لا تــــــداري حبــــــك و تخبــــــي


مستنـــــي هـــــواك يختــارنــــــــي


و قلبـــــك بيوشـــــوش قـلبـــــــي


ألقـــــــاك و الدنيــــا خـدتنــــــــــــا


مطـــرح ما الحلـــــــــم يــــــــــودي


و أوهـــب لــك عمــــــــري بحــاله


و عنيــــه و روحـــــي ونبـــضــي



شـــــــاور ع الفـرحــــه تجيــــــلك


و السعـــــد هيبـقـــــــي في ايــدك



و معايـــــــا تغنــــــــــي هــوايـــــا



والـــــــورد هيبقــــــــي عبيــــدك



طــول مـــا أنت يا حبـــي معايـــــا



حضـــــن الحنيــــــــه أسيـــــــرك



أأمـــــــر شــــــاور تلقــانــــــــــي



ويــــــاك دايمـــــــــا و حبيبــــــك





Falling hearts Here
Click Here For Hi5 Falling Hearts

هناك 80 تعليقًا:

أحمد الصعيدي يقول...

السلام عليكم

تعرف يا دكتور أحلي حاجة في كتاباتك بغض النظر عن جمالها وروعتها .. أحلي حاجة انك متفائل دايما في حبك

ربنا يسعدك دايما

السلام عليكم

------ يقول...

والتعليق التاانى

صباح الخير يابابا

صباح الحب والرومانسية

طبعا من قبل مااقرا هو شكلها حاجة رومانتيكة كدا

نروح نقرأ ونرجع من غير احتلالات

------ يقول...

ياسيدى ياسيدى

ايه دا لالا

ربنا يسعدك على طول ويجعل قلبك سعيد دايما

------ يقول...

عجبنى اوى حاكية شاورى على قبلى

اكيد الحب بيعمل المستحيل
يخلى الواحد يعمل اى حاجة
لما يعرف ان حبيبه بيحبه
احساس جميل انك تحب حد يحبك
ويبيع الدنيا علشانك
ويحاول يسعدك ويرضيك

تحياتى لك

Dr. Ibrahim يقول...

ربنا ميحرمكمش من بعض ويخليكوا لبعض يا دكترة:)

ستيتة يقول...

اه يا جمال الرومانسية في زمن الماديات ده

شاور ع الفرحة تجيلك
طالما كده لازم تشاور

والورد هيبقى عبيدك
رااااااااااااااااائعة

تسلم ايدك يا دكتور

Remas يقول...

حلوة اوى يادكتور

عارف حسيت كدا بالتفاؤل والراحة والبساطة فيها

حسيت ان الحبيب فيها بسيط ومش معقد ومش بيخبي حبه

بجد حلو اوى

صبرني يارب يقول...

معايـــــــا تغنــــــــــي هــوايـــــا


والـــــــورد هيبقــــــــي عبيــــدك


عجبتنى جداااااااااا دي


تسلم اديك يا فندم

------ يقول...

بابا

انا بعد كدا هنزل غرامة وعقوبات على اللى بيكتبوا تعليق فى بوست غير البوست

هههههههه

حضرتك اكتب تعليق تانى بقى

الزنارى يقول...

ما أجمل هذة الكلمات

ما أجمل تلك الأبيات

لقد نزلت من عينى العبرات

أقدم لك التحيات

و أشكرك على هذة التدوينات

أمل حمدي يقول...

أحوال الهوى

جميلة قوي كلماتك

تبهج القلب وتسعده

أسعدك الله أخي

دمت بكل الخير

سلوى يقول...

مش عارفه اكتب يعني
هي حاله حلوة وفريده :)
ربنا يسعدك ويديم عليك التفاؤل

شموع دافئة تحت زخات المطر يقول...

السلام عليكم و رحمة الله و بركاته

ما اجمله من احساس
اروع الاحاسيس و اصدقها
يملؤها الامل و التفاؤل


اسلوب سلس
له سمفونية جميلة
رقيقة عباراته
صادقة مشاعره

ادام الله عليك السعادة اخي

العلم نور يقول...

ما أجمل الحب إذا كان هناك أمل ينتظر في أي لحظة غير متوقعة.

أحــوال الهـوي يقول...

أحمد الصعيدي

اخي صعيدي الشعراء
ما تتعودش علي التفائل دي حاله وقتيه و اخشي انها مؤقته و بما انني احوال الهوي و موسم الشتاء قادم فاحذر الاعاصير و الزوابع

تحياتي

أحــوال الهـوي يقول...

همســات عــلى ضــوء الــقمر

صباح الخير يا ابنتي اللذيذة
ممكن تكون رومانسيه
نشوف

تحياتي

أحــوال الهـوي يقول...

همســات عــلى ضــوء الــقمر

ربنا يسعد اوقاتك

يارب تكون اسعدتك و ابهجت قلبك

تحياتي

أحــوال الهـوي يقول...

همســات عــلى ضــوء الــقمر

كما قلتي الحب جميل لكنه ياخذ بحذر مثل البحر تماما جميل و ممتع و منعش و لكنه لا يخلو من الخطر

و نحن ناخذه علي علاته و نخوض به بحذر و زي ما قلتي يابخت من حب و اتحب

يارب تلاقي في حياتك اللي يستاهل قلبك الرقيق و طهرك وعفتك

تحياتي

أحــوال الهـوي يقول...

Dr Ibrahim

يارب يادكتوره
كل اللي بيحبوا زيك يتهنوا

تحياتي

أحــوال الهـوي يقول...

ستيته حسب الله الحمش

هو فيه اروع من كلامك و تعليقك

يارب يسعدك فانت مصلحة القلوب و مبهجة الحياري

تحياتي

أحــوال الهـوي يقول...

reem

المقصود هو البساطه و التفائل و بيني و بينك التفائل شئ جديد علي بس يبدو ان الشعب متشوق ليه قلت كفايه هجر و لوعه نديها حب و وصال

تحياتي

أحــوال الهـوي يقول...

صبرني يارب

انت شخصيه هايله و لقيت كل اللي قابلوك شغلاهم النقطة دي و مجتمعين عليها

ربنا يحبب فيك خلقه

تحياتي

أحــوال الهـوي يقول...

همســات عــلى ضــوء الــقمر

تم التعامل

و كل مرة هيحصل كده علشان تنبهيني و اعتذر

صباح الخير

تحياتي

أحــوال الهـوي يقول...

الزنارى

انا سعيد بك حقيقي باسلوبك و حصافتك

لا تبخل علي بكلماتك و نقدك

تحياتي

أحــوال الهـوي يقول...

ماما أمولة

ربنا يكرمك صاحبة الزمن الجميل و مبدعة غرس القصيد

تحياتي

أحــوال الهـوي يقول...

سلوى

الاجابات المحيرة انحاز الي الراي السلبي فيها
و حينما تكون من مبدعة بقدرك تخيلي؟

انتظر نقدك

تحياتي

أحــوال الهـوي يقول...

شموع دافئة تحت زخات المطر

شاعرية الاسم و رقي الاسلوب جعلني ازور مدونتك قبل الرد

حقيقية رايت شئ جميل و مدونة ثمينه نفيسة

يسعدني ان نتواصل

تحياتي

أحــوال الهـوي يقول...

الشجرة الأم

من الام ناخذ الخبرة و الحكمة و اذا كانت من الشجرة الام فناخذ اصل الحياة

تشرفت بك و بكلماتك

تحيات

جنات يقول...

كلمات جميله ورائعه ..

ابدعت فأحسنت

عاشقه الرومانسيه يقول...

حلو قووووووى جو المرح والتفاؤل
اللى فى البوست ده
جااااااامد
كل كلماته راااائعه
تسلم ايدك

بعبعه يقول...

سلم قلمك كلامك حلو

أبو العريف يقول...

الله

ايه الجمال ده يا دكتور

احلي حاجه بجد اني لما قريتها حسيت اني عايز اتنطط من السعاده

كلمات فيها كمية تفاؤل جميله جداا

ربنا يسعدك دايما يا باشا

تحياتي

لاسع افندى يقول...

ياسلام على كلام الحب

ياسلام على الكلام البسيط الجميل



تحيه لاسعه

rony يقول...

ألقـــــــاك و الدنيــــا خـدتنــــــــــــا
مطـــرح ما الحلـــــــــم يــــــــــودي
و أوهـــب لــك عمــــــــري بحــاله
و عنيــــه و روحـــــي ونبـــضــي


بس هو يشاور!!!!!!!

جميله الكلمات وبسيطه جدا
تحياتى

Unknown يقول...

فعلاً كفاية هجر ولوعة ومرارة الشكوى
جميل التفاؤل

تقديرى واحترامى

كاتب الأنثى يقول...

مرحبا

أتعلم أين روعتها

في أشراقة شمس الغد

على حد ابتسامه الشفاة

كن بخير
:
عبدالله

mohamed ghalia يقول...

الله على رقتك
بجد دايما منك بتعلم الرومانسية يا استاذى

محمد سعد القويري يقول...

الأخ الفاضل :: أحوال الهوى ::
تحية مباركة طيبة
ثم ..
كلمات عذبة رقراقة
جميلة
أجزاء منها
تصلح أن تكون رسائل نصية للموبايل
لجودتها

تحياتي

طوبه فضه وطوبه دهب يقول...

الله الله على جمال الكلام وصدق الاحساس تسلم ايدك يادوك

Unknown يقول...

دائماً كلماتك
جميلة ورقيقة

Romia Fahed يقول...

أخي الفاضل ..

دائما ما يميز العامية عفوية المفردة وعذوبة الأسلوب عندما يمدّها حبر قلم أنيق وراق.

دمتَ لمن تحب

روميه

صفــــاء يقول...

وماله ... خلينا ورا الحب لما نعرف هيعمل فينا ايه
بس مين ابوقردان اللى صورته فوق دة ؟

------ يقول...

مع انى مليش فى الكورة بس جيت اصبح على باباتى واقولوا

الف مبرووووك لمصر :):)

يارب تكون بخير

أحــوال الهـوي يقول...

جنات


شكرا يا جنات

تحيايي

أحــوال الهـوي يقول...

عاشقه الرومانسيه

انت ملكة الرومانسيه فاكيييييد هتعجبك


تحياتي

أحــوال الهـوي يقول...

بعبعه

و انت تملكين مدونه متميزة و جريئه

و معك بها صديقي عمرو بدر اللي غايب من فترة

تحياتي

أحــوال الهـوي يقول...

أبو العريف

احنا نيجي ايه في كلماتك و موهبتك
بنحاول نكتب علشان ترضي ترد علي و تكلمني

تحياتي

أحــوال الهـوي يقول...

لاسع افندى

تعرف ان من ردودك الساخرة عمق و فكر مميز

شرفتني

تحياتي

micheal يقول...

مش بزهق أبدا من كلامك
:)
تحياتي

أحــوال الهـوي يقول...

rony

ما تقلقيش مسيره يشاور

و ساعتها هيندم علي ايامه اللي فاتت قبل لما ربنا يرضي عليه و يعرفك

تحياتي

أحــوال الهـوي يقول...

محمد الجرايحى

و الله يا استاذ محمد انا قلت برضه كده كفايه نكد و نخلي الدنيا حلوه


تحياتي

أحــوال الهـوي يقول...

كاتب الأنثى

يا هلا بالغالي

اتدري ايه روعتها
لما كتبت عليها تعليقك المركز الجميل

تحياتي

أحــوال الهـوي يقول...

mohamed ghalia

ربنا يكرمك يا محمد و انا باتعلم منك المعاني الجميلة و افرح ان في شباب مثلك ثقافة و خلاقا

تحياتي

أحــوال الهـوي يقول...

محمد سعد القويري

ربنا يكرمك يا استاذ محمد

انت اللي كلك زوق و تقطر جمال و رقه


تحياتي

أحــوال الهـوي يقول...

طوبه فضه وطوبه دهب

اهي كلمة فضه و كلمة دهب

يا جوهرجي

تحياتي

أحــوال الهـوي يقول...

norahaty

ربنا يكرمك يا دكتورة

دايما بتشجعيني

تحياتي

أحــوال الهـوي يقول...

روميـه فهد

انت كلماتك الاكثر عذوبه ورقه

تحياتي

أحــوال الهـوي يقول...

صفــــــاء

خليكي و را اسمه ايه ده

و انا اصلا فلاح شرقاوي و ابو قردان صديق الفلاح

اللي عجبني فيه ان و شه احمر من الخجل

تحياتي

أحــوال الهـوي يقول...

همســات عــلى ضــوء الــقمر

الف مبروووك يا قمر

و الموضوع مالوش علاقه بالكورة هي بس تنفيس و اخراج طاقات مكبوته

تحياتي

أحــوال الهـوي يقول...

micheal

و الله انت حبيبي ياميكل


و لا انا بازهق من انترفيوهاتك

تحياتي

Beram ElMasry يقول...

أخي الدكتور أحوال الهوى
بارك الله فيك وفي أهلك ونسلك وإطراءك لي فوق العادة فك شكري وأمتناني .
وأعجز عن رد يناسب ما يجول في صدرك من خير وسمو أخلاق لشاعر رقيق مثلك والجمال اللي بالي بالك يخفى والسلام ولا سلام مع قتلة الأطفال والأنبياء بني إسرائيل .

Beram ElMasry يقول...
أزال المؤلف هذا التعليق.
donya يقول...

مساء الخير
قصيدهرائعه فعلا

هو المفروض الحب يكون كده سعاده متبادله
تحياتي

أحــوال الهـوي يقول...

Beram ElMasry

نورك بيبهجني يا استاذنا العظيم

متعك الله بالصحة و العافيه

تحياتي

أحــوال الهـوي يقول...

donya

الحب هو الحياة و حينما تعيشين الحياة و تحبيها رغم ما فيها من تعب و جهد و فرح و سعادة

الحب به كل المتناقضات و لكننا نحب و الحياة بها كل التباينات و لكننا نحبها

تحياتي

♥نبع الغرام♥♪≈ يقول...

بجد تسلم ايديك
ربنا يسعدك
منتظرين جديدك

ايناس

حاجات جوايا يقول...

اول بيتين عجبونى اوى

شاور على قلبى هـ البى
لا تدارى حبك وتخبى

والابيات دى كمان

طول ما انت يا حبى معايا
حضن الحنية أسيرك
اامر شاور تلقانى
وياك دايما وحبيبك


تعبير حضن الحنية ده بجد قصيدة لوحده
تسلم ايدك يا دكتور
دمت مبدعا ومتميزا

أحــوال الهـوي يقول...

الأحــــــ إيناس ــــــزان

شكرا يا ايناس
دائما اتشرف بتعليقاتك الاجابيه


كل عام و انت بخير

تحياتي

أحــوال الهـوي يقول...

حاجات جوايا


دائما استنبط مدي تذوق القارئ و قدرته علي القراءة باحاسيسه الراقيه
و لعلني تاكدت من كتاباتك هذا المعني و اذداد تاكيدي باختارك كلمات ربما تكون فعلا في ميزان الجمال لها قيمة

تحياتي

فشكووول يقول...

السلام عليكم د. عصام

يعنى انت قاعد مستنى اللى قلبه يختارك وعلى طول حتلبى ونلاقيك وراها وتغنى وتنسعد .. ربنا يسعدك يا سيدى

ايه رأيه الساعه 4 يا ترى ايه اللى حيحصل فى السودان .. انا مش متفائل

Unknown يقول...

تعجبني حلاوه الكلمه ...
ورقه الأحساس .
والرد الرادع بلا جرح
يا صديق الفلاح .
مالها ومال ابو قردان
والله وباين ماهو خجلان
من عملته ولا دريان

أحــوال الهـوي يقول...

فشكووول

يا عم صلاح ياجميل
كان قلبي اختار من زامووووووون

احنا ما بنختارش احنا بنتحدف

بارد بعد الماتش اللي كنت متوقع نتيجته

و احزني التداعيات اللي في نهايته
اللي محتاج فشكلة طويلة منك

تحياتي

أحــوال الهـوي يقول...

فركشاوي ..ناوي

و الله بقول لها انه و شه احمر مش مصدقة
بس بيني و بينك انا مش عارف انا ليه حاطط الصورة دي

بس دفاعي مجرد مقاوحه

شرفتني

تحياتي

جلال كمال الجربانى يقول...

السلام عليكم

كلمات يجب أن تغنى
وكيف لا تغنى

ودمت بخير حال

♥ سحر ♥ يقول...

مبارك لك العشر عزيز أحوال
انعم الله عليك بـعمل وأجر وافر..,

][نص][
ترآوده الأحزان
اٌنتزع من محيطه الآمان
كنتَ مع الروح لأجلها
في قتال..!!
ملقاة على أرصفة الذكرى
بندب الماضي والأطلال..!!

جميل قلمك جمال السحر
بارك الله مسعي قلمك

وصفاء فكرك

مجرد انسان يقول...

كلام جميل


ابداع بجد


انا ضيف جديد فى عالم التدوين وعايز ترحيب وتشجيع

تحياتى

من غير عنـــوان يقول...

متميز كالعاده

كل عام وأنتم بخير

micheal يقول...

كل سنة وأنت طيب
عيد سعيد
تحياتي

غير معرف يقول...

السلام عليكم ورحمة الله وبركاته

تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

micheal يقول...

بوست جديد لو سمحت
:)