قوٌل لهجرك ان وصلي كان حياه بالنسبه ليك
و مهما راح تأسي و تنسي لسه قلبي روحه فيك
بتروح تغيب و تقول حبيب
و احنـــا نصيبنا ف اللقــــا
بتقول ده يوم أرجع و الوم
و اقــول كفــايـاك بقـــــــا
الصبر داب و الشوق عذاب
ارحمني من داء الشقــــا
بتقول مسافر اقول يا هاجر
تفوت حبيبك من غير وداع
تعند و تبعد من غير جواب
و تسبني يشجيني الضياع
ارجع لوصلك و ارحمني اصلك
اخدت فرحي معاك و ضـــــاع
هناك 78 تعليقًا:
الله.....الله
كلمات معبرة جدا
دمت مبدعا
تحياتى
بسمة
كالعاده كلمات حلوه قوي ولذيذه جدا
كلمات جميلة
تسلم ومشكوررر عليها
تحياتى
مش ممكن يكون دا حب من طرف واحد :):)
ياااااااااه بجد اد ايه الحب جميل جدا
تسدق بلله انا سعات بستمتع لما اسمع قصه حب من طرف واحد بينى وبينك اصلى واخد على كدا بس ميهمش اهم حاجه الصدق فيه ميكنش هوائى بس ايه الجمدان الى انتا فيه دا بجد روعه كل مره بمتياز عن الاخره اهنيك
الله الله عليك يا صديقى الرقيق
أيه الكلام الحلو ده ؟؟
أيه العتاب الرقيق اللى زى ما يكون كده مش عتاب لكن غزل و تعبير عن المحبه
بجد عجبتنى أوى أوى
بارك الله فيك و تقبل خالص مودتى و تحياتى
إيه الروعة دي ..!!
بجد جميلة جدا ..
تسلم ايديك
BA5MA
اهلا بك يا بسمه
تحياتي
حاسوباتيه
اظن انا كتبت بالعاميه يا عروسه
علشان تبقي لذيذه
تحياتي
Tamer Nabil
لا شكر علي هجر
تحياتي
Dr Ibrahim
يا دكتور
ده حب من غير اطراف خالص
مكسح
ياابني انا باوصف حاله و ليس شرط انني في تجربه غراميه
تحياتي
ادم المصرى
تعالي نعمل جميعة المحبين من طرف واحد
اولا انا باوصف حاله لمشاعر معينه
ثانيا اذا و صلت احاسيسي لشخص رقيق مثلك و صدقها معناها قدرت اصل لعمق المشاعر
ثالثا باشكر متابعتك و تعليقك
تحياتي
عمرو
عمرو الحبيب الفنان الشامل و الاديب الريب
تواجدك دائما يسعدني
و تعليقاتك تبهجني
ادام الله صدقتنا و محبتنا
تحياتي
سمو الامير
تنازل سموك و زيارتك انا فخر لدولة احوال الهوي
تحياتي
ارحمني من داء الشقــــا
هي داء بمعني مرض والا ده بمعني ده
الكلام جميل جدا
بس ايه العتاب الجميل ده
انا لو منها انكد عليك يوم واصالحك يوم مادام هسمع كلام جميل كده
لا حلوه بجد
سيمفونية عتاب
شمس النهار
انا باسعد بتعليقاتك الواعيه و داء مش بمعني المرض لكن بمعني العاده المزمنه
لو سعادتك تعرفي الحقيقه انا باكتب ليس من تجربه حقيقيه بل احاكي حاله معينه و احسها ثم اكتب عنها و غالبا استقي هذه الحاله من قراءه او كلمه في مدونه او خاطرة في ركن من مكان ما ثم احاول ترجمتها بطرقتي
احاول ان ارقي بالمشاعر للخب العذري ليفهم الشباب ان العاطفه لها لذات حسيه ارقي و ابلغ من الماديات و الافكار السلبيه التي تزخم بها الوسائط و النت و الافلام الخ
تحياتي
ايه الرومانسيه دى
فعلا الواحد بحس بالضياع من غير اللى بيحبه...
والحياة بتبقى دمها تقيل ومالهاش لاطعم ولالون ..
تحياتى
هذه حالة من احوال الهوى من طرف واحد
نسجتها بحروفك الذهبية
لتمتعنا بها
تسلم ويسلم احساسك الرقيق
دمت مبدعا اخي الكريم
كل كلمه اجمل من اللى بعدها
بجد الكلام اكتر من رائع يافنان
وحسيته قوى
تحيــــاتـى
امممممممممممممممممممم
والله انتى اللى هتفرسنى
كل ما ادخل اقرا حاجه القيها مليانه معانى حب فوق الرائع
بس بحسها غم
عااااااااااااااااا
يلا قلنا حاجه تخلينا نحب حتى لو فى خيالنا يا خويا
لن اُطيل
حقاً فنــــــــــــان
مع وافر احترامي
مروه
وجع البعاد ده صعيب ومالوش اي حلول إلا بلحظه لقاء _ لكن تعالي اسألك _ هل لما تتقابل الوشوش مرتين بتبقي هيه هيه نفس الوشوش : انتظر اجابتك
البعد
الفراق
الانتظار
السفر
الرحيل
الغربة
الحب
العذاب
كلها مفردات لا تزال تلهب المشاعر وتوجع القلب
كلام معبر
عن موقف صعب
مشكورر
اختك هند
تحياتى
الله عليك
كتير نآمن لقربهم
ويكون نصيبنا جرحهم
فاكرين حياتنا كلمة آه بتنتهى
ميعرفوش كان كل همنا بس نظرة فرحهم
دا حتى الفـرح خدوه معاهم
وسابوا لينا ألف دقة انتظار
لكلمه واحده تحكي لينا عنهم
نظره واحده تضمهم
كلمة عتاب يسمعوها مننا
يمكن
يمكن يحسوا ايه جرى لنا في بُعدهم
بجد الله عليك ..
بنت الغربة
مر زمن طويل لم اسعد بزيارتك ارجو دوام التواصل
تحياتي
ماما أمولة
الام الحانيه لللغة العربيه
حقا حاله من طرف واحد كالعاده
تحياتي
عاشقه الرومانسيه
من اكثر من عاشقة الرومانسيه تشعر بالكلمات... و تنتشي بالمعاني
تحياتي
همس
انت اكثر واحده بتحب و لكنك في مشاعرك دائما شرسه بتحبي مصر و بتاكلي اللي بيقرب لها
حبيتي و اتفرقعتي و برضه شرسه في مشاعرك
حبي الحب برومانسيه ورقه حتي ولو في خيالك تهدا نفسك و سوف تستوعبين الحب القادم بعذوبه
علي فكره انا حاسس بانك في طريقك لحب جديد لانك بتطربي لاحاديث الرومانسيه
تحياتي يا فرساني و فارسك
my dream
مازلت في خجلك و تحفظك حتي في ردودك
يسعدني مرورك
تحياتي
احمد على نصار
سؤال عميق و له الف اجابه و لعلك تبحث عن اجابة بذاتها
عندما تتلاقي الوجوه تختلف فاذا تآلفت الارواح و النفوس كان اللقاء و الترجمه للاحاسيس متباينه
فاذا احببت اصبح بكل لقاء تالقه و جماله
واذا تباغضت النفوس اصبح اللقاء مشبع بالبغض و البشاعه
تحياتي
فهد
ايها القاص البارع
هذه مفردات نعرفها
و اعتقد ان من متع الغرام التنويع و التغيير في المشاعر حتي و جع القلب ؟؟
تحياتي
مملكة حديقة الحيوان
ابنتي هند
اشكر لك ارشادي الي مدونتك القيمة
تحياتي
مدينـة من النسـاء
حينما يصدر التعليق من شاعر يصبح له مذاق و رائحة بل و روح
اطربني تعليقك فلقد عزفت علي نفس الاوتار و الكلمات و لكنك شدوت بلحن اخر فيه احساسك و شعورك انت فكانت ابداعة فريده
تحياتي
حبيب قلبى يا غالى .. يا مسهرنى ليالى
يا مداوى جراحـى ..ومبلغنى الامانـى
ومنسيتى انينـــى ..ومـزود حنينــى
امتى الوصال يا حبيبى .. امتى الوصال يا حبيبى
احنا كمان ينعرف نفشكل شعرم يعنى ونعرف نقول برضه حاجات حلوه ومفشكله
انت يا احوال تيجى فى ايى وقت ولو ما لحقتش حاجه انا حاجز لك منابك عندى
تحياتى يا دكتور
لصبر داب و الشوق عذاب
ارحمني من داء الشقــــا
***********
الله يابابتي
اكنك بتحس باللي جوايا وبتكتبه
روووووعه بجد
وانا جيت اهو يابابتي ولغتي سهله خالص مالص بالص تالص :)
fashkool
يا حبيبي انت مسموح لك تفشكل كل شئ
و الشعر الحلمنتيشي الجميل وراه حبيب قديم
و شكرا ياسيدي علي الحته و المناب اللي بتسبهولي صاحبي و كوسه بقي
ابعت لي اميلك علي العنوان ده
eallam@isam.com.sa
,و تليفونك لاني نازل اسبوع علي مصر ففرصه اكلمك او اقابلك
تحياتي
كيــــــــــــارا
اللي جواك
خير يابنوتي
ارجع لوصلك و ارحمني اصلك اخدت فرحي معاك و ضـــــاع
و ايه رايك فيه
ايوة لغتك واضحه هنا عندك بتوهيني
تحياتي
جمله شدتني من اول وهله قرتها
ويمكن جذبتني اكتر
اللي جووايا كتيييييييييييير بس ربك كبير يابابتي
واللغه بتطلع لوحديها والله انا بكتب زي مابتكلم فا اللغه حسب المود لو لقتها زي اللغه العاديه تعرف ان جوايا حزين ولو لقتها زي الطلاسم والحروف طايره تعرف اني مبثوطه
دا في الحياه اما الشغل والدراسه فبحاول ابقي جد عشان مش في حد يستصغرني
كلمات معبره.. بسيطه وقةية...طالعة من قلب بيحب
أمنياتي
إحساس عالي
الله يخرب بيت الهجر البعد (ده نفس احساسك بس باسلوبي)
بجد يا دكتور انا باجي عندك آخد جرعة إحساس وأخرج تاني
الا مالقيش عندك علاج لموضوع الاحساس ده سواء حقن او كبسولات او حتى لبوس يمكن الواحد يقدر يكتب له كلمتين حلوين من بتوعك دول :))
تحياتي
كيــــــــــــارا
بنوتي الجميله
عارف انك وقت الجد و الشغل طاقه مشتعله و تركيز تام
انا جربتك فاكرة المدونه اياها في التاريخ و تحويل ملوك الفراعنه الي انبياء
من ردك عرفت قوتك
و في حواديت البناتيت استعملي اي لغه
و لما كتبت خواطرك استخدمت مصطلحات اخري
انا ايضا كتبت فصحي قليل من الناس حس و فهم كلامي و كتبت بالعاميه الراقيه البسيطه علشان اقدر اوصل للناس
كوني كما تريدين بشرط ان تكوني انت
تحياتي
من غير عنـــوان
انا قلبي فعلا يحب اولادي و بيتي
و ما احاول كتابته حاله من الاحاسيس استقيها من متابعة نبض الحوارات في المدونات المختلفه و من الممكن ان تخطر بي خاطرة ما و انا اتابع افكارك حتي ولو لم تكن لها علاقه بما اكتب
تحياتي
ولد مصري
يا سلام
اعتبر ان كلامك ده من منطلق المجامله و الصداقه
عرفت انك بتعمل مقراءة قرآن من بوبوس الكسلان البيتوتي لو محتاج لثواب كبير تعلم واحد جاهل مثلي انا مستعد اخدمك و احضر
تحياتي
دكتور أحوال باشا
أولا كلامي ده مش مجاملة لكنه حقيقة جلية طبعا مع وجود صداقة اتشرف بها
بالنسبة لجلسة القرآن خلاص يا ريس اعمل حسابك يوم السبت الجاي بإذن الله بعد صلاة العشاء "مباشرطن" تضربلك جلبية بيضة الأصيل أو الدفة وتظبطلك طاقية حلوة كده وانتظر الاشارة :)
كان المفروض تيجي معانا امبارح بس حاولت اتصل بصاحب المكان استأذنه بس للأسف ماسمعش التليفون وماردش ولو انه بعد لما عرف رحب جدا لكن معلش الجيات اكتر بإذن الله
تحياتي
http://nouranelshamly.blogspot.com/
ده مدونه نوران او خيخه ممكن تعزيها فيها شكرا ليك
ولد مصري
ربنا يبارك فيك وفي صاحب المكان
للاسف انا مسافر مؤتمر وراجع يوم 20 فبراير
خلينا علي اتصال و اوعدك بالانتظام والانضباط و انا تلميذ مطيع
شكرا لاهتمامك
تحياتي
~*§¦§ Appy §¦§*~
اشكر لك سعيك و جهدك
اعزك الله و نصرك و سترك في الدنيا و الآخرة
تحياتي
موهبتك العاميه الغنائيه
حلوه اوي
ربنا يوفقك
والله يا أحوال ان كلامك احلى من كلام كتاب أغانى كتير ...يعنى دى والا اللى كان داوشنا بأغنيةو من كلمتين هما " الدنيا مااا جنونه ماااا جنونه ماما جنونه والحب لازم والحب لازم ..
بس ليه حتتين صغيرين
البيت الآتى ناقصه حته قياسا على ماقبله
بتقول ده يوم أرجع والوم واقول كفاياك بقى ..(ناقصه حاجه )ممكن يزاد فيصبح
بتقول دا يوم أرجع والوم واقول كمان كفاياك بقى كده تبقى ماشيه موسيقيا مع ما قبلها ...يعنى مجرد رأى
الملحوظة التانيه هى كلمة يشجينى ..هى كلمة وإن كانت تعنى الحزن فهى تعنى الحزن المقرون ببعض السعاده والطرب والأمل..فما رأيك لو صارت( يضنينى) الضياع أو تكون فكاهية كعهدى فى قصائدى فنجعلها ( يهرينى الضياع )..واوعى تزعل من هزارى ..لا أمزح إلا مع الأحبة ..وأسجل إعجابى بكل أشعارك عامية وفصحى
خالص الموده
الكلام فيها من غير ما اشوف العصفور
بس العصفور التانى بيرمز لمين
ليك يا احوال انتا مش كنت اسد
بس ربنا يسعدها بيك ويسعدك بيها صاحبة اجمل كلمات تكتب فيها حتى لو بتعبر عن لوعة البعد والمه
ربنا يسعدكم ويهنيكم ببعض وتلاقوا فى بعض ما فقد فى مجرى الايام
الصبر داب
والشوق عذاب
ياسلام ياسلام
الله على كلام العاشق الولهان
DoNyA
اري انك متغيبه منذ وقت طويل انشغال او امتحانات
تحياتي
maxbeta3zaman
يا دكتور مجرد دخولك عندي و تعبك بالتعليق شرف لي و فخر
زمان من يجي 28 سنه و انا بالجامعه كنا عاملين مسرحيه و استدعي الامر اننا عايزين نكتب اغاني فيها وكنت عمري ما كتبت عاميه و ربنا رزقنا الفكرة و كتبتها و عند التلحين غيرنا شويه كلمات و اضفنا مثل سعادتك تفضلت بدون احلال المعني وكانت رائعة
سعدت باضافاتك و يشرفني صداقتك
تحياتي
mahasen saber
بيعجبني ذكاءك
الاسد بقي فرخه اصل الحب بهدله
لكن الحقيقه انا اكتب عن حاله معينه قد اجدها في اسطر قراتها او لقطه في فيلم تأثرت بيها ... و لا يوجد في حياتي غير بيتي و اولادي
اريد ان انقل احاسيس جميله في الحب للناس ليس فيها غزل صريح بالمفاتن و الاعراض و ايضا تبعث جمال الحب و سمو مشاعره
اكره ان تكون المراة جسدا ففيها ايضا العذوبة و الحنان
فلماذا يركز الكتاب و الشعراء فقط علي هذا الجانب الذي يثير الغرائز و يحرك الشهوات
ان جانب المشاعر ينقي النفس و يبهج الروح و يشع من السعادة ما يرقي فوق نشوة الشهوه
اسف للاطاله و لكن ذكاءك المتقد ما دفعني ان تشاركيني الراي
تحياتي
جميلة جدا
تحياتى لقلمك المبدع
GHARAM
حينما القي المديح من كاتبة و اديبه بحجم ثقلك
اطرب و يصيبني الغرور و اصدق نفسي
تحياتي
قوس قزح
تحياتي اليك
و شكرا لزيارتك الغاليه
لا ابدا ولا انشغال ولا امتحانات
اكتآب
بس الحمد لله ان شاء الله هيروح لحاله
شكرا لسؤالك
السلام عليكم
عزيزى أحوال الهوى قصيدة جميلة وكلمات روعة يا أبو الرومانسية
يسعدنى التواصل معك
DoNyA
عزيزتي
سلامتك من الاكتئاب
اعرفك صلبة قويه من كتاباتك و موضوعاتك
و تلك الحاله مرت بنا جميعا ايام مذابح غزة و لكنني وجدت الحياة لا بد ان تستمر
تحياتي
اللؤلؤة
ربنا يديم التواصل بيننا نكمل بعضنا انت التاريخ و الواقع و انا الخيال و الوهم
تحياتي
كلماتك جدا جميله
مؤثرهومعبره وقويه
استمتعت بالابحار معها
بانتظار جديدك دوما :)
اقصوصه
اشكر لك اهتمامك و التعليق
ننتظر عودتك الي تدويناتك الجميله مرة اخري
تحياتي
الاخ العزيز . أحــوال الهـوي
السلام عليكم ورحمة الله وبركاته
اهلا اهلا دكتور عصام هل عدت من السفر لنقول حمدا لله على السلامة ، انقطعت عن القصيدة السابقة اظنه للسفر المهم ارجو ان تكون بخير فى جميع الاحوال
شكرا لك على الزيارة
لك تحياتى والسلام عليكم ، ولا سلام مع اليهود
Beram ElMasry
استاذنا الكريم
حتي ان لم اكتب تعليقا فاعرف انني لابد ان امر لانهل اكسير الحياة من اشعارك الراقيه
فلا تلوم غيابي ان لم اعقب علي دررك الساحرة فاني استنشق منها زادي ثم امضي
و فخر لشخصي الضعيف ان القي اهتماما منك استاذي تبحث عني و تفتقدني
دمت دائما مبدعا
تحياتي
العزيز احوال الهوى
قريت تعليقك عن الاحفاد عند ماكس
انت ان شاء الله حتغير رأيك خالص لما تشوف اول احفادك .. حاجه كدا زى الزبده والعسل الابيض وكمان العسل الاسود والمنيل بنيله
الواحد بيقعد معاهم وناسى الدنيا كلها ومش عشان بيشوف فيهم نفسه ولا ولاده .. دى حاجه من عند ربنا
طب اما ربنا يديك حفيد زى الواد احمد ابن الكلب ابن ابنى مش حتسيبه خالص وعايز تاخده من ابوه وامه وتنيمه جنبك على السرير ومش تسيبه ابدا .. بس العيال الرخمين ولادى مش بيرضى يسيبوه عندى ويمشوا وبياخدوه معاهم وانا اقعد مكتئب ومشمئنط خالص
خالص تحياتى ز. ويا رب تشوف احفادك
انا جايه علشان اشكرك
اشكرك بجد على اهتمامك
ولو ان اى كلمه شكر قليله
fashkool
تصدق بالله .... من كلامك الجميل و الحنية اللي بتشع منه اتمنيت اكون حفيدك
انت راجل جميل و قلبك كله عذوبه و تفائل
ربنا يخليك لاولادك و احفادك و ملايين الناس اللي بيحبوك
تحياتي
عاشقه الرومانسيه
يا ابنتي لا شكر من ابنه لابيها
اعتقد ان سنك من 20-23 سنه
اتحدث معك مثلما اتكلم مع ابنتي
تحياتي
انا قرأت المدونة اللي كلها اشعار جميلة باللغة المصرية الحلوة اللي طول عمرها بتجذب حتى غير المصريين
بس زعلانة ومقهورة أنك مجتش المدونة عندي تاني ياشاعر
على العموم جمهورك كتير ومؤكد مش محتاج رأي سوتيته في اشعارك
تحياتي وتمنياتي بأجازة سعيدة في مصر
معلش انا رديت عليك ومفهمتش معنى كلامك عندى يا ريت توضحه لان واضح ان حضرتك لما بتسيب تعليق مبترجعش تشوف الرد عليه لانى كنت طلبت منك تقول وجهه نظرك فى اتفاقيه كامب ديفي وبرضه مرجعتش قولت يا ريت تقرى ردى
ستيته حسب الله الحمش
اختي الفاضله
اشكرك من اعماق قلبي علي كلماتك الطيبه وانا اسف علي تقصيري لكن و الله عن غير قصد
انا اكتب و اشارك الاخرين بما اكتب احبهم واحترمهم لان التواصل مع الاخرين حياةبالنسبة لي
اعتذر و اعدك بعدم الغياب
تحياتي
الله الله على الاحساس
حلو البوست اوي بجد.. وكلمات رائعة
السهل الممتنع .. بجد حلوة اوي
هازورك كتير .. واتمنى نبقى متواصلين
تحياااااتي يا مبدع
~*§¦§ Appy §¦§*~
رديت علي حضرتك لمنع سوء الفهم
تحياتي
حبيبى احوال الهوى ..
والله انت راجل زى السكر ومجامل
وكمان انت غالى عندى خالص
هو انا اطول ابقى جدك .. يا راجل دا انا يا دوب سنى بالكتير 28 سنه وخلاص .. خلى الطابق مستور
فتافيت
طلعت بلدياتي و لي الفخر بمن مثلك
اتشرف دائما بزيارتك
تحياتي
fashkool
ياحبيب قلبي زي الاب الروحي
تبقي الجد الروحي ليه و ده مالوش دعوة بالسن
تحياتي
إرسال تعليق