انا و قلبك بقينا اصحاب و بنداري
بيفتـن لي علي حبك و بيــــداري
جواك ساكن بس نبضه في داري
حكي مره علي لهفة حنين روحك
لما هلّ غـرام طيفـي علي روحـك
وقال مشتاق و انت مخبيه روحك
بتنكري ليه و حبك عندي عنوانه
عيونك فوق جبينك نقشه عنوانه
وقلبك فتن مكان حبــك و عنوانه
حبيبي سر الهوي عرفناه هل و بان
و لو استخبي و اختفي في بحر الجان
بيظهر يقول شبيك نقله يا حب امان
احساس الهوي دليله في الخاطر
وبيحس نبضك زين عشان خاطر
يخاف لتحلم بالهنا تدوب وتخاطر
ان كنت خايف تعالي لقلبي امان
و دوق الدفا حنيه و حضن امان
هتعلن حبك في الكون بكل امان
لاني حاسس اني بيكي باكون انسان
فيه الحنان و الامان و صفا الانسان
بقولك باحبك صدقيني ده انا انسان
هناك 71 تعليقًا:
الله يا دكتور
والله انا بعجز عن وصف مشاعري لما بقرأ كلامك
وبحس ان اي مجاملة اقل كتير من الحالة النفسية الرائعة اللي بكون عليها لما بقرأ احوال الهوي واحاسيسه وأسراره
سلمت يداك
خالص تحياتي ومودتي
دكتور أحوال الهوى
السلام عليكم
أقدم لشخصك الكريم عظيم إجلالى وإحترامى على إهتمامك ومرورك الكريم على مدونة فلذة كبدة وإنه لمن دواعى سرورى أن حضرتك تعتبرنى أخاً لك
تقبل تقديرى وإحترامى
د/ أحوال الهوى
السلام عليكم
بتنكري ليه و حبك عندي عنوانه
عيونك فوق جبينك نقشه عنوانه
وقلبك فتن مكان حبــك و عنوانه
كلمات يعجز الوصف أن يوصفها الله عليك
دمت بكل الخير
بيدارى على مين بقى
ياصيدلى ما كل شىء
إنكشفن وبــــــان:)
كلامك حلوووووو
وكل ما يكترررر
بيحلووووووووو
اكتر واكتر واكتر
المهم نسيتى اهم شىء
مبروك نجاح باسم ابنك
بالتوفيق دايماً يارب
بجد جميلا جدا
وخاصة
بتنكري ليه و حبك عندي عنوانه
عيونك فوق جبينك نقشه عنوانه
وقلبك فتن مكان حبــك و عنوانه
بارك الله فى قلمك واحساسك الجميل
تحياتى دوما
اممممممممممممممممم جميييييييييييييله
ورائعه قوى قوى
عصام دى من اجمل ما قرايتلك
جميله بجد بس ياترى هو الحب فعلا امان بعتذر عن غيابى ولكن كنت اتابع عن قرب كل جديد
تقبل مرورى
ستيته حسب الله الحمش
يا دكتور بتخجليني بفضلك و كرمك
يارب يبارك فيك و يعزك و كفايه مدونتك الغنيه بالاجتماعيات الجميله اللي بتنصح و ما بتجرحش
تحياتي
اللؤلؤة
لكونك اخي فهذا لي كل الشرف
و ابنتك مثال للفتاة المصريه المسلمه التي يتمني كل اب ان تكون ابنته مثلها
و لهذا خليني اخوك و انا الكسبان
تحياتي
اللؤلؤة
شكر علي اطراءك الراقي
وودك المتصل
تحياتي
norahaty
يا دكتور مشيها بيداري
و كل شيكن انكشفن و بان
تحياتي
norahaty
جنابك اللي روحك جميله
و نفسك طيبه
فكل شئ بتشوفيه جميل
تحياتي
norahaty
ربنا يبارك فيك و يفرحك باولادك
تحياتي
الازهرى
بارك الله فيك يا اخي الفاضل
و هذا انعكاس لاحساسك المرهف و قلبك الجميل
تحياتي
mahasen saber
يا محاسن اتخضيت من اممممممممم قلت بتفكر في ايه
ياسيدتي هذا مصدر سروري و سعادتي ان نجمتناالاذاعية و ملكة الفيس بوك تتفضل و تزورني و تعجبها حاجه من كاتب مغمور
حلو دي يا ام بيرو
تحياتي
ماء تشرين
الامان الحقيقي في داخلنا اذا صادفنا من يسعدنا و يحبنا نشعر بالطمانينه في انفسنا و في الدنيا
لا اعتذار بيننا بالرغم من اني يشرفني دائم تواجدك
تحياتي
يا دكتور عصام الله يخليك
انت خليك مخى يسخن عشان قريت البوست ييجى عشر مرات عشان افهم حاجه وكرومبوا غلب حماره خالص دا بالاضافه الى ان كرومبوا مخه ضلم وما بيفهمش اصلا
انا شايف شوية حب عمالين يعبروا عن نفسهم بكلام حلو بس لفت نظرى التلات ابيات دول
حبيبي سر الهوي عرفناه هل و بان
و لو استخبي و اختفي في بحر الجان
بيظهر يقول شبيك نقله يا حب امان
متهيأ لى انت بتلسن على حاجه وعايز تقول من وراها حاجه. دا اللى فهموا كرومبوا ابو مخ ضلم... يا ترى انا فكرت صح .. يعنى انت تقصد اللى انا فاهمه
شوف يا عمنا انا قلت كحل حاجه فى البوست اللى فات ورزقى على الله .. وطلع المستخبى ولو انى المستخبى كتيييير دا يا دوب تجربة من تجارب كتير وعندى 5 تجارب كلهم صادقين اطلع من مطب ادخل فى مطب ..
تعرف انى لما اعمل عمليه واخد بنج كامل اوصى الدكاتره انهم ما يخلوش اى حد يدخل على وانا فى البنج الا لما افوق بالكامل وابقى عارف انا بعمل ايه وبقول ايه عشان لو حد قريب منى دخل على وسمعنى حتبقى فضايح كبيره.
انا بحت لك باسرار كبيره فى حياة فشكول .. ورزقى على الله
تحياتى عصام بك حبيبى
دائما ما تبهرنى كلماتك
هل ما نقرائه حاله أستعطاف ؟
أم أنها ضمانات لروح خائفه مرتبكه ؟
ثم ان الحب لا ينكر
لو كانت تحبك ما أنكرت
العنوان نقش فوق الجبين
كــ الأقدار
وربما لهذا السبب تنكرة ! لأنها لا تراة
فى هذة الحاله ضع لها مرءاة أمام عينيها كى تواجه قلبها وترى ما نقش من حب
وكونك أنسان يعرف كيف يحب
وكيف يحمى ... وكيف يمنح الأمان
أعتقد أنك تستحق ثقتها أن لم يكن قلبها
نص رائع ومضمون أروع
تحياتى لك
فشكووول
مدام مخك سخن يبقي فيه امل انت عارف ايه المشكلة انك بتقرا من الشمال لليمين
دي تتقري من تحت لفوق
و بالمناسبه الحلوه دي اعلن انتصاري علي كرومبو حلال الالغاز اللي فشل يعرف يقرا اللغز الواضح ده
عندي فكرة تعمل سلسلة اعترافات بغزواتك يبقي كده ما تخفش من البنج و سرك في البير اياه اللي عارفه
بتشرفني دايما يا صلاح باشا عين اعيان المدونين
تحياتي
جحا المصرى
ربنا يكرمك يا مصري
تحياتي
صفــــــاء
طيب يا سيدتي علي جبينها استعملنا مرايا المشكله لو كانت ما بتعرفش تقرامن الاصل
علي ما اعتقد ان الحالة التي امامنا مستعصيه بتعشق انكار الحب و كانه ضعف و خضوع
اكتر منه احتياجها للامان
علي العموم لما نشوف المرة الجايه هتبقي حكايتها ايه
اسعدني متابعتك و تعليقاتك المثمرة
تحياتي
يعنى كمان جاهله ولا بتعرف تقرأ ولا تشوف الاشارات ؟
لاااا يبقى سيبك منها أحسن وشوف واحدة بتفهم
بتنكري ليه و حبك عندي عنوانه
عيونك فوق جبينك نقشه عنوانه
وقلبك فتن مكان حبــك و عنوانه
بجد مش عارفة اعلق
بقالي نص ساعة عمالة ماسكة الكيبورد ومش عارفة اكتب كلمة
بجد يسلم احساسك الأصيل
عمو أحوال الهوى
السلام عليكم
ما شاء الله على حضرتك
قصيدة أكثر من رائعة
خالص تقديرى
عمو أحوال الهوى
السلام عليكم
حضرتك دوماً معودنا على قصيدك التى تكون أكثر وأكثر وأكثر من رائعة
خالص إحترامى
يسلم قلمك
ويسلم احساسك
ويسلم زوقك
ويسلم كل شيئ فيك يا ملك الاحساس بحريه
صفــــــاء
شكرا للنصيحه و اللي قلته اقل ما فيها بس نعمل ايه ؟؟؟الشكوي لله
الوحيده اللي فاهماني و طيقاني
تحياتي
ماما أمولة
ربنا يكرم حضرتك و يعزك
تواجد حضرتك و تعبك في تزيين المدونه باسمك اكبر شرف نطمح اليه
تحياتي
العصفورة
اهلا باحلي حاجه في المدونات و انا بازور مدونتك راحه نفسيه و روحانيه و باحس باعطار القران
ربنا يخليك دايما محافظه علي دينك و مستمتعه بدنياك
تحياتي
العصفورة
اذا كنت عصفورة مين العصفورة التانيه اللي معاك في الصورة
لازم اختك
تحياتي
ادم المصرى
تسلم من كل شر
ادام الله ما بيننا من تقدير و احترام
اعزك الله و رفع مكانتك و قدرك
تحياتي
عزيزى احوال الهوى
----------------
هذه ليست اول زيارة لى .. وان كان اول تعليق على نسج جميل صادق يخرج من القلب الى الورق .. فينتشر رسالات الى قلوب الناس
احسبك صديقى قد حصدت اعجابا بدا اعجابى وسطه كطفل صغير بزاحم جمعا غفيرا ليظهر فى الصورة ولو وجهه فقط
جميل أن نحب .. وجميلة تلك المراوغة بين الحبيبين .. ترى هل الأحلى أن نرتوى قليلا فتظل اللهفة متعطشة الى ماتبقى؟ أم نصل حد الارتواء فنثاقل الى الارض ونرتخى؟
اعتقد فى عالم الابداع .. الاولى أولى .. وهى التى تخرج كنوزا ماكنا لنعرفها لولا التوق الى البقية ..
تحياتى الى كلام جميل .. كما هو دائما
الكلمات المعبرة تترك اثرا لا تمحوه السنين
حكي مره علي لهفة حنين روحك
لما هلّ غـرام طيفـي علي روحـك
وقال مشتاق و انت مخبيه روحك
ان كنت خايف تعالي لقلبي امان
و دوق الدفا حنيه و حضن امان
هتعلن حبك في الكون بكل امان
لاني حاسس اني بيكي باكون انسان
فيه الحنان و الامان و صفا الانسان
بقولك باحبك صدقيني ده انا انسان
***********
آآآآآآآه يابابتي تحفففففففففففه
مش عارفه ليه مش بحب فى الحب اللى بيخاف و بيدارى
لو مش هاستمتع بحبيبى و اديله كل حنانى
طيب هاديه لمين ؟
لو متمسك بيها اوى كده يبقى انت من النوع اللى بيحب خناقه
ههههههههههههههههه
ــــــــــــــــــــــــ
ان كنت خايف تعالي لقلبي امان
و دوق الدفا حنيه و حضن امان
هتعلن حبك في الكون بكل امان
ـــــــــــــــــــــــــــــ
فى الجون و تمام الكام بيت دول
فعلا الراجل لازم يكون بالنسبه لمحبوبته الدفا و الامان
تحياتى على المشاعر الحلوه دى
احوال الهوي
يبدوانك شاعر كبير
واسعدنى جدا وجودي هنا
وان لم يكن لاول مرة
اتمنى ان تواصل اكثر بما اننا ولاد كار واحد
ههههههههه
تحياتى
كريم بهي
Sherif
حينما ياتي الحديث من عملاق بقدرك تشب الرقاب و تتباهي في خيلاء و ثقة
استاذنا الرائع حللت اهلا و بسطنا لك الدنيا بزهور و رياحين
تشرفت بزيارتك و تعليقك و ندمت علي وقت تابعتك و لم اسجل حضوري فحرمت من مداد قلمك ففيه ترياق الحياة
تحياتي
م/ الحسيني لزومي
صاحب القلم المحمل بهموم الشعب و الامه تعطف بالنظر الي احد رعاياه و من عليه بالمديح
تحياتي
كيــــــــــــارا
عليك غرامة تاخير
اهدي لك السطور التي اعجبتك فهي تتحدث عن الامان و هو ما تبحث عنه النساء فاذا تملكته حازت علي مفاتيح السعادة
تحياتي
الجواز و سنينه
الناس ليسوا سواسيه في اشعور بالحب و ايضا الشعور بالالم
الطبيعي ان نترك العنان لاحاسيسنا و الطبيعي ايضا ان نتلمس بعض الحذر لنتاكد من صدق مشاعر المحبوب و بين هذا و ذاك الكثير من التباينات كل علي حسب استيعابه
فليس كل ما يبرق ذهبا
تحياتي
كريم بهي
قد اكون كبيرا في السن فقط
و لكني احاول ان اتلمس الطريق الي التواجد في الحياة بين سطور الكلمات التي اعشقها
يشرفني التواصل
تحياتي
عاااااااااااااااااا سماح بئه يابابتي
وبحدين انا بنوتك الحثل
وهديه تحفففففه طبحا يابابتي :)
الحب حدد علامة
لقدومه يوم لو هل
محتاج قلوب علامة
ما تقوله ليه ؟ او هل?
ثلاثيات جميلة
دمت مبدع
قريت كلامك ده مرتين وكل مرة بجد مش عارف أديلك حقك في الاشادة
استمر
تحياتي
كيــــــــــــارا
طبعا عثل
ده عتاب مش زعل
تحياتي
أحمد الصعيدي
واضح انك شخصيه جميله
و انسان حساس
تحياتي
micheal
ربنا يخليك يا فنان
و شخص مبدع مثلك يتقن المبالغه و المجاملة
تسرني تواصلنا
تحياتي
السلام عليكم
أخى الفاضل .. أحوال الهوى
تحية لك على كلماتك الرقيقةوالمعبرة .. ولى سؤال .. هل حبيبتك تؤثر الصمت عن الكلام فإن كانت ممن يؤثرون الصمت فأنا مع الرأى الذى يقول .
الصمت ابلغ تعبير وللصمت المفعم بالشعور حكم أقوى من الكلمات وله إشعاع وله قدرته الخاصة على الفعل والتأثير . والمحب الصامت يستطيع أن ينقل لغته وحبه للآخر اذا كان الآخر على نفس المستوى من رفاهة الحس وإذا كان هو الاخر قادرا على السمع بلا أذن والكلام بلا نطق .. الحرف ياسيدى أحيانا يعجز عن أن يخبر عن نفسه فكيف يخبر عن ناطقه.. كل شيء أمام الحب الصادق النقى يخرج من الانسان وتبقى الروح هى الناطق وهذا هو عالم المطلق الذى لا تحلق اليه الكلمات ولا تسمو اليه الالفاظ ومعدن الحب الشفيف العالى هو من نفس هذا المطلق ولغته هى نفس لغة المطلق وهو فى صميمه انعطاف روح قبل ان يكون انعطاف جسد وحينما تبلغ المشاعر الى تلك المنطقة يسكت اللسان وتصبح اللغة صمتاً.
أخى المحب لمعنى الحب هذا ما تعلمته من خبرة الحكماء عن الحب منذ تطلعنا للحياة .
أما ونحن فى عالم التدوين ولا تحكمنا غير الكلمات فتبقى الكلمة هى سيدة الموقف فى التعبير وكلماتك خير من عبر عن تلك الحالة
مع خالص تحياتى
أخر 3 أبيات روعه روعه روعه !!
يا أخى بأحس أنك روح و بس مش جسد كمان :)
يعنى بأحس أنك طيف شفاف كده بتقول كلام شفاف و رقيق و مالكش متطلبات جسديه زينا ..
الله ينور و الله يا صديقى بس لحد دلوقتى مش قادر أفهم ليه مش بتطبع دواوين ؟؟
تحياتى و تقديرى و خالص اٍعجابى ..
ن
بعد كل بلاغة اللغه و حصافة الكلمه و المعني الرقيق العظيم
احسست بالخسارة لان كل ما سالت عنه صنع خيال و وليد اللحظه و نتاج تجارب الاخرين
و لكنني ادركت انك قد تبنيت هذه الحالة و تعايشت مع احاسيس الكلمات ففاضت قريحتك بهذا النتاج الادبي الانساني البارع
استاذه امل احببت كلامي بعد ان تفضلت علي و تكبدت عناء الرد الجميل
شكرا لك
تحياتي
عمرو
صديقي الحبيب
ذو العبقريه الادبية الفنيه و الادبيه لقد استنبطت ما هدفت منه حينما قررت عمل المدونه وهي التحدث عن العاطفه الانسانيه بكلمات قد تكون ممتعه اكثر من كلمات قد تحتوي علي غزل صريح تتحدث عن مفاتن المحبوب
وكما لاحظت بنظرتك اللماحه الذكيه خلو المعاني من و صف الجسد فاقول للجميع الحب احساس قبل ان يكون غذاء للجسد
اخي سوف اكون باجازة الاسبوع القادم في مصر و اتوق شوقا للقائك
سوف ارسل رقم هاتفي بمصر اليك علي ايميلك و اذا شاء الله و تيسر امر لقائنا سيكون من دواعي سعادتس
تحياتي
كلام جميل فوق الخيال
بجد جميل جدا
وخصوصا اخر الابيات
جميله جدا
في إنتظار البوست الجديد
:)
ما شاء الله
جميله جداا كلماتك و احساسك
سلمت يداك و دمت مبدعا
ارق تحياتى
كلمات جميله
احاسيس مرهفه
واسلوب بسيط
تقبلي مودتي
الله عليك يا دكتور
كلمات أكثر من رائعة بس محتاجة الواحد يقرأها أكتر من مرة علشان يستوعبها
إوعى تكون حكاية انها محتاجة تتقري أكتر من مرة معايا أنا بس :))
تحياتي
كلام جميل ومن المؤكد أنه نابع من مشاعر صادقة والتى إنعكست على هذا الكلام الجميل
الرقيق المشاعر
تحياتى
هات المستخبى وقول عليه
عشان المخ الضلم يعرف انت عايز ايه
ولا تفسر الكلام بايه
قول ياعصام بيه
طب ما هو انا بعرف ارتب كلام موزون ومالوش لازمه اهه
امال انا بقول على نفسى مخى ضلم ليه
تحياتى
شمس النهار
يارب شمسنا ترجع تشرق فوق مصر عن قريب
انا نزلت اجازة و كان نفسي يكون نفسك بيعطر عبير البلد
تحياتي
micheal
ادعي لي يا صديقي الجميل
تحياتي
rovy
اسف للتاخر في التعليق نظرا لظروف سفري و اجازتي في مصر
تحياتي
اقصوصه
شكرا لصديقتي الغائبه منذ فترةو مرحبا بك في مدونتك
تحياتي
ولد مصري
تعرف انا مبسوط قد ايه لعودتك بقلمك الرشيق و موضوعاتك الشيقه
و لي الشرف انك تتكبد عناء القراءة اكثر من مرة لان هذا يعني قمة الاهتمام
تحياتي
Dr Ibrahim
مرحبا بعودتك و اظن انها فترة امتحانات و ستعود الي مدونتك الدسمة الزاخرة بالفائدة و المعرفه
تحياتي
فشكووول
بكرة انزل بوست خاص بك ياسيد الكل و اذا عرفت انا باتكلم عن ايه يبقي لك الحق بالحصول علي لقب كرومبو
انا في مصر و عايز اقابلك
تحياتي
سناء الملك
سمعا و طاعة
سناء الملك
سمعا و طاعة
صديقي الكريم دكتور أسامة كل سنة وأنت طيب بمناسبة الأجازة وأرجو من الله أن تكون أجازة سعيدة لك وجميع الأهل والزقازيق نورت بوجودك ومعذرة للتأخير إلى أن وجدت الحل في اتصالي بابن أخي في الشرقية ليقرأ لي تعليقاتكم وأملي عليه الرد ليكتبه نيابة عني وتقبل تحياتي وعظيم تقديري .
إرسال تعليق