الخميس، 22 يناير 2009

خبـــي حبـــــك



كـل ما تقــابلني خـــــبي عـن عنيـك فرحـــة لقايــــا
داري عن قلبــك و قلبي اشكي بس دمـــوع اسايـــا
ليه تخللي الحيـره بينــا ليــل بيشقي نهــــار هوايـــا
ليه تخبـي الحـــب عنــا وانت وصـلك كــان منـايـــــا
شايـف الازهــار جمالها عـايشـه في جنـــة هـوايـــا
ســامع الاطيــار املـــها و شـدوها نشــــــوة صفايـا



مهمــا راح تقــدر تداري لسه ليــك سهــران ليــالـي
لو هتـقدر العمـــر تنـكر حبـــك انــت لقـلــبي داري
عارف ان هواك فاكرني لغـــير فـــؤادك جــه لبالي
يومها راح تعرف يا عمري اني اغنــي الناس بحالي

كنت باتمنــاك تـجينــــي بس يبقي هواك شاريني
لكن الايــــام يا عيـنــــي قـدرت تـرفـض حنينـــــي
لــوعتي بتـــلوم هوايـــا و نبض قــلبي زاد انينــي
لاني عـــارف ان حبــــك موجود و لكن مش شاريني


هناك 68 تعليقًا:

الوردة البيضا يقول...

السلام عليكم وأول تعليق
كلمات رقيقة وجميلة ومعبرة جدا عن الحيرة في الحب اللي ممكن تضيع شعور الاستمتاع بمشاعره الجميلة وسط تساؤلات لا نهاية لها

تسلم إيدك

شمس النهار يقول...

لاني عـــارف ان حبــــك موجود و لكن مش شاريني

ياربي علي حيرة العاشقين
ايه اللي يخللي حد محتار كده
بس انا برضه مافهمتش
يعني هي بتحبه بس مش شرياه
والا هو بيتكلم عن ان هو بيحبها وهي والا هي هنا مش شرياه
حب من طرف واحد يعني
القصيده كلها حيره
بس الحمد لله ان اليهود انسحبوا من المدونه
ورجعنا للشعر وازهاره

فشكووول يقول...

عزيزى احوال الهوى
السلام عليكم ورحمة الله وبركاته
يا اخى كلماتك ساحره واحساسك رقيق
واحشنى من زمان والله .. انت فين؟
حلو تعليقك عندى يثبت انهم نصابين بياعين للهوى والنصب على خلق الله
دول كانوا عايزين يسرقوا منا الاهرامات
وعايزين ينسبو لنفسهم كل حاجه
حوالى 15 مليون يهودى العالم مش قادر عليهم
مش عارف ليه العالم كله بيخاف منهم
مش عارف ليه العالم كله مش عامل لنا حساب
يمكن عشان احنا كغثاء السيل
حبيت اكتب الموضوع من اوله عشان كل الناس تعرف ايه اصل الموضوع وان اليهود ما لهمش اى حق فى فلسطين
حتى الان ما كتبته بيعرف الناس بفلسطين التاريخيه وما كانش فيها يهودى واحد
حتى اليهوديه ما كانتش ظهرت ولا المسيحيه
امال دول حقهم فين وجايبينه منين
الباقى حنشوف علاقتهم ايه بفلسطين
وياما فى الجراب يا حاوى
تحياتى

Beram ElMasry يقول...

اخى العزيز . أحــوال الهـوي
السلام عليكم ورحمة الله وبركاته
اهلا بك ويسعدنى ان نلتقى وانها امنية بالنسبة لى ارجو ان تتحقق
لك تحياتى والسلام ولا سلام مع اليهود

ادم المصرى يقول...

كلمات ما اجملها ما الحنها ما اشد

اوترها واجمل عطرها احساس بجد معبر اوى

وعميق جدا بجد انتا ابدعت جدا اخى العزيز

أمل حمدي يقول...

رغم حزن القلب ومابه الا ان كلمات الحب

ترويه الزلالا

تنفض غبار الهم عنه تشجيه تبعث الحياة

فيه بعد الممات

يسلم قلمك نابضا

تقديري

Dr. Ibrahim يقول...

إيه يا عمنا الرومانسيةدى:))

حيرة فى الحب و الحبيب دايما حبه بيفضحه مش هيقدر يدارى!!::::)))))

عمرو جويلى يقول...

السلام عليكم ورحمة الله وبركاته
عزيزى أحوال الهوى:أنت تمتلك حس مرهف وكلمات معبرة
تحياتى
أتمنى منكم زيارة مدونتىعلى الرابط التالى:

http://alooloa.blogspot.com/

ويارب تعجبكم

أنا حر يقول...

احساس عالي قوي بس الكلمات محتاجة منك قراية كتير علشان تبقى اقوى
مجهود متميز
تحياتي

مـجـنـووون يقول...

كلمات جميله واحساس اكثر من رائع


عذرا اخي الكريم علي عدم تواجدي بمدونتك الرائعة وفي تاخري عن مروري بمدونتك
ارجو ان تتقبل اعتذاري
مجنووون

Kiara يقول...

لاني عـــارف ان حبــــك موجود و لكن مش شاريني


بابتي بابتي ايه الكلام الكميل دا

والله خلتني ادمع


مبدع دايما يابابتي

rovy يقول...

السلام عليكم
كلماتك جميله و احساس صادق جدا ممزوج بلوعة العشق و الحرمان ..

دمت سالما و دام قلمك يشدو بأجمل اغنى الهوا ..

تحياتى

أحــوال الهـوي يقول...

الوردة البيضا

صدقت الحب حيره
و اجمل مافيه الحيرة فانت تفكر بالحبيب دائما تريد ان تعرف هل يحبك فتتقد في قلبك المشاعر و تختلط
قلبك يحب و يعرف ان الطرف الاخر يحب قبل ان يصرح لك بحبه
فاذا تركك لتخمينك فانه زادك لوعة و حيره

تحياتي

أحــوال الهـوي يقول...

شمس النهار

حب من طرف واحد
و مناقشه حائرة و حب يبحث عن هويه
و ده من زمان ايام الستينات و انا صغير

و انا نزلت البوست زى ما معاليك امرتي بتغيير موضوع اليهود
تحياتي

أحــوال الهـوي يقول...

fashkool

حبيبي فشكول بك

انا بتاع كلام بس و لكنك كل الاحساس و الرقه
وواضح الشقاوه من تحت النظارة

و الرومانسيه في الابتسامه الذكيه

و تاريخ اليهود و احقيتهم تم فعلا دسه في التاريخ منذ زمن قريب

تحياتي

أحــوال الهـوي يقول...

Beram ElMasry
عزيزي بيرم

ارجو مراسلتي علي الاميل
eallam@isam.com.sa
كي احصل رقم هاتفك لتنسيق المقابله في فبراير
لدي سفريه علي سويسرا و سوف انزل مصر لعدة ايام في الذهاب و العوده و لي رغبه برؤيتك و الاستاذ فشكول

تحياتي

أحــوال الهـوي يقول...

ادم المصرى
اشكر لك احساسك المرهف و هذا ليس بغريب عليك لان تعليقاتك دائما تبحث عن الزمن الجميل

تحياتي

أحــوال الهـوي يقول...

ماما أمولة

دائما انتظر تعليقاتي المتخصص الدارس
فاذا اثني انتشيت و اذا نصح سمعت و اذا انتقص بنفسي قومت

شكرا لك

و تحياتي

أحــوال الهـوي يقول...

Dr Ibrahim ...
يا عم الدكتور
بيداري

و اعمل ايه غير اني اكتب اشعاري

تحياتي

أحــوال الهـوي يقول...

اللؤلؤة

يشرفني زيارتك
والان سوف اذهب الي مدونتك لاذداد شرفا

تحياتي

أحــوال الهـوي يقول...

أنا حر

اوعدك بالقراءه لتحسين اسلوبي
تحياتي

أحــوال الهـوي يقول...

مـجـنـووون

انت الرائع و جنونك قمة العقل و عقلك من الجنون

اعرف عنك الكثير من تعليقاتك التي اصادف في المدنات

و احساسك الرقيق في مدونتك

تحياتي

أحــوال الهـوي يقول...

كيــــــــــــارا

تعليق قصير و لكنه مركز و دائما تختاري الجمله المميزة من كل عمل اكتبه
انت اكتر و احده فاهمه بابتك

اخبار المذاكرة ايه يا دكتور

تحياتي

أحــوال الهـوي يقول...

rovy

اترجم احاسيس الانسان بما احاول ان استشعره منها

فاذا وصلت الرساله هنأت نفسي بصدق الاحساس

تحياتي

عمرو جويلى يقول...

السلام عليكم ورحمة الله وبركاته
عزيزى
أحوال الهوى أشكرك على زيارنك لمدونتى
-من زمان ياغزيزى لم أسمع الشعر ولكنى عندما زرت مدونك وجدت شىء جميل لم أسمعه من زمان
تحيات اللؤلؤة

عمرو جويلى يقول...

عزيزى أحوال الهوى:
والله رجعتنا لأيام الشعر الجميل الرقيق العذب
تحيات اللؤلؤة
وأرجوا إستمرار مدجسورالتواثل بيننا

Unknown يقول...

(كـل ما تقــابلني خـــــبي عـن عنيـك فرحـــة لقايــــا
داري عن قلبــك و قلبي اشكي بس دمـــوع اسايـــا)
..............
ماينفعش لان قالولك ايه؟
اللى يحب يبان فى عينيه
وبدال تحب بتنكر ليه؟

Gannah يقول...

السلام عليكم
أنا آسفة الحقيقة لانى اتأخرت فى زيارة المدونة لكن اعذرنى يا أخى
أنا شفت البوستات اللى كانت فى مرحلة العدوان الصهيونى والحقيقة واضح انه فاتنى كتير
التعليقات على البوست مسابتليش حاجة أقولها وده كله لانى جيت متأخرة
تقبل تحياتى

أحــوال الهـوي يقول...

اللؤلؤة

انت من تكرم و كان له السبق للزيارة و هذا من كرم اخلاقك

احاول ان اترجم بعض الاحاسيس باسلوب منظم قريب من الشعر

تحياتي

أحــوال الهـوي يقول...

اللؤلؤة

لانك درة متفرده تري الاخرين من خلال صفاء قلبك بصورة جميله
اثلجت صدري بثناءك
و ارجوك بدوام الود و التواصل

تحياتي

أحــوال الهـوي يقول...

norahaty

عليكم السلام و رحمته وبركاته
ازيك يا دكتوره
ايوه اللي بيحب بيبان في عنيه و لكن الحيرة اذا كنت تحب و تظن فيمن تحب انه يحبك فتترجم اي رد فعل منه لصالحك و في النهايه تجد انك تخدع نفسك وان ما رايته غير الحقيقه

فهمتي حاجه

تحياتي

أحــوال الهـوي يقول...

Gannah

اختي الفاضله

ابان اعتداءت و مذابح غزة تركت الحميع في حالة اكتئاب و يأس و ظننت ان هذا فيه نصر للعدو
فقمت بالتحويل الي الاغاني للخروج من حالة زهد الدنيا التي اصابتنا جميعا الي شئ رقيق من باب التغيير

تحياتي

ولد مصري يقول...

الله يقطع الحب وسنينه اللي يخلي الأحبة يعملوا في بعض كده

ليه تخلي الحيرة بينا ليل بيشقى نهار هوايا
ليه تخبي الحب عنا وانت وصلك كان منايا

أهم الكلمتين دول عاوزين واحد زي القصبجي وواحدة زي الست ام كلثوم وهاتك يا غنا فيهم للصبح

بجد كلمات توجع القلب

ماهي نقصاك أصلها

خالص تحياتي

أحــوال الهـوي يقول...

ولد مصري

و نروح بعيد ليه و عندنا الموسيقار الجهبذ و قائد الاروكستر الهمام ولد مصري
يا عم لحن و نخللي المطرب العاطفي ابو الصوت الشجي و القوام اللممشوق بوبوس الاصيل يغني و يبقي زيتنا في دقيقنا

و الله انت عسل

تحياتي

فشكووول يقول...

سبحان مقلب القلوب
من فينا ما فيش فى قلبه حب دفين ومستخبى .. كلنا يا صاحبى هذا الرجل
اسعدنى تعليقك عندى .. اصل الواحد لما بيشوف احوال الهوى معنوياته بترتفع واما بتغيب عنى معنويات بتتعب خالص
دمت حبيبى بكل الود

Unknown يقول...

طبعا فهمت يافندم
أننا ناخذ او نتوهم
مانريده ونتماه ونفسره
على حسب هوانا(ومزاجنا)
فهمت انت حاجة!!!!!!

أحــوال الهـوي يقول...

fashkool
حبيبي فشكول بك
انا اتكلم عن ماضي بعيد ايام الستينات لما كان الواحد صغير و بيحب و يتمني
و دلوقت مشاعر الحب و اللهفه بشوفها في عيون الشباب

و بما انك من عشاق التاريخ
اول حب في حياتك ؟؟؟ امتي

تحياتي

أحــوال الهـوي يقول...

norahaty

يا دكتور انا باضحك معاك
و عارف ان سؤال ذكي و عميق
و جاوبت بنفس طريقة السؤال

اوعي تزعلي انت برضه في سن بنتي هي في 3 صيدله و باكن لك كل احترام و موده

تحياتي

مدينـة من النسـاء يقول...

لاني عـــارف ان حبــــك موجود و لكن مش شاريني

**

ملامحنا بتحكينا مهما دارينا
حتى لمسة ايدينا في السلام بتقول كلام
ومهما خبينا
كل حته فينا بتجري عليه
ومهما حشنا عنينا من نظرة عنيه
مش هانقدر نقول لروحنا موتي
مش هانقدر نخنقها
مش هانقدر نقول بلاش تعيشي فيه
وخساره بعد دا كله
نلاقيه عاشقنا ومش شارينا
عاوزنا كلمه حلوه او نظره دافيه في ليل وحيد
يجى النهار
واحنا خلاص بنشوفنا حلم أو حتى وهم
تموت روحنا
وهو يصحى يقول الله
حلم كــان جميل


**

أرق تحياتـي ليك

Unknown يقول...

يافندم انا لايمكن
ازعل منك ابداابدا
هذا شرف لىّ ان تعتبرنى
مثل ابنتك هذا شرف عظيم
اشكرك عليه والله ولكنى اكبر سنا
ب.... سنة! ولو سألتنى كام سنة بالضبط ساعتهافعلا حزعل حزعل حزعل حزعل اوى.ادام الله عليك نعمه ظاهرة وباطنة وادام عليك ولك اسرتك وابقاك الله لها نعم الاب ونعم الصديق.

فشكووول يقول...

حبيبى الدكتور احوال الهوى
انت بتجرجرنى لآيه ... ايييييييه .. ايام..
تصدق اول حب فى حياتى كان فى تالته ابتدائى .. لبنت كانت زميلتى .. واتجوزت واحنا فى الاعداديه .. ومن يومها ما شفتهاش لحد النهارده .. لكن اسمها وشكلها ورسمها .. محفور فى الذاكره... زى عضة الكلب بيفضل سايب ندبه ... ايه ده يا دكتور .. انت عايز تفضحنى ولا ايه؟
تحياتى

أحــوال الهـوي يقول...

مدينـة من النسـاء

الله الله .... الله يفتح عليك

كلام و نغم
تراقصت معها اهاتي و نبتت في مهجتي امال وذبلت معها الالام

انت مدينه من الاحاسيس النقيه الطاهرة
حقيقي طربت من تعليقك

تحياتي

أحــوال الهـوي يقول...

norahaty
السلام عليك ورحمته و بركاته
انت ليك معزه خاصه لانك انسانه ملتزمه بكتاباتك محترمه في ردودك

بك طيبةو رقة و عذوبة بنتي الحبيبه
ويشرفني ان تكوني ابنتي مهما كان سنك
و اسعد دائما بتواجدك و حضورك

سترك الله في الدنيا و الاخرة و رزقك من حيث لا تحتسبين كل ما تمنيت

تحياتي

أحــوال الهـوي يقول...

fashkool

يا الله
كل شئ بتفشكله ..... حتي الحب زي عضة الكلب
انت خفة دمك مالهاش حل
و ان حاولت احاورك انا مش قدك

ربنا يخليك بتفائلك و اقبالك علي الحياة و حبك لكل الناس

تحياتي

غير معرف يقول...

احوال الهوى يا حبيبى .. ما هوا انت سألت سؤال على الجرح .. والله يا دكتور البتاع الاول ده ما بيطلعش من القلب ابدا وحتى الواحد لو بقى سنه 100 سنه ويفتكره بيفتكر حاجات بتفرح القلب .. انت عايز تعرف كل اسرارى ولا ايه على العموم انا حاوقع التعليق باسم مجهول(غير معروف ) بس انت عارف صاحبه يبقى مين بس عشان مش كل الناس تعرف صاحبه وتقعد تقولى بقى وانا اكسف ووشى يحمر والبس نقاب من الكسوف زى شعب الطوارق اللى فى غرب افريقيا
تحياتى

my dream يقول...

حيره جميله
احساس جميل
بس الحب صعب يتخبى
ده كان اولا
ثانيا بقى البوست الي فات جامد بجد
رائع مقارنه ياريت العالم كله يشوفها ويفهمها هلكونا ياعمي بالهلوكوست واستنزفوا العالم كله دلوقتي هما عملو اصعب من الي اتعمل فيهم حد يفهم حد يستوعب ؟؟؟!!!!!!!!!!!
مع وافر احترامي
مروه

Unknown يقول...

السلام عليكم
كلماتك بها عذوبة الحب
وجمال المشاعر الصادقة
تعبيرك جميل
وفقك الله

المخرج يقول...

اللة اللة يابوب ... تسلم

عاشقه الرومانسيه يقول...

كـل ما تقــابلني خـــــبي عـن عنيـك فرحـــة لقايــــا
داري عن قلبــك و قلبي اشكي بس دمـــوع اسايـــا
ليه تخللي الحيـره بينــا ليــل بيشقي نهــــار هوايـــا
ليه تخبـي الحـــب عنــا وانت وصـلك كــان منـايـــــا
شايـف الازهــار جمالها عـايشـه في جنـــة هـوايـــا
ســامع الاطيــار املـــها و شـدوها نشــــــوة صفايـا


واااااااااااااااو
جامده قوى الابيات دى

عجبتنى جدااااااااااا

تحيـــــاتــى يافنان

اتمنى زيارتك

أحــوال الهـوي يقول...

غير معرف يقول..
و الله لو كتبت التعليق باسم مش ممكن يبقي معروف
هاعرفك
لان اسلوبك مميز و لو قريته في صحيفة الرساله سنة 1950
و التاريخ يشهد

ايوه الحب او الاعتقاد في الحب لا يمكن يتنسي
و الحب العذري بكل تفاصيله ابقي في الوجدان و الخاطر ما حيي الانسان لانه لم تطفئه شهوه ولم تشوبه مصلحه

يمكن اكون انسان حالم في عالم مادي و لكن ده راي و قضية عمري و لم استشعر بعاطفة الا جياشه بقوة الا في نفس الاطار حتي لو لم تعرف صاحبتها بمشاعري

تحياتي

أحــوال الهـوي يقول...

my dream
صعب الحب انه يستخبي
نعم صعب
و لكن ان توهمت انك تحب شخص و هو لا يدري عن هذا الغرام ثم تترجم كل سكناته و نظراته الي ما تتمني فهذا مفتاح الحوار

انه و هم ايتها الشاعرة الحالمه تزرع الحيرة في نفس المتمني

بالنسبه للموضوع الاخر فلقد وصلني ملف به ما يقرب من 30 صورة توضح هذه المقارنه و للاسف لا اعرف من تكبل كل الجهد لتجميعها فكل الشكر لصاحب هذا المجهود الرائع



تحياتي

أحــوال الهـوي يقول...

نهر الحب

انت نهر الحب
و علي ضفتيك ينهل العشاق من فيض احاسيسك الصادقة

تحياتي

أحــوال الهـوي يقول...

المخرج

مرحبا بحبيبي ...في اول زيارة و ننتظر ابداعاتك في الوقت المناسب
فانا اعرف امكانياتك الفنيه و ابداعاتك الاخراجيه

تحياتي

عاشقه الرومانسيه يقول...

ايه يافنان اللى حضرتك كتبته
عندى انا مش فاهمه
ايه اللى اكتشفته فى شخصيتى ياترى؟؟؟؟؟؟؟؟؟؟
ههههههههههههه
اللهم اجعله خير

أحــوال الهـوي يقول...

عاشقه الرومانسيه

و صول احساس الكلمه اليك شرف لي و فخر

اتمني ان اجدك و تعليقاتك الواعية الناقدة دائما

تحياتي

أحــوال الهـوي يقول...

عاشقه الرومانسيه

ابنتي

كتبت الرد في مدونتك
اعذريني ... لا انجم و لا افتح البخت و لكني اقراء ما بين السطور

تحياتي

همس يقول...

وليه تخبى

خليها تتجنن وتعلى صوتها

وتقول انا بحب

mahasen saber يقول...

شعور صعب قوى واحاسيس عاليه وراقيه قوى

وكلمات جميله عشان معناها حلو

وفرق شاسع بين الصوره اليى فوق والصوره اليى فى نص البوست
شراسه وبرائه

..........

كلماتك طبيعى بتدخل القلب

اسفه اتاخرت عن المدونه
طبعا متأخره كالعاده ..السماح والعفو
واسفه جدا جدا لو اتاخرت

حاسوباتيه يقول...

ايوه كده بالمصري كده انا افهم

كلمات جميله طبعا ومعبره
تحياتي ليك وشكرا على نقدك الجميل لاجابتي على التاج هتلاشاها بعد كده شكرا ليك

أحــوال الهـوي يقول...

همس

يا زعيمة المتفرقعين
برضه بتصرحي و تعالي صوتك

انا باتكلم بلسان واحد متفرقع من واحده لا هي داريه و لا حسه
واحد و همان ان و احده بتحبه و عمال يترجم اللي بيشوفه بمزاجه

تحياتي

أحــوال الهـوي يقول...

mahasen saber
تعرفي انت اول شخص يلاحظ و يعلق علي الصورتين
و ده دليل علي قوة ملاحظتك
و علي الرغم انها مقصوده
انا برج الاسد و هي لاني لا اعرف برجها ورقتها مثل العصافير رمزت لها باعصفور

و بتغمز بعنيها لان نظراتها محيرة
اعطي نفسك درجة ذكاء فوق 135 درجه

لا تعتذري علي التاخير فحضورك في اي وقت سعادة لنا

تحياتي

أحــوال الهـوي يقول...

حاسوباتيه

يوم لما تبقي عروسه قولي قبلها و انا اكتب لك اغنيه بالمناسبه

تحياتي

همس يقول...

لو سمحت يا هوا

انا متفرقعه سايقا

وفضيه حاليا فبلاش تسيح ليا انى احذرك

بنفس الصوباع

وبعدين اه اعلى صوتى طبعا

اشمعنى لما نحب نوطى الصوت

لالالالالالالالالالا

كلا البتا

يلا اعتبرو جنان منى

DoNyA يقول...

كلمات جميله
تستحق كل الاهتمام
من الحبيب لمحبوبه

عمرو جويلى يقول...

السلام عليكم
عزيزى أحوال الهوى:
شرفتنى بزيارتك وأشكرك على تعليقك المميزيا شاعر الرومانسية الجميل
ويسعدنى التواصل معك

أحــوال الهـوي يقول...

همس

الحال من بعضه
لا تعايرين و اعيرك
و لانك لذيذة باحب اضحك معاك

تحياتي

أحــوال الهـوي يقول...

DoNyA

و ده راي ايضا

تحياتي

أحــوال الهـوي يقول...

اللؤلؤة

منور و انت كمان رومانسي قديم

تحياتي