السبت، 14 فبراير 2009

بعدين يا غرام


بعدين معاك يا غرام

توعدني شهد الهنا

بأحلم في كل منام

مستني من كام سنه

انك تدل الهوي

علي بابي و افتح له

و اضم فيك المني

و اشكي له و ارتاح له

قلبي والشوق جواه

و الصبرفيه نشوان

فيه الف لوعة و اه

و انا و السنين حيران

تعالي اوام يا غرام

اشجيني و اطربني

وهات معاك الهيام

داويني و طيبني



هناك 105 تعليقات:

بنت الغربة يقول...

كلام حلو قوى ...
بس الواحد بقااااله كتيير قوى ماحسش بلوعة الحب دى ...
جايز لوعة الفرااق
لوعة الخنقه
لوعة العصبيه
لوعة الصبر
لكن لوعة الحب دى وتعالى ياغرام والهيام و..اشجينى واطرينى
كلمات ضااااعت فى زحمة الدنيا والمسؤوليه...
بس كلمات جميله
الدنيا لسه بخيير
تحياتى

بسمة انور يقول...

HAPPY VALENTIN'S DAY

كلام حلو جدا وحساس جدا ومعانى راقيه جدا جدا

غير معرف يقول...

اخيرا بعتلنا اعانة تنشط القلب

بعد فترة توقف دامت كثيرا

الله على تشبيهك للغرام والهوى

بس ممكن خدمة لامة يجيلك الهوا

اوصفله عنوانى واحكيله عن احزانى

يمكن

تسلم ايدك يا احوال الهوا

ويارب ماطولش علينا تانى

ستيتة يقول...

ليه كده بس؟ ده احنا في يوم مفترج وكل زوج وزوجة في قلبهم من فلانتيني ولا تعشيني كل دودوة ودودة قد كده

حلو الكلام كالعادة وكمان سكره النهاردة زيادة

كل يوم وانت طيب ياراجل ياطيب

مدينـة من النسـاء يقول...

مستني من كام سنه ..........

وهاتفضل مستنى حتى لو ألف عام تانيين
دا اللحظه معاه بعمر تانى
لو بعيد جوا السما
ليها نبتة صبر وشوق جوانا ما بتنتهيش
وشمعة زي نار في عتمة ليل مابتنطفيش
وصوت ساكن جوانا مش بيضيع حتى لو فى الف زحمه وألف صوت
صوت هايفضل ينادى طول العمـــر بكلمه واحده
تعالــى
يمكن في يوم يسمع ويجـي ...
يمكن تيجي لحظه في عمرنا مانستناش ,,, ونعيش ...

تحياتي ..

إيمان قنديل يقول...

درجات الحب!! :

لقد وضع العرب درجات للحب وهي :

1-الحب :وهو نقيض البغض، وهو غليان القلب و ثورانه عند لقاء المحبوب.

2-الصبابه :وهي الشوق

3-الهوى :وهي محبه الإنسان الشئ وغلبته على قلبه

4-العلاقة :وهي الحب والهوى الملازم أبدا للقلب

5-الجوى : تحول الحب إلى داء طويل الأمد

6- الخلة : وهو الخليل هو المحب الذي ليس في محبته خلل

7- الكلف: وهو الولوع بالشيء مع شغل القلب ومشقته

8- العشق : وهو تجاوز المقدار في الحب "فرط الحب"

9- الشغف: وهو الحب الشديد الذي يتمكن من سواد القلب

10- الشعف : هو الشفاف داء في القلب إذا اتصل بالطحال قتل صاحبه

11- المتيم: هو ذهاب العقل من الهوى

12 البتل : هو إذا غلبه الحب وهيمة

13- الوله : هو ذهاب الفؤاد من هم أو نحوه

14 –الهيام : وهو وصول الحب إلى درجة الجنون.
==========================
والغرام هو الوصول الى درجة الهيام في أعتقادي،وهي المرحلة التي نصل فيها الى مرحلة الجنون


جميلة القصيدة إلا أنني كنت أرغب منك في إكمالها، لقد شعرت في السطر الآخير وكانك قمت ببترها


إلا أنها جميلة

الوردة البيضا يقول...

السلام عليكم

الله الله على الكلام الجميل...
تسلم إيدك

وكل عيد حب واحنا كلنا طيبين

عمرو جويلى يقول...

أحوال الهوى
كل عام وأنت بخير وكل هوى وأنت طيب .
قصيدة جميلة فى يوم جميل
تحياتى

عمرو جويلى يقول...

أحوال الهوى
كل عام وأنت بخير وكل هوى وأنت طيب .
قصيدة جميلة فى يوم جميل
تحياتى

عاشقه الرومانسيه يقول...

الله على كلامك
لمس القلب رغم بساطته
ويمكن لانى فى حاله النشوه والغرام دى حالينا
فحسيت بيه قوى
مش قلت لك ان اجمل مافى الحب لوعته وعذابه؟

صفــــاء يقول...

.
وهو يستحق
يستحق ان تنتظر
وأن يطول انتظارك
فأن يدق بابك بعد سنين خير من ان لا يقربك ابدا
لكن مما يؤسف له
انه حين يأتى لن يداويك او يطيبك
لكن من الممكن ان يشجيك
وان يقلق قلبك
ان يجعلك هائما حيران
عزيزى...الغرام هو نار نشعلها بايدينا فى قلوبنا لنبكى من قسوتها فأن لم تشتعل بكينا من حسرتنا

سمكه واحده يقول...

اهو مستنين اهو
هو احناورنا حاجه ابدا ابدا
ربنا يجيبوا بالف سلامه بصي علي اقل من مهله بس يجي هو بس واحنا نفرشله الدنيا ورد
ده عم غرام ده لازم الواحد يحضرله كويس مش اي كلام يعني ده ضيف عزيز علينا وغالي ولما بيبجي بيبقي صحاب بيت يعني مش ضيف
ربنا يسعد ايامك يا ستي يجعل اياك كلها غرام
كلامك جميل اوي
تحياتي

مسدس صغير يقول...

كلمات جميلة معبرة
تستحق عليها الاشادة .
اشكرك عليها.

فشكووول يقول...

العزيز الدكتور احوال الهوى
ولا بعدين ولا حاجه .. انت بس خليك تحلم ومش حييجى .. هو كدا رخم وما بيجيش للى مستنيه ومهما عملت له شكيت ولا صبرت ولا اتلوعت ولا اتحيرت لا حييجى ولا حيطرب .. اصل الحب اللى من النوع ده رخم وغلس
تحياتى يا حبيبنا ووحشتنا خالص

سمكه واحده يقول...

يسعد ايامك يا سيدي
معلش عطل فني نأسف للخطا يا استاذ
بجد معلش
يا سيدي مش سيداتي
(وش مكسوف)

Kiara يقول...

تعالي اوام يا غرام

اشجيني و اطربني

وهات معاك الهيام

داويني و طيبني

*********

الله يابابتي

تجنن واحساسها عالي اوي اوي اوي

فتــافيت (رحاب الخضري) يقول...

تعالي اوام يا غرام اشجيني و اطربني وهات معاك الهيام داويني و طيبني

اه والنبي قوله .. اصل كده كفايا اوي بقى

كلمات رائعة بجد .. ووجعت جوات قلبيني بجد

تسلم ايديك

أحــوال الهـوي يقول...

بنت الغربة

الحب له مفردات كثيرة و ادوات اكثر فاذا احسسنا ببعض المفردات الغير معتادة و اطلقنا عليها رموز اخري من الممكن ان نحسن الظن بشريك حياتنا مثل الخنقه و العصبيه و الصبر
الخنقه من ظننا بان حرص شريك الحياة علينا انه حجر لحرياتنا و من الممكن ان نسميه اهتمام
العصبيه للوصول الي الافضل من الممكن ان نسميه حرص
الصبر علي مصاعب الحياة نسميه ايثار

الحب بعد الزواج له معاني اسمي من مجرد مفردات

تحياتي
نسميه

أحــوال الهـوي يقول...

BAsMA

كل سنه و انت طيبه
و تكون حياتك كلها حب و سعادة

تحياتي

أحــوال الهـوي يقول...

اسماء واحلام فى وجدانى

انا اسف كنت مسافر برحلة عمل بالخارج ووقتي بيكون مشغول جدا

و الفترة القادمة ما عنديش سفريات طويلة

و الحب موجود امام بابك و بعد شويه هيخبط و افتحي له لما تتاكدي انه حقيقي

تحياتي

أحــوال الهـوي يقول...

ستيته حسب الله الحمش

كل سنه و انت طيبه و كل حكمة عندك بسخريه لذيذة و ظريفه

اسعد الله ايامك و اوقاتك

تحياتي

أحــوال الهـوي يقول...

ستيته حسب الله الحمش

كل سنه و انت طيبه و كل حكمة عندك بسخريه لذيذة و ظريفه

اسعد الله ايامك و اوقاتك

تحياتي

أحــوال الهـوي يقول...

مدينـة من النسـاء

انت احساس متدفق و فيض هادر لا يوقفه شئ
دائما ما يبهرني تلقائية ردودك و قوتها و كأنك تصارعين كلماتي فتتفوقي عليها

تحياتي

أحــوال الهـوي يقول...

GHARAM

من الاجدر ان يتحدث عن درجات الحب غير غرام

و هو مزج من الجنون و الحب
وقبل الوله

ولانك امراة مبدعة تعي ما تقرا و تقيم وما يصلها من احساس صدقت
فعلا لابد من اكمال ما بدات لانني فعلا حذفت جزء منها لم اشعر باكتماله

شكرا لفراستك

تحياتي

أحــوال الهـوي يقول...

الوردة البيضا

كل سنه و انت طيبه

و الحب يتربص بك و لك

تحياتي

أحــوال الهـوي يقول...

اللؤلؤة

انت دائما الدرة الجميلة

و يومك جميل و حولك من تحبهم و يحبوك

تحياتي

أحــوال الهـوي يقول...

عاشقه الرومانسيه

اجمل ما في الحب كل مفرداته
فاذا نظرنا اليه من زاوية عذابه فقط صرنا نتلذذ بتعذيب الذات

الحب كيان كامل لا تذهبي الي جزء دون الاخر

اسعد الله ايامك
تحياتي

إيمان قنديل يقول...

دائما تخجلني بوصفك لي بالمبدعة،ففي أعتقادي أنها كثيرة على،وبالفعل أنت من المدونين الذين أستمتع بقراءة مايكتبون، ووجدتني اسير مع القصيدة بسلاسة وبيت يوصلني الى الاخر إلا أنني فعلا وجدتني أتوقف فجاة لذلك اخبرتك أن هناك شيئا ما في آخر القصيدة والتي أحسست أنها لم تكتمل بعد، وأقول أحسست لأنني بالفعل قرأتها بأحاسيسي ومشاعري وتلك القراءة وكما تعرف تختلف كثيرا عن قراءة العين


تحياتي لك

أحــوال الهـوي يقول...

صفـــــــاء

و الله زمان.... و حشني كلامك

لن اجادلك اليوم فلك ما تعتقديه
فقط سوف اوافقك
وسيكون الجدال بعد تعليق الزينات و الغناء و الافراح لعودتك الينا

يلح علي السؤال اين كنت و لكني لن اسألك
و اعرف انك كنت تتلصصين علي مدونتك لتعرفي مدي لهفة مريديك علي عودتك

اليوم لا جدال

تحياتي

أحــوال الهـوي يقول...

سمكه واحده

يا ست سمكه انا مذكر سالم
وبرضه المذكر السالم من حقه ينتظر الحب والا ده حكر علي الاناث

و عد لو عدي علي ابعته لسعادتك

تحياتي

إيمان قنديل يقول...
أزال المؤلف هذا التعليق.
إيمان قنديل يقول...

تعرف


انا بأكره العذاب في الحب لأنه بيدمر النفس، ومن المفروض ان يغير الحب حياتنا للأجمل والأفضل لنستطع مواجهة صعوبات الدنيا

فعذاب الحب يقهر ويحطم



نعم لقليل من الحيرة

نعم لقليل من الغيرة

نعم لقليل من الحرمان


نعم للتفكير


نعم لبعض القلق


نعم للأشتياق والحاجة للآخر


ولكن


لا ...والف لا... للعذاب

أحــوال الهـوي يقول...

مسدس صغير

شكرا للاشادة

تحياتي

أحــوال الهـوي يقول...

fashkool

و انا ارخم منه
مستنيه و هييجي في الوقت اللي انا هحدده
و مش هدخله رخامه

يا عمنا فشكلت البوست
خلينا نتكلم حتي الكلام ميؤس منه

و حشتني

تحياتي

أحــوال الهـوي يقول...

سمكه واحده
و انا اسف علي الخطأ و هاعمل عمليه علشان ما تعتذريش عن الخطا
انت شرفتيني


تحياتي

أحــوال الهـوي يقول...

كيــــــــــــارا

انت بنوتي حبيبتي اللي رفعه معنوياتي

تحياتي

أحــوال الهـوي يقول...

فتافيت

شفت يا بنوتي نزلت البوست ده علشانك
و بعدين تقولي وجعت قلبك يارب اللي يزعلك يروح النار

انا في الزقازيق دلوقت يعني الرد يوصلك في الحال

تحياتي

أحــوال الهـوي يقول...

GHARAM

انت كلك احساس
ككاتبه و فنانه و انسانه

تسلمي
جعلك الله لي كل العون و النصيحه

تحياتي

غير معرف يقول...

احوال الهوا

الخب اللى حضرتك بيخبط انت اللى

بعته ولا هو جالى من نفسه

اصلها تفرق كتير

حمدلله على السلامة

احمد

مدينـة من النسـاء يقول...

كأنك تصارعين كلماتي فتتفوقي عليها

**

مهما كان جمال الإحساس
مش بيكون غير رد فعل لجمال أروع منه
لولا كلماتك إنت
أكيد مكنش هايتولد على بالي أي كلام
الإحساس عمره ما كان مباراه
دا بحر أمواجه بتتلاقى
ومش هاينتهي فيض احساسه أبداً طول ما في صدق وتلقائية

سيدي الفاضل ..
لكـ ولكلماتكـ أروع تحيـه ..

ماء تشرين يقول...

حلوى اوى
وبلله عليك قول للهوى على بابي
جنبكو كده
بجد ربنا يوعدك بحد بجد يكون حضن دافئ
تحس معاه ان الدنيا ادتلك كل حاجه
تحياتى

أمل حمدي يقول...

أشعر بين كلماتك بالأصالة بتاعة زمان

رصانة الكلمات التي تطرب الفؤاد

تعالي اوام يا غرام اشجيني و اطربني وهات معاك الهيام داويني و طيبني


الله بجد

يسلم احساسك الأصيل

احمد على نصار يقول...

اولا الموسيقة الداخليه للمقطوعة جميلة . قمت بتلحيتها على الكي بورد (( الأورج )) فى اقل من 3 دقليق
ثانيا :
احوال الغرام لا تطمئت هذه الايام
اتسائل دائما : هل احتقى الحب من سطور هذه الحياة.. ازعم ان التكنولوجيا التى تضغط علينا بلا رحمة سلبت اجمل ما فينا .. فطرتنا البريئة الرقيقة .. الحب
ولكن شيئا ما يبقى .. ان هناك قلوب تصر على ان الحب موجود ولو كلمة فى اعنية ولا سطور فى مدونة جميلة كمدونتك
تحياتى

ادم المصرى يقول...

يمان

ان شاء الله ربنا يكرمك بلى يحبك

واسمع عنك سمع خير ان شاء الله تعالى




ايه رئيك فى الدعوتين دول اى خدمه
ادينى انا كمان اتنين كمان بس فى غيابى وافتكرنى ديما

لحسن حاسس بحجات غريبه اليومين دول الله يستر

أحــوال الهـوي يقول...

GHARAM
ما معني العذاب في الحب
الشوق ؟ الهجر ؟ الغدر و الخيانه؟
اذا كان الشوق و اللهفه ...فهي احلي ما في الحب
الهجر وهي ضريبة المحب الذي لم يحسن الاختيار
الغدر و الخيانه وهما المذلة في الحب و الكابوس المميت و الطعنة المتسللة من حيث لا نحتسب

هل سألت نفسك لماذا نتحمل ازواجنا و زوجاتنا في عصبيتهم و تقلبات امزجتهم و عدم الاحساس في بعض الاحيان بمشاعرهم تجاهنا
انه الحب بمعناه العميق

سيدتي نحن نتنفس العشق و الهيام لانه احلي المكتسبات البشريه و من مقوماتهم الحياتيه

تحياتي

أحــوال الهـوي يقول...

اسماء واحلام فى وجدانى

عزيزي
الحب يعرف طريقه الي القلوب و يفك شفراتها و يملك كلمات السر الخاصة و لانملك هذه الاسرار

من خبط علي بابك هو من سوف يؤنسك و يسعد فؤادك

تحياتي

أحــوال الهـوي يقول...

مدينـة من النسـاء

الكلمة الجميله التي تلقي فؤادا خصبا تنمو بذورها البسيطة لتنبت زهورا بديعة مختلفة الالوان
نعم ان البدرة هي الاصل و لكنها اذا انبتت صارت اجمل و اروع

تحياتي

أحــوال الهـوي يقول...

ماء تشرين
ياابنتي
لقد و هبني الله اسرتي التي احبها و احترمها و اعيش لها
و كل ما افعله كلمات تعبر عن جمال الحب و شاعريته و عذريته
و ان الاحساس الجميل امتع و اطهر بكثير من زلات الجسد

تحياتي

أحــوال الهـوي يقول...

ماما أمولة

يا سلام يا ماما أمولة لما تكون هذه الكلمات من عبقريه اللغة العربيه تسعدني و تعلو بقدر نفسي

اشكر لك عناءك بالرد و التحليل فهو يعني لي الكثير من من في مثل قدرك

تحياتي

أحــوال الهـوي يقول...

احمد على نصار


اولا تعب حضرتك بتلحينها علي الكيبورد شرف لي
ثانيا لو تسمح ممكن اسمع اللحن

و اخيرا
انا احاول ان انقل للشباب و البنات معني الحب الطاهر العفيف بدون تغزل بالحبيبه ووصف مفاتنها فقط نقل الاحساس الي القلوب التي تسعد و تطرب لمجرد نبضة قلب
لان الموجه اليهم كله يدعو الي الرذيلة و السقوط باسم الحب يصورون الشهوة انها الحب و الزنا بانه الحب

محاولة محدوده تسمو بالروح و المشاعر

تحياتي

أحــوال الهـوي يقول...

ادم المصرى

يا مان دعوتك استجيبت من زمان
و عندي اسرة جميله و اولاد في مثل سنك
و اذا وصلك الاحساس فيما قرات فهذا هو الحب الذي اتمناه لك بكل طهره و عفافه

تحياتي

ولد مصري يقول...

دكتورنا

انت رجعت ولا بتدون من ارض الكنانة؟

كلماتك جميلة كالعادة

ماتنساش اللي اتفقنا عليه ولا رجعت في كلامك؟

تحياتي

من غير عنـــوان يقول...

كلامك حلو.. احساسك بسيط وقوي..

كالعادة....

أمنياتي

أحــوال الهـوي يقول...

ولد مصري

لسه في مصر
و علي ميعادنا باذن الله

تحياتي

أحــوال الهـوي يقول...

من غير عنـــوان

استاذنا المبجل

دائما افرح بتعليقاتك لانها من شخصية غير اعتياديه

تحياتي

فتــافيت (رحاب الخضري) يقول...

وانا اقول الزقازيق منورة ليه
عرفت دلوقتي السبب

منور الزقازيق والدنيا

ويارب يروح النار يارب اللي يزعلني.. ده النار كده هاتبقى زحمة موت ههههههههههههههه

بس بوست بجد جامد
وحمدلله ع السلامة

أحــوال الهـوي يقول...

فتافيت

منورة دايما باللي فيها

و مين اللي مزعلك و انت فتافيت السكر

محليه المكان و الدنيا كلها

تحياتي

همس يقول...

يا سيدى

كنت متوقعه الوردة اللى هتحطها لونها احمر وربنا ( عامله فيها فكاكا)

تسلم يدك على الورد

وعلى الكلام اللى اجمل من الورد

Unknown يقول...

وبعدين معاك انت
ياأحوال الهوى
والهوى احوال
كل مرة احلى
من اللى قبلها
خلصت الحلويات
بتاعة اللوعات

أحــوال الهـوي يقول...

همس

تسلمي من كل شر يا همس يا احلي صديقة

و يارب نجيبلك عن قريب فدان ورد احمر

تحياتي

أحــوال الهـوي يقول...

norahaty

يارب يخليك يا دكتورة وده من رقة حضرتك و ذوقك

يارب نبارك لك علي الدكتوراه قريبا و الباشا الدكتور اللي يستهل شخصيه مثلك علم و دين و اخلاق

تحياتي

♥ سحر ♥ يقول...

مساء\صباح ...سعد
|*|
وميض يغيض بالروح يفيــض
أريج يهيج وقطع من نسيـــج
رقيب مجيب وحلوى حبيــب
|*|
هكذا كان الجمال
ونبل الشعور
وصدق الوفاء والأخلاص
|*|
أجدت التعبير ليصل شعوك ونبض إحساسك
إلى أعماق قلوبنا .. يرويها من ظمأها
وينيت العشب الأخضر والورود
|*|
دمت وتر
♥ ملكة الأحساس ♥

غير معرف يقول...

ما شاء الله

إحساسك عالي أوي

وكلماتك جميلة جدا

استمر ربنا يوفقك

أحــوال الهـوي يقول...

♥ ملكة الأحساس ♥

الاحساس و مليكته يمتدحون واحد من الرعية فهذه مكرمة ملكيه لا يقدر عليها احد

تقبلنا من سموكم صاغرين اهازيج الخير و فيض الاستحسان

تحياتي

أحــوال الهـوي يقول...

سمو الامير

شاكرين من سموك التعطف بالاستحسان

تحياتي

dina يقول...

صحيح وبعدين معاه

يمكن مش أن الاوان :)

جميله بجد

ازى حضرتك؟ انا رجعت ومستنيه رد حضرتك

شكرا

Maha Shahen يقول...

حلوه جدا بس كنت فى اخر سطر
لغيت حرف ال و
وتبقى داوينى طيبنى
هتبقى اسهل فى النطق وعذرا لو بعدل عليك
بس هى كما هى جميله جدا

تحياتى

أحــوال الهـوي يقول...

dina

حمد الله علي السلامة

مبسوط انها عجبتك

تحياتي

أحــوال الهـوي يقول...

nour shahen

مجرد انك تقراي و تهنمي لك كل الحق في التعديل
المهم يصلك احساس الكاتب و بعدين الصياغة الفنيه باعتبرها ثاني اهتماماتي

شرفتيني

تحياتي

Empress appy يقول...

حبيت حاله حب اكتر انا قريتها اول ما انت نزلتها
اسلوب حاله حب حسيته اوي دي لا
امممممم هتزعل اوعي علشان انت عارف انا مطب وبقول بصراحه يعنى
هى كلمات حلوه بس الاحساس وصلنى اكتر من طريقه التانيه

أحــوال الهـوي يقول...

Appy

يا ستي انا ما بازعلش
لانه احساس جايز يوصل و جايز لا
لكن المهم رايك اقدر اقوم قلمي و احسن من اسلوبي
لان المتلقي هو الذي يهمني
كنت زمان باكتب لنفسي .... و الان باهتم براي اصحاب القلوب و الاحاسيس

تحياتي

قوس قزح يقول...

يا ريته بالامر
ده هو السلطان اللى بيأمر فيطاع

و اصعب ما فيه هو انتظاره

أحــوال الهـوي يقول...

قوس قزح

يا ستي بيمر بس احنا اللي مش عارفينه علشان نناديه

تحياتي

Kiara يقول...

عامل ايه يابابتى

شمس النهار يقول...

جميله جدا

أحــوال الهـوي يقول...

كيــــــــــــارا

الحمد لله
انا راجع للوحده تاني للسعوديه يوم الجمعه
و ماعملتش حاجه في الاجازة

تحياتي

أحــوال الهـوي يقول...

شمس النهار

شكرا يا برنسيسه

تحياتي

Kiara يقول...

مش تزحل بقي ياباتي وانت في السحوديه انا محاك :)

Empress appy يقول...

والله انا زعلت دلوقتى بجد
لانى ولا متحفز ولا بتاع انت بس اللى مش عارف تاخد على اسلوبى وبتتخض من
خلاص مش هزعق تانى ولو مرجعتش التعليقات اللى اخدتها هزعل منك وهفرقع لك البلوج بتاعك انا بقولك اهو
لو هزعل كنت قولت لك مباشره انى زعلانه ومبحبش كده علشان انا بقولها عادي والله
وبعيدن انت زي اخويا الكبير وميتفعش تزعل مني وقولت لك الفرقعه دى من الاغنيه مش منك لو مرجعتش وكتب كلامك تانى بجد زعل اوي اوي

Empress appy يقول...

اخي واستاذي
انا بيبرطنى ايضا بالمدونين كل الاحترام اعتذر عن عصبيتى فى بعض الردود مع العلم ان اغلبيه علاقاتى بمن هم اكبر منى سننا وقيمه ايضا محترمه وجميله
عيله وغلطت بقى يعنى والله لو عملت اللى قولت عليه ازعل امال اناكف فى مين يعنى بكره تتعود بس صوره البنت اللى بتتكلم عنها مش عارفاها بصراحه يمكن علشان كدا بقولك راجع بوستاتى يمكن انا مختلفه شوي بحكم اعتمادي على نفسي فى سن صعير وعملى كمان فانا بشتغل من 9 سنين وانا بدرس ومعتمده على نفسي كليا
فده بيعمل منى شخصيه مختلفه شويه
اوعي تزعل والله ما قصدت اضايقك خالص

أحــوال الهـوي يقول...

كيــــــــــــارا

الحمد لله
انا بعد ما بدات التدوين
انا حاسس اني ليه اسرة و اصحاب بؤنسوا وحدتي و بيشركوني عمرى

و ليه بنت زيك بتطبطب علي و تتشاقي و تدلع و تملي عليه الدنيا
تحياتي

Unknown يقول...

تروح وترجع بالسلامة
إن شاء الله .كتب الله لك
السلامة انت وكل مسافر
ورد الله كل غائب ومسافر
سالم غانم الى اهله واحبابه
وزى ما قلت بعد التدوين
خلاااااااااااااااااااص
ما بقى فيه غربة ولا اغتراب
صح يااحوال الهوى
والهوى احوال ولا غلط؟
دعواتى وتقديرى لحضرتك.

صوت من مصر يقول...

كلام جميل جدا
كفايه احساس صادق المشاعر

صوت من مصر يقول...

كلام جميل جدا
كفايه احساس صادق المشاعر

كلام على بلاطة يقول...

كل وقت ووقته
دا الحب والى شفته

كلام على بلاطة يقول...

كل وقت ووقته
دا الحب والى شفته

عمرو جويلى يقول...

السلامعليكم
دكتور الهوى :
قصيدة رومانسية خفيفة الظل وتحب أشخص حالتك هذا حب من طرف واحد ودائما هذا النوع لايدوم .
عرفت أشخص صح يادكتور
تحياتى
وأشكرك على دوام التواصل

اقصوصه يقول...

جميله جدا كلماتك

مرهفه وعالية الحس

استمتعت بمروري من هنا

أحــوال الهـوي يقول...

norahaty

يا دكتورة
سلمك الله من كل سوء و شر
اول رساله ارد عليها بعد رجوعي الي مقري في الغربه
و فيه امنيه من انسانه احترمها و اقدرها لشخصها و صفاتها المتميزة

و فقك الله الي مستقبل علمي زاهر و سترك الله في الدنيا و الاخرة

تحياتي

أحــوال الهـوي يقول...

صوت من مصر
احي فيك احساسك الراقي

تحياتي

أحــوال الهـوي يقول...

كلام على بلاطة

تشرفت بتواجد شاعر محنك في مدونتي

تحياتي

أحــوال الهـوي يقول...

اللؤلؤة

للاسف يا صديقي
ده حب من طرف رابع
فلي زوجه و ابنه و ابن و هم من احبهم
و ما اكتب هو نبت من احاسيس استشفها من كتابات الشباب و اصيغها بطريقتي

و الحب من طرف و احد جربته من قبل من زمان و قد اظنه اجمل حب لانه من علمني الكتابه

تحياتي

أحــوال الهـوي يقول...

اقصوصه

اتشرف دائما بتواجدك
تحياتي

شمس وقمر يقول...

ماشاء الله
جميييييلة اووووى
و احساسك فيها عالى

DoNyA يقول...

كلام شاعر غنائي
يجب ان يغزي موهبته
ويصل بها لعنان السماء

مودتي

بحبك ياكيارا يقول...

بنادي علي الغرام و مسمعنيش قولي ياطبيب الهوي حل عشان يرتاح بالى

كلاكيت تانى وتانى يقول...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
صورة الغلاف على مدونتى
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

فشكووول يقول...

حبيبى قلبى الدكتور
ازيك وحشتنى خالص .. من كتر ما انا عمال الف على المدونات عشان ارد الزياره مش مديانى فرصه عشان آجى واقعد معاك شويه .. لكن بخطف نفسى عشان اجيلك .. الكومنتات عندى كتيره قوى وبتاخد وقت جامد منى عشان اعرف ارد على الناس كلها .. هو لسه ما جاش .. حابعته لك بيزحف على ركبه ابن الفرطوس الحب ده اللى مجننا كلنا
تحياتى يا احوال الهوى

عمرو يقول...

يا صديقى العزيز عندى سؤال محيرنى دايما و مش لاقى له اٍجابه محدده
و هو هل الشعراء بكل اللى بيكتبوه من فيوضات شعريه شديدة الرقه و الحساسيه لازم يخوضوا تجربة ما علشان يكتبوا عنها و لا هى الحكايه صنعه جيده مع خبرات شخصيه سابقه ممزوجه بتجارب الآخرين ؟
يعنى مثلا اٍزاى يا دكتور تقدر تكتب كلمات زى دى معبره و بتمس شغاف القلوب من غير ما تكون مريت بتجربه فتحت بداخلك طاقات الشعر ده ؟
بجد سؤال أرجو تجيبنى عليه و لو على الميل و أكون شاكر لك جدا ..
و لك خالص تحياتى

أحــوال الهـوي يقول...

شمس وقمر
ربنا يخليكم منورين علينا الدنيا
تحياتي

أحــوال الهـوي يقول...

بحبك ياكيارا

الحب ياتيك بدون ان تسعي اليه و اذا كنت من المحظوظين في الدنيا ستصاب به و تسعد حتي بلوعاته

تحياتي

أحــوال الهـوي يقول...

كلاكيت تانى وتانى

انا تشرفت بزيارة حضرتك و تعريفي بموعد توقيع الكتاب الذي سوف افتقد هذه الحفله نظرا لتواجدي بالسعوديه

و انتظر الفرصه للحصول علي نسخه من كل كتب المدونين تيمنا و تدعيما بهم ولهم

الف مبروك و اظن عدد الاناث في هذا الكتاب ينم عن تنامي اعداد المثقفات في مصر

تحياتي

أحــوال الهـوي يقول...

fashkool

حبيبي اللي حبايبه كتيييير شاغلينه عني
لانك انسان جميل خفيف الظل و رزين اجمعت كل الجهات و الاشخاص بانك حبيب الملايين و انا حبيب حبيب الملايين

تحياتي

أحــوال الهـوي يقول...

عمرو

الرد بالاميل

تحياتي

mahasen saber يقول...

هو الغرام ده دايما مبيجيش معاه الا وجع القلب
والحيره طبعا