و لما الحب ناداني و لبيته
قطف م الورد و اداني و انا اديته
عطف علي قلبي و حناني فـــ ناجيته
ده يوم فرحي... رقص قلبي... علي غنوة
والحن نسيم.. بشدو حليم...
و ثومه و دندنه حلوه
و بسمة صمتنا جنه.... و نتمني
بنظرة عين بتسحرنا .... فـــ نتهني
و تنهيده علي سهوه
تنادي الشوق و انا باهوي
كلامنا نبض له معني .
..كسوف خدك بيجمعنا
و جمعنا في يوم حبك علي حبي
ده يوم بيساوي طول عمري
و باتمني يطول عمري
علي حبك و شوق قربك
وضمة من حنان قلبك
و لا حيرة و لا سيرة
غير سيرة دلال حسنك
و اوهب لك باقيت عمري
و انا مستني يا عمري
تروق بينا امانينا
و تتحقق امان لينا
.jpg)
