السبت، 1 نوفمبر 2008

قــوم يا شبـــاب


قــوم يا شبـــاب ردوا اللي غـاب

صحوا الحضــــــارة من التراب

و كفـــاية تــارة نقـول نصيبنـــا

هو اللي داري شموس و جودنا

او نبقي تـــارة نقـــول جدودنــا

كانــوا منـــارة نــور خــلودنـــا

كفاية نحـكـي سنــين سـاعــات

نحلــم بأمجـــاد الـلي فــــــــات

و نقــــول سبـع تــلاف سنـــة

كنـــا حــامـليـــن الـرايــــــــات

نتـبــــاهي ليـه بعــزم الجــــدود

نستني فــــارس م الهـــــــــرم

يجيب كنـــوز صبـر و صمــــــود

يزرع لنـــا و يحصـــــد بجـــود

قوم ياشبـــاب بعزم و جهــــــاد

بادينـــا نـبني مجــد البـــــــلاد

نـروي العـرق يطرح حصـــاد

نهــدي الامم مهــــد الرشــــاد

قــوم يا شبـــاب ردوا اللي غـاب

صحوا الحضــــــارة من التراب

هناك 43 تعليقًا:

كـــيــــــــارا يقول...

بجد مليانه عزم وحماس

بس كله دايما متكل علي اللي فات ومش بيفكر يبني مجد اللي جاي

طيب زمان عملو عشان احفادهم يفتخرو بيهم تفتكر احفادنا هيفتخرو بينا

أحــوال الهـوي يقول...

بجد انت اللي مليانه عزم و حماس
دائما رقم واحد في التعليق علي مدونتي
شكرا لك متابعتك

الجيل يملك الكثير ليقدمه فقط الغمل و الكفاح و التصميم لتخقيق الذات

تحياتي

فشكووول يقول...

سلاموا عليكم (سبعه ولا الهوا) مش كدا والا ايه .. والله يا عم ماهو شعر ولا حاجه .. انت نسيت ان اسمى فشكول .. دا بس طوب بحدف بيه ناس انت وكلنا عارفينهم عايز احدفهم باى حاجه ما لقيتش غير الشويه الطوب دول احدفهم بيهم .. دى فشكله وانا مش شاعر طبعا انا لما قريت الشوية الشعر بتاعك قلت عندك حق تنتقد اللى مش شاعرين زي انا .. بس والله حتى لو طلع لنا فارس من الهرم ما فيش فايده .. احنا تقريبا وصلنا للحلقوم.. فاكر لما ربنا توه اليهود 40 سنه فى سينا (سنين التيه ) عشان الناس اللى كانت عايشه منهم كانوا متعودين على الذل والخنوع والاستكانه .. عشان كدا لازم الاجيال اللى عايشه دى اللى متعوده على الذل والخنوع والاستكانه تموت وتولد اجيال تانيه .. اصل اللى عملوه فينا العسكر مش شويه .. دى عمايل تهد وتموت امم. شكرا على الزياره .. وارجوا الا تنقطع . وحرمت اقول شعر تانى

أحــوال الهـوي يقول...

اخي العزيز
معذرة كانت زيارتي الاولي في عالمك الجميل و الغريب اعمي
سعدت بزيارتك لاحوال الهوي ومن كتر قراتي للثائرين امثالك تحول لدي اتجاه الريح من هوي العشق و الغرام لانتفاضة التغيير و الوطنية

تقبلني في زمرة مريدينك
تحياتي

mahasen saber يقول...

اهه دهاليى انا بقولهكل ما اشوف الاحتفالات الهستريه بالانتصارات اليى ولت الله ينور عليك
اه احتفل بانتصارتنا وامجادنا بس بالفعل والعمل للاحسن مش بالبذخ والتبذير وكتيرمن شبابنا عاطل بلا عمل
.........
الله ينور عليك وعلى صحوتك دى
.......

mahasen saber يقول...

وانا اسفه واضح انى اتاخرت عليكفى الزياره بس اعتقد انتا عارف الظروف
بيسعدنى وبيشرفنى تواجدك فى مدونتى
وارجو منك كمان مره انك متزعلش من تأخرى فى زيارتك
.......
اختك ام عبدالرحمن

صابر وراضى يقول...

وعليكم السلاااااااااام

والله كلامك صحيح ميه بالميه

لكن فين الشباب اللى هيقوم؟؟؟

صابر وراضى يقول...

وعليكم السلاااااااااام

والله كلامك صحيح ميه بالميه

لكن فين الشباب اللى هيقوم؟؟؟

حاسوباتيه يقول...

حلوه حلوه وجزاك الله خير عليها بجد وياريت فعلا نقوم ونفوق ونتحرك

أحــوال الهـوي يقول...

الاخت ام عبد الرحمن
تحياتي
اذا كان للعزم و الهمة اسم اخر يكون اسمه ام عبد الرحمن اذا كان ما تناضلين من اجله ليس عندا او انتقاما
بشكر لك زيارتك و ادام الله لنا رايك و مشورتك
تحياتي

أحــوال الهـوي يقول...

الاخ صابر وراضي
الشباب موجود و باذن الله فيهم الخير و مادمت صابر و راضي فالصبر جميل

تحياتي و شكرا لزيارتك و رايك

مـجـنـووون يقول...

كلمات جميلة ومعبرة واحساس أكثر من رائع

وبجد عندك حق المفروض نبطل نتكلم عن إلي عملوه الناس إلي قبلنا ونشوف حنعمل أحنا أيه لنفسنا


تقبل مروري
مجنووون

Unknown يقول...

السلام عليكم
ورحمة الله تعالى وبركاته
انا مع تساؤل (صابر وراضى)
بس هم فين الشباب ؟واللى بيفتح بقه بحاجة جد ونافعة فيهم بيروح على أمن الدولة !!!واللى ماشى فى (الهزار )والكلام الفارغ متحطم داخليآ من المناظر والامكانيات اللى بيشوفها فى المسلسلات والافلام او فى نشرة اسعار ومكافأت اللاعبين فى النوادى او فى أجرة المطرباات والمطربين فى الافراح والملاهى
وغيره كتير بتجيب لى انا نفسى ياكبيرة
احباط !احباط! احباط! احباط! أحباط!

Unknown يقول...

السلام عليكم
ورحمة الله تعالى وبركاته
عفوآ لى سؤال ؟هو اللى انا قرأته صح؟
السن:150 سنة؟أحتياطى اكتبها بالحروف مائة وخمسون عامآ؟ربنا يزيد وويبارك
كمان وكمان وكمان :) :) :) :)

عمرو يقول...

الله عليك و على كلماتك الرائعه بجد عجبتنى بس مش حنتكلم فى الوزن ههههه
يا ريت لو عندك قصائد تانيه تنشرها

أحــوال الهـوي يقول...

حاسوباتيه
شكرا لمرورك

و البركة فيكم يا شباب

تحياتي

أحــوال الهـوي يقول...

مـجـنـووون

شرفتني بمرورك
و اذدت شرفابتعليقا فلا تحرمنا من زيارتك
تحياتي

أحــوال الهـوي يقول...

norahaty
لو استسلمنا للاحباط ضعنا و ضاع الحلم
التغيير مش بالسياسة فقط
بناء المجتمع تعني الكل و ليست السياسة الا جزء من متطلبات النهضة و التقدم
بالنسبة للعمر فعقلي عمرة 80 و قلبي 20 و خبرتي 50 يبقي باقي ايه

الحقيقه فضلت اكتب العمر كده لكي اتواصل مع كل الاعمار لو قلت 20 هيقولوا لسه صغير
او 80 ياه جدو 50 بابا عبدو
و ما تنسيش اني طالع م الهرم

تحياتي

أحــوال الهـوي يقول...

عمرو

المهم و صلت الرساله و عجبك الكلام و اذا لم يعجبك الوزن ابقي اوزن بره

تحياتي

funckydoctor يقول...

قدرا وأنا بأقرأ البوست كنت باسمع نشيد أتتنى فى سكون الليل
والمعنى تقريبا واحد
أبكونى معا لكن الموضوع أكبر من أن يصلحه بوست أو نشيد أكبر بكثير
تحياتى

Unknown يقول...

السلام عليكم
ورحمة الله تعالى وبركاته
(بالنسبة للعمر فعقلي عمرة 80 و قلبي 20 و خبرتي 50 يبقي باقي ايه)
انا ارى ان
عقل ال50
وخبرة ال80
وقلب ال20
افضل؟
اليست معى؟

Beram ElMasry يقول...

اخى . احوال الهوى
سلام يليق باحدث صديق
لك كل شكرى لاظهار الخطا خبث بدلا من خبس وقمت باصلاحه فورا
والخطا اوكانبهائم – وهوخطا مطبعى لانى لا احسن الكتابة الا باصبع واحد وقد اصلحته
اومأ - صدقنى يا اخى انا لا اعرف كتابة الهمزة فوق او تحت الالف والمدة والتشكيل على لوحة المفاتيح
صداقتك واجبة وهى شرف لى
تقبل تحتاتى

فشكووول يقول...

أى كدا يا اخو صحح لى معلوماتى .. عمال اقول اقراها ازاى دى ومش عارف اقراها .. قمت مخخت وقلت اللى يعجبنى واللى مش عاجبه يصلح .. قمت انت ما كدبتش خبر وصلحت المعلومه .. ايه رأيك بقى

صبرني يارب يقول...

قوم يا شباب بعزم وجهاد ؟؟

انت بتقول جهاد ؟؟؟؟
يبقى انت بتاع الارهاب

شباب ؟؟؟هما فييييييييين الشباب

تحياتي لحضرتك على الكلام الجميل الى ما عدناش بنسمعه
الاغنيه والوطنيه والشعر الوطني بقى معناه مدح فى حسني للاسف

أحــوال الهـوي يقول...

funckydoctor
نحن نذكر و نحرك الطاقات و نذيب الثلوج و نرفع الغطاءلنستفيق من البيات الشتوي و التجرثم

دعنا ندعو نشير للتائهين علي درب التقدم و نحث و نستحث الغافلين بالقوة الكامنة بداخلهم و نحرك مؤشر السلبيات الي الجهة الاخري
نبدا بانفسنا و قد نري الفرق

تحياتي

أحــوال الهـوي يقول...

norahaty
تصدقي تعبتيني
عمري 50 سنة ارتحتي
و كتبت التاريخ غلط و في الاول ماكنتش عارف اصلحه ازي و لما عرفت قلت مش فارقه
المهم نورتيني يا طب
و من كتاباتك عمرك لن يزيد عن 23 سنه رومانسية طيبة جدا جدا و الباقي بعدين

تحياتي

أحــوال الهـوي يقول...

Beram ElMasry

الفقير الي صديق عمنا بيرم المصري
احمدك يارب
الشرف لي انا
و انا كما تقرا في ملخص البروفيل الا ان سني 50 مش 150 و ده برضة من لوحة المفاتيح

نريد توجيهاتك فيما اكتب

تحياتي

أحــوال الهـوي يقول...

fashkool
المهم سبعه و لا الهوا اهون من احول الهوا

المهم فشكلت الاسم و بكرة هتفشكل ايه تاني

تحياتي

أحــوال الهـوي يقول...

صبرني يارب

انا قصدي مدام جهاد و دي واحدة ما اعرفهاش
يا ابنتي للاسف الكل يحسب ان الجهاد هي الحرب و القتال و لكن اصعب الجهاد جهاد النفس

الشباب موجود و الدليل مدونتك و ما تكتبيه حتي علي طرق الطبخ و الوصفات الشهية لماذا تتعبي و ترشدي غيرك ولو كل في مجال يحبه يدعم به الاخرين
و لو تعلمي ان مقياس الحضارة تعكسه ابداعات الفنانين

تحياتي

Unknown يقول...

السلام عليكم
ورحمة الله تعالى وبركاته
اسفين على التعب يافندم.

أحــوال الهـوي يقول...

norahaty
ياستي انا باضحك معاك
اوعي تزعلي من جدو

تحياتي

د.توكل مسعود يقول...

كفاية نحـكـي سنــين سـاعــات

نحلــم بأمجـــاد الـلي فــــــــات

و نقــــول سبـع تــلاف سنـــة

كنـا حــامـليـــن الـرايــــــــات
******

كلمات رائعة

سلمت يمينكم

شمس النهار يقول...

تفتكر ايه اللي وصل شبابنا انهم يكونوا بالمنظر اللي همه عليه كده
وعلي فكره عشان ماكنش ظالمه مش كلهم بس السواد الاعظم منهم
ليه ماحسناش ان الشباب مستهدفين
ليه ماتعلمناش من اللي حصل في الاندلس
قصيده تمام التمام

أحــوال الهـوي يقول...

د.توكل مسعود
عندما يثني اصحاب الاقلام و الفكر علي عمل و كلمات ما اذداد فخرا و اعتزازا فتحفز قريحتي و يطيعني الهامي
فلا تحرمنا من توجيهاتك
وشكرا لزيارتك

تحياتي

أحــوال الهـوي يقول...

شمس النهار
سيدتي تتعاقب الاجيال و كل جيل يري فيمن يليه الخنوع و التكاسل كما كان يفعل ذوينا
فواجبنا ان نعطي للشباب الثقة نوجههم و نصبر حتي نستثمر عنفوانهم و جهدهم لرفعة الامة الاسلاميه
ان سقوط الاندلس مثال لافتقاد الشباب للقدوه و غياب التوجيه و اي سقطه يتعثر بها الشاب فهناك من لم يحذره و اذا استسلام فهناك من لم يسانده و يؤمن به
و جيل الامهات و الاباء عليهم حمل هذا الدور

تحياتي

فشكووول يقول...

شكرا لزيارتك لى .. والمراجع هى
1- سليم حسن (مصر القديمه) الجزء الاول
2- وول ديورانت (تاريخ الحضاره)الجزء الاول وتتكون من 12 جزء

فشكووول يقول...

على فكره
اعتزر لانى لا اعلق على التعليقات عندى لانى ارى ان من الاصول رد الزياره ولذلك ارد على كل زائر لى اروح له بيته واعلق عنده وارد عليه

أحــوال الهـوي يقول...

fashkool
و جهة نظر الرد في البيت لا بد ان تحترم
وتدل علي الكرم وعزة النفس
و اعتقدان الاوقع ان يكون الرد في نفس مكان التعليق حتي تعم الفائدة فمن جهتي استفيد باراء الاخرين و رد صاحب المقام

و شكرا علي المراجع
تحياتي

ن يقول...

السلام عليكم
شكراً أخى الكريم على مرورك
تركت لك تعليق بمدونتى
كما أتمنى التواصل الدائم
مع خالص تحياتى
أمل فتحى عزت

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

mahasen saber يقول...

الله يكرمك
بس الحمدلله انا مش عبيطه عشان اضيع 3 سنيين من عمرى واسخر جزء لا باس به من وقت ابن وحقه فيا واعصابى وفلوسى على مجرد انتقام
انا لو عبيطه فى اى شئ فى الموضوع ده عاقله جدا
بعدين عمر ما ست تقف فى المحاكم قدام ابو ابنها وزوجها اليى جمعتهم مع بعض عشره واحده عشان اسباب تافهه كده معتقدش

جزاك الله كل خير
وربنا يكرمك بالزوجه الصالحه
وشكرا والف شكر على ذوقك

أحــوال الهـوي يقول...

م/ الحسيني لزومي
شاكر لك فضل زيارتك
جدول الانتخابات؟؟؟؟؟
ممكن اكون سلبي الرأي في نظرك لكني مقاطع الانتخابات و لا يشرفني تضييع الوقت فيها لانها مزورة و اسمي و صوت سوف يستخدم لمصلحتهم و يكفي اللجوء الي اسماء الموتي و العبث باصواتهم لعدم وجود العدد الكافي للصوت لتزويرها

تحياتي