الاثنين، 23 فبراير 2009

نصــــيب



نصيـب نصيـب هــو صحيــح
ان وصــالنـــا كــــان نــصـيب
مهمــا تبعــــد مــالي قـلبــــي
ليــل نهـــاري شئ عجــــيب
لو نصيبي اعيــش معــــــاك
ده عشـــان انــت الحــبـــيب
صــرت جنـبـــي جــوه دمــي
روحي فيــك و انـت القريـــب

يوم لقانا صالح البدر النهـــار
و الشمس زارت ليــل حياتــي
و نــورت امــلـــي اللي صـــار

يوم قابلتك القدر جمع خطــانا
و فــوق نفــــس الـدرب سرنا
و الا نـفـــس الـــــدرب جــانا
بس اللي فاكره من ساعتهــا
ان الزمــان نشــوان معـــانا
و النسيـــم بعبــــيره غنــــي
و الطيــور حضــنت سمــانــا




عمــر ما كان حبنا الصـــادق............ و ليد
ده اتوجد مارد في وسط الناس......... سعيد
مهما مر العمر بينا كل يوم جديد....... يزيد
يا هوانا.. دوب اسانا... و هون ع المشتاق.. ب عيد
يا زمن جمع و فرق ..........لو ف اخر الدنيا فرق
نبضي عارف فين حبيبي ....مهما هـ تغرب تشرق
و القدر خلاك نصيبي..... و انت حبيبي بس صدق

هناك 82 تعليقًا:

ستيتة يقول...

صــرت جنـبـــي جــوه دمــي
روحي فيــك و انـت القريـــب

الله الله

نبضي عارف فين حبيبي ....مهما هـ تغرب تشرق

ايه بس يا عم احوال الهوى الكلام الجميل ده؟
ربنا يبارك فيك
ابياتك بتاخدني لجو تاني .. قطيعة تقطع الأكتئاب اللي مالي الحياة من المدونات للشوارع والحارات

تحياتي

شمس النهار يقول...

طبعا جميله كاالعاده
وكمان اسمي مكتوب
علي فكره القائمه كان فيها ان حضرتك كاتب بوست جديد ولما اروح المدونه مالاقيش حاجه مش فاهمه ليه

د.توكل مسعود يقول...

قمة الحب:

فليتك تحلو والحياة مريرة
وليتك ترضى والأنام غضاب

وليت الذى بينك وبينك عامر
وبينى وبين العالمين خراب

إذا صح منك الود فالكل هين
وكل الذى فوق التراب تراب.

هكذا كان الحب وهكذا يكون....

استمر والله معك

مسدس صغير يقول...

كلام جميل

كلام معقول

مقدرش اقول

حاجه منه

تحيتى وخالص مودتى

أحــوال الهـوي يقول...

ستيته حسب الله الحمش

ربنا يبارك في حضرتك
رفعت معنوياتي
انت بقصصك الجميله اللي بعض من تعاليمك جربتها مع زوجتي و الله جابت نتيجه و ما تسألنيش ايه

تحياتي

صفــــاء يقول...

.
النصيب .....
تفتكر فعلا اللى بيقابلنا نصيب ؟
والا نتيجه طبيعيه لأفعالنا ؟
هو يعنى أيه نصيب ؟
هل هو صدفه !!!
حظ !!!
قدر !!!
.

أحــوال الهـوي يقول...

شمس النهار

يا شمسنا يا حنينه يا حضن شوق بيضمنا

اسم حضرتك بينور اي مكان بيكون فيه بالضبط كمثل و جودك بين الناس بتدفي المكان و الزمان

ربنا يبارك في حضرتك
تحياتي

أحــوال الهـوي يقول...

د.توكل مسعود
احب الصالحين و اتقرب منهم و انا اظنك من الصالحين و يسعدني التقرب منك
قد يكون ما اكتب مختلف تماما عن مجال اهتمامك و لكنك تؤنسني دائما بزيارك لرقي صفاتك

تحياتي

أحــوال الهـوي يقول...

مسدس صغير

اريد نقدك قبل مديحك
كلام معقول ماتقدرش تقول حاجة عنه

تحياتي

أحــوال الهـوي يقول...

صفـــــاء

هو كل ما قلت
و ارجح انه قدر
هل صادفك .... قدر تمنيتيه
او حظ غير من حياتك

باعمل زيك سؤال بسؤال
تحياتي

صفــــاء يقول...

.
أذا لو أنه قدر يجب ان نخضع له ؟

فى هذة الحاله لا حيله لنا فى الحب مثلا

لأنه نصيب أى قدر

فلو أحببت من عذبنى وأسهدنى فلا يجب أن أشكو أو أبتعد لأنه قدرى ؟

سؤال بسؤال أيضا
.

أحــوال الهـوي يقول...

صفـــــاء
اذا كنا سوف نخضع للقدر فعلينا ان نستسلم و ننتظر و لا نسعي
فمفهوم القدر و فلسفته لا تعني الكف عن السعي بل التسليم بنتاج العمل

فان احببت فلا بد من السعي لاصلاح عذابات و سهد الحبيب و لكن اذا استحالت العشرة فمرحبا بالنسيان

نحن نحب و نرغب و لكننا لا نعلم اذا كان هذا الحب هو سعادتنا او العكس

ماهو رايك انت ؟
تحياتي

ستيتة يقول...

مش ها اقول لك ايه
البيوت اسرار
بس لو تعرف سعيده جدا أن بعض من شغل ستيته مع حسبو جاب لبيتك شيء من السعادة ولو نونو
ربنا يسعدك انت والمودام ويهدي سر بيوت المسلمين كلهم

احمد على نصار يقول...

كان في برنامج اذاعى شهير او بما يسمونه صورة غنائية كان اسمه ( القسمة والنصيب )..
لو كل واحد حب واحده وكانت هيه نصيبه
تفتكر كان حايبقى فى شعراء اساسا اللى 90% من قصائدهم مبنية على العذاب والحب والأشواق و، ولا كنت حاتسمع عبد الوهاب بيقول وكل ده وانتا مش دارى يا ناسنى وانا جنبك ، ولا عبد الحليم يقول فى من الايام كان لى قلب ويا المحبه هام وياريت ماحب ، ولا ام كلثوم تقول بعيد عنك حياتى عذاب ماتبعدنيش ماليش غير الدموع احباب
كله بياكل عيش على حس العذاب والحب اللى من امل
تحياتى للبوست الرائع ده

عمرو جويلى يقول...

السلام عليكم
صديقى أحوال الهوى
كما عهدناك دائما رائع
فعلا كل شىء نصيب مهمــا تبعــــد مــالي قـلبــــي
ليــل نهـــاري شئ عجــــيب
لو نصيبي اعيــش معــــــاك
ده عشـــان انــت الحــبـــيب
صــرت جنـبـــي جــوه دمــي
تحياتى

maxbeta3zaman يقول...

كلام جميل ...وجميل أن تتوارد كل هذه التعبيرات المحبة بهذا التدفق
أجمل شىء عجبنى الحب الذى ولد ماردا ..يضحك فى سعاده ..ثم يزيد ..فماذا سيصير بعد مرحلة الماردية سيصير فلكيا ..مفروض انه يضحك الضحكة الرنانة المعروفة ويقول بصوت عميق جدا ::شووبببيك لوبببيك ..إيش تطلب يا محب ؟ ويجيب المحب : والنبى بس خلى المحبوبة تصدقنى اللا موش عاوزة وفاكرانى بميس عليها
فيشخط فيها شخطة فتصدق على طول
تحياتى لك

عاشقه الرومانسيه يقول...

نبضي عارف فين حبيبي ....مهما هـ تغرب تشرق

الله الله الله
عليك
انت فعلا اسم على مسمى
اجمل احوال الهوى باشوفها على صفحتك وبين كلماتك
ربنا يخليك لينا يامبدع

أحــوال الهـوي يقول...

ستيته حسب الله الحمش

ده ليس بسر .. و لكني تفهمت بعض النقاط التي كنت اعتبرها خلاف و اقابل عصبيتها بهدؤ
لانك تكتبين بوجهة نظر المراة و بصدق بدون رتوش و اعترف اني لست خبيرا بردود افعال النساء فوجدت ان بعض من قصصك تنطبق علينا فسلكت طريقتك و نجحت
كده ببساطه

تحياتي

أحــوال الهـوي يقول...

احمد على نصار
كلمة نصيب .. لها و جوه كثيرة تماما مثل تفسير القدر
علينا ان نسعي و نتعذب و نتلوع ايمانا منا بانه القدر و النصيب و لكن اذا جلسنا في استرخاء ظنا منا ان لن يصيبك الا نصيبك لجلسنا بلا عمل و بلا سعي او كلل
عزيزي الشاعر الجميل
نحب و ندعي الشجن ... ان اشتقنا قلنا الهجر و الغياب و اذا اختلفنا قلنا العزول و الخيانه

و هذا حال المحبين يعشقون التصاعد و التماس الاعذار ليتمتعوا بكيمياء الحب تعبث باجسادهم فتصيبهم النشوة و اللذة

تحياتي

أحــوال الهـوي يقول...

اللؤلؤة
استاذ عمرو
دائما تشرفني بالزيارة و التعليق بما يطفئ ظمئي و يشفي غروري
و لكنني عاتب عليك قلة اعمال و ابدعاتك
و لانك لؤلؤة توحي لنا بانك نادر الوجود؟
تحياتي

أحــوال الهـوي يقول...

maxbeta3zaman
و الله يا دكتور انت اوحيت ليه بفكرة جنان بمعني جنان
خليني ابلورها و ارسلها لسعادتك

و لو كنت امتلك هذا المارد لطلبت الجلوس علي شط اسكندريه في بحري او العصافرة علي اللسان و فيها باحس اني انا و البحر بس

تحياتي

أحــوال الهـوي يقول...

عاشقه الرومانسيه

احنا زي بعض نعشق نفس الهدف
الرومانسيه
انا اكتب عنها و لكنك تتنفسيها

تحياتي

عمرو يقول...

يا صديقى علينا أن نقبل بنفس راضيه ما قدره لنا الله و ما قسمه من خير و شر لأن أمره كان قدرا مقدورا
و زى ما بيقولوا فى المثل اٍ صبرتم نلتم و أمر الله نفذ و اٍن ما صبرتم ما نلتم و أمر الله نافذ
تحياتى يا صديقى و تقديرى العميق لشخصك و موهبتك اللى لا يختلف عليها اٍثنين

محاولة لكسر الصمت يقول...

(نبضي عارف فين حبيبي ....مهما هـ تغرب تشرق)

مؤثرة هي كلماتك سيدي على بساطتها...
..
تحياتي

فشكووول يقول...

لقيتك عند مفروسه وعجبنى كلامك وتعليقك على التفجيرات ..وانا متفق معاك فى الرأى .. بس بضيف ان الموضوع فيه نظرية المؤامره .. وخلاص .. هه
تحياتى

ادم المصرى يقول...

ايه ياعم الحديث الرائع ده بجد

انتا انسان جميل

كل شيئ قدر ومقدر عند الله واكيد انتا

عارف كدا

كلام جميل اوى يمان

mahasen saber يقول...

ياه حلوه قوى قوى

وكمان حلو قوى العصافير الدفيين ببعضهم وهما نايميين

دفئهم فى بعض كما دفء كلماتك بالضبط

رائعه

أحــوال الهـوي يقول...

عمرو
اولا دي صورتك الحقيقيه
اذا كانت نعم فاضيف الي صفاتك بلقب الرجل الوسيم الوقور

نعرف ان القدر لابد ان نؤمن به و هذا من اساسيات ديننا وايماننا

اشكر لك تقديرك لشخصي و ده و اجب الاصدقاء

تحياتي

أحــوال الهـوي يقول...

محاولة لكسر الصمت
اشكرك مرتين
لزيارتك و تعقيبك
و لاني تلقيت منك الاذن بزيارة مدونتك الجميلة بما فيها من فكر ثري

تحياتي

أحــوال الهـوي يقول...

fashkool

ما نفكر فيه اصبح ثقافة الجميع عدم الثقة المطلقة بالظواهر المرئية بل بعمقها الخفي

تحياتي

أحــوال الهـوي يقول...

ادم المصرى
دائما اشرف بزيارتك و تعليقاتك

تحياتي

أحــوال الهـوي يقول...

mahasen saber

صديقتي الغائبة الذكية الفطنه

اصبحت تقرئين ما بين السطور و ترسلي تلميحاتك بذكاء

اريد ان اطمئن علي اخبارك دائما بعد فترة الهدنه مع النفس
يارب تكوني تاقلمت مع وضع الهدؤ بظروفك الجديدة
تحياتي لابنك الجميل

تحياتي

أمل حمدي يقول...

أخي أحوال الهوى

ما أجمل كلماتك وأعذبها

يا زمن جمع و فرق ..........لو ف اخر الدنيا فرق
نبضي عارف فين حبيبي ....مهما هـ تغرب تشرق
و القدر خلاك نصيبي..... و انت حبيبي بس صدق


حلوة قوي

من غير عنـــوان يقول...

حلو الكلام

الضاحكون يقول...

سعيد وليد يزيد عيد
اكيد تقصد مدرسه السويس الثانويه العسكريه
فاااااااكر الاسمى دى كويس
ههههههه
انا بجد عجبتنى صوره الطيور وهى نايمه جدا
جميل قوى شعرك تسلم ايدك
يوم لقانا صالح البدر النهار
فيها بلاغه جامده جدا
عموما انا بس ليا تعليق صغير
وهو على الصوره
ازاى يبقى عندك 150 سنه والصوره بتاعه الطيور تطلع الوان
نو
نو
نو
من 150 سنه ماكنشى فى الوان نهائى

عبده الرايق

Beram ElMasry يقول...

الاخ العزيز دكتور أحــوال الهـوي
السلام عليكم ورحمة الله وبركاته
حمدا لله على السلامة وعود حميد وارجو من الله ان تكون كما تحب وكما نتمنى لك من خير وتوفيق
(الكره البين تجاه اليهود) .... لله الحمد من قبل ومن بعد انه مقلب القلوب
لك تحياتى والسلام عليكم ، ولا سلام مع اليهود

Unknown يقول...

الكلمات اكثر من رائعة وبجد دى اللى ببحث عنها لأن فى اغنية احنا عايزين نعملها لصديق غالى علينا
ياريت نكون على تواصل وبجد كلماتك جميلة تسلم ايديك
والمدونة اكثر من جميلة
دمت بود

أحــوال الهـوي يقول...

ماما أمولة

ربنا يكرمك يا امنا و املنا كلنا

باسعد جدا لما متخصص في اللغة بيعجه كلامي
باحس اني بقيت احمد رامي

تحياتي

أحــوال الهـوي يقول...

من غير عنـــوان

شكرا
تحياتي

أحــوال الهـوي يقول...

الضاحكون
انا سني بالتقويم الهيمايوني السنه فيه ثلاث اضعاف سنتكم البيضا

و العصافير علي ايامنا كانت ابيض و اسود لكنها اتلونت في البرد

بجد شويه .... شرفتني

تحياتي

أحــوال الهـوي يقول...

Beram ElMasry

لا سلام و لا كلام مع الصهاينه

تحياتي

أحــوال الهـوي يقول...

اصحى يا مصر : اسلام ديو

هديه مني لك مع الاحتفاظ بحقي الادبي و لو لحنتها احصل علي نسخه

شكرا لكلامك و زيارتك
رددت عليك بالاميل

تحياتي

حسام غانم يقول...

جااااامد جدا

بحب أنا النوع ده من الشعر


تحياتي ..

أحــوال الهـوي يقول...

حسام غانم

شرفتني يا د حسام
و قرات عن تميزك

تحياتي

Unknown يقول...

الله حلوة اوى كلها على بعضها
لو قلت كوبلية ولا اتنين حبقى
بأظلمك وأظلم القصيدة كمان
وأنا مابحبش الظلم ولا الظالمين
وربنا سبحانه وتعالى كمان لا
يحبهم.

Unknown يقول...

لكن وأه من لكن دى
(طبع وعادة واعتياد
لا استطيع الفكاك منه)
اقولك يااحوال الهوى
والهوى احوال:
(يوم لقانا صالح البدر النهـــار
و الشمس زارت ليــل حياتــي
و نــورت امــلـــي اللي صـــار)
الله جميلة اوى........
بس لخبط لنا الجغرافيا خالص كده!!
بدر بالنهار وشمس بليل:)

Unknown يقول...

(نصيـب نصيـب هــو صحيــح
ان وصــالنـــا كــــان نــصـيب)
اول ما قرأتها ذكرتنى على طول
بقصيدة الاطلال (للدكتور إبراهيم
ناجى)وبالبيت اللى انا بأعتبره
من أجمل ما قيل وسيقال فى هذا الشأن
(ياحبيبى كل شىء بقضاء
مابأيدينا خلقنا تعساء!
ربما تجمعنا أقدارنا
ذات يوم بعدما عز اللقاء)
وفعلا فعلا كل شىء بقضاء
وكل شىء قسمة ونصيب
وربنا سبحانه وتعالى
يرزقنا الرضابقضائه
اللهم أمين .اللهم أمين.

Kiara يقول...

بابتي وحشتني خالث

**********

صــرت جنـبـــي جــوه دمــي
روحي فيــك و انـت القريـــب

*******

الله ياباتي استاذ والله بحس وانا بقرا الكلام اني طير في السما فعلا الحب دا مش فيه اجمل منه بس الحب الحقيقي مش لعب الحيال

*******

يا زمن جمع و فرق ..........لو ف اخر الدنيا فرق
نبضي عارف فين حبيبي ....مهما هـ تغرب تشرق

***********

عارف اني بجد مش قادره اقولك اد ايه كلامك بيحرك اي حد ياااه ياباتي ياريت بس الحب دا يكون اللي فعلا يستحقه

المشاعر غاليه اوي يابابتي

*********

اتاخرت عليك يابابتي بس غصب عني

Kiara يقول...

شوف اللينك دا يابابتي

http://mshmuwafk.blogspot.com/2008/10/blog-post.html

وشوف القايمه المحطوطه واسمك فيها ان مش فاهمه حاجه

فتــافيت (رحاب الخضري) يقول...

الله الله

انا جيت اهووووووو

وطبعا كالعادة كلماااااااااات تحفة وسكرها زيادة
صــرت جنـبـــي جــوه دمــي
روحي فيــك و انـت القريـــب
بجد حلوة اووووووووووووي

بنت الغربة يقول...

اسلوبك جمييل جدا كالعاده
بس مش دايما النصييب بيبقى كويس
بس بيفضل معاك العمر كله..
انا طلعت روحى من الكلام الحلو ده ..
انا مش لاقيه له اى صدى عندى ...
جايز انا فقدت الاحساس بالكلام الحلو من عدم سماعه..
زى مابتفقد الاحساس من اطرافك لما بتتلج...
كويس ان لسه فى ناس عايشه الاحاسيس الجميله
ربنا يوفقك
تحياتى

تامر علي يقول...

كلمات لها تركيبة خاصة بمذاق خاص .... جميلة فعلاً ...تحياتي وباقة ورود :)

♥ سحر ♥ يقول...

ايادي مقيدة بالسلاسل والإغلال
احزان تتـــــراقص على الأطلال
:
:
ذكراى كا المطر
دمع منـــهمر
ضحك يندثر
:
::
لحظات يجتاحها تيارات عصف فهدوء
وليل طال به الأمد وجسد احاط به
:


,,همسات عاشت ومع نصها تعايشت,,

سلمت تلك الأوراق ولاشلت هذه اليمين
دمت بقرب من تحب وبهم دوماً تسعد

أحــوال الهـوي يقول...

norahaty
سلمك الله يا دكتور من كل شر

سلط الله عليك الصالحين ووقاك شر الظالمين

تحياتي

أحــوال الهـوي يقول...

norahaty

انها حالة المحبين الذين يسهرون الليل و تنقلب بهم موازين الوقت فيصحوا وقت النوم من سهد و ارق

تحياتي

أحــوال الهـوي يقول...

norahaty

ايه اللي جاب ابن ناجي لا بن الاحوال
انها قصيده اجتمعت بها كل اشكال الرقي و السمو في المعني و الكلمة و الاحساس
و لم تتكرر مثلها قصيدة ثم توجتها العبقريه ام كلثوم و تغنت بها

تحياتي

أحــوال الهـوي يقول...

كيــــــــــــارا
بنوتي الجميله
الحب مشاعر حسيه راقيه ينقصها ان توجه لمن يستحق حتي يعي و يقدر منتهي الحب لدي محبوبه

و فقك الله لمن يستحق قلبك الطاهر و طيبتك العفيفة

تحياتي

أحــوال الهـوي يقول...

كيــــــــــــارا

لا اعرف من كتب هذا و لا اريد ان اعرف
كنت ازور قطة الصحراء كاي مدونه و صادف ان جاءني رد من شخص ما ارد مني ان امتنع عن زيارتها لانها ؟؟؟؟ و قلت له من الممكن ان تكون انسانه لها راي تستقيه من وسائل الاعلام فلابد من محاولة تصحيح اغلاط في فهمها لا ان نقاطعها
و استمريت لفترة حتي احسست انها تاتي بكل شاذ و تستخدم لغة لا احبها في الحوار و منذ اكثر من شهر ازلت اسمها من متابعاتي
هذا ما حدث
و من يريد ان يناقش لا يقفل التعليقات بكل جبن و خسه

تحياتي

أحــوال الهـوي يقول...

فتافيت

انت متاخرة و عليك غرامة تاخير انا ممكن اسامح اي حد بس بنوتي و بلدياتي تتاخر طبعا لازم فيه شئ قاهر منعها

تحياتي

أحــوال الهـوي يقول...

بنت الغربة
عزيزتي
الكلام جميل و لكن هل الفعل احلي؟؟
انا كنت فاكر ان لما البي كل احتياجات زوجتي و لا ارفض لها طاب سوف تتاكد من حبي لها و ان اهتم ببيتي و اولادي و اعمل لاوفر لهم رفهياتهم انهم سوف يفهمون اني احبهم
و اكتشفت متاخرا ان الكلام له تاثير اقوي من الفعل بكثير و ان احتياج الزوجه لكلمات الحب اقوي من احتياجها لشئ مادي
نحن الرجال قد نخطئ في ايصال حبنا لذوينا و نعمل بكد و لا نبخل ثم نستغرب لماذا الزوجه لا تقدر هذا اليس ما نفعله دليل الحب ؟؟

نعم لا بد من قول احاسيسنا لزوجاتنا من ان لاخر لكي تشعر بالامان

حاولي ان تقةلي لزوجك انك تعرفين انه يحبك لانه يتعب من اجلك و من اجل بيته و سوف ترين ان ابو الهول سوف ينطق

تحياتي

أحــوال الهـوي يقول...

تامر علي

شكرا علي الورد اللي عطر المدونه كلها

تحياتي

أحــوال الهـوي يقول...

♥ ملكة الأحساس ♥

تعطرت بكلماتك و امنت علي دعاءك

فملكة الاحساس اذا احست اصابت و اذا تكلمت افاضت
دمت مبدعة صادقة

تحياتي

مدينـة من النسـاء يقول...

نبضي عارف فين حبيبي ..

**

نبضي عارف وبيناديه ,, يسمعه لو حتى فين
نبضي حاسس يوم لقانا ,, مستنيه لو بعد سنين
نبضي عايش بس ليه
نبضي واهب روحه ليه
نبضي شايف فين حبيبه ,, مهما راحت خطاه لفين

أوقات كتير بنحلم ونستنى .. واحنا خايفين
المهم نصدق حلمنا ونآمن بيه
وقتها بس مهما طالت المسافه مش بنحسها ومش بتعذبنا ولا هانحس بخوفها
يمكن مش هايهمنا طولها
مادام جوانا مصدق ان يوم لقاه هايطفي كل نار حسيناها
ويذوب كل تلج مغطينا
المهم نآمن بيه ..

**

الحرف معاك عارف يعيش
صدق احساسك معاه بجد جميل
دمت بألف خير

همس يقول...

الله عليك يا هوا

اهو يا خويا دا اللى عايزن نسمعو فى وقتى دا

حاجه كدا طريه هههههههه

بجد بجد رائعه الحته دى

نبضي عارف فين حبيبي ....مهما هـ تغرب تشرق


اهم حاجه انه عارفه

تسلم ايدك يا احوال

أحــوال الهـوي يقول...

مدينـة من النسـاء
ايتها المدينة العامرة و الدافئة المنيرة
اسكت الكلام و استسلم القلم و امن بكل كلمة قلتيها

عشت مبدعة حتي في تعقيباتك

تحياتي

أحــوال الهـوي يقول...

همس
المشكلة قلبي عارف بس حبيبي مش عارف

ممكن رسالة من الكويت ع الونيت تقوله

طمنيني علي احوالك دائما

تحياتي

فشكووول يقول...

ايوه يا سيدى ايوه
ولعها انت وخلاص وما لكش دعوه
ماهو انت مش خسران حاجه
احنا اللى دمنا بيطرطش
يا راجل خليك محضر خير
اصل انا باتلكك عشان الحرب تقف بقى من الضرب اللى نازل على دماغى من عند فركشاوى
ادخل بينا احسن لك وصالحنى وقول لفركشاوى فشكول بيقول صالحنى يا بارد
اصل الموضوع ايه بقى
فركشاوى كان كانت مقاله بيقول ان احنا لازم نغير ولازم نقدر نعمل كذ وكذا وكذا وباننا يعنى عنتره بن شداد وصلاح الدين واحنا المصرين اهمه حيويه وعزم وهمه وكلام من هذا القبيل وكان طالب منى انى اتفق معاه فى الكلام ده .. بس انا رديت عليه وقلت له (عشم ابليس فى الجنه وسقت له سوابق من التاريخ ولكن هو لم يقتنع واعلن الحرب على .. وبعدين اعلن تانى الحب على وانا بقى طقت فى نافوخى .. منوفى بقى.. وقمت قبلت اعلان الحرب واستدعين كل ما اوتيت من قوه واعلنت الحرب عليه بس لقيتنى عملت حاجه انا مش قدها فعايز بقى حد يصالحنى احن اجرى على آخرى بالمشوار هربا من هذه الحرب الطاحنه
تحياتى يا احوال
عايز حرب ودم .. زغرتى يا للى مانتش خسرانه
يا فكيك

عمرو جويلى يقول...

السلام عليكم
عزيزى أحوال الهوى
أخبارك إيه ؟
فعلا كل شىء لو أرجعناها إلى القسمة والنصيب سنرتاح كثيرا
تحياتى

Zika يقول...

جميله جدا ومتناسقه
وفيها تعبيرات حلوه
اول زياره عندك
تحياتي

Soul.o0o.Whisper يقول...

السلام عليكم و رحمة الله و بركاته


أول زيارة لمدونة حضرتك أعتقد

بس صراحة المدونة رووووووووووعة
و كمان كلمات حضرتك جميلة جدا

صادقة
مليئة بالامل و التفاؤل
بالحب


بجد ربنا يبارك فى حضرتك
و فى نصيبك
و مش يفرقكوا ابداااااااااااا





دمت بود
و تقبل مرورى

أحــوال الهـوي يقول...

بعد النظر في المعروض المقدم من سعادتكم تعلن فيه الرغبة الملحة للصلح و رأب الصدع بينكما قررنا التكرم بالتدخل السريع المريع و حشد قوات الامن الدوليه لاحتلال المدونتين موضوع النزاع و التحكم في البينات الصادرة من كلاهما حتي يتم بعون الله تعميق الخلاف و الفتنه بينهما و لن نتخلي عنهم حتي نكسر انيابهم ومخالبهم و يصبحوا مدجنيني

تحياتي

أحــوال الهـوي يقول...

اللؤلؤة

انا اخباري بتبقي كويسه لما بتسال عني

القسمة و النصيب و معهما الاخذ بالاسباب الناس تترتاح
تحياتي

أحــوال الهـوي يقول...

Zika
شرفت يا استاذ زيكا
و يارب يدوم التواصل بيننا

تحياتي

أحــوال الهـوي يقول...

Soul.o0o.Whisper

اشكر لك صدقك و مجاملتك الرقيقة
و سررت بزيارة مدونتك القيمه

صيدلي قديييم

تحياتي

اقصوصه يقول...

فعلا

كل شي نصيب!

أحــوال الهـوي يقول...

اقصوصه

تحياتي
لزيارتك

Soul.o0o.Whisper يقول...

طيب خلاص

لازم حضرتك تعطينى من خبراتك
أنا لسه طالعة طازة من الكلية اهو

عاوزة أتظبط بئا و أبئا خبببببببببببببرة
ههههههههههههههههههه



دمت بود يا دكتور :)

فتــافيت (رحاب الخضري) يقول...

والله انما تاخيري حتى على مدونتي

ساااااااااامحني بقى

ومافيش بوست جديد ليه بقى

كده غرامة التاخير عليك

ماتحرمناش من ابداعك

أحــوال الهـوي يقول...

Soul.o0o.Whisper

اهلا بزميلة النقابه و مهنة الصيدلة المهضومة الحق فى العالم

هناك مجالات كثيرة لحامل هذه الشهادة للعمل
و انا عملت في كل مجالاتها ما عدا التصنيع و الابحاث
و استقر بي الوضع في مجال المبيعات و الدعايه و تخيلي .... في جراحات العمود الفقري
اي مجال تفضلين صيدليه خاصه مستشفي ؟؟؟ او دعايه
اي خدمه او سؤال اقدر اساعدك فيه نحن في الخدمة للجيل الجديد الصاعد

تحياتي

أحــوال الهـوي يقول...

فتافيت
بنوتي الجميلة

انا المرة دي متاخر لظروف صحيه
اعذريني
و اول شئ هيكون اهداء ليك

تحياتي

Beram ElMasry يقول...

اخي اينما كنت فعلق في موضوع السلام

غير معرف يقول...

إلى مدوني مصر الأحرار
السيد الفاضل صاحب مدونة /

تحية طيبة وبعد

شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif
والسلام عليكم ورحمة الله وبركاته
سجل المزورين