الأربعاء، 15 أكتوبر، 2008

ثقافات بدينة




قدك المياس, و اثق الخطوة يمشي ملكا , وسطك وسط كمانجة

كلها و اضعافها اوصاف تتحدث عن كمال الجسم و تفاصيل الشموخ و رشاقة القوام يتلفظ بها المحب العاشق الذي يري في محبوبته كل حقيقتها الظاهرة و في المقابل تتفنن الفتيات في المحافظة علي درر جمالها ورقة لغتها و اشراقة ابتسامها و لا يجد المحب الا الاستيلاء علي كل تلك الكنوز و يتزوجها

متي حدث الزواج تبدا الخطوات تسلك بها طرق اخري اهمال الرشاقة و اكتساب الاوزان و اذا اكرمها الله بالحمل تدفقت عليها نصائح الامهات بالاكل لانها اصبحت اثنين و الاكل لانها هفتانة ياه مال وشك اصفر حتي تتحول الي كتل من شحم

و تاتي ساعة الولادة و دستور الامهات ينص علي الاكل لانك نفسه الاكل علشان الرضاعة الاكل علشان صحتك و تعبك فتتحول ذات الوسط الكمانجة الي وسط البلد وذات القد المياس الي قد الاكياس و الواثق الملك الي صرح قد هلك

و مهما حاولت فلن يعود الحال الي ما كان عليه

ان التغذية تعني الكيف و ليس الكم

تعقيب يعني الرجالة اللي علي حالهم روح شوف الكرش و الصلعة



هناك 5 تعليقات:

هبة النيــل يقول...

ههههههههههههههههه

التعقيب

كنت هقوله يا فندم

بس مش كدا يعني


هي فعلا الكم وليس الكيف

بس والله ناس كتير دلوقت

بتعمل حمية بعد الانجاب وبيزبطوا

صحيح ممكن مش زي الأول بالزبط

بس كويس بردو

بس اللي بيمزجني جدا في التدوينة دي

"عبقرية العنوان"

a7wal el Hawa يقول...

هبة النيل
ايوه يا دكتورة
انا عارف ان المضمون مستفذ لكنها الحقيقة و بيصعب علي تعب السنين قبل الزوج في التحكم و الرجيم
و انت عندك حق الجيل الجديد قد يكون اكثر حرصا من الامهات و الزيادة في الوزن لا تتعدي النصف................طن

تحياتي

شمس النهار يقول...

تصدق الموضوع ده علي بسطه بس خطير ومهم جدا
بس اعتقد ان البنات دلوقتي ابتدو ياخدوا بالهم من الموضوع ده شويه
ولوان نسب الطلاق في زياده
بس لو كل رجل لفت نظر زوجته للموضوع ده وحاول يحله معاها ويتزمر منه كان حالات كتير انصلحت
لكن الرجل يفضل سايب الدنيا واول ما الدنيا تبوظ يبتدي يتكلم وبعد كده يبص بره ويتجوز ماالجديده برضه هتعمل كده
وكمان ايام الخطوبه كان الرجل يمدح جمالها وشياكتها لكن بعد ماامتلكها خلاص ان قال لها صباح الخير يبقي جميل
مع ان هو لو رعي هذا الجمال والقوام
بعد الزواج هيفضل علي طول وهيكون هو المستفيد
الموضوع كبير عايز ندوه

a7wal el Hawa يقول...

شمس النهار

الرجل هو الملام وهو العامل المشترك لو حدث شئ ما
بس خللي الراجل ينبه زوجته بانها زادت شوية الدنيا تضلم هو انا مش عاجباك ياستي صحتك ’شفت مين امك يعني اللي غصن بان و اختك قد كده و خالتك شجرة جميز يعني تكر كل نساء عيلة جوزها او انه عينه زايغه و بيبص بره
الخ
السكوت افضل
تحياتي

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................