نظرة عين

عيونك خدتني بسحر افتتاني

لدنيا و فاتتني بنظرة و اماني

أتوه في سناها و أضيع في مكاني

عيونك نادتني نسيتك  زماني

أشوفك أضمك بشوقي و جنوني

و صورتك أسيره برمشي و عيوني

تزين لي عمري تكحل جفوني

ده نورك بهرني و خضعت شجوني

دي نظرة تاخدني و نظرة تجيبني

بتسأل و تسأل و مرة تجاوبني

 سعادة و فرحة بنظرة تواعدني

و أهمس لصمتي رجيتك ساعدني

عنــــــــاد

 

يا اللي عاندت فؤادك

و حرمته نعيم نجواه

إرحم هنّاك من سُهادك

ورجع الحب اللي تاه

ده كان الصدق  نور دربك

شروقي من سنا كلامك

و صوت حبك غريد لفظك

و إحساسك فدي غرامك

بقيت بتخبي عن نفسك

تداري الحق عن حالك

و تنكر شوق صدي لوعك

و تمحي صورتي عن بالك

بتكدب ليه علي قلبك

و أنا قلبك و عنوانك

ظلمت هواك بنار صدك

عشان عٍندك و هٍجرْانك

صحيح لوعتٍني بغدرك

و بتآسي من الحرمان

بتنكر يا عليل حبك

و عشقك من دواه ريان

 Essam Allam

عدي الهوي

 

عدي عليه...... الهوي

و أجمل فؤاد في.. إيديه

منقوش  بوشم.... الهنا

 و السحر كُحل.... عنيه

حنان و رقة........ و أنا

 رضيت...يا  حب.. عليه

بصراحه قلبي  إستوي

ملهوف يا شوقي إليه

فضلت.... أراقب دلاله

و بسم.... ضحكه.. برئ

نظرة... عيونه.... ملانه

و همس .. حسه.. جرئ

حسيت.. بقلبي إنشرح

و في يم حضنه غريق

و هبت ... قلبي مناه

بستان بطعم الجنه

سحر و كنز و جاه

و حلم عمري إتهنا

عايش نعيم نجواه

و أغلي حب حلالنا

ياريت نصيبي معاه

نشوة خلوده أملنا

 Essam Allam

تفتكر ده حب

""""""""""""""""""""
تفتكر ده حب

"""""""""""""""""""
لما بيونسي حسك

لما قلبي جاب بسيرتك

لما بسمع كلمة منك
...
القي قدام عيني صورتك

:::::::::::::::::::
تفتكر ده حب

لما اشتاقلك كل ثانيه

اسمع منك ضحكه تانيه

افضفض سري و احكي

و انت صدقك احلي نيه

:::::::::::::::::::::::::
تفتكر ده حب

لما باقلق يوم تغيب

حتي و انت بعيد قريب

باحلمك اصبح في عيد

تفتكر تبقي الحبيب؟
:::::::::::
Essam Allam 

في رقتك

 

في رقتك قسوة داست علي قلبي

و الدنيا ايه تسوي لما يضيع حبي

 سايق عليك الغرام وكل نور سعدي

و كل فرح ابتسام ع الدنيا بيعدي

انك تصون اللي كان و تفتكر قربي

 لما لقيتك هويتك و رضيت تكون دنيا

تشبه نعيم الجنان روعتها حاجه تانيه

لقتني جَنيت الهوان و الدنيا دي فانيه

 تبعد و تنساني من غير وداع و لا لوم

لخبطت لي كياني لا عرفت معني النوم

بتقوللي بتعاني  و انك كمان محروم

 هو اللي قتل مظلوم تعبان و بيعاني

و الا اللي بات  مغبون و الدمعه  منعاني

لولا غرامي ااقول ده حبك الجاني

 في رقتك قسوة داست علي قلبي

و الدنيا ايه تسوي لما يضيع حبي

Essam Allam    

نسيتك

وقلبي اللي دايب تاب

و عمري اللي حبك غاب

وقلت لبكرة من تاني

ياخدني لسكة  الأحباب

و لما كتبت عنواني

لقيتني بأرسمك ف كتاب

راهنت القلب ينساك

و يسلي نبضه في هواك

و قلت الهجر كان كداب

عاتبني حتي ألف عتاب

ورجع حبي من تاني

و عشقي و كل ألواني

وذكري عمري و ياك

و أمحي منها أي عذاب

بحبك و الأماني رضاك

 نسيتك و العيون شيفاك

هجرت الدنيا علشانك

و كل أصحابي و الأحباب

حسبت في النعيم بعدك

لقتني لشوقك إنت عذاب

نسيتك و إنت وجداني

وقلبي اللي دايب تاب

قـابلتــــه

 

 قـابلتــــه بشــــــوق و قابلنــــــي

لقيتنـــــي فـــي عنيـــه نينـــــــــي

لقيتــــــه في هــــــــواه منـــــــــي

و كلمنــــــي .......................

و قــــــــــــال م الكـــــلام اشعــــار

و انـا محتـــــار كلامـــــه اختــــار

و الا سحـــر الطلـــــة و الانــــوار

حكــــيت لــه عن انيــــن روحـــي

فــي بعــــده و هـــــو طمنينـــــــي

شكــــيت لــه من ضنـــي شوقـــي

و رق هـــــــواه و شــــــال عنـــي

و صـــف لـــي الشــــوق و امـالــه

و غطــــــاني الحنــــــان شــالــــــه

 وعـدنــــــي م الغـــــــرام مــــــوال

و روق بالسعـــــــــــادة البــــــــــال

وانــا منــــه بشـــــــوق حيــــــران

وهبنــــــــي ضحكــــــه رســانــــي

علــــي حسنــــــــه و نســـانـــــــي

ليــــالي اللهفــــه ثـوانــــي اللوعه

و امنــــــي ........انـي اطمنــــي

 بحبـــه الباقـــي فــي شعـاعــــــه

ينــــــــور ليــــــه شموس كونـــي 

و طمنـــــــــــي

لمــــــــــا بشـوقــــه قـــابـلنــــــــي