خــلاص يا دنيــا صَالِحــــت قلبــــــي و رجعنــا تــاني أجمـــل حبــــــــايب
هاحكيــــله ســـري و أقولـــه ع اللي خبيتــــه عنــه و هــــــو غـــــــايب
و أسمــــع لنبضــــه و أشتاق لصده و أحبــــه حتــــي و هـــــو دايــــب
ضحـكــــي يداويه و شوقي يراضيه إديــــله عمــــري من الحب نـــايب
من يــوم هويتك و السعـــد ضيفــــك صَالِحــــت قلبــــي و الـــورد فتــح
نسيـــم معطـــر و عشقتــــه أكتـــــر إن يوم صدفته في خيـــالي باسـرح
خـــلاص يـا دنيـــا سَهـّــرت ليــــــلي مــع قـلبـــي حَبَه و الحــــزن روح
و مهمــــا قــاسيت هقـــول يـــاريت ساعه بقربك هاشتاق و هاافـــــرح
قــلبي صــالحتك و انت ياريتــــــــك تــــروق و تنسي قســـوة ظنــوني
ده انــــا هديتـــك حبـي و صفيتـــك و شـــوف حبيبي ســاكن عيـــــوني
باهــــواه و عـــــارف انـــك ياقلبي هتصـــــون حبيبــي ولـوعة شجوني
باهــــواك و عـــــارف انـــك هتفضل تصبـــــر و تعشــــق و لو لامــوني
Falling hearts HereClick Here For Hi5 Falling Hearts
هناك 90 تعليقًا:
هههههه
لالالا
بجد كدا انا هتحسد والله يابابا
صباح الورد والفل والياسمين
لروح اقرأ وارجع
اصلى مبسوطة النهاردة كدا
وحاسة انى ابتديت حياه جديدة كدا
يعنى الصراحة انا مش بلاقى كلام اقولوا ولا اعبر بيه بعد كلامك والله
بس حلو اوى بجد
تسلم ايدك وبدون مجاملة
قــلبي صــالحتك و انت ياريتــــــــك تــــروق و تنسي قســـوة ظنــوني
ده انــــا هديتـــك حبـي و صفيتـــك و شـــوف حبيبي ســاكن عيـــــوني
عجبتنى دى
د/ عصام علام
السلام عليكم
واضح إنك بتعيش حالة من السعادة
والرومانسية الجميلة وهذا واضح فى
صياغتك اللغوية للقصيدةأسعد الله أيامك
ودامت لنا حروفك تنبض بكل ما هو رائع
خالص تقديرى
هكملهم خمسة وامشى
عايزة دعواتك
فى كل حاجة وانت بتصلى ادعى لبنوتك كدا
دعواية تمنع بلواية
ويافاعل الخير والثواب اجرك على الله
هههههههه
عايزة اسأل سؤال
هو يعنى ايه التساهل فى التعامل مع الناس
اتقالى ان التساهل فى التعامل ممكن يخلى الناس تفهمك غلط ؟؟؟
وانا حاسة انى بتعامل بطبيعتى يعنى لا بالدلع ولا بكشر ؟؟
معلش يابابا متقله عليك
يا صباح السعادة
ومصالحة القلب
اللي هو نور العين
اللي خلى الحالة المزاجية فل وبتنقط عسل ما شاء الله
قــلبي صــالحتك و انت ياريتــــــــك تــــروق و تنسي قســـوة ظنــوني
ده انــــا هديتـــك حبـي و صفيتـــك و شـــوف حبيبي ســاكن عيـــــوني
ربنا يجعل حياتك هنا
وتفرحنا بحلو كلامك دايما
طيب متقولش لحد
الحمد لله
دايما يارب
تقديري
ايوا كدا صالح قلبك
انت خليت يومى حلو بالكلام الحلو دا
هو في احلى من الصلح ولا خير اكتر منه
وبالذات لو كان الصلح مع القلب
ربنا يجعلك دايما في حالة صلح وخير وسعادة مع قلبك ومع الدنيا كلها يادكتور
نسيـــم معطـــر و عشقتــــه أكتـــــر إن يوم صدفته في خيـــالي باسـرح
حلو اوى اوى الجزء دا
كل مره في جزء بيلفت نظرى اوى مع انه كله بيكون جميل
لاص يادنيا
تحفة يا أستاذى
بجد كلمات رقيقة وسلسة
ربنا يسعدك دايما
كلمات جميلة
احيي قلمك الرفيع الذي سطر لنا هذا
دمت مبدعا
جميل جدا
تقبل مرورى وتحياتى
همســات عــلى ضــوء الــقمر
تتحسدي انا حاسس اني متراقب
تحياتي
همســات عــلى ضــوء الــقمر
هو فيه احلي من صباحك
تحياتي
همســات عــلى ضــوء الــقمر
انت تاني
ربنا يبسطك يا قمر علي طوووول
همســات عــلى ضــوء الــقمر
يا رب يكرمك يا قمر
و ياريت المرة الخمسة تلاقي كلام تقوليه
اللؤلؤة
استاذ عمرو الجويلي
الحالة المتفائلة دي و الله جاءت في نقاش عابر مع شاعرة صديقة لاحظنا ان كل الكتابات متشائمة و كئيبه و اعلانا اعتزامنا ان نكتب للتفائل ووجدتني اكتب ما قرات
يعني ينفع الانسان يتفائل
تحياتي
هل جربت ان تكتب اغاني ؟
-----------
من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
همســات عــلى ضــوء الــقمر
يا بنتي بلاوي ايه
انت بخفة دمك و براءتك و كمان نضوج فكرك ما يتخافش عليها
التساهل في التعامل مع الناس انك بتتباسطي مع اي حد تتكلمي في مواضيع من غير ما تشوفي و لا تعرفي بتقوليها لمين و ليه يعني مثلا بتسيبي باب الشقه مفتوح و تستغربي ان حد دخل سرقك
فهمتي حاجه
ستيته حسب الله الحمش
يارب يكرمك يا دكتورة
و الله انت اللي بتوردي العسل
بتسعديني بكلماتك و تعليقاتك و باحس اني ليه قيمه
يارب يديم صداقتنا التدوينيه و يكرمك لتشجيعك
تحياتي
Appy
المدونه نورت
بس خلي السر في بير و انا من ناحيتي مش هاقول لحد
تحياتي
ماما أمولة
ايه يا امل هانم
اكيد كنت حالة ميؤس منها
بس الحمد لله خفيت و بقيت متفائل
تحياتي
reem
انا كده باتخانق مع قلبي و اصالحه
الومه و ساعات اشكرة يعني علي حسب المزاج
و بعدين معقولة في عيد الحب اكتب حاجه مافيهاش تفائل
منوراني
تحياتي
mohamed ghalia
شكر يا محمد يا غالي ربنا يسعدك و يفرحك في حياتك
بتسعدني دايما بزيارتك
تحياتي
قلم رصاص
ربنا يكرمك
و شرفتني بالزيلرة و التعليق
تحياتي
الست فرويد
قبل الرد قمت بزيارة مدونتك و لم استطيع الخروج الا بالتعليق المسهب علي ابدعاتك
تحياتي
م/ الحسيني لزومي
كتبت اغاني و قام ملحن بوضع اللحن لها و كانت في بداياتي ثم انقطعت عن الكتابه فترة طويله وعدت من خلال المدونه
دائما تحمل هموم الوطن و ترفع رايتك بلا ملل او كلل
وفقك الله
تحياتي
جميله
تفاؤل
تصالح
فرحه
صحيح الصلح خيييييييييييييير :)
جميله بجد
أحييك
أخى الفاضل: د/ عصام
هنا دائماً نجد الكلمة الرقيقة
والأحاسيس الشجية....
دمت مبدعاً
دكتور عصام
ازيك يا استاذي
انت كمان بتوحشني جداااا
وكان نفسي ابقي موجود ف الرياض
عشان بس اقدر اشوفك واتعلم منك
طبعا الكلمات جميله جداااا
والمطلع خرااااااافه بجد
ربنا يسعد اوقاتك
ودايما يارب في تقدم مستمر
دايما في كل مجال لازم الواحد يدور علي استاذ يتعلم منه
وانا لقيت الاستاذ اللي بدور عليه من زمان
اسمحلي ابقي تلميذك
وابقي اجي هنا اخد دروس خصوصيه
الله .. بجد ما شاء الله
جميله قوى و جميل قوى التفاؤل و الصلح
احساسك جميل و كلماتك رائعه ..
ارق تحياتى
سلوى
فحر ان ياتي الرد هكذا من شاعرة اريبه
تحياتي
محمد الجرايحى
اشكر لك مودتة و طيب كلماتك
تحياتي
أبو العريف
انت شهادتك مجروحه لسبب بسيط انت حبيبي و صديقي و اخي الصغير
و كل اللي هتقوله محسوب علي هذه العلاقة
و مين يشهد لحبيبه
ربنا يديم علينا ان نجد الاشخاص الذي يحبوننا و يقدروننا
و ربنا يقرب البعيد و نتلاقي دائما علي خير
تحياتي
rovy
ربنا يكرمك يا دكتور
سعيد جدا ان البوست عجبك
دمتي بخير
تحياتي
سعادة ضاق بها القلب والجسد فتمادت إلي أذان المدونين .. ولكم نحن سعداء بها
لك كل الشكر يا دكتور
السلام عليكم ورحمة الله
باهــــواه و عـــــارف انـــك ياقلبي هتصـــــون حبيبــي ولـوعة شجوني
باهــــواك و عـــــارف انـــك هتفضل تصبـــــر و تعشــــق و لو لامــوني
جميلة قوي الكلمات دي
احساس رقيق جدا
بهديها لجوزي
دي اول زيارة لمدونة حضرتك وان شاء الله مش هتكون اخر زيارة ...
go on
باهــــواه و عـــــارف انـــك ياقلبي هتصـــــون حبيبــي ولـوعة شجوني
باهــــواك و عـــــارف انـــك هتفضل تصبـــــر و تعشــــق و لو لامــوني
جميلة قوي الكلمات دي
احساس رقيق جدا
بهديها لجوزي
دي اول زيارة لمدونة حضرتك وان شاء الله مش هتكون اخر زيارة ...
go on
مساء الخير
القصيده جميله
والصلح خير في النهايه
يابختها لقت حد يصالحها
ههههههه
تحياتي
مفيش أحلى من المصالحة بينك وبين نفسك أو مع اللي بتبحه
كالعادة بوست هايل
:)
تحياتي
امشى على طول
واكسر يمين فى شمال هتطلع على الشارع الرئيسى
خد اول تاكسى وقولوا الشرقية ياريس هيوديك بيتكوا على طول :):)
مساء الفل باباتى
ربنا يكرمك على النصايح الغالية دى
وربنا مايجيب اى بلاوى دى مجدر هذار يعنى
زى اللى بتشحت دعواية ههههههه
انا مبسوطة بزيارتك وربنا يديم التواصل
بس لازمن تيجى وتكتبى تعليق تانى علشان اللى كتبتيه
قعدت ادور عليه
الاقيه فى الموضوع اللى قبل ه:):)
كتابة التعليق هتلاقيه فى اول الصفحة :)
قبل الموضوع مش بعده
مساء الفل
أخي وصديقي الدكتور أحوال الهوى
هذا تفضل منك فوق ما يجب وهو دليل على حثك المرهف وسمو أخلاقك فأنت الشاعر رقيق الحث وصافي التعبير وأصدقه ، من أنا لأنال منك هذا التكريم فلك جل شكري وعظيم تقديري والسلام ولا سلام مع قتلة الأطفال والأنبياء بني إسرائيل .
مبروك عليك الصلح
بس اوعى تفرط فيه تانى
ولو يوم خاصمته تعالى واحكيلى
وماتخافش مش هقوله انت قولت ايه من
وراه
يا رب تفضلوا على طول متصالحين
دمت مبدع
تحياتى
Reading and visiting your blog
أحمد الصعيدي
عزيزي الشاعر انت صانع السعادة و صاحب البهجه
رزقنا الله الاسباب لبث السعادة في قلوب الناس
تحياتي
رنونة حكومة ميخو
تحية طيبه لك و انا ايضا اهديها لزوجك متعكما الله بالسعادة و الحب
و للمصادفة انت من قبيلة اخي العزيز ميخو الذي يشرفني دائما معرفته و من يقرب له
حاولت ان ازور مدونتك ولكنني تهت في مدونات ميخو
تحياتي
رنونة حكومة ميخو
انظر اعلي
donya
صباح الانوار يا دنيا
و انا باهديها للعايز يصالح
يعني تقدري تصالحي بيها
خلاص يا دنيا؟؟
تحياتي
micheal
مايكل حبيبي
شكرا
تحياتي
همســات عــلى ضــوء الــقمر
بلاش فضايح بقي
انا تهت عن التعليق و حطيته في مكان تاني
البوست بتاعك نومني طغطاطيسي
تحياتي
Beram ElMasry
انت الاستاذ و المعلم
وصاحب القلم الصادق
انت من يحمل هموم هذه الامة و ينفس بزفرات ابناءها
انت اجمل انسان صادفته
انت من القلائل الذين قابلتهم في المدونات و رايت فيهم الصدق و الطيبه
انت المصري الاصيل
تحياتي
rony
ياستنا طبعا مش هاقول لحد غيرك لو حصل خصام
علي فكرة انا باكتب حالة شعوريه ليست لها علاقة بحياتي الشخصية
يعني باختصار كل اللي هتقرايه في المدونه بعيد عن حياتي الشخصيه
انا اعشق احاسيس البشر و ادعي انني اتقن التحدث عنها
متفقين
تحياتي
singamaraja
Reading and visiting your blog
but no translation appeared
thanks
(خــلاص يا دنيــا
صَالِحــــت قلبـي
ورجعنــاتــاني
أجمـــل حبـايب)
أجمل شىء الصلح
بعـــد الخصام
وخاصة بين الأحباب
وخاصة اكثر لما ينتج
الشعر الجميل اوى دا.
تعليقات كتيره
عشان حضرتك صالحت قلبك
هو أنت كنت مخاصمه من زمان
مظنش لان حضرتك من حلو الكلام روعة أنسان
طيب أيه الحكايه وليه مستغربه بلغة البيان
ممكن تتقبل زيارتى وأحترامى وتقديرى.
كلمات يجب أن تغنى
ما أجمل التصالح
مع القلب والنفس
ودمت أخى بخير وبإبداع
حين أتيت هنا فى اول زيارة ظننت ان الاسم هو اهوال الهوى
ويبدو ان احوال الهوى لا تختلف عن أهواله
وتقلبات موجه وشدة قسوة لطماته على سفينه القلب الضعيفه
يوم تذيقك ويلاته ويوم تسقيك شهدة
ليله تنمحى نجومها وأخرى ينجلى قمرها
مرة تهجر قلبك ومرات تصالحه
ويبدو انك تهوى تلك الأضطرابات وتعشق تقلبات الزمن
وللناس فيما يعشقون مذاهب
غنى عن القول أنك أبدعت فى مظاهر الصلح وأيات الرضا
تحياتى لك
الأخ الفاضل :: أحوال الهوى ::
صباح الخيرات
أحوال الهوى
هذه المدونة
التي تبث لنا بثًّا مباشرًا وحيًّا
لمشاعرنا وأحاسيسنا وحبنا ..
ذلك الحب الراقي
الذي بدأ إنسان هذا العصر ينساه أو يتناساه مع الانحطاط الذي نشاهده.
إلا أن أخينا أحوال الهوى
عكس المعادلة
في أحرفه ومواضيعه
أحلى تحية
عزيزى حاكم أحوال الهوى
ليس هناك أحلى من التصالح مع القلب .. على الأقل ليبدأ من جديد .. ويعمل ثانية ويدور المحرك
قلب كهذا لامفر من أن يعطى ويعطى حتى يرتوى كل المحبين .. وينهلون ويتعلمون أن سر هذا الكون وحكمته هو فى أن نحب ونحب حتى آخر لحظة
جميلة .. ومشرقة أيضا.. تبعث على التفاؤل
norahaty
السلام عليكم
انا باشكر حضرتك مرتين الاولي لكلماتك و مجاملت الرقيقه
و الثانيه شكر علي فضلك و كرمك ووصفك العظيم و لن اقول الا انني محظوظ بوصفك الكريم الذي لا يصدر الا عن انسانة عظيمة
تحياتي
خالد
شاعرنا المفوة صاحب القلم الصادق و الانماط الشعرية الصعبة
انت تعلم هواجس الشعراء فيوم خصام و اخر و صال و يبدو انني اسرفت في الشكوي و الولع فعرفني الجميع بذلك فلما اثرت التفائل و الصلح كانت من عجائب النوادر
تحياتي
واحد من العمال
اخي الكريم سعدت بكلماتك و ايضا سعدت بمدوناتك النفيسة المفيده التي انهل منها الكثير و لكن من الواجب علب ان اسجل شكري لديك
و لكن الثواب قد وصلك باذن الله حيث انك ممن تعلم العلم فعلمة
جزاك الله كل الخير
تحياتي
صفــــــاء
من اصدق الاسماء التي اصابت كبد الحقيقة فانا اهوال الهوي و هناك راي اخر سماني به فشكووول احول ولا الهوي
نعم اعشق التقلب و الاضطراب لان الحب ليس ثابتا ليستقر انه متقلب كما الاهواء يومها تتقلب فيه جميع الفصول و تري فيها النشوة و الدموع اللوعة و السعاده
انها الحياة صديقتي الشاعرة
وانا ابحث فيها عن طريق يسلكه الجميع و لن اجده لاننا علي هذا خلقنا.. تعب كلها الحياة......
و سبحان مقلب القلوب
تحياتي
محمد سعد القويري
ما ارق كلماتك صديقي
و ما اسعدني بها
بوركت و جزيت خيرا ان زرعت في قلبي السعادة و الرضا
ادام الله علينا الصداقة و الاخاء
تحياتي
Sherif
اشرقت شمسك علي في هذا الصباح السعيد و تفضلت بتزيين التعليقات باسمك الغالي
عزيزي و استاذي اشكرك من كل قلبي
ابهجتني و اسعدت دنياي
تحياتي
ربنا يديمها عليك نعمة وتفضل سعيد كده ومتصالح مع قلبك دايماً:)
القلب دا قبضة ايد بس جبل صبر شايل عنا هموم
صابر وساكت عن اللي احنا مقدرناش عليه
بس هو عالم اننا لوحدنا سامعين صوته وبنحس فرحه لما بينبض أوي ولما بيحزن نحسه بينتهي
نتخاصم ونرجع نتصالح بس مشفتش اقرب منه حبيب
إديــــله عمــــري من الحب نـــايب
أد ايه جميله الكلمه دي
:)
صباحك مشرق
http://shagarellemoun.blogspot.com/2009/11/blog-post_08.html
الله اكبر
يا مشاء الله
لا انا اتحسد يا ولاد
ايه الجمال ده
التعليق 72
لالالا اتحسد بخررووووونى
انا جيت هنا بس اول ما عرفت ان حضرتك من الزقزوقة
منور السعودية واكيد مصر مظلمة من غيرك
ربنا يرجعك لينا بالسلامة
وترجع سالم غانم ومرضى
يااااااااارب
تقبل مرورى
دمتم بكل الخير
بالنوسبة للبوست
تحفة اوى وبجد احساسك عااااااااااااااااااااااااااالى
تعرف كلماتك منكن تكون اغنية رومانتيكية هايلة
بس عايزين صوت عدل يغنيها
انا طبعا مش كده
:)))))))))))))))))))))))))))))))))
دمتم فى رعاية الله
كلاكيت اخر مرة
Dr Ibrahim
ربنا يسمع منك يا طب
انت و السامعيين
تحياتي
مدينـة من النسـاء
يشكرك القلب لكلماتك و دفاعك عنه فهو يممتن لمن يزود عنه
القلب هو نحن يحنو علينا
لم اجد ابلغ مما ذكرت دفاعا و انصافا لمن هو بقبضة اليد
تحياتي
أحمد الصعيدي
حالا
تحياتي
بيطرية ومش بإيدى
ربنا يخليكي يا بلدياتي يا لذيذة
انا اتشرفت بزيارتك و اتمني دوام التواصل
تحياتي
بيطرية ومش بإيدى
وانا هلاقي احلي من صوتك
لانك بيطريه هيبقي صوتك زي البلابل و الكروان او العندليب
تحياتي
الله يابابا جميله اوي اوي بجد
تخلي القلب يطير من مكانه
ربنا يسعدك
كلماتك روعه بجد
تحياتى
ايناس
السلام عليكم و رحمة الله و بركاته
أولا : لازم أعتذر عن الغياب الطويل
بس والله ماكنش بقصد
و يارب حضرتك تكون بألف خير
ثانيا : القصيدة بجد جميلة اوى
حالة من السعادة اعتقد انه هتتنقل لكل شخص يقرأ كلماتك
لأنى فعلا حاسة بحالة من السعادة :)
مبروك المصالحة
و دايما يااااااااارب
دمت بود
السلام عليكم ورحمه الله وبركاته
جزاكم الله كل خير
تابعونا فى الحمله ومع بدايه الشيقه فى الدعوه للاسلام
يسعدنا تواجدكم
ما اجمل مصالحة القلب وعودة الحبيب ..
الجميل ان تُحب والأجمل أن من تُحبه يبادلك شعورك فمرحا للدنيا بعد ذلك
ولكن كم ممن يصادفهم هذه المفارقة الجميلة
تحياتى
الله الله
كلام جميل جدا
وكاننى اقرا لشاعر الشباب احمد رامى
يعنى مش ناقص غير ثومة
يارب دايما متصالح مع قلبك وزمانك
دمت بكل الخير
كيــــــــــــارا
حاسبي علي قلبك
يارب يسعدك يا بنوتي
تحياتي
الأحــــــ إيناس ــــــزان
ربنا يسعد اوقاتك و حياتي
و يبعد عنك الاحزان
و تبقي ايناس الافراح
تحياتي
Soul.o0o.Whisper
يا دكتور حق النقابه عليكي انك تسيبي اللي وراكي و تتابعي زمايلك
امال نقابه و احده ازاي
باشكرك علي كلماتك الجميلة
تحياتي
لو عرفوه هيحبوه
السلام عليكم ورحمه الله وبركاته
جزاكم الله كل خير
يسعدني و يشرفني التواجد معكم
تحياتي
احمد على نصار
الاجمل الا تبتعد عنا بكلماتك و ارائك القيمة
فلقد اصبحنا ننتظرك لننهل من معين حكمتك و معرفتك
تحياتي
حاجات جوايا
يارب يبارك فيكي و يسعد ايامك
رامي مرة واحدة
الحمد لله انها عجبتك
تحياتي
إرسال تعليق