________________

ســـــــــــــــــــر

___________________

لما شفت عنيكي تاني

سر عندي مش هأقوله

إنك العمر اللي جانــــي

بعد ما عدي بطـــــوله

إنك الحب اللي مَنــــيّ

القلب بنظـــرة عيونــــه

إن عشقــي النشـــوان

عدي حــدود جنـــــــونه

الهيام أصبـــح نصـــيب

و الألـــم طـــارح شجونه

دبت في نسم إبتسامك

تهت في تنهيد سكونــه

و لما ضم القلب ســــره

مستحيل أعيش بدونــــه

_____________________________

Essam Allam

________________________

-------------------------------

طـــــول البعد

-------------------------------

ده طول البعد

دوبني و غلبني

و سابني و حيد

أناجي بالهوي سيرتك

أنيس الصبر و أنت بعيد

تروح مني

و أنا بأستني تطمني

بلمسة إيد

لقيتك في الضني ماضي

و قلبك اللي حب عنيد

---------------------------------------

ياويلي من خضوع قلبي

لظلمه و أقول مرتاح

و أكدب جرحي في وجدي

و  أزيده جراح

و أوهب لك رضا  نفسي

لكلمة بس تبقي سماح

و أنسي الآهه والدمعه

حتي فرح عمري راح

-------------------------------------

تعود تشكي علي بابي

تقوللي إن أنا ظالم

وهجرك كان دلال حبك

و إني بس مش فاهم

و أصدق

لأ و الوم ظلمي

و أحلف له وانا عالم

بإنه بكرة راح يهجر

و أنا عايش خيال حالم

-------------------------------------

Essam Allam

--------------------------------------

_______

نسيتك

___________________

وقلبي اللي دايب تاب

و عمري اللي حبك غاب

وقلت لبكرة من تاني

ياخدني لسكة الاحباب

و لما كتبت عنواني

لقيتني بأرسمك ف كتاب

راهنت القلب ينساك

و يسلي نبضه في هواك

و قلت الهجر كان كداب

عاتبني حتي ألف عتاب

ورجع حبي من تاني

و عشقي و كل ألواني

وذكري عمري و ياك

و أمحي منها أي عذاب

بحبك و الأماني رضاك

نسيتك و العيون شيفاك

هجرت الدنيا علشانك

و كل اصحابي و الاحباب

حسبت في النعيم بعدك

لقتني ويا شوقي سراب

نسيتك و انت وجداني

وقلبي اللي دايب تاب

____________________

Essam Allam

____

ليل الهجــــــــــــــر

___________________

تهــــــاجر قبــل مـــــا ترتـــــاح

و تخطف فـــرحتـــــي منـــــــي

ده ليـــل الهجـــر مالــه صبـــاح

كـفيـف القـــلــــــــــب و الننـــي

مـــــرار الصبـــــر بسهـــــادي

طــــوي روحـــــــي و جننـــــي

___________________________

بتــرحـــل يا نديــــــم سعــــــدي

غـــــويت الفــــرح راح و يــاك

و حبـــــك لا رحـــــــم حـبـــــي

و لا دمـــــــع النـــــدم نجــــواك

لا كنت أعـــــرف فيـــك الأســوة

و لا ليـــــه الأســـــــي جـــــواك

_____________________________

تغـــيب الدنيـــــــا بالفـــــرقـــــة

ده أصـــــل النعيـــــم رؤيــاك

و لـــــو عنـــــدي أمـــل بكــــرة

يحيـــــي القـــلب يــوم لقيـــــاك

و هيصيــــــر الهنـــا ذكـــــري

ورود ودك بقت أشــــــــــــواك

و عشقك غـــدره كـــــان فكرة

و مهمــا إن عـانــيت أنســــاك

___________________________

Essam Allam

ســـــــــــــــــؤال
_______________

ســألت هــــواكــي إيــه ذنبـــي

يــــدوب القــــــلب و يـــاكــــــي

و تفضحنــــي عيــــون النــــاس

عـليــــــل عــاشق لـدنيــاكــــي

ربيـــع عمـــري قـابلته فيكــــي

و عطـــــره في الغـــرام باقـــي

تملـــــي بأنظلـــــم و أتـــــــلام

لأنــــي فــــي الوفــــا فـــداكي

يـــا لـحظــــة من رضـا الجنـــــة

و بسمــــة للحنيـن أشـــواقــــي

و مهمــــــا السحــــر يستنــــــي

يتـــــوه عقــــــلــي برؤياكــــــي

تضمــــــي العشـــق يتـهنـــــي

و أنـــا الــراهب بـدنيــاكــــــــي

_____________________________

Essam Allam

_______________________________

عـــــز اللقــــا

____________________________________

عـــــز علينا اللقــــا و تاهت... خطاوينـــــــا

ولما عشنا التمني لا رحنـــــا و لا جينـــــــا

فضلنا نحلم ببكـــره و عــــدي الزمن بينـــــا

أصبــح لقانــا محــال يا حـال صعبت علينــــا

*********************************

كنت فـــاكر إن عشقــي يشفـــع ليـــه عنـــدك

إن مهمــا البعد يكـره بكــرة يحن عليا قلبــــك

توهبي للعمر ذكري اللي ضاع من غير ما أقابلك

*********************************

عـــز علينـــا الغـــــرام و العشـق كــان إالهـــام

إحســــاس بنشــوةألــــم شعــــور فؤاد و لهـــان

ده حتـــي كلمــة وداع ضــاعت مع النسيـــــان

************************************

Essam Allam

****************
كل عـــــــــــــام

*****************
كـــل عـــام بأحتفل بـوجودي بيكــــــي

وإن عمــري إبتــــدا بنظــرة عنيـــــك

لمـــا شفت الحب كلمـه بلون شفايفك

رســـمت علــي خدودي نشوة تناديكي

و حُضــن ودي عَطــره ورد بإيديكـي

*********************
فاكرة كلمة حبي همسةْ شوق حنـــان

وشوش رضاكي فإبتسم فرحة و أمان

دُبت حيرة و فيها و إتنسي معني المكان

كلمه خطفتها السعادة من غدر الزمــان

و إتحسب عمري يا عمري وقت الإفتتان

********************
شفت نــور كســوفك و تسبيل العيــون

حتي الرضــا نظـرة صافتني بألف لون

و لما نطق الصمت صوتك ناي حنــون

قــال بأحبك من سحرها تاب الجنــون

بأعشقك و أي شئ في الكون يهــون

********************
Essam Allam

*******************

دايمــا بتنســي

#########

حملة التدوين الأسبوعي

#########

دايما بتنسي الوعــود

و تعـود  تغيب تانـــي

وترجع تقوللي بأحبك

وفــي لحظــة تنساني

لا سايبلي فرصه أروق

أو أنســــي أحزانـــــي

خلتنــي أطول السحاب

و أجـاور نجـوم قمـرك

عايش فـي غنـوة أمـل

يكتبـــها نعيــم أمــرك

و لمــا حــان الــــوداع

داق الضنـــــي دمعـــك

حــبك وأهــب خيالــي

بنشـــــوة  الوجـــدان

هجرك شاغللي بالي

بالقسوة و الحرمان

توعدني أعشق ليالي

وصل الغرام فتـــان

ولما تخلف وعودك

الهجر صار ندمان

############

Essam Allam

###########

****************
نظــــــــرة عنيــــك

****************حملة التدوين الاسبوعي

لمحت البسمة في عيونك

وخدك بالورود مكسوف

و كُحل الشوق علي جفونك

بيفضح قلبك الملهوف

تداري النظرة .... بتخونك

و سر عشقك المكشوف

تقوللي ع اللي بات سهران

يناجي حبيبك الملهوف

حضنتك و الحنان راضي

يدفي من شجوني كفوف

ده و إن كان العبير نشوي

حسنك خمرة تهدي ألوف

حبيبي ده عشقك الولهان

شال من قلبي طعم الخوف

و بأتحدي صعاب الويل

مدام هارجع لقلب عطوف

************
Essam Allam

***********

ما كرهتنيش

حملة التدوين الاسبوعي

_______________
 
ما كرهتنيش ؟؟
 
 
 

إزاي بقي خلتني أعيش
 
و كل ما أسئل ليه هجرت
 
تقول مفيش
 
ولما يوم بموت بغدرك
 
يجي بكره ما تصحنيش
 
 
هاجر و قادر ع الخداع
 
و في طريقك قلبي ضاع
 
ما فضلش منه غير ملامح
 
دقه منتظره الوداع
 
 
ما كرهتنيش؟؟
 
شايف بعيون الناس جمالك
 
و إن مفيش ف الكون مثالك
 
حتي حبي ما طال خيالك
 
فإرحمني من قسوة حنانك
 
 
ما كرهتنيش؟؟
 
و الذكري عندك كان و فاتت
 
بكل ما فيها و الفرحه هانت
 
و أنا بيها عايش دنيا تانيه
 
نفحة سعاده بالأمس كانت
 
_________________
 

 

Essam Allam
_________________

 

 

نظرة عين

عيونك خدتني بسحر افتتاني

لدنيا و فاتتني بنظرة و اماني

أتوه في سناها و أضيع في مكاني

عيونك نادتني نسيتك  زماني

أشوفك أضمك بشوقي و جنوني

و صورتك أسيره برمشي و عيوني

تزين لي عمري تكحل جفوني

ده نورك بهرني و خضعت شجوني

دي نظرة تاخدني و نظرة تجيبني

بتسأل و تسأل و مرة تجاوبني

 سعادة و فرحة بنظرة تواعدني

و أهمس لصمتي رجيتك ساعدني

عنــــــــاد

 

يا اللي عاندت فؤادك

و حرمته نعيم نجواه

إرحم هنّاك من سُهادك

ورجع الحب اللي تاه

ده كان الصدق  نور دربك

شروقي من سنا كلامك

و صوت حبك غريد لفظك

و إحساسك فدي غرامك

بقيت بتخبي عن نفسك

تداري الحق عن حالك

و تنكر شوق صدي لوعك

و تمحي صورتي عن بالك

بتكدب ليه علي قلبك

و أنا قلبك و عنوانك

ظلمت هواك بنار صدك

عشان عٍندك و هٍجرْانك

صحيح لوعتٍني بغدرك

و بتآسي من الحرمان

بتنكر يا عليل حبك

و عشقك من دواه ريان

 Essam Allam

عدي الهوي

 

عدي عليه...... الهوي

و أجمل فؤاد في.. إيديه

منقوش  بوشم.... الهنا

 و السحر كُحل.... عنيه

حنان و رقة........ و أنا

 رضيت...يا  حب.. عليه

بصراحه قلبي  إستوي

ملهوف يا شوقي إليه

فضلت.... أراقب دلاله

و بسم.... ضحكه.. برئ

نظرة... عيونه.... ملانه

و همس .. حسه.. جرئ

حسيت.. بقلبي إنشرح

و في يم حضنه غريق

و هبت ... قلبي مناه

بستان بطعم الجنه

سحر و كنز و جاه

و حلم عمري إتهنا

عايش نعيم نجواه

و أغلي حب حلالنا

ياريت نصيبي معاه

نشوة خلوده أملنا

 Essam Allam

تفتكر ده حب

""""""""""""""""""""
تفتكر ده حب

"""""""""""""""""""
لما بيونسي حسك

لما قلبي جاب بسيرتك

لما بسمع كلمة منك
...
القي قدام عيني صورتك

:::::::::::::::::::
تفتكر ده حب

لما اشتاقلك كل ثانيه

اسمع منك ضحكه تانيه

افضفض سري و احكي

و انت صدقك احلي نيه

:::::::::::::::::::::::::
تفتكر ده حب

لما باقلق يوم تغيب

حتي و انت بعيد قريب

باحلمك اصبح في عيد

تفتكر تبقي الحبيب؟
:::::::::::
Essam Allam 

في رقتك

 

في رقتك قسوة داست علي قلبي

و الدنيا ايه تسوي لما يضيع حبي

 سايق عليك الغرام وكل نور سعدي

و كل فرح ابتسام ع الدنيا بيعدي

انك تصون اللي كان و تفتكر قربي

 لما لقيتك هويتك و رضيت تكون دنيا

تشبه نعيم الجنان روعتها حاجه تانيه

لقتني جَنيت الهوان و الدنيا دي فانيه

 تبعد و تنساني من غير وداع و لا لوم

لخبطت لي كياني لا عرفت معني النوم

بتقوللي بتعاني  و انك كمان محروم

 هو اللي قتل مظلوم تعبان و بيعاني

و الا اللي بات  مغبون و الدمعه  منعاني

لولا غرامي ااقول ده حبك الجاني

 في رقتك قسوة داست علي قلبي

و الدنيا ايه تسوي لما يضيع حبي

Essam Allam